Помощник эрзянской Азбуки
учебно-методический материал (1, 2, 3, 4 класс)
Сборник стихов, загадок, пословиц, скороговорок, чистоговорок, занимательных заданий на эрзянском языке в помощь учителям начальных классов национальных школ.
Скачать:
Вложение | Размер |
---|---|
![]() | 233.5 КБ |
Предварительный просмотр:
Азбуканть лездыцязо.
Сборник стихов, загадок, пословиц, скороговорок, чистоговорок, занимательных заданий на эрзянском языке в помощь учителям начальных классов национальных школ.
Составитель: Кечемайкина Нина Васильевна учитель начальных классов МОУ «Андреевская средняя общеобразовательная школа» Большеигнатовского муниципального района.
Для того, чтобы сократить своё время в поисках занимательного материала для уроков эрзянского языка, решилась на составления своеобразного сборника «Азбукань лездыця» (Помощник Азбуки). Так как особенно испытывала дифицит занимательного материала на уроках обучения грамоте. Здесь содержится материал из разных источников. Для удобства пользования он составлен в алфавитном порядке и содержит стихи о каждой букве, загадки, пословицы, скороговорки, стихи к физкультминуткам, занимательные задания, чистоговорки. Авторы стихов про буквы Григорий Гребенцов, Маризь Кемаль, Юрий Пальтин помогают в занимательной форме знакомить учащихся первого класса с каждой новой буквой. Загадки используются для активизации мышления и речи ребенка. Ведь загадка – это «секрет», увлекательная игра, соревнование на смекалку. Загадки обладают большими возможностями для освоения эрзянского языка, учат воспринимать его многогранность, помогают совершенствовать речь, тренируют внимание и память, развивают любознательность. Пословицы, скороговороки использую для развития артикуляции и фонематического слуха. Чистоговорки развивают у детей чувство ритма и навыки стихосложения, помогают снять напряжение во время монотонного письма. Авторы стихов для физкультминуток Р.Д. Жегалина, Маризь Кемаль. В сборе материала мне очень помогает журнал «Чилисема», сборник Н.Ишуткина «Ютко шкасто», пособие Д.В.Цыганкина «Занимательная грамматика» на эрзянском языке. Собранный материал использую и в последующие годы обучения в начальной школе для пополнения словарного запаса детей, привития интереса к родному языку, развития речи. Надеюсь, что собранный мной материал ещё кому-нибудь поможет в работе и сэкономит время подготовки к уроку.
Аа
Алт пизэстэ Аня канды, нать, саразтнэнь парсте анды. Г.Гребенцов
А-нть а стака муемазо, А-сь шождасто сови прязот;
Колмо трокскеть путат састо, кармат содамо вадрясто:
Эрьва косо эрси А-сь, секс сон алфавитс совась. М.Кемаль.
Ава, азор, Аля, атя, - эрьва косо васенькс аштян, -
Атякшокс морась А буквась, - весе пингем тесэ ютась.
Ков а варштат – перькат А-т: айгор, амбар, карть – пракстат. Ю.Пальтин
Содамоёвкст.
Арды кудо ош куншкава, уски ламо цёрат, ават.
Лезэв тев вечки теме, - пачтнемс весень важодеме. Автобус.
Пелеветь стявтни эрицят, коклацев, толгав – цитниця.
Моразь ёвтни, зяро шказо, те АТЯКШ, саразонь азор.
Цяхиця, те иень вашокс, уски сталмот, соки пиреть.
Те превей лишме – АЛАША, конань весе минь вечксынек.
Чинек – венек аштян крыша прясо, пилем арасть, весементь маряса.
Сельмем арасть, ванан васов, кинот кундсян теке басом. Антенна.
Доктор ульнесь Африкасо, звертнень лецясь пилюлясо.
Ёвтак, цёркам, Ипполит, кие врачось? Айболит
Кельяжамкат.
Ашо черь Маша вечки каша.
Алашась вашиясь ашо вашине.
Валмеревкст.
А кудосо андыця, а пиресэ тандавтыця.
Аволь весемесь сырне, мезесь цитни.
Арась кшить – путыть пеенть лався лангс.
Апак тонавтне карьгак а кодави.
А шкастонзо морыця атякшось васенцекс понги пидема чакшос.
Стихень пусмо.
Азбукам монь меельцеде сайса течи мартом классов.
Ялгам юткс минь соватано, меельць валнэть евтатано.
Покш пасиба, Азбука, миненек покш парот кисэ!
Ловномо тон тонавтымизь, валдо килангс аравтымизь.
Книгат ламо мастор лангсонть, сынст ней весе ловносынек.
Ашо овто.
Тете овто, оят, ашо, виевдеяк виев ракшась.
Раужо сонзэ судозо, тунь а пели якшамодо.
Ашо ривезь.
Ашо ривезесь чевтине, поназо ловонь ашине.
Сон тукшны, оят, мелезэнк? Ансяк а озы элезэнк.
Кизна чубинензэ кайси, тень кувалма верьгиз майси.
Куракш юткова сон яки, - неемс ривезенть вельть стака.
Секс мекс серой понынезэ, шожда кекшемс эрси тензэ.
Антилопа.
Улить антилопат бейдат, гнут ды канат.
Тенст алтынек лопанть, - лангозост тон ваннат.
Идем неть ракшатне эрить саваннасо.
Ярсамкань вешнеме ардтнекшнить стадасо.
Бути сынст тон артсыть, содак – кенярдовтсыть. Н.Ишуткин
Азбуканть ней мон содаса, эрьва букванть тенк евтаса. Г.Гребенцов.
«А» буквасто валт
кудоютконь ракша (алаша)
чувтонь посуда (вакан)
симемапель (брага)
бобовой растения (кснав)
лента (канва)
кал (сазан)
кудонь ракша (псака)
празь чувто (кандо)
кудоютконь нармунь (атякш)
Бб
Баягинесь марявсь васов, сон тердимизь весень классов. Г.Гребенцов
Боря букватнень куш содась, Б-нть стувтызе, аздан, кода.
Бодясь нуцьканстэнь лездась: Б-нть яла тензэ ледстявтсь:
«Барят кардазсо эрить, Бе-бе-бе!-сынь серить».
Баняв цёрканть саизе – баня тенстьсэ паризе. М.Кемаль.
Баягась, марясынк, бийни, бутрав ведьсэнть ведьлукш лыйни.
Баляга валсонть ушодан, мазычи каземс анокан.
Бульчом, ялгат, чарькодеде: мон буквась а берянтнеде. Ю.Пальтин
Валмеревкст.
Берянь эрямс кудовтомо, седеяк берянь – эйкакштомо.
Берянь ломанесь ормадояк берянь.
Кельяжамкат.
Басковонь баксонзо аштить вакссонзо.
Ловомкат.
Бур, бур, паксябур, ливтяк, ливтяк, паксябур,
Ванна тонеть вейке сур, ванна кедьлапушкам, -
Ливтяк менелькуншкав.
Содамоёвкст.
Сюракшов, сакалов уло, кечкериця, нурька пуло,
А сэрейгак ды а эчке, капста прянь порнеме вечки.
Чоп луга лангсо сон пары. Тензэ мерить сея – баран.
Якстере пацине невтят – сон уш, букась, мода «сэвтни»,
Весень Анок лазномс – яжамс ды кечкеремскак истя жо.
Ванькстэ кортамот.
Ба-ба-ба пидян тантей мон щтюрьба.
Бо-бо-бо масторга ацазь кумбо.
Стихень пусмо.
Буквась оргодсь таркастонзо, - эзинек редя шкастонзо.
Эх, мезе ушодовсь, оят, ванодоя, ванодоя:
Перть пелькссэнть полавтовсь ламось,
Чаракадсь, мерят, эрямось…
Артыцянть арась чумозо бути буквась стясь а тозонь. Н.Ишуткин.
Метаграмма.
К марто укшны ведьга, ютакшны ламонь кедьга.
Эри лейсэ, океансо, вастневи пачалго лангсо.
В путтадо эрьва косо марясынк мик радиосо.
С марто понги сон ямс - свал эряви тов каямс.
Бути Б – сэ ушодтадо ды пезэнзэ Л путтадо, эрьванть дневниксэ мутадо.
(кал – вал – сал – балл)
Эрзянь раськенть превпаргосто.
Бути чокшне серьгедят ды эстеть а чарькодеви (коштось гайгсты аволь ваньксстэ), ушоёжось карми улеме потмура.
Бути тунда коткудавпизэсь васня штады пелеве ёндо, кизэсь ули лембе ды кувака.
Бути пельтне уить бойкасто, паряк, ули пиземе.
Бути пиземчирькесь кавто ёндо навасы лисьмас нерензэ, таго туи пиземе, бути ве ёндо навасы – а ули.
Бути пурьгинечирькесь лиси пиземень шкасто, пиземесь ули нурькине, ожолгадыть эмежтне, тикшесь.
Бути лейсэнть эесь човине, кизна карми улеме аламо ведь.
Бути пельтнень самсто мекштне а совсить кудынезэст, пиземе а туи.
Бути мекшетне ашолгадомава туить медень пурнамо, чись ули маней.
Бути лембе масторов тукшныця нармунтне ливтить верьга, карми улеме ламо лов.
Бути телень нармунтне паксясто ливтить вирев, учок давол.
Бути цянавтнэ теить пизэст кудонть вить ёно, кизэсь ули якшамо.
Вв
Варьгат лембть тонгинь кедезэнь, ней а кунды кельмесь эйзэнь. Г.Гребенцов
Вальманть ало Видязт-Варат вачкасть шалагантень тарадт.
Састь ваксозост Вечкан, Вандол, чийсь Вастаня, теке ёндол:
-Тынь шалага тейтядо! Мекс ялгат а тердтядо?!
Вейсэ седее виевтяно, вейсэ кудояк тейтяно! М.Кемаль.
Валске марто вармась вешкстась - ведьгевесь шождасто лекстась.
Вертолётось ливти верьга, вазось пары сонзэ мельга…
Арсетяно истят валт, косо улить В букват. Ю.Пальтин
Содамоёвкст.
Теке ломань, вешки, лугань тикшенть шешки,
Чувтнэнь прява чийни, кенкш удало цийни,
Пенгеди ды яжи ды свал оляв бажи. Варма.
Трубасо сыре баба аварди. Варма.
Кияк эйсэнь а неи, эрьвась мари. Варма.
Ашо катка вальмава эти. Валдо.
Паксясь суликань, яннэсь чувтонь. Вальма.
Аволь теця, аволь ава – сонсь вадяши веснь прява. Варма.
Сонсь прок унжа, кутьмерьсэнзэ картина. Ватракш.
Ванан вальмава – ушованть раужо катка яки. Ве.
Мезенть кедьсэ а кирдьсак? Веденть.
Варя муи – туи, зярдо кельми – ашти.
Сонзэ ланга уи стака венчесь ласте. Ведь.
Сон а пракшны, кода арды, сеск чиреми, лотки зярдо. Велосипед.
Ливтят кургсто, теке нал, а кундават мекев, вал
Лугалангов ансяк паньсак – веши ловсо сон мелявтозь.
Колмо иень ютазь, вансак, те ВАЗОСЬ скалокс велявты.
Варма шкане тосо моли увт, касыть ламодояк ламо чувтт:
Сон охотав лисни веть, пулонь ускозь якси.
Пови кирьгадо реветь ды мартонзо-паксяв.
Кивчкаить сельмстэнзэ толт певтеме кежтнеде.
Кидеяк а пели, ловт – ансяк ве пинеде.
Сон вишка букинень сэрь, тусто вирьсэ эри.
Вечки пси сывель ды верь, тензэ ВЕРЬГИЗ марить.
Превейчинть таштамо ветить Васянь эйсэ сёлмов «ВЕТЕТЬ».
Килейть, тумот, пичеть, сиртть.Те тарканть лемезэ вирь.
Кельяжамот.
Вишка Кешка вешки чишка, вешкемазо эсензэ эйшка.
Варянь варявт варьганзо, нарьгить, нать, Варянь лангсо.
Валмеревкст.
Валось чачи превстэ, славась срады тевстэ.
Вирев пенгть а ускить, лисьмас ведь а кайсить.
