Конспект урока эрзянского языка в 3 классе Тема урока: «Тиринь мастором»
план-конспект урока (3 класс) по теме

МОУ «Средняя общеобразовательная школа с углубленным изучением отдельных предметов № 36»

 Тема урока: «Тиринь мастором»

        Составила урок для 3 класса:

учитель начальных классов

 Н.Н.Вдовина

САРАНСК 2011

Цели урока:

1. Обучать детей разговорной эрзянской речи.
2. Повторить изученный материал по темам: «Времена года»,«Животный мир», «Республика Мордовия».
3. Учить детей отвечать на вопросы предложениями, вести диалог, понимать обращенную к ним речь.
4. Воспитывать любовь к родному краю, природе, эрзянскому языку.

Ход урока.

I.Организационный момент.

Зярдо гайги эрзянь келесь

Семс монгак эрян.

Оятненень, ялгатненень

Шумбра чи мерян!

-Шумбрачи, вечкевикс оят!

-Шумбратадо, эйкакшт!

-Шумбратадо, Надежда Николаевна!

Валске марто минь стинек,

Кеденек, чаманть шлинек.

Школав мейле минь сынек,

Тонавтнеме карминек.

Ушодтано минь урок.

Да минек весе анок.

Ручкась ды тетрадесь тесэ,

Кортатано эрзянь кельсэ.

- Озадо! Ушодсынек эрзянь келень уроконть

2. Закрепление изученного материала.

Течи минек  аволь обычной занятиясь. Миненек эряви ваномс икеле ютазь материалонть. Бути видестэ содасынк кроссвордонть, тынк икеле появи уроконь темась.

1 Эрзянь журнал.(Сятко)

2 Республикань кезэрень ош.( Темников)

3 Мордовиянь прявтошось.( Саранск)

4 Республикань прявтось. (Н.И.Меркушкин)

5 Сехте покш ды домка эрькесь. ( Инерка)

6 Ине скульпторось, кона эсь раськензэ теизе содавиксэкс Модамасторонть лангсо.( С.Д.Эрьзя)

7 Моронь ды киштемань ансамблясь. ( Умарина)

8 Ош. Чугункань кинь покш станция. (Рузаевка)

9 Эрзянь эйкакшонь журнал. ( Чилисема)

10 Мордовиянь ош, кона ашти Алатырь лей лангсо. ( Ардатов)

11 Мордовиянь сехте покш лей. ( Мокша)

12 Кезэрень музыкань церань ансамбля.( Торама)

13 Мордовиянь содавикс артыця. ( Ф.В.Сычков)

14 Национальной природной паркось. ( Смольный)

-Ловнынк явовтозь валтнэнь. 

-Тиринь мастором.

-Кода тынь тень чарькодьсынк?

-Те таркась, косо ломанесь чачи-касы, тарка, ков карми сакшномо ды зярдояк а  стувтсы.

-А косо минек тиринь масторонок?

-Минек тиринь масторонок Мордовиясо.

Европань чилисема ено, Россиясо, минек чачома масторонок. Сонзэ лемезэ Республика Мордовия.

  Мордовиянь покшолмазо комськотово тыщат квадратной вайгельбеде седе ламо. Мордовиясо эрить малавикс миллион ломанть. Эрзятне эрить чилисема ено, мокшотне -чивалгомо ено.

Мокшотне ды эрзятне эрить аволь ансяк Мордовиясо, а весе масторонть келесэ. Кезэрень пингстэ вейсэ эрясть эрзямокшонь народось рузонь ды лия народтнэнь марто.

Русские и мордва 1000 лет вместе.

На крыльях древности лечу

И тайну разгадать хочу

Своих запутанных корней…

Тысячелетний юбилей

Справляем в этом веке мы!

С тех, пор, как выбрались из тьмы

Финно-угорские народы

В те всеми проклятые годы,

Попавшись в русские объятия.

С тех пор мордвин и русский - братья!

Плечом к плечу, из века в век,

Зимой и летом, зной и в снег,

Встречая горести и беды

И вместе празднуя победы.

Я за историю возьмусь…

Когда Батый напал на Русь,

Когда мы взяли Сиракузы,

Когда в Москву пришли французы,

Когда фашисты наступали,

В Афганистане воевали…

Россия выстоять смогла!

И новый облик обрела!

И стала мощной и великой,

Благодаря той силе дикой,

Которую в нее вложили

Все те народы, что в ней жили.

