"Ананың анасы" Габит Мүсірепов
план-конспект урока (7 класс) по теме

Ақтөбе қаласы

№ 1 орта мектеп

Қазақ тілі мен әдебиеті мұғалімі

Қалмағамбетова Гүлжамила Шынтасовна

Сабақтың тақырыбы: Ғабит Мүсірепов «Ананың анасы» әңгімесі.

Сабақтың мақсаты: оқушыларды жазушының өмірі және шығармашылығымен таныстырып,білім қоржындарын толықтыру; әдеби-көркем сөйлеу тілін дамыту, өз ойларын еркін жеткізе білуге бейімдеп, логикалық тұрғыдан ойлауды қалыптастыру; өмірдегі ең жақын да қымбат адам анаға тағзым ете білуге, сыйлауға, адамгершілікке тәрбиелеу.

Сабақтың түрі: жаңа тақырыпты игеру.

Сабақтың әдісі: сын тұрғысынан ойлау, іздену, ойқозғау.

Көрнекілігі: жазушының портреті, ана суреті, ана туралы өлең жолдары.

Құрал-жабдығы: интерактивті тақта, магнитофон.

Пәнаралық байланыс: тарих, музыка.

Сабақтың барысы: І. Ұйымдастыру бөлімі.

-сәлемдесу, класс оқушыларының сабаққа қатысымын тексеру.

-флеш-тренинг өткізу./ класта жылы, сабақтың нәтижелі өтуіне  ортаны қалыптастыру/ Оқушылар ортаға шығып, сағаттың тілімен бір-біріне бүгінгі күнге, сабаққа, аптаға жылы тілектерін білдіреді./

ІІ.Сабаққа қызығушылығын ояту. а) «Менің анам....» / «Сөйлемді аяқта» әдісі бойынша әр оқушы өзінің анасы туралы ой қозғайды./

                                                           ә) «Бас иеміз аналарға» / Ана туралы жазылған өлең, шығармаларды еске түсіру кезеңі./

ІІІ. Жаңа сабаққа кіріспе. / Оқушыларға интерактивті тақтаның көмегімен Ғабит Мүсіреповтың өмірі және шығармашылығы туралы бейнефильм ұсынамын.Сондай-ақ «Ананың анасы» әңгімесіне қысқаша тоқталып өтемін. Себебі, бұл әңгімені оқушылар өз беттерінше үйден оқып келді./

- Оқушылар көрген бейнефильмдерін пысықтау барысында, топқа бөлініп  хронологиялық кесте жасайды.

-«Ананың анасы» әңгімесі бойынша жұмыс: а) «Кім жылдам» ойыны бойынша әңгімеден ананың портретін табу.

  ... Бейшараның боз көйлегі жырым-жырым. Қолдары қарғаның тұяғындай қап-қара. Еріні қырық тілінген, жарық-жарық. Бірақ түйілген қабағынан, от жанған көзінен жанын шошырлық.

                                                                              ә)Жұптық жұмыс түрі: әңгімеден тұрақты тіркестерді, афоризмдерді, теңеу сөздерін табу. / Мысалы: Соның суық ызғары табанымнан, қара таңбасы маңдайымнан әлі кеткен жоқ. Оқтаудай ойнап, киіктей орғып, жұлдыздай ағып.т.б./

ІV. Сабақты бекіту бөлімі. а)Топтық жұмыс, әр топ өзінің қарсыласына

«Жуан-жіңішке» сұрақтар әдісі бойынша сұрақ қояды.

              ә) Әңгіме мазмұны бойынша «Ана» портретін салу.

              б) Класс болып «Ана туралы» өлеңін орындау.

V.Бағалау. Үй тапсырмасы / «Ана алақаны» тақырыбына эссе жазу.