Вейке эскс весементь а понгавтсак.
Верьгизэнть лангсо понаськак верьгизэнь.
Валозь веденть мекев а пурнасак.
Вейсэнь тевсэ ялгаксчи чачи.
Весемесь вадря, мезесь вадрясто прядови.
Варясь варянть лангсо пейдезь седеяк келейстэ сезевсь.
Ве чувтось, кодамо покш илязо уле, а вирь.
Видечинь валось свал сэпей.
Ведьстэ ой а пивтят, чаво валсто арсема а ливтят.
Уроксто оймсемань ловномкат
Вейке, кавто – веревбандт; Колмо, ниле - аловбандт;
Веете, кото – трокс, кувалт; сисем, кавксо – мекев-васов;
Вейксэ, кемень – скок менелев. Маризь Кемаля
Ванькстэ кортамот.
Ва-ва-ва – Ваня сэвсь тантей халва.
Во-во-во – Вовань сускизе карво. Во-во-во – иля ёрто кшинь куво.
Во-во-во – кардазсо рокны туво.
Ви-ви-ви – Витя пек васов чави. Ви-ви-ви – псакась кискасонть трави.
Ви-ви-ви – авам алтнэсэ нави.
«В» буквасто валт.
1. Чинть пелькс (ве)
2. Рузкс сила – эрзякс …(вий)
3. Конёвсо ды лиясо-мейсэ пелезь, сезезь тарка (варя)
4. Ведень ды лиянь нды кантнемка-кирдемка (ведра)
5. Нармунь (варака)
6. Почтонь яжамка (ведьгев)
7. Рузонь содавикс вейке ёвксонь героиня (Василиса)
8. Ардтнемапель (велосипед)
Буквась оргодсь.
Ялгам марто вейсэ
Лейга уйкшнинек минь пенчсэ.
Ловомкат.
Вейке, кавто, колмо, ниле, монь кискинем стядо пиле.
Чии, онги: «Гав-гав-гав!», кинь онгизе – лиссть бокав!
Вейке, кавто кемгавтово, чии ломань шапкавтомо.
Сонсь а сыре, сонсь а од, мерить тензэ счетовод.
Стихень пусмо.
Валт.
Вай, зяро мастор лангсо валт! Улить казямот, лембть ды кежевть.
Валтомо мон – ведтеме кал, сынтемест ойментень а эжемс.
Валтнэсэ бажамот ды мельть! Сынст эйс кеми эрьва ломанесь.
Эйстэст улить пек ламо кельмть, улить прок пулят, - седей ранить.
Лият улить: валанят, чевтть.
Но сынь салавине лиясто
седейс певерить теке кевть ды томбатадызь пек стакасто.
Монь покш бажамом: истят валт кочкамс ломантненень эсь кельстэ,
Конат валдо кандовольть свал, улевельть ёвтазь паро мельсэ. А.Доронин.
Ванды сёксень васень чи, Букваресь школав пурны.
Баягинесь а чоледи – мазы книганть сон учи.
Кепететсь апаро шалт, тия-тува каладсть валт:
«Мон оргодян…», «Мон туян…», «Мекс сех песэ мон аштян?..» -
Вай мезе тесэ кармась! Эрьвась прянть невтемс бажась… Ю.Пальтин.
Эрзянь раськенть превпаргосто.
Вальматне ливезькадыть – пиземес.
Васень тундонь пурьгинесь паро кизэс.
Васень пурьгинесь кизна маряви чилисемасто эли лембе ёндо – паро кизэс, чивалгомасто – берянь кизэс.
Валске арась роса – чить, секень вант, пиземе туи.
Валскень сувось кепедеви верев – пиземе а ули, валги алов – пиземес.
Гг
Гулькат нарвить вальманть прясо, гулька левкскест тосо трясызь. Г.Гребенцов
Г-сь каштансто ветясь прянзо, гавнозь, гаркстнезь кучсь кулянзо:
«Мон книгатнестэ лисян, вансынк, ськамон валт теян!»
Г-сь ськамонзо гурнось, гурнось-ве арсемаяк эзь мурно.
Савсь В-нть мельга арамс рядс ды комавтомс каштан прясь. М.Кемаль.
«Га-га-га», - галатне шашсть: горнипов мельга якасть.
Пупи гуесь тандавтынзе, луганть потсто чиевтинзе.
Габор-губор – буквась чийсь: «Мельганк яксезь оймем пись!» Ю.Пальтин
Содамоёвкст.
Тикшень пурныця мон вадря, лемем ки ёвтасы? ГАБРЯ.
Яки лугава – аволь лишме, уйни ведьга – а начки. Гала.
Якан якстере котасо, мельган ялгам – ватагасо.
Сёлтсо вечкан экшелямо, сиянь ведьсэ рунгом шлямо.
Кие кежем эйсэ савтни, сень гуекс тыжнэзь тандавтнян. Гала.
Сёрмав, ашо, келей тутма. Весе моць – виензэ путнезь,
Тунда кардсто ливтни оляс, келей сёлмосо ахолязь.
Истя капши покш ведь малас…те кудонармунесь ГАЛА.
Тикшень пурныця сон вадря, мерить тензэ пеев ГАБРЯ
Секс лавшомить, оям Спиря, мекс умок а кепсят ГИРЯ
Валмеревкст.
Героесь а пижни геройксчиде.
Ванькстэ кортамот.
Го-го-го – чувтосонть ули морго.
Го-го-го – илядо авше курго.
Го-го-го – паксясо ламо олго.
Го-го-го – олгонь пурнамс сайть сянго.
Га-га-га – ловнок кудосо книга.
Га-га-га – пандо прясо касы луга.
Гу-гу-гу – эйдесь сери: «Агу».
Ги-ги-ги – чокшне чись менелстэ валги.
Ге-ге-ге – лияназсто (лён) тейть сэльге (волокно).
Ге-ге-ге – вирьстэ анокстак пенге.
Ге-ге-ге – карень кодамс сайть ленге.
Стихень пусмо.
Гепард.
Сехте кол ракшась гепард, сон ливти теке снаряд.
Чийни, скокавтни вельть верьга, а мезть пансемс сонзэ мельга. Н.Ишуткин
Дд
Дигат иень перть экшелить, кельме ведтеяк а пелить. Г.Гребенцов
Динь-динь! – гайги баягинесь, чии панжомо кискинесь.
Д-сь – теке сонзэ кудозо, косто сон венсти судонзо. М.Кемаль.
Даря докасто моли, дигат лей лангов пани.
Дивсесть шабратне, ялгатне, чудезь чудить шнамонь валтнэ.
Д букваськак кенярды – дига лангсо сон арды. Ю.Пальтин
Ванькстэ кортамот.
Да-да-да – сюпавтнэ кирдильть варда (слуга).
Да-да-да – тракторось соки мода.
До-до-до – веле пес строясть кудо.
До-до-до - алашась уски нурдо.
До-до-до – сельмукштсон кирди судо.
Ды-ды-ды – лишмесь бойкасто арды.
Ды-ды-ды – овтось телень перть уды.
Ды-ды-ды – кардыцясь (укротитель) ракшат карды.
Ды-ды-ды – шанжав (паук) чинь-чоп коцт коды.
Ди-ди-ди – Диманень костюм лади.
Ди-ди-ди – вармадо толось мади.
Де-де-де – ашо ловось пры верде.
Де-де-де – иля аварде эйде.
Дя-дя-дя – някасо налкси Надя. Дя-дя-дя – оскасо налкси Федя.
Содамоевкст.
Пикс песэ сюлмазь сырнень пря. Дурак куяр.
Уроксто оймсемань ловомкат.
Дурак куяронок кассь – покшолмазо – истямо.
Лелянь марто мон якинь покш куяронть кандомо.
Васня минь сонзэ кандынек, мейле оскакс кевердинек.
Пире удалов туинек, тантей куяронть керсинек,
Покш чугунс сонзэ эцинек ды пси каштомсо пидинек.
Валмеревкст.
Домка лисьмасо ведесь а коськени.
Стихень пусмо.
Джейран.
Икеленк ашти джейран, сон теке вельть покш баран.
Тикшень ды ведень вешнеме вечки васов сон чийнеме.
Комсешка вайгельбеть арды, - а сизи джейран, цидярды. Н.Ишуткин
Дигань ваныця.
- Дига! Дига! Дига! – ранги вишка Дрига.
Ков истя сыргиде, кудосто ношкстыде?
Вана илей саян, рунго ланга каян эрьватанень эйстэнк.
Чарькодтядо сестэ, кода орголекшнемс, ваныцядонк кекшнемс…
Галатне гигакстнезь, а мельсэ, утякстнезь, велявтсть мекев кудов,
Нолдызь алов судост.
Чарькодсь эрьва дигась: азор лангсост Дрига! Н.Ишуткин
Буквась оргодсь.
Сэрей панго пряс кузинек ды мельспаросо оймсинек.
Ее
Егерькс мон бу роботавлинь, Ёга ладсо вирь ванставлинь. Г.Гребенцов
Е-де пешксе валтнэнь эйсэ, Е-сь куншкасо, валонь песэ.
Эрзянь кельсэ зярдояк Е-сь эзь ушодт ве валгак. Р.Д.Жегалина.
- Кадык валт мон а ушодан, мон валтнэсэ кодазь кодан, -
Истя шнась эсь прянзо Е-сь, сон покшокс эсь прянзо несь.
- Куш куншкас кельган, куш пес, валт лацян чопода вес. Ю.Пальтин
Ёё
Ёзнысь совась минек пирес ды тапарявсь тезэ кирекс. Г.Гребенцов
Ё-сь истямо, кода Е-сь, но аволь истямо. Мекс? М.Кемаль.
Мекс тон, Ёгорь, ёжовгалят – а муськат эсь мельга палят?
Ёрокот арась, нама, нузяксчись эйсэть ламо.
Вант, сазорот ён кодамо – ёрвалесь муськемат зняро. Ю.Пальтин
Содамоёвкст.
Кивчкаи менельсэ тол, мерить сонензэ Ёндол.
Валмеревкст.
Ёмазь ломань се, кие а несынзе асатыксэнзэ.
Стихень пусмо.
Ёндол.
Нолаштсь пертьпельксэсь чопода вес, рашков ёндолось сельмезэнь нерьгставсь.
Новольсь менелесь велиненть пес, модась соракадсь – пурьгине зэрькстась.
Ушось абунгадсь нурькине шкас, эрьва колозкесь паксянтень комась.
Тумонть эшкизе ёндолось пряс, ды сон качамос икельдень ёмась.
Зярдо сыргозинь, чипаесь вансь толсо копачазь конянзо алдо,
Пельтнень варминесь ков-бути пансь, валсь покш менелесь певтеме валдо.Ч.Журавлёв.
Жж
Жолгат вирьстэ минь усктано, эмеж пире пирятано. Г.Гребенцов
Ж – сь прок канстень пултке содозь, Ж-стэ, паряк, коцтке кодыльть? М.Кемаль.
Жойни лейнекс Ж-сь жольнезевсь: - Весе жолган монь ёмсететсть.
Вишка унжинесь маризе, Жучка кискиненть тердизе.
Вейсэ буквантень лездасть – цела берём жолгат кандсть. Ю.Пальтин
Ванькстэ кортамот.
Жа-жа-жа – алонть потсо ал тюжа.
Жа-жа-жа – мон викшнян мазы ожа.
Жа-жа-жа – тундонь панжовкс - одажа (мать-и-мачеха).
Жо-жо-жо – вирь куншкасо кстыень кужо.
Жи-жи-жи – чинь каршо модась эжи.
Жи-жи-жи – сезезь цецясь свал пужи.
Же-же-же – тундонь тикшесь пек пиже.
Жо-жо-жо – сёксень тикшесь пек ожо.
Жа-жа-жа – Жучкань азорзо Серёжа.
Стихень пусмо.
Жираф.
Тесэ сонсь жирафось ашти, токасак, а сеске шашты.
Ракшась ловови пек покшокс, прязо токи менель тёкшос.
