Самоанализ урока по чувашскому языку
материал (2 класс) по теме

Урока харкам хаклани (самоанализ)

• Тепӗр хут ырӑ кун пултӑр сире, хаклӑ ӗҫтешсем! Мана Оксана Юрьевна тесе чӗнеҫҫӗ. Шкулта эпӗ иккӗмӗш ҫул ӗҫлетӗп. Паян эпӗ тематика планĕпе килĕшÿллĕн «Тĕсе пĕлтерекен сăмахсем» темăпа 2-мĕш класпа урок ирттертĕм.  Урокра эпӗ хамӑн умма ҫакӑн пек тӗллевсем лартрӑм:

Пӗлӳ тӗллевӗ: паллӑ ячӗ çинчен вӗреннине çиреплетесси, тӗсе пӗлтерекен самахсем çинчен ӑнлантарса вӗсене тупма хӑнӑхтарасси;

Аталантару тӗллевӗ: ачасен шухӑшлавӗпе пуплевне аталантарасси;

Сапӑрлӑх тӗллевӗ: сӑпайлӑ пулас туртӑма вӑйлатасси, тирпейлӗхе хӑнӑхтарасси.

Хам ума лартнӑ тӗллевсене пурнӑҫланӑ тесе шутлатӑп. Паллӑ ячӗ ҫинчен вӗреннине ҫирӗплетрӗмӗр, тӗсе пӗлтерекен сӑмахсене тупма, вĕсемпе пуплевре усă курма хӑнӑхрӑмӑр тесе шутлатӑп. Ачасен кӑсӑклӑхне, вӗрентӗвӗн тухӑҫлӑхне ӳстерес тӗллевпе урокра тӗрлӗ мелпе усӑ курма тӑрӑшрӑм. Вĕренĕве ачасен ÿсĕм тата пĕлÿ шайне шута илсе йĕркелерĕм. Урокра вĕренекенсене пĕлÿ илме интереслĕрех пултăр тесе тата ĕç тухăçлăхне ÿстерме компьютерпа слайдсем кăтартса пытăм. Çĕнĕ материала ачасене ăша хывма пулăшма ушкăнсем çине пайласа ĕçлеттертĕм. Мĕнпур ĕçе паянхи пурнăçпа çыхăнтартăм. Ачасем хаваспах ĕçлерĕç. Вĕрентÿре сывлăха сыхлас технологипе усă куртăм. Урокра рефлекси те туса ирттертĕмĕр. Çак асăннă ĕçсене шута илсе ирттернĕ урок тухăçлă иртрĕ тесе шутлатăп. Мана итленĕшĕн тав.