И с гордостью хочу сказать я:

«С тех пор мордвин и русский - братья!»

- Минек ошсо рузтнэяк, эрзятнеяк, мокшотнеяк эрить човор.

 -Кие евтасы, зяро Мордовиясо оштнеде?

-Мордовиясо сисем ошт.

-Евтынк сынст.

-Саранск, Рузаевка, Инсар, Темников, Ковылкино, Ардатов, Краснослободск.

-Сермадынк ошонь лемтнень картас.

-А кодамо ошсо минь эрятано?

-Минь эрятано Саранск ошсо.

-А мезе тынь содатадо  тиринь ошонть ланга?

-Саранск – Мордовиянь прявтошось. Сон пек мазый. Тесэ ламо покш кудот. Ульцянзо келейть, ванькст.  Эрьва кува касыть цецят, озавтнезь чувтот. Улить театрат, музейть, стадионт,ламо школат, больницят, библиотекат.

-Виде, эйкакшт. Саранск ошось иестэ иес седеяк мазылгады. Минек эрямо таркатне пек мазыйть. Тесэ ламо келей паксят, вирть, лейть.

 - Кие евтасы, кодат покш лейть чудить Мордовиянь модатнева?

- Мордовиянь модатнева чудить покш лейть: Мокша, Сура, Вад, Ратор, Сивинь, Алатырь ды лият.

Содасынек ребустнэнь.

- Минек виртне покшт ды мазыйть. Тосо касыть эрьва кодат чувтот. Вирьсэ эрить ламо идем ракшат. Тесэ пек ванькс коштось. Эряви ванстомс виренть, вирень ракшатнень.

- Кодат идем ракшат эрить минек вирьсэ?

- Вирьсэ эрить истят идем ракшат: верьгизт, ривезть, нумолот, урт, сеельть, овтот, сярдот, ласькамот ды лият.

- Сермадынк картинатнень.

- Содынк содамоевксонть.

- Содынк содамоевкстнэнь.

1.    Паксясо лов,
2. Лей лангсо эй,
3. Вармась керязь кери,

1. Зярдо истя эри?  (Тельня).
2. Менельксэсь прок сыргойсь – вельмесь
3. Чудикерькстнэ леев чиить.
4. Ней уш эй тезэнь а кельми
5. Шкась кодамо – евты кие?  (Тундо)

    Тундонь само.

Ютась кежей телесь,

Лембе тундось сась!

Весе масторонтень

Пек покш кеняркс кандсь.

Васняяк лейнетнень

Удомсто стявтынзе,

Мейле чувтынетнень

Пупкинест токинзе.

Нармунтне чи пельде

Кудов таго састь.

Сынст морамост вельде

Тундось кеняркс кандсь!

- А кодат иень шкат ощо садатадо?

- Сексь, кизэ, теле.

- «Теле, кизэ, сексь улезэ шказо –

Тиринь енксонь свал эрси сех мазый.»

« Чачи мастор» А.Кадоркин

Улить валт, вай, кодат улить валт!

Родина.Отчизна. Чачи мастор…

Тинге лангсо,эли праздник шкасто,

Шумбрачисэ, эли покш ормасо,

 Эрьва чистэ- тельня эли кизна-

Чачи мастор, Родина, Отчизна-

Неть валтнэнь седейсэнь кантнян свал.

Итог урока.

- Мезе ланга, эйкакшт, минь кортынек уроконть перть?     

- Уроконь перть минь кортынек тиринь мастор ланга?

Много веков назад в Поволжье поселилась мордва мокшане и эрзяне. Мирный и трудолюбивый народ сеял хлеб, собирал мед диких пчел, занимался охотой, поклонялся древним богам, сочинял красивые песни. В одной эрзянской песне говорится про великую птицу Ине нармунь. Нашла она для своих птенцов благодатный край, где поля- словно серебряное блюдо, посевы- как зеленый шелк, луга- словно ягодный лист, серебром текут реки, медным гребнем стоят леса. Вот такая наша Мордовия древняя и вечно молодая.

 Истямо минек Мордовиянок кезэрень ды свал од.  

Ламо кельсэ корты Мордовиянь народось: рузонь, мокшонь, эрзянь, татаронь ды лият. Течи минек покш праздник « Тиринь келень чи». Эрьва ломанть ули тиринь келезэ. Сонзэ эряви вечкемс ды зярдояк а стувтомс, а виздемс кортамс тиринь кельсэ. Ато лиси истя, кода Серафима Марковнань пьесасо « Печкин рот».