Киригазо, теке антенна, артсынек сонзэяк эно! Н.Ишуткин
Зз
Збруя вейсэ кандсть ялгатне, кильдить алаша цёркатне. Г.Гребенцов
З-де нешкепиресь пешкедсь, З-сэ моры сыре пекшесь:
З-сэ зыйни мекшевелесь, зыйть моли веленек келес. М.Кемаль.
Зепс вал мельга мон а эцян, згилямо мартонк а пецян.
- Эрьва валске зорят ванстан, пурьгинекс зэрнеме маштан, -
Ды кекшевсь З-сь зэхелентень, мазыйстэ совась келентень. Ю.Пальтин
Кельяжамкат.
Зюзина Лизань прязо, мерят пизэ.
Ванькстэ кортамот.
За-за-за – Захар цёра эряза. Зя-зя-зя – паро цёракась – эрзя.
Зо-зо-зо – Зоянь мазый рунгозо. Зо-зо-зо – а пурнави кургозо.
Зи-зи-зи – зярдояк сон а сизи. Зи-зи-зи – урокстояк сон ози.
Зи-зи-зи – чись валске менельс нды.
Зо-зо-зо – каштомонть покш кургозо.
Зы-зы-зы – икельць партас кие озы.
Зы-зы-зы – сэредицясь пек козы.
Зэ-зэ-зэ – минек велес сы кизэ. Зэ-зэ-зэ – цянавось пурны пизэ.
Стихень пусмо.
Зебра.
Зебрась киксэв алашине, сонгак, нетядо, мазыйне.
Вишка зебра сонзэ вакссо, - оймамо тензэ а максы.
Эль неявить тикшенть потсто, артынк сынсткак седее ёнсто. Н.Ишуткин
Ии
Инзейть пилексэкс якстердить, эйкакшт сынь кочкамо тердить. Г.Гребенцов
Иняс цёрынесь пек важов: сёрмас содамо сон бажи.
Иняс пецек ламо чить сёрмали кичкере И-ть. М.Кемаль.
Ишименть буквась муизе, паксянь изамо тердизе.
Удалонзо содсь изамо. Укстась ишимесь: - Вай, ськамон!
Иван а капши лездамо – вечки инзейде ярсамо. Ю.Пальтин
Содамоёвкст.
Атят-бабат пинге эрить-аштить, зярдояк а некшныть вейкест-вейкест.
Сюпавчи весенень пурныть – таштыть. Колмосядт кодгемень вете эйдест.
Иень шкатне ды читне.
Кельяжамкат.
Иля рака, иля рака, рака кундака.
Йй
Й букванть тешкскине прясонзо, и-нть сазоркакс ловить сонзэ. Г.Гребенцов.
Ве кудосо эрятано, ве лавсьсэ эйдеть ванттано.
И буквась монь седейбельксэм, прям велькссэ неяви тешкскем.
Те тешкскенть мон а ёмавтса, эрямонь перть мартон кандса. Ю.Пальтин.
«й» буквас прядовиця валт
чувто (пой, бой)
ведь (лей)
тикше (чей)
ломанень курго пелькс (пей)
симемапель (чай)
моце (вий)
Мейсэ эсь ютковаст явовить ёвтамсто ало максозь валтнэ:
юр – ур ён – он ярка – арка
юв – ув ёжо – ожо ялт – алт
Кк
Кстыйс вирь чирев минь якинек, кснав паксява минь ютынек. Г.Гребенцов
Кукось текень соды-моры килей прясо вирень моро.
Куконть мелезэнзэ тусть кавто букват: К-сь ды У-сь.
- Ку-ку, ку-ку, ку-ку, ку-ку… М.Кемаль.
Каргонь кистэнть теште прась. – Молян мусса, - мерсь буквась.
Кескавонзо марто тусь. Тештенть таркас эмежть Мусь.
Кайгесь седи – тевтне парт – кенерсть капстат, кснавт, куярт. Ю.Пальтин
Содамоёвкст.
Пандя лангсо касынь, сёксес весень сасынь.
Прям ашола, кудряв, эйсэнзэ а судрян.
Ёвтан теть: ярсамсто вешнек эйсэнь ямсто. Капста.
Лыткат-луткат лангсонзо, сэрей корён алонзо. Ашо руцят лангсонзо, ниленьгемень панксонзо. Капста.
Ниленьгемень панксонзо, ашо руця лангсонзо. Капста пря.
Вася носкозь комси, чуви, тунь а оймси.
Кортан: «Таргик ойметь, путык рацяня койметь.
Ерты лов сон, вити ойме фанерасто теезь койме.
Сонзе вельде пурнан превть, тонавтнян лезэв тевть.
Тува, прок менельга дигат ливтнить, а лемезэ книга.
Ёрты лов сон, вити ойме фанерасто теезь … койме.
Теке пурцоз куяв, касы пиже куяр.
Кудось пиже, вишкинькине, вельть теине, кувакине.
Пешксе вишка эрицядо, эрьге ёнов молицядо.
Сёксе малав сынь кенерить, кудостонть лисить-кеверить. Кснавт.
- Цёкокс новольсть, кенерсть вишнят. Пиже парсейс тон сынст викшнят
Машты кедьсэть, мазый шкасто сливат, умарть палси чизэ. Кизэ.
Иень перть сон вастни эрьва мезть – сельведензэ правтни ансяк весть.
Рунгозо ашо, селмонзо пижеть. Килей.
Рунгозо вейке, прянзо вете. Кедьлапа.
Яксяргось морясо, пулозо берёк лангсо. Кече.
Яксяргось чопавтсь ведьс, пулозо поводсь сэдьс. Кече.
Покш сонзэ кургозо, пенгть тонгонить тозонь. Каштомо.
Аволь ведь, аволь кши, ансяк сонтемензэ кияк а эри. Кошт.
Ашти – а корты, варштат лангозонзо – ёвты. Книга.
Пештясак – сти, чамдсак – мади. Кескав.
Кизна уды – кельме, тельня ярсы – лембе. Каштомо.
Чувто прясо, каня, кие ловны весеменень иеть? Куко.
Пиже пильге лангсо ашо кснавнеть. Куколокшо (ландыш).
Вадяшасак – нолштатанзат, савтсыть кежензэ – сусктанзат. Киска.
Тикше лангсо мадезь ашти, сонсь а ярсы, лияненьгак а максы. Киска.
Ашо руця рунгозо, пиже викшнезь пацязо, алов новольсть черензэ.
Тунда симить ведензэ. Килей.
Сырнень венч уи менельга, сравтни мазычи перть пельга. Ков.
Чись пиди, пекшесь цвети, розесь кенери – зярдо те эри? Кизна.
Виренть ваньксчисэ кирдить, важодеманть вельть вечкить. Коткудавт.
Паксява яки, нуи, сюро пивсы – кши а веши. Комбайна.
Паксянть соки кшнинь вашо, сельмензэ ашот. Комбайна.
Лей чиресэ, пиресэ, келей пандя чиресэ,
Лопа алов кекшезь сон эри-касы экшесэнть.
Тантейне ды пижине, пек уш вадря инженень. Куяр.
Валмеревкст.
Кельсэ-валсо апак пеле корты – тевсэ сонсь пелезь поты.
Кие вастнесы валскень зорянть, се вакска ютнесы горянть.
Кие видечинть кис ашти, се киненьгак а изняви.
Кие казезь паро превсэ, се а поты стака тевсэ.
Кие машты важодеме, се машты эрямо.
Кирдик валот мельсэть, бути а кирдеви кельсэть.
Косо ояксчисэ эрить, арасьчиде а пелить.
Кундыть тевс – совить превс.
Кшивтеме медтеяк пекеть а пешкеди.
Кода ушодсак, истя прядсак.
Кодамо ломанесь, истямо пряспутомказо.
Кодамо нармунесь истямо морозо.
Кенгелеманть нурькинеть пильгензэ.
Кие кувать эри, се ламо неи.
Кие важоди, се ожоди (ярсы).
Кие веши, сенень максыть.
Кавто эрямот а эрят.
Кортак аламо, кунсолок седее ламо.
Кельяжамкат.
Клара норгинзе Карлонь кораллонзо.
Кавто парень парь чиреть.
Ванькстэ кортамот.
Ка-ка-ка – ушосо онги киска. Ка-ка-ка – кудосо мявкстни катка.
Ка-ка-ка – налксемс саинь мон оска.
Ка-ка-ка – самой покш сурось пелька.
Ка-ка-ка – Катя кундась покш рака.
Ко-ко-ко – кизна кукорды куко.
Ко-ко-ко – Коля чуви покш латко.
Ки-ки-ки – чись менельга чить яки.
Ке-ке-ке – мазый пиземе чирьке.
Ке-ке-ке – козявось (сюпавось) касты пеке.
Уроксто оймсемань ловомкат.
Кизна мон пек рана стян. Аванень чинь-чоп лездан:
Вальма лангсто пульть нардтнян, мейле киякст мон тенсян,
Пенчть-вакант пси ведьсэ шлян, лавсьсэ сазоркам нурсян,
Ципакат, саразт андан, луга лангсо ваз симдян,
Покштянень книга ловнан – сиземазон важодян.
Стихень пусмо.
Кулан.
Тестэ нетядо куланонть, сындест кадовсть пек аламо.
Лёмпаксява (по степи) чийнить – якить, секс муемс сынст эрси стака. Н.Ишуткин
Метаграмма.
В марто сон чуди састо, пандо прясто – эрязасто.
К марто строи машинат, од школат ды магазинат.
(ведь – кедь)
Эрзянь раськенть превпаргосто.
Качамось Валги курсякс – ловс, даволкс, кизна – пиземес.
Кудулосо чочктнэ цятыить – якшамо ули.
Кизэнь ушодкссто вармась пуви пелеве ёндо – берянь иентень.
Кувакат эйзюротне – кувака ули тундось.
Коткудавтнэ кекшить пизэзэст – пиземе туи.
Карвотне пек сускить – пиземес.
Лл
Лопат певерди килейнесь, сынст саи жойниця лейнесь. Г.Гребенцов
Ламо букватне букварьсэ, Л-ськак эри мартост парсте:
Лато, латко, липалей-Л-нть молевксэзэ келей! М.Кемаль.
Ленге Саян, кодан карть. Вантакая, кодат парт!
Тонгсы пильгезэм, туян – паро боярокс улян.
Латякартне мельс а тукшныть – пильге суртнэ моданть мукшныть. Ю.Пальтин
Содамоёвкст.
Ашо-ашо, теке чов, пры-певери мезе? Лов.
Таркасонзо ашти – пижелды, ливтямсто – ожолды,
Мода лангс пры – раужкады. Лопа.
Зярдояк а уды, яла налкси, кольни.
Чинек-венек чуди, чольдерди ды чольни. Лисьмапря.
Мезест ули весе эрицятнень? Лемест.
Чакшкесь прев марто, эйсэнзэ сисем варинеть. Ломанень пря.
Мезень тееме кияк зярдояк а нузялды? Лексеме.
Тельня уды, тунда шуми. Лей.
Ашо паця масторонть келес вельтизе. Лов.
Ушосо – пандо, кудосо – ведь. Лов.
Менельстэ прыть тештинеть, мазыйнеть ды чевтинеть.
Кельме перть пельга сравтыть, моданть эйсэ кецявтыть. Ловтештинеть.
Эйкакшчистэ яки ниле пильге лангсо, покшсто касы –
кавто пильге лангсо, сыречисэ – колмо пильге лангсо. Ломань.
Валмеревкст.
Ламо келень содамось – сюпавчи.
Ломанесь превей зняроксть, зяро соды кельть.
Ломань марто кортак аламос, эсеть марто – ламос.
Лиянень берянь арсят – тонсь эйзэнзэ токадят.
Ловомкат.
Лютим – беть, Лютим – беть, - яки овто – понав кедь.
Тельня уды, теке веть, кизна бажи муемс медь.
Лунтик – Лунтик – верьгизнэсь урномасо кошт сезни.
Полгарь сельме нумолнэнть седейнезэ кирнявтни.
Ванькстэ кортамот.
Ла-ла-ла – кудонь шлямс саян нула.
Ла-ла-ла – монь оян лемзэ Алла.
Ла-ла-ла – бабам рамась тень кукла.
Ло-ло-ло – бодям чавсь боцькас туло.
