“Яшь талантлар” түгәрәгенең

 эш программасы

Укытучы: Әhлиева Г.Ф.

2011-2012 нче  уку елы

Аңлатма язуы

Укучыларның дөньяга карашларын киңәйтүдә, дәрестә алган белемнәрне ныгытуда, тел-әдәбият белән кызыксыну тәрбияләүдә тел түгәрәкләренең әhәмияте зур. Әлеге түгәрәкләрне өстәмә материаллардан файдаланып, аларны зәвыклы, укучылар күңеленә матурлык өсти торган итеп оештырырга кирәк. Китап укырга, аны аңлый белергә өйрәтү дә зур осталык сорый. Халыкның күп гасырлык рухи тәҗрибәсен саклаучы hәм яклаучысы булган туган тел- яшь буынга белем hәм тәрбия бирүдә иң мәшhүр педагог. Туган тел- милли мәдәниятнең аерылгысыз өлеше, милли киләчәк нигезе, халыкның яшәгән, яши торган hәм яшәячәк буыннарын бер биеклеккә күтәрә, тарихи яктан бергә бәйли торган җанлы hәм ныклы элемтә булдыручы.

hәр халык мәдәни, тарихи, әхлакый hәм башка байлыкларга ия. Әлеге байлыклар hәрберебезнең туган төбәгендә бар. Түгәрәкнең эше барышында туган ягыбызның күренекле шәхесләре белән, аларның иҗаты белән якыннан танышу бик урынлы дип уйлыйбыз. Безнең Әлмәт ягы талантларга бик бай як. Язучылыр союзында гына да 30дан артык әгъза hәм 10лап үзешчән композитор бар. Аларның күбесе балалар өчен бик тәрбияви әсәрләр иҗат итә. Нигә әле аларның иҗатын үрнәк тиеп алмаска?

Шуларны истә тотып түгәрәк түбәндәге максатлар куя:

1. -укучыларда Әлмәт шагыйрьләренең иҗаты турында күзаллау булдыру;
2. -яшь буында шигърияткә карата хөрмәтле мөнәсәбәт булдыру;
3. әхлак hәм эстетик тәрбия бирү;
4. -рухи hәм әхлакый сафлыкка ия булган иҗади шәхес үстерергә тырышу.

Бу максатлар түбәндәге бурычлар белән хәл ителә:

1. -укучыларның танып-белү күнекмәләрен, кызыксынуларын үстерү. Аларның дөньяга карашын киңәйтү;
2. -балаларда үз халкы, мәдәнияты белән горурлану хисләре тудыру;
3. -баларда иҗат итү омтылышы уяту;
4. -аларда милли үзаң, милли рух тәрбияләү.

“Яшь талантлар” түгәрәге атнага 1 сәгать исәбеннән төзелде.

Барлыгы елга- 34 сәгать.

    Түгәрәк урта яшьтәге мәктәп балалары өчен оештырылды.