Ветицясь:  Чачсь велесэ мазый Хрола –
                    Нузякс ды прянь шныця цёра,
                    Прок сезяка, лабордыця,
                    Роботань а пек вечкиця.
                    Виде, ульнесь мазый чама.
                    Кайсь, школанть эзизе прядо
                    Сеетьстэ кортась авазо:

Авась:        Хрола, тон а вишка няка:
                    Мейсь ёмавтнят эсь шкат стяко.
                    Ялгат важодить паксясо.
                    Эрьванть ули уш пакшазо.
                    Тонгак мук эстеть робота,
                    Чиньчоп стяко иля бота.

Хрола:        Монь аволь лишмень кутьмерем
                    Ошов туян, витьстэ мерян!

Авась:         Мезень ошт теть, зярдо теске
                     А чавови чувтос эске.
                     А вечкат тевень тееме
                     Эрямонть стака печтеме.
                      Ошсо сюкорт теть а панить
                     Медьте стяко а каванить.

 Хрола:        Иля поре, мон туян
                     Теке теск а кадован.

 (уходят)

Выходят девочки, садятся.

 Ветицясь:  Тусь эрямо ошов Хрола:
                      Велесэ эзь муе пола
                      Кадызе сыре аванзо
                      Тиринь шкинензэ, трицянзо
                      Ансяк тусь эсь велестэнзэ
                      Стувтызе тиринь келензэ
                       Вейке ие уш ютась,
                      Хрола инжекс велев сась.

Ветицясь:  Ошсо мусь робота паро:
                     Ульцят тенси сон стамбаро
                     Велев сась сон шляпасо,
                     Кирьгась свистязь галстуксо.

Подходит к девушкам
Девушка:    Шумбрачи теть, Хрол Иваныч.
                      Истя косто тон появить?

 Хрол:          Что сказал? – Не понимаю!
                      По-мордовски я не знаю.
                      Давно в селе не бывал я
                      Свой язык позабыл я.

 Девушка:    Вай, тиринь келенть уш стувтык
                      Кодамо кельсэ кортат?
                      Тон а рузат, а эрзят
                      Прок сезяка лабордат.

Хрол:           Цела год ошсо живу,
                      Все забыл я, не пойму.

Девушка:    Таня, кевстика тон рузонть
                      Кода лемесь пецька кургонть?

Хрол:           Ха-ха-ха! Кода? Печкин рот!
Хотите взять меня в оборот?
Печкин рот я не забыла:
Мать пецька курго говорила.

Девушка:   Эх, тон Хрола, нужань цера:
                        Галстук сюлмить кирьгазот:
                        Теке сюват пря потсот.
Ламот кадызь эсь велест.
Теке эзизь стувт келест.
Тон ансяк мелят туить,
Кона шкане рузыить?

 Ветицясь:   Седе мейле те велесэнть
                        Тунь ёмась Хролань лемезэ
                        Хрол Иваныч а мерить,
                        Печкин рот свал сеерить.

 Тиринь мастор… Эрзянь кель. Сонзэ эйсэ кортасть Степан Эрьзя- ине скульпторось; Макар Евсевьев, кона сермадсь ламо ловнома, тонавтома книгат. Велева яказь, пурнась ламо эрзянь морот, евкст, евтнемат.  Тиринь кельсэ кортась, панжсь потмо ежонзо эрзянь авась, эрзянь цековось С.М. Люлякина. А зяро писательть, поэт, композиторт сермадсть есь тиринь кельсэ произведеният! (Стихотворение « Кортатано эрзянь кельсэ»)

Мон кунсолан: гайги тиринь келесь.

Зяро кеняркс совавты монь потс!

Рузось эрзянь валонть евты пелезь-

Те аволь сонзэ уцяскань енкс.

Тон мерят: « Монь мастором»,- те паро.

Мон мерян: « Монь менелесь, сон сэнь».

Бажан тонеть евтамс эйсэнь зняро:

Эрзянь мастор, кель,- сынь свал мельсэнь.

Бути эрзят, мейс полавтнемс келеть?

Зяро вий максы келесь эрзянь!

Кортак эрзякс, валтнэ витьсызь мелеть.

Сынь миненек- казнеть умонь шкань!

-Вана пачкодсь пес минек вастовоманок.

- Сюкпря тенк.

-Арсетяно весенень шумбрачи, штобу тынк чамасо улевель свал мизолкс, а тынк седейсэ улевель тундо.

- Вастомазонок!