Ло-ло-ло – авам кодась тень пуло.
Ло-ло-ло – седее верев кирдть уло.
Лы-лы-лы – тунда ловось пек солы. Лы-лы-лы – ки лангосонть пек колы.
Лы-лы-лы – течи цецянть мон валы.
Ля-ля-ля – гайтевстэ моры Оля. Ля-ля-ля – парсте тонавтни Коля.
Ля-ля-ля – нармунтне вечкить оля.
Ли-ли-ли – классонок доска ули.
Ле-ле-ле – сёксте мейле сы теле.
Ле-ле-ле – лей чиресэ покш веле.
Стихень пусмо.
Ланть ды косулят.
Тесэ ланть, тосо косулят, ливтнить вармакс, теке пулят.
Пильгест човинеть, кувакат, вересь сансост лаказь лаки.
Весень мельс ракшатне тукшныть, оят жо чуросто мукшныть.
Пароль бу малазост самс, чевте понаст вадяшамс.
Сынст мусынек шождынестэ минек мазый пусминестэнть.
Ласькамо (рысь).
Нумолкайнеть, сувозейть, максан тыненк паро превть.
Ярсамкань вешнема шкасто якадо, ливтнеде састо.
Тусь таго вирьга лытамо идем ракшинесь – ласькамо.
Нетядызь, тыненк сон педи, секс седее курок кекшнеде.
Леопард.
Вирень эрий – леопард, сон алкукс теке гепард.
Кие кургинезэ автьсы, прянзо сонензэ понгавтсы.
Содадо теде, ракшинеть, ды евтадо эрьва кинень:
Леопард вечки сывельне, - зыян учок сонзэ пельде. Н.Ишуткин
Лейне.
Лейне, лейне, капшиця – ведень васов кандыця,
Лопа-венчень нуриця, варма марто тюриця,
Ватракшонь васькавтыця, чипай налсо ракиця…
Лейне, лейне, шольниця, эйде лангсо кольниця,
Свал икелев тон капшат, мекс удалов а варштнят? Любовь Дергачева
Буквась оргодсь.
Кизна парсте минь оймсинек, чей куншкасо калт кундсинек.
Дивамонок, вай, кодашкаль: човось прась саразонь пряшка.
«Л» буква марто валт.
Эряви муемс кавксо валт (8): нилетне эйстэст ушодовить, нилетне прядовить «л» буквас.
Метаграмма.
К марто ашти менельсэ, свети валдосто тынк велькссэ.
К-нть полавтсынк Л буквасо вельти моданть телень шкасто. (ков – лов)
Эрзянь раськенть превпаргосто.
Ловажатне-пакартне чулксетить – даволс, пиземес.
Мм
Мекшесь тевтеме а ашти, тантей медь яла ташты. Г.Гребенцов
Маднесть вазнэтне лаймосо-мартост содозь букват тосо:
М-сь-сёрмавонть, У-сь ашоланть, вейсэнь Му!-сь сэтьмечинть колы. М.Кемаль.
Мекшень пизэ минь муинек, медень таргамо карминек.
Ливтясь мекше азоравась, кежейстэ бизнэме кармась:
- Аз-зёдо тестэ, туе-еде, пупсетядызь – ж-ж-ж! – кемеде! Ю.Пальтин
Содамоёвкст.
Пиже пулозо – ушосо, сувозь якстере судозо
Кизэнь перть ашти модасо. Кие лемезэ содасы. Морков.
Лейть ды эрькть пирсекшни кие? Те ведь ракшась-виев МИЯВ.
Тит лиссь важодеме, весе марясть теде. Молутка.
Косо тештне ашот, кельмть? Кува уи шожда пель? Косто пиземе пизи?
Кува варминесь пувси?Кува нармунесь ливтни?Пиземчирькесь вити мель…
Те тонеть сюкпря, менель.
Латалксось покш, столбавтомо. Менель.
Кудост цеця потсо, трудост эрьва косо, васттадызь кежейстэ, андттадызь тантейстэ.
Мекшт.
Мезесь масторлангсонть сехте куяв. Модась.
Мода потсо нармунесь пизэ тейсь, алт алыясь. Модамарь.
Тельня эйсэнзэ лембе, кизна – якшамо. Мацт.
Валмеревкст.
Мезе видят, сень и саят.
Мезе теять – секень неят.
Кельяжамкат.
Макс а максы ярсамс максо.
Уроксто оймсемань ловомкат.
Минь тейтяно менельвенч, карми ливтнеме прок кренч:
Верев – алов, верев – алов ды валги кудонок малав.
Стихень пусмо.
Моржат.
А сетне кить эенть лангсо, судост эйсэ коштонть пансить?
Те моржатне лиссть оймсеме, весеменень пряст невтнеме.
Вечкить пурнавкшномо курос, уропеест – букань сюрот.
Эйсэст ил чувныть моржатне, свал прок вачо пиштякатне.
Неть эрийтне иневедень, ярснить ракакудынеде (раковины). Н.Ишуткин
Эрзянь раськенть превпаргосто.
Маравтнэ киштить ве куросо – лембес.
Нн
Нурямотне чоп чикордыть, нурсицятнень марто кортыть. Г.Гребенцов
Налкси вальманть ало Ната, Н-сэ сон нурсевти няка.
Натань Наруша няказо-сехте вечкема тяказо. М.Кемаль.
Нумолось кевкстизе Наронть: - Косто муемс Нороваванть? –
Нармунькс Нарось чоледи: - Нимилявонть мельга чийть.
Нешке пирес пачкодят, нарвицьканть туртов пшкадят. - Ю.Пальтин
Содамоёвкст.
Кудо чапан уголтомо, реветь панян пуловтомо. Нешке ды мекшт.
Вай, те мень чуда-тамаша? Кизна – сермав, тельня – ашо.
Шапка пиле, свал сорныця, эрьва кашторкссто кекшниця.
Моли-чалгавксонзо колы…Ракшанть лемезэ НУМОЛО.
Пандо прясто эйкакшт вейсэ тельня ардтнить нурдынесэ.
Тельня ашо – кизна серой. Нумоло.
Валмеревкст.
Нузяксось вечки эйдень тевть.
Нузяксчись минденек икеле чачсь.
Эрзянь раськенть превпаргосто.
Нармунтне ливтнить кудо малава – якшамос.
Нармунтне экшелить ловсо – лембес.
Нармунтне экшелить ловсо эли ведьсэ – карми улеме верденьпры (осадки).
Оо
Овтось медь парь сайсь ды тундос совась удомо сон ундос. Г.Гребенцов
Онги Онгайне кисканок: озязке кундась катканок.
Оргодть, ормаза каткине! Оляв нолдык озякиненть! М.Кемаль.
-Оев пачалксеть пидинь, варштамо оят тердинь.
Овто бодям кандсь медне, Озяз патясь – толгине. -
Буквась ялгатнес кецни, оскакс перькаст кеверькшны. Ю.Пальтин
Содамоёвкст.
Ундо потсто таргси медь, таган пильге, понав кедь.
Весе кирдить сонзэ коронть: вирсэнть ловови азорокс.
Коткудавонь пизэть яжи, чалгси сюроткак истя жо.
Лапань потязь тельня уды, покш пизэзэ-латконь кудо.
Стядо тапор-тупор чии…Ды те ОВТО, эно кие!
Мади ундос теле лангс, тунда лиси тосто, вачопекесь сезни панкст.
Кие те истямось? Овто.
Правтсак – сеск туи скокаеме, эшксак – а карми авардеме. Оска.
Кедтеме, пильгевтеме, кирнявтни, кевери. Кода тензэ мерить. Оска.
Ламо толсо палы виресь. Кадык чавот паксят, виресь.
Сень кис утомтне пешкедить: тозонь путсызь сюронть, меденть. Ожоков.
Валмеревкст.
Онгиця кискась а суски.
Стихень пусмо.
Кажов озязке.
Озяз, озязке ушосо, штапо куракшонь куросо,
Кукорьгадозь аштесь, кельмсесь, састо ойминензэ таргсесь.
Миколь терявтсь эждямонзо. Фырк! – неизе ливтямонзо.
Эх, пиштяка озязке, кельмсек ськамот, кажовкске! Н.Ишуткин
«О» буквасто валт.
1Ярсамопель. (ой)
2. Кедьёнкс, козонь нартнить шлёбордыця судост Ванят-Машат. (ожа)
3. Медень вечкиця ракша. (овто)
4. Сехте пек сонзэ эйстэ карязт ванстыть тюремстэ. (олога)
5. Кежейстэ рангома. (онгома)
6. Нузяксонь сехте вечкевикс шка. (оймсема)
7. Учось лишмесь тантей пелькс, тонгсть кургозонзо кшнинь керькс. (онкстямо).
8. «Кавтонь» цопадемадо мейле янксема. (ойкстнема)
Пп
Поень пангтне-чувто алот. Кие юты, коми яла. Г.Гребенцов
Пиземесь ушосо пизи, пизелксонть принензэ пезы.
П-нтень чийсь урнэсь ды кекшсь: - Мон те шкастонть поркснян пештть. М.Кемаль.
Патят-сазорт сыргость пангс. Пачкодсть пиже виренть вакс.
Каршо вастызь П букванть: - Невтика пангов тарканть. –
- Пичеть, пойть, пекшеть нетядо, - нама ваксозост лоткадо. – Ю.Пальтин
Содамоёвкст.
Сэпшть-чапамо, вишкинькине, чурьканть туртов сазоркине. Пейнечурька.
Кизна пряст эждить чинть ало, састынькине касыть яла.
Сёксень шкане сынь кенерить, теевить ожот, якстереть. Помидорт.
Ашо, якстерине ланго, кассы сэрей карво панго.
Антон атя чувто ало вейке пильге лангсо ашти. Панго.
Касыть модасто пилеть – кастыть пилетнень килейть. Пангт
Кардось пешксе ракшинеде, вечкить ярсамс тантейнеде. Пенчть ды пенчень кирьдема кедьге.
Весень анды, эсензэ кургозояк арась. Пенч.
Кода илязо менчевть, кургс понгони ПЕНЧЕСЬ.
Пеензэ ламодояк ламо, сонсь а машты ярсамо. Пила.
Кедстеме, узертеме стявтозь кудыне кенкштеме. Пизэ.
Чить уды, веть ливтни, ютыцят тандавтни. Покшпрякорш.
Кизень лембе чистэ менельс канды видьстэ,
Варшты алов верде – сиянь суреть штерди. Пиземе.
Паксянь велькска яки, урны, ранги, раки.
Зярдо ойми, валдо ёрты пельтнень алдо. Пурьгине.
Менельсэ вачкоди, мода лангсо маряви. Пурьгине.
Сёлмовтомо, сонсь ливти, сельмевтеме, сонсь аварди. Пель.
Ки, каня, монень ёвтасы – мезесь апак виде касы? Прячерть.
Анксема чирева ашо гулькат озадо аштить. Пейть.
Ков а сыргат, свал лангозост варштат. Пильгть.
Тунда пиже шубасо, тельня ашо шубасо. Пакся.
А онги, а суски – кудос а нолды. Панжома.
Раужо цыган эрьва тунда инжекс сакшны –
сёксня мекев тукшны. Письмар.
Сонсь а тол, сайсак – пицеват. Пиципалакс.
Валмеревкст.
Паро валось - аволь кельсэ, паро валось – седей мельсэ.
Паро эрямось сюпавчисэ – седеяк паро – шумбрачисэ.
Паро тевесь седей кенярдсты.
Паро тевенть кис шнатадызь, беряненть кис сялдтадызь.
Паро тев теят – паро ломань улят.
Паро тевесь мазылгавты ломаненть.
Паро теят – паро неят.
Паро ялгась сырнеде питней.
Парсте ловнат – парсте тонавтнят.
Пелицясь геройкс зярдояк а ули.
Псилгадт аволь ярсамсто – псилгадт важодемстэ.
Кельяжамот.
Пелюмань Эля чары-вели, кидеяк а пели.
Прокань Дригань преясть пракстанзо.
Ванькстэ кортамот.
Па-па-па – чувто прясто прась лопа.
По-по-по – ловсось режни – тейть топо.
