Дәрес эшкәртмәсе : "Үсемлекләрнең туфрактан туклануы"- 6 сыйныфта биология дәресе
план-конспект урока по биологии (6 класс)

      Дәрес тибы: белемнәрне ныгыту һәм яңа белемнәр үзләштерү.

      Максат: үсемлекләр мисалында туклану процессы турында күзаллауларны киңәйтү.

      Бурычлар:

      Белем бирүдә: үсемлекләрнең мөһим тормыш эшчәнлеге процессы буларак туфрактан туклануның әһәмияте турында белемнәр формалаштыру, ашламаларның классификациясе белән таныштыру.

      Үстерелешле: алынган мәгълүматны чагыштырып анализлый, үз фикереңне әйтә һәм дәлилли белү күнекмәләрен үстерүне дәвам итү.

       Тәрбияви: терек табигать объектлары белән аралашу культурасы формалаштыруны дәвам итү.

      Планлаштырылган белем бирү нәтиҗәләре:

      Предмет : үсемлекләрнең туфрактан туклануы һәм әлеге процессның әһәмияте турында белемнәр формалаштыру, ашламаларның төрләрен ачыклау, төшенчәләргә аңлатма бирә белү.

      Шәхескә кагылышлы: укуга карата теләк-омтылыш, җаваплы караш булдыру.

      Метапредмет нәтиҗәләр:

      - танып белү: төрле чыганаклардан кирәкле мәгълүматны аерып ала белү, алган мәгълүматлардан файдаланып проблемалы сорауларга җавап бирә алу, белемнәрне яңа ситуациядә куллану, укытучы җитәкчелегендә тәҗрибәләр ясау, күзәтүләр алып бару.

      - регулятив: дәрескә максат кую, эшчәнлекне планлаштыру, проблемалы ситуацияларда ориентлаша белү, кабул ителгән карарларның дөреслеген мөстәкыйль рәвештә бәяләү, кирәкле төзәтмәләр һәм өстәмәләр кертү.

      - коммуникатив: фикереңне аңлаешлы сөйләм төзеп телдән матур итеп әйтү, үз фикереңә ышандыра белү, иптәшләреңнең фикеренә хөрмәт белән карау.