Урок "Уçă сасăпа пĕтекен япала ячĕсен вĕçленĕвĕ" 4 класс 5.12.2019
план-конспект урока (4 класс)

Уҫӑ сасӑпа пӗтекен япала ячӗсен вӗҫленӗвӗ

Урок тӗллевӗсем:

1) япала ячĕ çинчен вĕреннине, падежсем çинчен вĕреннине, хупӑ сасӑпа пӗтекен япала ячӗсен вӗҫленӗвӗ çинчен вĕреннине аса илни; уҫӑ сасӑпа пӗтекен япала ячӗсен вӗҫленӗвӗпе паллаштарасси;

2) япала ячĕсемпе пуплевре тӗрӗс уса курма хǎнǎхтарасси; ачасен пуплев культурине тата логикǎлла шухǎшлавне аталантарасси;

3) пӗр-пӗрин шухǎшне, калаçǎвне итлеме хǎнǎхтарасси; ачасен тавçǎрулǎхӗпе ǎнкарулǎхне аталантарасси.

Урок юхӑмӗ. Урока йӗркелени. 
- Ырă кун пултăр, хаклă ачасем. Эпĕ сире курма питĕ хавас. Паян пирěн уҫă урок, çавна май пирěн патра хăнасем те пур. Хăнасене сывлăх сунатпӑр. 

- Сывлăх сунатпăр, хисеплĕ хăнасем! 

- Халĕ доска çинчи сарă хĕвел çине пăхăр-ха. Сире паян урокра çак сар хĕвел пек савăк кăмăл сунатăп. Халь пĕр-пĕрин çине пăхса илер, ăшă кулӑ  парнелĕр.

- Ларăр. 

Вӗреннине аса илни (Доска ҫинче е слайд ҫинче)
Кашни хуравшăн сире жетонсем паратăп. Вĕсене нумайрах пухма тăрăшăр. Урок вĕçĕнче вĕсем сире хаклама пулăшĕç.

-Ачасем экран çинчи ÿкерчĕк çине пăхса илер-ха. Мĕн куратпăр эпир унта? («Ҫарăк» юмах) (1 СЛАЙД)

«Ҫарăк» юмахри сӑнарсене аса илер: асатте, асанне, мӑнук, йытӑ, кушак, шӑши (2 СЛАЙД)

Ҫак юмахри сăнарсем пурте япалана пĕлтерекен сăмахсем, кам? мĕн? ыйтусем çине хуравлаççĕ.
- Иртнӗ уроксенче вӗреннине аса илер.

1) Малтан ҫак ыйтусем çине хуравлар:
- Мěн вăл япала ячĕ?

- Япала ячĕн ыйтăвĕсем? (3 СЛАЙД)

- Чăваш чĕлхинче миçе падеж? (4 СЛАЙД)

Хуравсене слайд ҫинче тӗрӗслетпӗр.

2) Халӗ хупӑ сасӑпа пӗтекен япала ячӗсен вӗҫленӗвӗ çинчен вĕреннине аса илер.

Мӑнук, кушак сӑмахсене кирлӗ падежра лартмалла (КАРТОЧКАСЕНЕ ВАЛЕÇНИ)

Хуравсене слайд ҫинче тӗрӗслетпӗр. (5 СЛАЙД)

Урок темипе, тӗллевӗсемпе паллаштарни. 

- Асатте, асанне, йытӑ, шӑши сӑмахсем мӗнле сасӑпа пӗтеҫҫӗ? (уҫӑ сасӑпа пӗтеҫҫӗ) (6 СЛАЙД)

- Апла пулсан эпир паян мӗнле сасӑпа пӗтекен сӑмахсене падежсем тӑрӑх вӗҫлеме вӗренӗпӗр?

Уҫӑ сасӑпа пӗтекен япала ячӗсен вӗҫленӗвӗпе паллашӑпӑр (УРОК ТЕМИ 7 СЛАЙД)  

Ку тема паян пирӗн ҫарӑк пулать, юмахри сӑнарсем пире ӑна кӑларма пулӑшаҫҫӗ.

Çӗнӗ материалпа ӗҫлени. 
- Паянхи число ҫыратпӑр. Таса ҫыратпӑр. 

АСАТТЕ (8 СЛАЙД)

Кӗнекери 173-мӗш хӑнӑхтарӑва пурнӑҫлӑр.
Правило вулатпӑр (пӗр ачана вулатармалла).

АСАННЕ (9 СЛАЙД)

Ĕҫ тетрачӗнчи хӑнӑхтарӑва пурнӑҫлӑр.

Хуравсене слайд ҫинче тӗрӗслетпӗр. (10 СЛАЙД)

Кану вӑхӑчӗ  (11 СЛАЙД)
Пӗрре, иккӗ, виҫҫӗ, тӑваттӑ – Физкультура тумалла! 
5, 6, 7, 8  – Пирӗн вӑйлӑ пулмалла! 
1, 2, 3, 4 – Физзарядка юрататпӑр, 
5, 6, 7, 8 – Пурте харӑссӑн утатпӑр! 

МĂНУК (12 СЛАЙД)

Кӗнекери 174-мӗш хӑнӑхтарӑва пурнӑҫлӑр.

Правило вулатпӑр (пӗр ачана вулатармалла).

Урока пӗтӗмлетни. 
- Ҫарӑк юмахри асатте, асанне тата мӑнук пулӑшнипе, туслӑн тӑрӑшса ӗҫленипе ҫарӑка ҫурри таран туртса кӑлартӑмӑр. Тепӗр урокра вара пире йыта, кушак тата шăши пулăшĕҫ.

 Юлташпа вăйсăрри те вăйлă (Ваттисен сăмахĕ) (13 СЛАЙД)
- Паянхи урокра мӗн ҫинчен пӗлтӗмӗр? 

Рефлекси (14 СЛАЙД)

1. Хам ĕçпе эпĕ: кăмăллă е кăмăлсăр

2. Маншăн урок: кĕске е вăрăм

3. Урокра эпĕ: ывăнтăм е ывăнмарăм

4. Маншăн урок:  интереслĕ е кичем

5. Маншăн паянхи урок теми: йывăр е çăмăл

Ачасене хакласси (Жетонсене тӗрӗслени, шутлани)

Пурте тӑрӑшса ӗçлерӗр! Маттурсем!

Килти ӗҫ. (Ĕҫ тетрачӗнчи хӑнӑхтару) (15 СЛАЙД)