Пи-пи-пи – Петя суресэнть тапи.
Пе-пе-пе – нартемкссэнть ламо сэпе.
Валмеревкст.
Пинге эряк – пинге таштак превть.
Пельссалтозесь – салтови, пек салтозесь – ваканс кадови.
Превеесь – валсо, чаулась – мокшнасо.
Паро пиземесь коське вармадо а пели, паро прявтось виде валтнэде а пели.
Уроксто оймсемань ловомкат.
Паксянь цецят кочкинек, тантей чинест никсинек,
Мазый каштазнэть кодынек, цецясто пусмо теинек
Ды аванень казинек.
Буквась оргодсь.
Вирев сынь а ськамон мон тештень кочкамо.
Авам тонавты монь эйсэ, кода каштом уштомс ленгсэ.
Ловомкат.
Паря, Маря, Учань Даря. Алдам чикол босиком,
Чикшт пукшт – пувнясь лиссь.
Эрзянь раськенть превпаргосто.
Пенгетне кармить паломо цятордозь – ушось полавтови.
Палмань прясо уськтне увныть – кандыловс, вармас.
Пилетне киневтить – ушось полавтови: лембе шкане чачить – лембе ули, якшамо шкане – якшавты.
Пельтне прок пижеть-ожот – вармантень.
Пиземчирькесь лиссь – пиземесь прядовсь.
Пиземеде мейле виев пурьгине – лембе ули.
Пиземеде икеле мекштне ливтнить нешкест малава, манейне – васолга паксява.
Пиземесукстнэ лисить мода лангс – туи пиземе.
Рр
Ревесь пондакш шуба рамась, пек лембе сонензэ кармась. Г.Гребенцов
Раказь ракить варакатне, рашко прява чаракайтне.
Тарад ланга нурьгить-тарныть ды верьга вайгельсэ варныть:
Вар-р-р! Вар-р-р! Вар-р-р! М.Кемаль.
Ривезь патясь велев сась, инжекс буквантень совась:
- Васень буквам уш содавтса, рошксень пидеме кармавтса. –
Сонсь жо човаля сельмесэ ловны сёрмав саразтнэсэ. Ю.Пальтин
Содамоёвкст.
Састо якак, иля чалгсе эмежпиресэ пачалксеть.
Сынь ожинеть ды ламбамот, бажить сэвемест вельть ламот. Репст.
Ожо рунго, тюжа пуло, оно таймаскадсь киулось,
Косо вармат пансесь телесь,- пштистэ ваны веленть пелев.
Тосо атякшт рангсь-ва дивась! Те ракшантень мерить РИВЕЗЬ.
Пулозо вельть кувака,яки кардаз удалга. Эри ёжовчисэ, саламосо – кшизэ.
Кодамо те ракшась? Ёвтынкая, пакшат. Ривезь.
Телень перть лембе тёплойть сонзэ понасто кевердтнить.
Чокшнэ велева ютат – « Баря – барь « эйсэнзэ тердтнить.
Кизна стадасо якси, тельня лембе кардсо эри.
Левкст ловсодо сон симди, тензэ весе РЕВЕ мерить.
Валмеревкст.
Эрзянь раськенть превпаргосто.
Роштовань читне аволь манейть – кизэсь пиземев ули.
Кельяжамкат.
Каргонь Марька пурны пурькат, чурькат.
Пурны-пурны пупорди, судо алонзо моторды.
Ванькстэ кортамот.
Ро-ро-ро – паксясо видезь сюро.
Ро-ро-ро – вирь куншкасо кстый куро.
Ро-ро-ро – кеминь стамс Саян уро.
Ра-ра-ра – мазы лей ули Сура.
Ра-ра-ра – касты астрат Кира.
Ра-ра-ра – раздян клумбасто астра.
Ры-ры-ры – скалось кардазсо пары.
Ре-ре-ре – чувтонть тёкшкесь пек вере.
Ре-ре-ре – тунда сокавтыть пире.
Ри-ри-ри – тетям банясо пари.
Ри-ри-ри – кискась пек васов мари.
Сс
Сэдесь сыре атякс комась, свал лей велькссэ ашти конась. Г.Гребенцов
С–сь поводевсь менелентень, теке тарваз нды элентень.
Те а С-сь поводевсь тов, истя чачсь, пакшат, од ков. М.Кемаль.
Сёма сэря мельга сась. Сырнень сярдо вирьстэнть вастсь.
Тантей сюкордо андызе, лисьмапрянь ведте симдизе.
С буквась весе неизе, сезьганонть туртов ёвтнизе. Ю.Пальтин
Содамоёвкст.
Салмуксов Кирине, сювозь, чова прине.
Кидеяк а пели,-вирьга яки СЕЕЛЬНЕ.
Прыть лопатне састо, састо, истя эрси СЁКСЕНЬ ШКАСТО.
Идем ракшась, вирень «алясь», виевде виев маралясь,
Зярдо ковгак капши-арды, куракшт яжи сюров СЯРДОСЬ.
Покшт, вишкинеть анды свал кудоютконь ракша –СКАЛ.
Прясонзо кавто сюрот, «трицякс» минь ловтано сонзэ.
Зярдо пси – панси промот, покш, прок локшо, пулосонзо.
Симди – анды сон пакшат тантей ловсодо – топодо.
СКАЛ те одаров ракшась. Тынк ули? Кода лемезэ?
Тумонь ундокст иля керя, - сон а максы мейле сэрят.
Рунгозо нурькинькине, пулозо кувакине,
Вечки чопавтнеме, пулонь ёмавтнеме. Салмукс суре марто.
Мода лангсо чачи, чи ало касы, ведьсэ кулы. Сал.
Вере варя, ало варя, куншкасонзо – тол ды ведь. Самовар.
Салмуксонзо ламо, сонсь мезеяк а стакшны. Сеель.
Кавонест братиник ве кудосо эрить, вейкест – вейкест а неить. Сельмть.
Сёлмо марто, аволь нармунь, сускони, аволь киска. Сеське.
Кинь сюронзо пулодонзо кувакат? Сеянь.
Вейке пандыне ало – Ниле лисьмапрят. Скалонь одар.
Кизэнь перть аштесть, учость теле.
Учовсь телесь – ношкстасть пандо прясто. Сокст.
Чиян – чии, озан – озы, стядо аштян – сонгак ашти. Сулей.
Румозь лугас кельме ацавсь, ожо тикшесь коськсь ды наксадсь.
Пельтне уить, валдонть кекшить, чись а эжди, сти – а пейди. Сундерьгов.
Пеензэ улить, сонсь а сускони. Сурсеме.
Вете браткеть – чачсть вейсэ, явовить сэрьсэ. Сурт.
Зярдо кири – сярдов кире. Сеель.
Телесь айги малав. Кекши лопа алов,
Уды апак пеле лембе чинть самс … сеель.
Сэрей пандо прясто ливти цёрыне наянсто.
Мезе канды эйсэнзэ? Мезе лангсо пильгензэ? Сокст.
Кардаз куншкасо ашти копна, икеле песэнзэ сянго,
удало песэнзэ тенсть. Скал.
Матедеват – конявить, сыргозят – панжовить. Сельмть.
Валмеревкст.
Сараз ютксо – атякш, атякш ютксо – ципакине.
Сон а ленгекс, а пенгекс.
Сюронть анокстыть вессэ, вадря эрямонть – паро тевсэ.
Скалонть ловсозо кельсэнзэ.
Сельметне пелить, кедтне теить
Сакалотне покшт, превть арасть.
Сезезь пиксэсь сюлмави, ансяк сюлмось свал неяви.
Скалоськак крандазс кильдеви, ансяк лишмекс а тееви.
Сэпей валтнэ асатыксэнть витить, ламбамотне – берянь кива ветить.
Ванькстэ кортамот.
Са-са-са – куро Сашань сасаса.
Са-са-са – мазый пацянть рамаса.
Са-са-са – теян парь мон ды миса.
Со-со-со – течи лембе (варма) ушосо.
Со-со-со – Соня ашти кудосо.
Со-со-со – тельня якить шубасо. Со-со-со кизна якить котасо.
Сэ-сэ-сэ – тельня чийнить тёплойсэ. Сэ-сэ-сэ – тунда чийнить кемсэ.
Сы-сы-сы – тунда тикшесь касы. Сы-сы-сы – вазось тикшеденть ярсы.
Си-си-си – превейнесь уроксто арси.
Си-си-си – Сима мазыйстэ вельть морси.
Си-си-си – мон те мазый моронть марси.
Ся-ся-ся – менельсэ ламо тюсонь курся.
Се-се-се – уроксто иля нувсе.
Стихень пусмо.
Соболь.
Соболесь вельть мазый ракшась, тедеяк содадо, пакшат.
Стамбарнэстэ сон тайгава яки теке боярава.
Понынезэ цитнезь цитни, вирьганть ракшась ливтнезь ливтни.
Иень перть тюсозо вейке, артсынек сонзэяк нейке. Н.Ишуткин
Содакай.
Кармасть пужомо цецятне, нусмакадсть килей патятне,
Натой сивсь вальмало калесь. Лайшезь рангстазевсь Букваресь:
«Эрявить кевкстемс эйкакштнень – кода мирявтомс букватнень?»
Бути тон парсте тонавтнят, бути шканть стяк а ёмавтнят,
Кемть: а чаракадыть валтнэ, оякс улить теть букватне. Ю. Пальтин
Саран ош.
Саран Ош, вечкевикс Ош, тон виень максыця кошт.
Тон мельспаронь валдо тёкш. Кеняркс печтятано покш.
Велькссэть цитнить ламо тештть, сынь вельть кенярдовтыть мештть.
Баягинекс мазый кельть куринкасот гайгить вельть.
Мазыйть эрицят ды одт, седеест сынст панжадот.
Касат келес, касат сэрьс, ульцят теке покшчинь керькст.
Кадык сыть ламо инжеть сюконямо, Саран, теть.
Мартост ускить паро мельть, эйкакшонь гайтев вайгельть.
Сестэ менельсэяк чись кенярдозеви тонь кис. Н.Иванов
Эрзянь раськенть превпаргосто.
Салось начксь – пиземес.
Сеськетнеде ламо – лембес.
Сёксня сескеть ливтнить – телесь ули лембе.
Сезьганось тельня кекши латалов – сырги давол.
Тт
Туво, туво-петак судо, свал рудазов сакшнат кудов. Г.Гребенцов
Тук-тук-тук! Мушкор вачкои, эскесь лазнэтнева сови.
Т-сь мушкоронть ёнов моли-сонзэ секс содызе Коля. М.Кемаль.
Тюма седи тутушкасо, оршазь тюжа коцт палясо.
Томбальде С буквась сась – пиже тикшеть-люкшат кандсь:
- Цёрам ванстыть неть теленень, а изняват орматненень.- Ю.Пальтин
Т-сь вастневи пек сеедьстэ: тейтерь, тяка, тиринь, тетя,
Течи, теште, тюжа, патя, тикше, тинге, теле, тевть,
Тюремс, тявномс, теемс, тенсть… Вешнек, вастовить а весть. Р.Жегалина.
Содамоёвкст.
Гизыра пинесь весе паксянть чийнизе. Тарваз.
Цецят пусмос минь пурнынек, тиринь школав кецязь сынек.
Тонавтыцямок вастымизь, кавтонь-кавтонь озавтымизь. Таштамгов.
Вирьсэ чачсь, врьсэ кассь, кудосо азоркс кармась. Тенсть.
Кудонть урядасы – кенкшуголс тостядьсызь. Тенсть.
Сонсь вишкине, сакалонзо кувакат. Тенсть.
Кие ташты ламо превть, теи ламо инее тевть.
Паксянь келес овто яки: сырги – паразеви, лотки – оймазеви,
Кува юты – чевте след теи, ламо ломань нды. Трактор.
Тумопулось соказь-чувнозь,-ризнэмадонть виресь увны.
Токизь чувтотнень ундоксост, пицизь, мерят, теке токсо.
Кие, каня, ютась Тува? Тува ютась идем ТУВО.
Бути а шлясак – рудазов эли каскилдав ды тазов.
Навоз потсто а лисневель, мезде понгсь пеке пештневель.
