Ватаным-Башҡортостан!(Исем буйынса йомғаҡлау)
план-конспект урока (5 класс) на тему

Тема: «Ватаным - Башҡортостан!

              (Исем буйынса йомғаҡлау дәресе)

Маҡсат:1. Исем буйынса үтелгәнде ҡабатлау, нығытыу, белемде тикшереү һәм баһалау.

                2. Фекерләү һәләттәрен,һөйләм төҙөү, һөйләү күнекмәләрен үҫтереү.

                3.Илһөйәрлек, телһөйәрлек тойғоһо тәрбиәләү.

Йыһазландырыу: компьютер, экран, проектор, электрон дәреслек

Дәрес барышы:

1. Ойоштороу( шиғыр менән)

                           Башҡортостан- Тыуған илем,

                           Яңыбай- тыуған ерем.

                           Бәхетлемен ошо ерҙә

                           Һөйләшәмен туған телдә.

- Рәхмәт, уҡыусылар! Дәрестә әүҙем булырһығыҙ тип ышанам.

2.Дәрес маҡсатын бергәләп билдәләү- экранда шиғыр:

                  Ватан ул, ҡыҙым, Тыуған ил,

                  Бына беҙ торған урын.

                  Был ерҙә ғүмер кисергән

                  Ата-бабайҙар борон.- ҡайҙан алынған был юлдар?

- шиғыр юлдарын күсереп алырға һәм һәр һүҙҙең ниндәй һүҙ төркөмөнә ҡарауын

 билдәләп өҫтөнә яҙырға.

- Шиғырҙың төп фекере нимә? Ниндәй һүҙ төркөмө күп?

Уҡытыусы:- Эйе, исем  тураһында үтелгәндәрҙе ҡабатлау, нығытыу, белемде тик-

                        шереү дәресе. Һөйләшеү « Ватаным- Башҡортостан» темаһы тирәһенә

                       тупланасаҡ.

                        Дәфтәрҙәргә число, теманы яҙыу.

3.Экранда һүҙҙәр:

                       Ҡурай, « Аманат» журналы, беҙ, йырлайбыҙ, Салауат, матур, 20, яҙа,

                       Президент, Уралтау, ғорурланабыҙ, йүгерә, йылға, күлдәр,  5,  быйыл.

- Бирелгән һүҙҙәр араһынан исем һүҙ төркөмөнә  ингәндәрен яҙып алығыҙ.

  Шул исемдәрҙе индереп 4 һөйләм яҙығыҙ( үҙ аллы)

- Тикшереү, баһалау.

4.Электрон дәреслек менән эш:  тест һорауҙарына яуап биреү.

    Үҙ- ара алмашып тикшереү, баһалау.

5.Дәреслек менән эш:

                      54-се күнегеү

    - тасуири уҡыу.

    - Ни өсөн бәхет үҙ еребеҙҙә?- тиелә.

    - Яңғыҙлыҡ һәм уртаҡлыҡ исемдәрҙе бағаналап яҙып алырға.

 6. Ижади эш: үҙ тыуған ауылығыҙ тураһында  3-4 һөйләм яҙығыҙ.

     -  Тикшереү, баһалау.

7. Ял минуты:- 1,2,1,2- һәр иртә

                            Саҡыра беҙҙе саф һауаға

                             Спорт менән дуҫ булыу файҙалы

                            Мәктәптә уҡыған балаға.

                             1,2,1,2…

    -  Әйтегеҙ әле, кем иртәнсәк зарядка эшләй?( ҡыҫҡа ғына әңгәмә)

8.Төркөмдәр менән эш:

                            1. Ауыл, төйәк һүҙҙәрен эйәлек затында үҙгәртә

                            2. Ағиҙел, илем- килеш менән

                            3.Башҡорт -хәбәрлек затында,  1-әр һөйләм төҙөргә.

   - тикшереү

9.Экранда һөйләмдәр:

  - Исемдәр ниндәй һөйләм киҫәге булып килә?

   А)  Илем, әгәр сикһеҙ йыһан икән,

          Мин күгендә янар йондоҙмон.( эйә, хәбәр)

   Б)Тыуған илде һаҡлау_- ата- әсәңде яҡлау.(тултырыусы)

   в)Илдең ҡәҙере ситтә беленә.( аныҡлаусы, хәл)

 Һығымта:- исемдәр ниндәй һөйләм киҫәге була?( бөтә)

                   - һөйләмдәрҙең мәғәнәләрен нисек аңлайһығыҙ?

10.Рефлексия:

                  - Нимәләр белдегеҙ? Тыуған ил ҡайҙан башлана?

11. Өй эше: 1. 57-се күнегеү

                          2.Ватан тураһында шиғыр яҙығыҙ.

                      3. Башҡортостан һүҙенән төп килештәге исемдәр төҙөгөҙ.

12.Баһалар ҡуйыу.

13.Дәресте «Башҡорт телендә һөйләшәм» йыры м-н тамамлайыҡ!