Конспект занятия
план-конспект занятия ( класс) на тему

Калмыцкий республиканский институт повышения квалификации работников образования

Конспект интегрированного занятия

Тема: «Алтн намр»

Старшая группа

Составители: группа №2

 Сератирова К.С.  МКДОУ №22

Горяева С.С.  МКДОУ №16

Бадмаева В.В.  МКДОУ «Байр»

пос. Эрдниевский  Юстинский р-н

Элиста, 2016

Төр : Алтн намр.  Кичәл-зуульчлҺн.

Кичәлин күцл:  

МедлҺнә әӊгин күцл:

сурҺулин күцл – намрин йиртмҗин туск медрл өгх;

өргҗүллҺнә  күцл –күүкдин уха өөдлүлҺн;

сурҺмҗин күцл - эврә Һазртан дурта болдг сурҺмҗ өгх.

Художественн-эстетическ әӊгин күцл:

сурҺулин күцл - көдлмштән зус олзлх дасхх, композиц тогтадг дасхх;

өргҗүллҺнә күцл - цааранднь Һарин эрдмин эв-арҺ өөдлүлх;  

сурҺмҗин күцл - кесн көдлмшән күцәдг сурҺмҗ өгх.

Олзлсн эв-арҺс: күүндвр, эврә көдлмш, дидактическ наадн, дүӊцүллҺн, сурврмуд, ИКТ.

Дөӊцлмүд: компьютер, зургуд, хамтхасд, көгҗм, зус, биир, кевсин болн вазин трафаретмүд, арчурмуд.

Урдк көдлмш: сергләнд хамтхасд цуглулҺн.

Кичәлин йовуд.

I. Оргмомент.

Эклц әӊг.

II. Күүндвр. Мульти-медиа.

СурҺмҗлач күүкдт Шугран Веран «Алтн намр» гидг шүлг умшна:

Алтн ширән намр

Әрә моднд күргв.

Нимгн шар хамтхасд

Нисч Һазр бүркв.

СурҺмҗлач: «Күүкд, эн шүлгт Шугран Вера намриг алтн гиҗ келҗәнә.   ЯҺад шүлгч намриг алтн гисиг мадн ода паркар зуулльчлад медхм. (Экран деер слайдар намрин зургуд үзүлгдҗәнә).

Һол әӊг.

«Парк» гидг станц.

СурҺмҗлач: «Юӊгад намриг алтн җилин цаг гиҗ келнә? (Намрт модна хамтхасд шарлна, улана Һазр бүркнә. Цуг эргндк шар алтн мет болна)».

СурҺмҗлач: «Ямаран намрин темдгүд тадн бас меднәт? (Серүн салькн үләнә. Хур орна, бальчг болна. Нарн баҺар халулна).

СурҺмҗлач: «Юӊгад намрар хамтхасд шарлна?! Күүкд, намрар нарн баҺар халулхла, хамтхасд нарна толян баҺ болна. Тиигәд хамтхасд ноҺан өӊгтә болхш, шар, улан өӊтә болна.

Шар хамтхасиг алтн гиҺәд юунла ирлцүлнә?». (Хамтхасиг алтнла ирлцүлнә).

СурҺмҗлач: «Алтн ямаран өӊтә?» (Алтн шар өӊгтә).

СурҺмҗлач: «Хамтхасд ямаран өӊтә?» (Хамтхасд шар өӊтә).

СурҺмҗлач: «Тиигхлә, хамтхасиг алтн гиҗ болхий?» (Э-э, хамтхасиг алтн гиҗ болх).

«Лаборатория» гидг станц.

Компьютерар видео-эксперимент үзүлгдҗәнә (демонстрация видео-эксперимента роста листьев в различных условиях (летом-осенью).

III. Тәәлвртә тууль.

СурҺмҗлач: «Күүкд, ода тиим тәәлвртә тууль соӊстн.

Салькнд көөгднә, көлд ишкгднә. Эн юмб? (хамтхасд)».

IV. Хамтхасд шинҗллҺн.

СурҺмҗлач: «Мадн сергләнд дала хамтхасд цугллавидн. Хәләтн, эн ямаран хамтхасд? (шар, улан, оошк, ик, бичкн, нимгн, алтн бәәдлтә хамтхасд)».

V. Физминутк «Серүн салькн».

Алтн намр ирнә,

Садын модд нәәхлнә.

Салькн дора-дора,

Модна ацмуд деер.

Сер-сер салькн үләнә,

Бүр-бүр хур орна,

Хамтхасд шарлад, улаҺад унна.

Чилгч әӊг.

«Эрдм» гидг станц.

VI. Һарин көдлмш.

СурҺмҗлач: «Ода болхла, эн хамтхасар баган кеерүлхмн. Эн сәәхн хамтхасар ю кеҗ болх? (цецгүд, зара, кевс болн нань чигн кеҗ болх)».

СурҺмҗлач күүкдиг хойр багар хувана. Нег баг дурарн хамтхасар цецгүд тогтаҺад, эврәннь ваздан нааҺад кенә. Хойрдгч баг болхла, дурарн кевс хамтхасар сәәхрүлнә. Күүдиг көдлмшән кесн цагт арҺулхнар намрин айс тәвгднә.

СурҺмҗлач күүкдиг көдлмшән төгсәснә хөөн баг болҺнас сурна: «Тадн ю кеввт? Ямаран кевәр кеввт?» (Мадн шар улан хамтхасар цецгүд кевв. Мадн олн-зүсн хамтхасар кевс сәәхрүлвдн. Күүкд нег-негндән көдлмшән үзүлнә).

VII. Ашлвр.

СурҺмҗлач: «Ямаран сәәхн кегдлмүд тадн кеввт! Эдн ода мана багд онц орм эзлх»

СурҺмҗлач: «Намрин цаг таднд таасгдна? Юӊгад?» (Намрин цаг маднд йир таасгдна. Цуг эргндк бәәдл йир сәәхн, алтн болҗ медгднә).

СурҺмҗлач: «Юӊгад намриг алтн гиҗ келнә?» (Намрар нарн баҺар халулхла, хамтхасд нарна толян баҺ болна. Тиигәд хамтхасд ноҺан өӊгтә болхш, шар, улан өӊтә болна. Хамтхасд алтн мет шар болна).