чить ды веть удомс – тевезэ… ТУВО а стяко лемезэ.
Сядо иесэ бабинесь чачтась сядо жабинеть. Тумось ды сэрянзо.
Весень кенярдовты сон, казни мазый лембе онт. Тундо.
Паксясо – ацамо, ушосо – якшамо.
Кодамо ней шкась инжекс тенек сась? Теле.
Паксянть келес овто яки: сырги – паразеви, лотки – оймазеви.
Кува юты – раужо след теи, весе народонть анды. Трактор.
Валмеревкст.
Тарадтомо чувтось – а чувто, эйкакштомо семиясь – а семия.
Тев а теят – паро а неят.
Тев теить – чись се тонть, эзить тее – чись ёмась.
Тевтне невтьсызь, кодамат ломанесь.
Кельяжамот.
Туки-туки, таки-та, нерьсэ нерьги шекшата.
Уроксто оймсемань ловномкат.
Телес пенгть анокстатано: пилятано, пилятано.
Весть, кавксть – узересэ! Весть, кавксть – узересэ!
Юты телесь лембестэ.
Стихень пусмо.
Тюлень.
Тестэ нетядо тюлененть, калт кундси сон чинек – венек.
Пильгень таркас сонзэ ластат, эйсэст уйнеме вельть машты,
Веднес вечки чопавтнеме, ансяк ней сон лиссь оймсеме.
Ранги: лангозом ванодо, - мазычим невтян тенк одов. Н.Ишуткин.
Ти-ти-ти-ти, ти-ти-ти-ти! Садо малав, саразкеть!
Ашинеть ды сермавнеть – каян ямскеть, зёрнынеть!
Садо, титя-титинеть, якстерь цёко пацинеть!
- Ко-ко-ко, ко-ко-капшан! Сехте икелев чиян, чей а стяко атякшан! Любовь Дергачева
Буквась оргодсь.
Панжозь ортанть минь пекстынек ды пулосо тулодынек.
Метаграммат
Бути мон л марто, сестэ эйстэнь пелить,
Бути мон ль марто сестэ эйсэнь вельтить. (тол – толь)
Эрзянь раськенть превпаргосто.
Телесь якшамо – кизэсь пси ули.
Тельня ламо лекшев чить – кизна ламо кши.
Толось ранги каштомсо – давол ули.
Талай (позда) пурьгинесь кувака – сёксес.
Тельня сеськеть ливтить каськасто – лембес.
Тунда нармунтне морыть чинь стямсто – маней, вадря ули чись.
Уу
Утомонтень видьмекст каить, тунда тосто мекев саить. Г.Гребенцов
Умарть улить утомсонок, эмежть кирдтяно мацтсонок.
Эмежтене касыть пиресэ, умартне – умарьпиресэ. М.Кемаль.
Узере Паша човась, укшторонь керямо сась.
Вирьстэнть – у-у-у! – вайгель марявсь. Цёрась мода лангс озавсь.
Буквась гайтьсэнть виренть вансты – чувтнэнь покордамс а максы. Ю.Пальтин
Содамоёвкст.
Сюконякшны, сюконякшны, мейле ёжовтомо пракшны. Узере.
А стуки, а поки, кудов сови – сельмть сты. Удомо.
Валмеревкст.
Удый кисканть иляк токше, ашти кисканть иляк трава.
Улить ванстыцят, лисни, улить салыцят. Бути арасть салыцят, мезекс кирдемс
ванстыцят?
Кельяжамот.
Ули Юлянь юлазо, вели сонсь юла ладсо.
Уроксто оймсемань ловномкат.
Умарь чувтосто сезтяно: вейке-кавто-колмо-ниле.
Верев мельгаст кирнявттано: веете-кото-сисем-кавксо.
Мода лангсто кочксетяно: вейксэ-кемень-кевейкее.
Умарть кудов минь кандтано, тантей прякинеть пантяно.
Стихень пусмо.
Унжине.
Мода лангонь унжине, пуштазь пона пильгине,
Мекс кутьмереть тюжине, теке вишка сильгине?
- Зярдо лопа потс сован, киненьгак а неяван.
Сэван чувтсто ламо сукст, эцян мельгаст керне юткс.
Сёксня кекшан мода потс, тунда лисян тосто одс.
Лезэ мон тонеть теян, зыянов сукстнэнь сэван. Л.Дергачёва.
Фф
Фермась овсе веленть песэ, Фая патям вазт три тесэ. Г.Гребенцов
Ф-сь теке каштан киштиця, ризнэмасо а пиштиця,
Нежединзе кавто кедтнень-лиссь тапамо киякссэдтнень. М.Кемаль.
Кода улемс Ф буквантень, мазый кофтасо патянтень?
- Мезе кортамс? Мезде ёвтнемс? Паряк, эряви чатьмонемс? –
Апак фатя лись сеельне: - Фыр-фыр-фыр! –илямак кадт вайгельтеме.- Ю.Пальтин
Содамоёвкст.
Мезе лангс а варшты сельмесь. потмозонзо артовкс вельми. Фотоаппарат.
Хх
Хоресь совась минек кардос, кундась сараз, ношкстась ардозь. Г.Гребенцов
Х-сь тень мельга кувать ванось, яла учось, яла талнось.
Ванна эзь цидярдо Х-сь, ха-ха-ха!-со сон ракась. М.Кемаль.
Хлыстяесь Дрига алашанть, Тюма пансесь вишка вашонть.
Кода локшонть мон велявтса – Дригань мезе вий хлыстядьса! –
Сеске кирнявтсь сон крандазстонть. – Х буквась ёвтнесь ялганстэнь. Ю.Пальтин
Цц
Цыпакатне овсе цецят, несыть сынст ды нама кецят. Г.Гребенцов
Цирькун моры: цири-цири, Ц-нть пулынензэ а скири.
Мезекс пулынензэ керинк? Кадык пуло марто эри. М.Кемаль.
Цянавось алга ливтни – курок пиземе туи.
Мазы цецят кочки Маря, цилимензэ тарги Паря.
Ц-сь серьгедсь: - Кудов капшадо – цярахман алов понгтадо. - Ю.Пальтин.
Кирдь превсэ, иля стувто валтнэнь, чевте Ц-сь косо:
Цёра, паця, цеця, цёков, пеця, цянав, цёко, цюцев,
ЦЕ – цётамо валонь теиця пелькске,
ЦЯ – валонь теиця невтьске. Р.Жегалина.
Содамоёвкст.
Кавто вишкине пильгинеть тейнить чирькеть ды чарынеть. Циркуль.
Цип – цип – цип! – тердтнить эйсэнзэ, ёртыть ямкст тензэ: - Клюкака!
Пухляня. Мерить сонензэ чевтьстэ – мазыйстэ: ЦИПАКА.
Косо тонадсь сон морамо? Вайгелезэ ён кодамо!
Сонсь вишкине, теке пов. Кода лемезэ? Цёков.
Стихень пусмо.
Цёков.
Цёков – нармунесь пек паро. Сон парсте моры.
Эрьва тунда вальма ало моронзо тарги.
Сонзэ гайтев морынетнень ломантне вечксызь.
Од тейтертне, цёрынетне мельсэ кандтнесызь.
Косо мазыйстэ цёкорды, цёковось моры,
Тосо цецятнеяк кортыть, коштось кенярды!
Кунсолынь монгак моронзо. Сынь монь мельс совасть.
Од тейтеренть вечкеманзо вечкевикснэнь кандсть. Сергей Адушкин, 10 кл.
Эрзянь раськенть превпаргосто.
Цирькунось ушоды морамо – лембес.
Чч
Чудикерьксэсь пек теине, прок певтеме сэнь сурине. Г.Гребенцов
Ч-сь прок чашка, ванта, вай! Каяма эйзэнзэ чай. М.Кемаль.
Чиньжарамось чинть ильтизе – чеерь левксэсь тень неизе.
Чоподава лиссь ярсамо: - Вай, чакшсонть тантейтне зняро! –
Ч-сь кевкстизе: - Мезть теят? – Тосо чапакс, вант – ваят! - Ю.Пальтин
Содамоёвкст
Зярдо эйсэнзэ ваткинек, жойсэ весе авардинек. Чурька.
Тики-таки, тики-таки, истя ЧАСТ стенасо якить.
Кемень чубат лангсонзо, вейкеськак а эжди. Чурька.
Пек вечки ловномо Сёма эрзянь журнал «Чилисема».
Чись маней ули, мон кеман, зярдо вастан чилисема.
Вечки чинть мельга чарамо ожо паця чиньжарамо.
Тантей товнеть казни ламо пачалгошка чиньжарамо.
Пси лисьмасто ведь валови састо. Чайник.
Каськасо эри, каткадо пели. Чеерь.
А виднесызь, а путнесызь, сынсь касыть. Черть.
Ули истямо Иван: озы алаша лангс ды туи толс. Чугун.
Ловонть алдо модась лиссь – кувалгады курок чись.
Кавто братнэ ношкстасть ардомо, кавто братост бажить стардомост. Чарыть.
Кизна шубасо – тельня штапо. Чувто.
Ашти озадо аля, лангсонзо сядо палят.
Кие сынст каявтсынзе, сельведензэ правтсынзе. Чурька.
Валмеревкст.
Чись кувалгады – тундось малавгады.
Уроксто оймсемань ловомкат.
Чаравт, ведьгевне, селмот! Яжак монень товзюрот.
Кандан кудов почт ашот, панян прякат, сюкорот.
Стихень пусмо.
Чикордыть кенкшть, прок коське лавсть,
Чеменев петькель прятнень ёзыть.
Нувси кудось – пинге ютавтсь, моданть ёжос, чиремезь, озась.
Ульнесь жо шка – чочконзо гайгсть, вальманзо ульнесть сэрейть – сэрейть.
Тетянок кепедсь, минек кастсь, - теньсэ сон уцяскавсто эрясь. А.М.Доронин
«Ч» буквасто валт.
О марто - появакшны ведь лангсо,
Е марто – эрси уштомапелекс. (чов – чев)
Эрзянь раськенть превпаргосто.
Чилисемась пек палы – пиземе ули.
Чивалгомась якстерестэ палы – пиземе а ули, ванды – вармав чи.
Шш
Шекшатась – чувтонь лецчиця, чувтонь рунгонь ванськавтыця. Г.Гребенцов
Ш-сь крандазсо прянь шназь арды, чаротнесэ сон пек старды.
Нать, эсь прянть боярокс лови: крандазкутьмерекс маштови. М.Кемаль.
Шекшатась – тук-тук! – стукадсь: - Сыргозть, Татю, стямо шкась.
Штересь тевтеме ашти. Штатолось стяко палы.
Аламо штердезь понат – тельня кельмсеме кармат. Ю.Пальтин
Содамоёвкст.
Суретнеде ламо, кирес а тапарясыть. Шанжавонь коцт.
Палы морга лангсо тол, сонзэ лемезэ штатол.
Ков седее ламо велян, тов седе эчкекс тееван. Штере.
Сонсь свал коцт коды, оршамкат а сты. Шанжав.
Мезесь масторлангсонть сехте питней? Шумбрачись.
Ванькстэ кортамот.
Ша-ша-ша – превей цёракась Миша (Саша, Лёша, Гриша, Паша, Антоша).
Ша-ша-ша – мазый тейтернесь Маша (Даша, Глаша, Луша, Наташа).
Шо-шо-шо – вальмава неят ушо.
Аш-аш-аш – тетям тоци карандаш.
Валмеревкст.
Шкасто шнамось – вий рашты, пек сялдомась – вий машты.
Шумбрачись – весемеде покш сюпавчи.
Шканть ярмаксо а рамасак.
Кельяжамкат
Маштса – сасаса Шекшатань! Маштса – сасаса Шекшатань!
Шешкса, шешкса – ды эшкса шукшпряс! Надькин Д.
Ловомкат.
Штирине, вирине, попороски, мороски.
Шупки, лапки, сюпавонь лопатки.
Эрзянь раськенть превпаргосто.
Шанжавкоцтнэ кувакат – кувака ули сёксесь.
Щщ
Щукат минек сёлтсо арасть, тосо эрить куяв карасть. Г.Гребенцов
Сеелесь тусто вирнесэ судрясь салмукст сурсемнесэ.
