Адамдардың табиғатсыз күні жоқ, Табиғаттың мұны айтуға тілі жоқ (экологиялық жинақ)
методическая разработка по биологии (7, 8 класс) по теме

    Туған жеріміздің уылжыған табиғатын қорғау, оны қастерлеп, қадірлеу - әрбір адамның парызы. Жас жеткіншектерге экологиялық тәрбие беру – бүгінгі күннің өзекті мәселесі.

   Экология ғылымының нақты нысанасы – қоршаған ортаның қазіргі жай-күйі, Жер табиғатын аяушылықпен ұғыну, оның соншалықты нәзік екендігін, өркениеттің дамуы нәтижесінде тозып, жұқарып бара жатқандығын зерделеу болып табылады.

   Өндірістің дамуы табиғаттың сан түрлі салаларын шаруашылыққа қарқынды пайдалануды талап етіп отыр. Жер, орман, жануарлар дүниесі, пайдалы қазбалар, су ресустары барынша кең көлемде пайдалануда. Өндірістің дамуы табиғи ресустарды азайтып қана қоймай, қоршаған ортаның ластануы проблемасын тудырып отыр. Өндірістік қалдықтар, жасалған ядролық жарылыстардың зардаптары және автокөліктен шығатын улы газдар ауаны, су айдындарын, топырақты барынша ластауда. Антропогендік әсерлер топырақтың құнарлылығына, өсімдіктер мен жануарлардың тіршілігіне ғана емес, адамдардың денсаулығына да үлкен қауіп төндіруде.

    Әдістемелік оқу құралының мақсаты - түрлі табиғатқа байланысты, жыл мезгілдері мен туған жерге арналған өлең-жырлар, жұмбақтар мен жаңылтпаштар, сан алуан сөзжұмбақтар арқылы оқушылардың білік-дағдыларын қалыптастыра отырып, табиғатты қорғауға тәрбиелеу.