Урок тиринь мастор
учебно-методический материал

Тиринь мастор, вечькень веле,

Седеем кецьни тонь кис.

Мон пек вечькса эсень келем,

А стувтса меельце чис!

Эрзянь кель, эрзянь кель-

Ашо килей, чуди лей,

Чольдердиця горниповне,

Гайсэ морыця цёков.

Эрьва келесь эсь койсэнзэ

Мазый, эрявикс, питней

Илядо стувто эйсэнзэ,

Путодо тензэ седей.

                                    ( С. Люлякина)

   Келесь- кезэрень вейсэнь лувонь эрямонь ёнкс. Келень вельде ломантне кортыть эсь ютковаст,  евтыть мелест-арсемаст, чарькодить вейкест- вейкест.

   Эрзянь келесь- минек тирень келенек, кона ютась касомань ды келейгадомань пек кува ки. Сон ванстсы ды пачтасы сень, мезе ульнесь ломантнень эрямосо.

Мазый, паро минек келесь,

Теке тундонь сэтьме валскесь.

Пургондыця од килеесь,

Цветень панжыця умарьксэсь,

Мазый, прок пурьгине чирькесь,

Манейшкане чинь налксемась,

Лей чиресе цяпор тикшесь

Ды инзеень якстердемась.

Тонадынек миньэсь кельсэ

Васень валонь евтнекшнеме:

Эйкакш шкане паро мельсэ

« Тетяй» ды « авай» мереме

Сонзэ вельде сонзя марто

Рузонь келенть чарькодинек

Секс истя сон тенек паро,

 Секс истя сонзэ вечксынек.

(Е. Пятаев)

   Эрьва раськенть эсензэ келезэ,эрямо кизэ.

   Кода теевсть тевтне? Пек кезэрень шкасто ломентне машсть евтамо ансяк башка гайгть, серьгедевкст. Эрязь аштезь, марямомось евтамось яло вадрялгадсть. Полавтовсь эрямонь лувось. Кортамось кармась улеме седе сюпав. Чарькодеви, вейке кель моданть лангсо эсь арасель зярдояк. Ломантне эрясть башка таркава раськеньчисэ, тевсэ ды кельсэ вейсэндязь.

    Тиринь раськесь моли покштояк покш чувто енов, конань лангса а ловновить  лопатне. Лопатне те минь. Ломантне.  Модамасторонть лангсо пек ламо ломанть. Весе сынь явовить башка раськева( нациява).

  Ульнесь келя, вейке раське, конань лемдизь уралонь раськекс. Кода ловить архиолоктнэ, историктне, келень содыцятне, уралонь раськесь 6000 иеде теде икеле эрясь уралононь пандотнень ды Обь леенть ютксо. Кодамо сон ульнесь? Арсетядо, аволь таркастотаркас якиця: весе малавикс кельтнесэ ули кудо валось( фин. Kotu, эст. Koda, мар. Куды). Лисни: уралонь раськесь эрясь кудова, кирдсь кудонь ракшат. Вант: пине-мокш, пине, фин, peni, эст. Peni, маар.пи мар. пуны.