Ванныкая сурсемненть: аволь Щ-сэ судрясь прянть? М.Кемаль.
Васня Ш буквакс мон ульнинь, лейстэ нучконть яла мурнинь.
Нучкось кеждясь – цоп! – кундымим. Ве пельде монь ведьс ускимим.
Истя таргавсь пулынем, секс лията ней лемем. Ю.Пальтин
Ъ Ь
Сынь а валонь ушодыцят-чевтень, калгодонь теицят. Г.Гребенцов
Валтнэнень минь эрявтано. Чевте, калгодо кандтано.
Бути тон - паро ломанесь – мутанзат тонь чевте валнэсь.
Бути калгодо седеть – кияк а лепштясы кедеть. Ю.Пальтин
Ы
Ырны кежей кискась Онгай. Састо, иля тензэ понго! Г.Гребенцов
Кунсолодо – Петя ранги: кежей кискасонзо сялды.
Ривезь салынзе саразост, чаво лиядсь ней латалксост…
Теньсэ кискась, нама, чумо – сон а ырны сынст уш умок. Ю.Пальтин
Ээ
Эзем тейсь Эня лелянок, кельги все семиянок. Г.Гребенцов
Э-сь Й-нть марто кодак эртсть, тусь гайгеме чокшнэнь перть:
Эй! Эй! Сака тей! М.Кемаль.
- Эрзянь кельсэнть мазылгавтан, эйкакшт ловномо тонавтан.
Эесь ушодови э-стэ, валось чапови а кевстэ. –
Э буквась васов а туи – пели эрьбась лия муи. Ю.Пальтин
Содамоёвкст.
Кие ёвтасы, те мезе: оймсеме свал терди ЭЗЕМ.
Сонзэ вачкоить пря ланга, сон чатьмони, тунь а ранги. Эске.
Прявтомо, сонсь шляпасо, пильгезэ вейке, сеяк кемтеме. Эске.
Толсо а палы, ведьс а ваи. Эй.
Телень шкане чачи-касы. Тунда чись сонзэ эждясы – авардезь пингензэ прядсы. Эйзюро.
Валмеревкст.
Эрить прок кискат-каткат.
Уроксто оймсемань ловомкат.
- Эйкакшт, кода овтось моли?
- Вана истя, вана истя вирьга овтось моли.
- Эйкакшт, кода лишмесь арды?
- Вана истя, вана истя кива лишмесь арды.
- Эйкакшт, кода чувтось лыки?
- Вана истя, вана истя, истя чувтось лыки.
- Кода нумолнэсь кирнявтни?
- Вана истя, вана истя нумолнэсь кирнявтни.
- Менельвенчесь кода ливти?
- Вана истя, вана истя менельвенчесь ливти.
Стихень пусмо.
Эйзюргов каи лембензэ, ловняскенть конявсть сельмензэ.
Эйкакштне шалныть перьканзо. Лиза комавтызе прянзо.
- Сырькай, авардят? Идетян! Экше таркинес эцетян. М.В. Моторкин.
Эрзякс арсян, эрзякс моран, эрзякс ловнан ды сёрмадан,
Тиринь келем мон а кадан, тень коряс монь валом кеме.
Ды тердян минек народонть – сыре ломаненть ды одонть –
Тердян эсь келенть вечкеме! Н.Нарваткин
Иля човоря Э-Е, ильведевкст иля тее.
Калгодксто гайть марят – свал мельганзо Э-нть сёрмадт.
Маряви гайтесь чевтестэ, Е-сь мельганзо моли сестэ.
Э-стэнть ушодовить валт, сынст тон ламо марсят свал:
Эрзя, эрямс, эльни, эчке, эряза, эрьге ды экше,
Эльде, эске, эрексия ды вельть ламо-ламо лият.
Е-сь ушодкссо а эрсекшни, куншкава, пева сон кекшни:
Пеель, сеель, ведне, селей, сельме, вельмемс, реве, келей,
Лембе, летьке, пеке, тенек, эйстэст ламо, ансяк вешнек. Р.Д. Жегалина
Ловомкат.
Экта, пекта, чуктанэ, абыль, дабыль, доманнэ.
Экс, пес, пуля пес, наволь!
Юю
Юлась чары, налкшкесь паро. Юлянь кенярксозо зяро. Г. Гребенцов.
Нежес сюлмизь шожда чаронть-ванта, Ю лиссь. Кода паро.
Ули Юлянь юлазо, вели сонсь юла ладсо. М. Кемаль.
«Течи ёжом монь апаро: кудоютконь тевень зняро!
Сергедема, нать, Юртавась – лездазо тень ёвксонь павась,
Юткошкам овсе арась», – истя арси Ю буквась. Ю. Пальтин.
Содамоёвкст.
Кеняркшны тейтерькась Юля, - рамасть тензэ налкшке юла.
Ловомкат.
Юв – яв моли ривезькесь, манчигайне письпекесь.
Ашо ловонть сон никси, прянзо менелев кепси.
Ванта, ванта, вантака: вере ожо цыпака!
Эх, ёжовне, манявить: ковонть цыпакакс ловик!
Яя
Яннэсь менчевезь таргавсь, весень сон школав ветясь. Г.Гребенцов.
Алфавитсэ Я буквась кшнинь ушманокс пентень стясь. М.Кемаль.
Яков, кува якат-пакат? Якстерькаенть апак тарга!
Ловонь ябунця алов лияды пиреть, Яков.
Ялгат а вечкан истят, конат вешнить тевть шождат. Ю. Пальтин.
Содамоёвкст.
Кедтеме, пильгевтеме – тейни вальмас артовкст. Якшамо.
Ваня, Коля молить ялго. Сынь умоконь паро … ялгат.
Валмеревкст.
Ялгаксчись – покш сюпавчи.
Ялгаксчисэ эрят – берянь а неят.
Уроксто оймсемань ловомкат.
Ялган марто кстыйс якинек, ламо кистыйтнень кочксинек.
Паргиненек пряс пештинек ды ярсынек, ды оймсинек.
Кудов кстыйнетнень кандынь, тетянь-авань каванинь.
Стихень пусмо.
Якшаматя.
Кенкш удало лекси телесь, каштомонзо ушты велесь.
Якшаматясь пувси вальмас, арты эйзэст кузт ды пальмат.
Сынь сиясо чиденть цитнить – сынст кисэ а веши питне.
Эрьва козонь венсти кедть, лейтнень ланга тарги сэдть.
Ламо вий атянть седейсэ, кельме веденть стасы эйсэ.
Сэняжантень содны кикст, качамосто поны пикст.
Ютыцятнень чамаст скири. Ёвксокс теевсь пиче виресь:
Чувттнэнь ланга сия каясь, ловпоровтнэс янось ваясь.
Ашо кемсэ вирев сась, тусто ловокс верде прась.
Кельмевтизе атясь судом. Лембстэ уштса течи кудом,
Ней якшамодот а кельман, пси каштлангсо одов вельман.
Примечания:
Уроксто оймсемань ловомкатнень авторост Р. Д. Жегалина.
Содамоёвкстнэ ламот саезь «Чилисема» журналсто ды лият таркасто.
Буквасо, валсо налксематне «Ютко шкасто» книгасто. Пурныцязо Н.Ишуткин.Морд. кн. изд. 1994 ды
Д,В,Циганкинэнь «Занимательной грамматика» книгасто.Саранск. Морд. кн. изд. 1998.
Юрий Пальтин. Содакай.
Сюкпря евтатанк Азбукантень.
(Спасибо скажем Азбуке. Внеклассное занятие по родному
языку для учащихся первого класса).
1.Ванды сёксень васень чи, Букваресь школав пурны.
Баягинесь а чоледи – мазы книганть сон учи.
Кепететсь апаро шалт, тия-тува каладсть валт:
«Мон оргодян…», «Мон туян…», «Мекс сех песэ мон аштян?..» Ю.Пальтин
2.Буквась оргодсь таркастонзо, - эзинек редя шкастонзо.
Эх, мезе ушодовсь, оят, ванодоя, ванодоя:
Перть пелькссэнть полавтовсь ламось, чаракадсь, мерят, эрямось… Н.Ишуткин.
В.- Эйкакшт, букванть кундасынек, мекев таркас аравтсынек?
Налксема «Буквась оргодсь».
Ялгам марто вейсэ
Лейга уйкшнынек минь Пенчсэ.
Сэрей панГо пряс кузинек ды мельспаросо оймсинек.
Кизна парсте минь оймсинек, Чей куншкасо калт кундсинек.
Дивамонок, вай, кодашкаль: Човось прась саразонь пряшка.
Панжозь ортанть минь пекстынек ды Пулосо тулодынек.
Вирев сынь а ськамон мон Тештень кочкамо.
Авам тонавты монь эйсэ, кода каштом уштомс Ленгсэ.
В:- Кармасть пужомо цецятне, нусмакадсть килей патятне,
Натой сивсь вальмало калесь. Лайшезь рангстазевсь Букваресь:
«Эрявить кевкстемс эйкакштнень – кода мирявтомс букватнень?»Ю.Пальтин
3.Букватнень аравтомс рядсо, эрьванть муемс эсь тарканзо.
4.А-нть а стака муемазо, А-сь шождасто сови прязот;
Колмо трокскеть путат састо, кармат содамо вадрясто:
Эрьва косо эрси А-сь, секс сон алфавитс совась.
5.Боря букватнень куш содась, Б-нть стувтызе, аздан, кода.
Бодясь нуцьканстэнь лездась: Б-нть яла тензэ ледстявтсь:
«Барят кардазсо эрить, Бе-бе-бе!-сынь серить».
Баняв цёрканть саизе – баня тенстьсэ паризе. М.Кемаль.
6.Валске марто вармась вешкстась - ведьгевесь шождасто лекстась.
Вертолётось ливти верьга, вазось пары сонзэ мельга…
Арсетяно истят валт, косо улить В букват. Ю.Пальтин
7.Г-сь каштансто ветясь прянзо, гавнозь, гаркстнезь кучсь кулянзо:
«Мон книгатнестэ лисян, вансынк, ськамон валт теян!»
Г-сь ськамонзо гурнось, гурнось-ве арсемаяк эзь мурно.
Савсь В-нть мельга арамс рядс ды комавтомс каштан прясь.
8.Динь-динь! – гайги баягинесь, чии панжомо кискинесь.
Д-сь – теке сонзэ кудозо, косто сон венсти судонзо. М.Кемаль.
9.Е-де пешксе валтнэнь эйсэ, Е-сь куншкасо, валонь песэ.
Эрзянь кельсэ зярдояк Е-сь эзь ушодт ве валгак. Р.Д.Жегалина.
- Кадык валт мон а ушодан, мон валтнэсэ кодазь кодан, -
Истя шнась эсь прянзо Е-сь, сон покшокс эсь прянзо несь.
- Куш куншкас кельган, куш пес, валт лацян чопода вес. Ю.Пальтин
10.Ё-сь истямо, кода Е-сь, но аволь истямо. Мекс
11.Ж – сь прок канстень пултке содозь, Ж-стэ, паряк, коцтке кодыльть?
12.З-де нешкепиресь пешкедсь, З-сэ моры сыре пекшесь:
З-сэ зыйни мекшевелесь, зыйть моли веленек келес.
13.Иняс цёрынесь пек важов: сёрмас содамо сон бажи.
Иняс пецек ламо чить сёрмали кичкере И-ть. М.Кемаль.
14.Й букванть тешкскине прясонзо, и-нть сазоркакс ловить сонзэ. Г.Гребенцов
15.Кукось текень соды-моры килей прясо вирень моро.
Куконть мелезэнзэ тусть кавто букват: К-сь ды У-сь.
- Ку-ку, ку-ку, ку-ку, ку-ку…
16.Ламо букватне букварьсэ, Л-ськак эри мартост парсте:
Лато, латко, липалей-Л-нть молевксэзэ келей!
17.Маднесть вазнэтне лаймосо-мартост содозь букват тосо:
М-сь-сёрмавонть, У-сь ашоланть, вейсэнь Му!-сь сэтьмечинть колы.
18.Налкси вальманть ало Ната, Н-сэ сон нурсевти няка.
Натань Наруша няказо-сехте вечкема тяказо. М.Кемаль.
19.-Оев пачалксеть пидинь, варштамо оят тердинь.
Овто бодям кандсь медне, Озяз патясь – толгине. -
Буквась ялгатнес кецни, оскакс перькаст кеверькшны.
20.Патят-сазорт сыргость пангс. Пачкодсть пиже виренть вакс.
Каршо вастызь П букванть: - Невтика пангов тарканть. –
- Пичеть, пойть, пекшеть нетядо, - нама ваксозост лоткадо. –
21.Ривезь патясь велев сась, инжекс буквантень совась:
- Васень буквам уш содавтса, рошксень пидеме кармавтса. –
Сонсь жо човаля сельмесэ ловны сёрмав саразтнэсэ. Ю.Пальтин
22.С–сь поводевсь менелентень, теке тарваз вень элентень.
Те а С-сь поводевсь тов, истя чачсь, пакшат, од ков
23.Тук-тук-тук! Мушкор вачкои, эскесь лазнэтнева сови.
Т-сь мушкоронть ёнов моли-сонзэ секс содызе Коля. М.Кемаль.
24.Узере Паша човась, укшторонь керямо сась.
Вирьстэнть – у-у-у! – вайгель марявсь. Цёрась мода лангс озавсь.
Буквась гайтьсэнть виренть вансты – чувтнэнь покордамс а максы. Ю.Пальтин
25.Ф-сь теке каштан киштиця, ризнэмасо а пиштиця,
Нежединзе кавто кедтнень-лиссь тапамо киякссэдтнень.
26.Х-сь тень мельга кувать ванось, яла учось, яла талнось.
Ванна эзь цидярдо Х-сь, ха-ха-ха!-со сон ракась.
27.Цирькун моры: цири-цири, Ц-нть пулынензэ а скири.
Мезекс пулынензэ керинк? Кадык пуло марто эри.
28.Ч-сь прок чашка, ванта, вай! Каяма эйзэнзэ чай.
29.Ш-сь крандазсо прянь шназь арды, чаротнесэ сон пек старды.
Нать, эсь прянть боярокс лови: крандазкутьмерекс маштови. М.Кемаль.
30.Васня Ш буквакс мон ульнинь, лейстэ нучконть яла мурнинь.
Нучкось кеждясь – цоп! – кундымим. Ве пельде монь ведьс ускимим.
Истя таргавсь пулынем, секс лията ней лемем. Ю.Пальтин
31.Сынь а валонь ушодыцят-чевтень, калгодонь теицят. Г.Гребенцов
32.Иля човоря Э-Е, ильведевкст иля тее.
Калгодксто гайть марят – свал мельганзо Э-нть сёрмадт.
Маряви гайтесь чевтестэ, Е-сь мельганзо моли сестэ. Р.Д. Жегалина
33.Нежес сюлмизь шожда чаронть-ванта, Ю лиссь. Кода паро.
Ули Юлянь юлазо, вели сонсь юла ладсо.
34.Алфавитсэ Я буквась кшнинь ушманокс пентень стясь. М.Кемаль.
36.Азбуканть ней мон содаса, эрьва букванть тенк евтаса. Г.Гребенцов.
Моравии моро «Алфавит» «Во кузнице» р.н. моронь мелодиясо.
1.АБэВэГэДэЕ, АБэВэГэДэЕ, АБэВэГэДэЕЁЖэЗэИЙ, АБэВэГэДэЕЁЖэЗэИЙ.
2.Ка,эЛь,эМ,О,Пэ,эР. Ка,эЛь,эМ,О,Пэ,эР. Ка,эЛь,эМ,О,П,эР,эС,Тэ,У,Ф Ка,эЛь,эМ,О,Пэ,эР,эС,Тэ,У,эФ.
3.ХаЦэЧэШаЩаЫ, ХаЦэЧэШаЩаЫ, ХаЦэЧэШаЩаЫ,чевть-калгодо тешкст, ХаЦэЧэШаЩаЫ,чевть-калгодо тешкст.
4.ЭЮЯ АБэВэ, ГэДэЕ ЁЖэЗэ,
И,Й,Ка,эЛь,эМ,О.Пэ,эР,эС,Тэ,У
Ф,Ха,Цэ,Чэ,Ша,Ща,Ы, чевть- калгодт тешкст.
37.Бути тон парсте тонавтнят, бути шканть стяк а ёмавтнят,
Кемть: а чаракадыть валтнэ, оякс улить теть букватне. Ю. Пальтин
Вейсэ: Букват, кедьте-кедс кундадо, вейсэ ламо валт тейтядо.
Налксема: «Метаграммат». ( Кие седее курок).
К марто укшны ведьга, ютакшны ламонь кедьга.
Эри лейсэ, океансо, вастневи пачалго лангсо.
В путтадо эрьва косо марясынк мик радиосо.
С марто понги сон ямс - свал эряви тов каямс.
Бути Б – сэ ушодтадо ды пезэнзэ Л путтадо, эрьванть дневниксэ мутадо.
(кал – вал – сал – балл)
В марто сон чуди састо, пандо прясто – эрязасто.
К марто строи машинат, од школат ды магазинат.
(ведь – кедь)
К марто ашти менельсэ, свети валдосто тынк велькссэ.
К-нть полавтсынк Л буквасо вельти моданть телень шкасто. (ков – лов)
Бути мон л марто, сестэ эйстэнь пелить,
Бути мон ль марто сестэ эйсэнь вельтить. (тол – толь)
«О» буква марто валт.
1. Ярсамопель.(ой) 2. Кедьёнкс, козонь нартнить шлёбордыця судост Ванят-Машат.(ожа) 3. Медень вечкиця ракша.(овто) 4. Сехте пек сонзэ эйстэ карязт ванстыть тюремстэ. (олога) 5. Кежейстэ рангома.(онгома) 6. Нузяксонь сехте вечкевикс шка. (оймсема) 7. Учось лишмесь тантей пелькс, тонгсть кургозонзо кшнинь керькс. (онкстямо). 8. «Кавтонь» цопадемадо мейле янксема. (ойкстнема) | |||||||
Л» буква марто валт.
Эряви муемс кавксо валт (8): нилетне эйстэст ушодовить, нилетне прядовить «л» буквас.
«Й» буквас прядовиця валт
й | ||
| й | |
й | ||
й | ||
й | ||
й |
чувто (пой, бой)
ведь (лей)
тикше (чей)
ломанень курго пелькс (пей)
симемапель (чай)
моце (вий)
«Кустема» налксемась. ( Эряви куземс валтнэсэ верев, кие седее курок.)
к | . | ||||
к | . | . | |||
к | . | . | . | ||
к | . | . | . | . | |
к | . | . | . | . | . |
Валт.
Вай, зяро мастор лангсо валт! Улить казямот, лембть ды кежевть.
Валтомо мон – ведтеме кал, сынтемест ойментень а эжемс.
Валтнэсэ бажамот ды мельть! Сынст эйс кеми эрьва ломанесь.
Эйстэст улить пек ламо кельмть, улить прок пулят, - седей ранить.
Лият улить: валанят, чевтть.
Но сынь салавине лиясто седейс певерить теке кевть
Ды томбатадызь пек стакасто.
Монь покш бажамом: истят валт кочкамс ломантненень эсь кельстэ,
Конат валдо кандовольть свал, улевельть ёвтазь паро мельсэ. А.Доронин
Валмеревкст.
(Видестэ ловномс лопинестэ)
Пинге эряк – пинге таштак превть.
Кие казезь паро превсэ, се а поты стака тевсэ.
Кие машты важодеме, се машты эрямо.
Кирдик валот мельсэть, бути а кирдеви кельсэть.
Кундыть тевс – совить превс.
Валось чачи превстэ, славась срады тевстэ.
Содамоёвксонь конкурс.
(Кие седее курок содасазо).
Чакшкесь прев марто, эйсэнзэ сисем варинеть. Ломанень пря.
Ливтят кургсто, теке нал, а кундават мекев, вал.
Ашти – а корты, варштат лангозонзо – ёвты. Книга.
Сонзе вельде пурнан превть, тонавтнян тееме тевть.
Тува, прок менельга дигат ливтнить, а лемезэ книга.
Пек вечки ловномо Сёма эрзянь журнал «Чилисема».
Ваня, Коля молить ялго. Сынь умоконь паро … ялгат.
Кие ташты ламо превть, теи ламо инее тевть.
Тонавтыцямок вастымизь, кавтонь-кавтонь озавтымизь зярдо? Таштамговсто.
Вете браткеть – чачсть вейсэ, явовить сэрьсэ. Сурт.
Эйкакшчистэ яки ниле пильге лангсо, покшсто касы –
кавто пильге лангсо, сыречисэ – колмо пильге лангсо. Ломань.
Налксема «Содык рифманть».
Экакштненень явшевить лопинеть рифмань теиця вал марто. Тонавтыцясь ловны ванькстэ кортамот. Се эйкакшось, конань кедьсэ рифмань теиця валось, лиси икелев ды ёвтасазо эрявикс валонть.
Ка-ка-ка – васень книгам (Азбука).
Ан-ан-ан – сюкпря книгантень (ёвтан).
Ан-ан-ан – ламо букват ней (содан)
Мо-мо-мо - машттанок ней (ловномо).
Мо-мо-мо – ней карман превть (таштамо).
Сы-сы-сы – мелем пек васов (касы).
В: Эйкакшт, течи инжекс миненек сакшность ламо букват, конат кедьте-кедьс кундазь теить ламо эрявикс ды содавикс валт. Кодамо книгась лездась вастовомо неть букватнень ды валтнынь марто? Да, те минек самой малавикс ды содавикс книгамок. Сон тонавтыдизь тынк ловномо, панжсь тенк келей ки домка превень таштамо. Евтатанок тензэ седейшкава сюкпря.
1.Азбукам монь меельцеде сайса течи мартом классов.
2.Ялгам юткс минь соватано, меельць валнэть евтатано.
3.Покш пасиба, Азбука, миненек покш парот кисэ!
4.Ловномо тон тонавтымизь, валдо килангс аравтымизь.
5.Книгат ламо мастор лангсонть, сынст ней весе ловносынек.
Весе: Сюкпря теть Азбука!
По теме: методические разработки, презентации и конспекты
![](/sites/default/files/pictures/2017/01/05/picture-50970-1483615769.jpg)
Развитие интереса учащихся к урокам эрзянского языка
Развитие познавательных и творческих способностей учащихся....
Календарно-тематическое планирование "Эрзянский язык"
Пояснительная записка. Программа разработана на основе программы Министерства образования республики Мордовия «Эрзянь кель» 1-4 кластнэнь ту...
![](/sites/default/files/pictures/2020/02/21/picture-167258-1582276935.jpg)
Конспект урока эрзянского языка в 3 классе Тема урока: «Тиринь мастором»
Одним из приоритетных направлений модернизации школьного образования является многоязычное образование. Данное направление очень важное, актуальное и востребовано системой регионального образования и,...
![](/sites/default/files/pictures/2013/02/07/picture-190954-1360247523.jpg)
Рабочая программа по эрзянскому языку для 1 класса
Важодемань программась тонавтнема предметэнть «Эрзянский язык и литературное чтение на эрзянском языке» теезь Федеральной государственной общеобразовательной стандартонь началь...
![](/sites/default/files/pictures/2016/08/28/picture-809219-1472387755.jpg)
рабочая программа "Эрзянский язык и литературное чтение на эрзянском языке" 1 класс
рабочая програма " эрзянский язык и литературное чтение на эрзянском языке" 1 кл для национальных школ...
Прощание с Азбукой «Мой первый учебник, мой верный помощник и друг».
Прощание с Азбукой «Мой первый учебник, мой верныйпомощник и друг»....
![](/sites/default/files/pictures/2020/10/14/picture-552700-1602686835.jpg)
Конспект урока по родному мордовскому (эрзянскому) языку. Тема:"Эрзянь ярсамопелесь – Эрзянская национальная еда"
Конспект урока по родному мордовскому (эрзянскому) языку. Тема:"Эрзянь ярсамопелесь – Эрзянская национальная еда"...