Удмурт кылъя диктантъес 3-4 классъеслы(Диктанты по удмуртскому языку для 3-4 классов
учебно-методический материал по теме

Азькыл

Удмурт кыл урокъеслы дышетисьеслы дасяськыны юрттоз та материал.Татын сетэмын ортчем темаосъя пиналъеслэсь тодон-валанъессэс эскерыны чаклам контрольной ужъес.Котькуд текст чакламын нылпиослы кыче ке но тодон-валан сетыны, зеч сямъес пычатыны.Текстъес кык вариантэн сетэмын.Соос дышетисьлы луонлык сето, классэзлэсь быгатонлыкъесэ чакласа, текст бырйыны.

Диктантэз гожтыны огъя куронъес

Нырысь текстэз быдэсакдышетись  нод-нод ачиз лыдзе.Собере со пиналъеслэсь текстэз валамзэс эскерыны 1-2 юанъес пуктэ.диктантлэсь нимзэ но отысь валантэм кылъессэ доска вылэ гожтэ яке презенациен возьматэ.Дышетисьлэн нимаз-нимаз предложениосты лыдземез улсын пиналъес удмурт кылъя эскерон ужъесын тетрадяз гожъяло.Гожтыса быдтэм бере, дышетисьлэн быдэсак текстэз эшшо одиг пол лыдземез улсын пиналъес гожтэмзэс эскеро, шедьтэм янгышъессэс тупатъяло.

Контрольной диктантэз гожтон.

Контрольной диктант бадзым бадзым темаосты ортчем бере сетиське.Сое дышетись пиналъеслэсь ортчем орфограммаез тодэмзэс,гожъяськонын кутыны быгатэмзэс эскерон понна ортчытэ.Диктантъес улын ужъес дэмламын.Дышетисьлэн ас мылкыдызъя вошъямез яке йылтэмез луоз.Контрольной диктантъес гожтыку, дышетись текстъеслэсь быдзалазэс чакланы кулэ.

Диктант гожтыны нормаос:

Нырысети классын кыкети паларе-10-15 кыл;

Кыкети классын нырысети паларе-20-30 кыл                                            кыкети паларе-25-35 кыл.

Куинети классын нырысети паларе-35-40 кыл                                            кыкети паларе-40-50 кыл.

Ньылети классын нырысети паларе-40-50 кыл                                            кыкети паларе-60-70 кыл.

Контрольной диктантэз быдэстыны 35 минут висъяно.Пиналъеслы ужзэс ас кожазы эскерыны одно ик дыр сетоно на.

Диктантэз дунъян нормаос

«5» оценка пуктоно, куке со одиг но янгыштэк, тупатъятэк. Чылкыт, чебер каллиграфиен(букваос одиг жуждаесь, одиг пасьтаесь, одиг наклонэн)гожтэмын.

«4» оценка пуктоно, куке со чылкыт но 1-2 янгышен гожтэмын, каллиграфия ласянь букваоскуронъеслы коня ке уг тупало.

«3» оценка пуктоно, куке со 3-4 янгышен гожтэмын, каллиграфия ласянь букваос куронъеслы уг тупало.

«2» оценка пуктоно, куке 5 но солэсь трос янгышъес лэсьтэмын, но трос тупатъямъесыз вань.

«1» оценка пуктоно, куке 8-лэсь уно янгыш лэсьтэмын.

Диктантэз эскерыку, орфографической правилоосъя янгышъесты сяна, лыдэ басьтоно на кылъеслэсь куд-ог букваоссэ кельтыса яке мыдлань гожтэмез; та классын ортчем пунктуационной правилоосъя лэсьтэм янгышъесыз; озьы ик котькуд класслэн программаяз пыртэм словарной кылъеслэсь янгышъесты.

Контрольной ужъёс

3-тй класслы контрольной ужъёс

1-тй контрольной уж

Диктантъёс.

I. Бадзым чорыг.

   Дима чорыганы дасяськиз. Жытазе чорыган арбериоссэ дасяз.Чукна Чупчи шур дуре вамыштйз. Сьораз Кузьпель нимо кучапизэ басьтйз.

Пияш ышыг инты шедьтйз но визнанзэ чолтйз. Тани визнанэз зыгатыны кутскиз. Пияш шумпотйз. Чорыгзэ кема кыскыны выриз. Поттйз но — кисло-кусло сюрем!

Озьы Дима дораз бадзым чорыген бертйз. (45 кыл.)

                                  "Зечбур!" газетысь.

Валэктоно кылъёс: шедьтйз, кисло-кусло.

Грамматической ужъёс:

1. Нырысетй предложениысь небыт согласнойёсты пусъе.
2. Кыкетй предложениысь чурыт согласнойёсты пусъе.
3. Васькиз, поттйз, озьы кылъёсты, чурысь чуре выжтоно кадь люкылыса, гожъялэ.
4. Пияш кылэз куараосъя но букваосъя эскере.

II. Кескич куака.

Та учыр гужем вал. Куазь шулдыр кемдйз. Сергей сьораз визнанэн нумыр кутйз но шур дуре васькиз. Нумырен банказэ борсяэ музъем вылэ пуктйз. Ачиз визнанзэ чолтйз. Со куспын дораз куака вуиз. Коня ке улыса, Сергей берытскиз но — нумырез бвбл ни. Вот кескич куака! Пияш гуртаз чорыгтэк бертоно луиз. (47 кыл.)

                              "Зечбур!" газетысь.

2-тй контрольной уж

Диктантъёс.

I. Пинал кибашлыос.

Пиналъёс портэм шудонъёс лэсьтыны ярато. Гужем соос кызлэсь, пужымлэсь, лыстэм пужымлэсь чыжинъёссэ бичазы. Будосъёслэсь тысьсэс люказы. Куаръёсты куасьтйзы.

Тани мастерской усьтэмын. Нылъёс но пиос татын нюлэс шудонъёсты лэсьтозы. Таиз нюлэспи. Кыче чебер пбрмем кескич зичы! Нош макем паймымон чушъял но лудкеч! Кинлы кузьмалод та чебер киужъёсты? Пинал кибашлыос шудонъёсты нылпи садэ нуизы. (52 кыл.)

Валэктоно кылъёс: лыстэм пужым, киуж.

Грамматической ужъёс:

  1.Пиналъёс кылэз куараосъя но букваосъя эскере.

2.Шудонъёс, чыжинъёссэ, будосъёслэсь кылъёсты, чурысь чуре выжтоно кадь люкылыса, гожъялэ. 

3. Юан куараен верам предложениез шедьтыса, ултйз гожен озьматэ.

                        II. Дуринчи кар.

Толалтэ дуринчи карез адземед вань-а? Отын чалмыт. Пушкысьтыз одйг улэп лулэз но уд шедьты. Кытчы бен ышиз кужмо гужгетйсь семья?

Дуринчиос каразы сйзьылозь гинэ уло. Кезьыт нуналъёсы тросэз дуринчиос куло. Улэп кылё тулыс пумын вордскем пинал мумы дуринчиос гинэ. Сйзьыл соос мумы корказэс кельто но пбртэм пасьёсы ватско. Отын ик толъё. Тулыс котькудйз дуринчи аслыз кар лэсьтэ. (57 кыл.)

3-тй контрольной уж

Диктантъёс.

I. Тол.

    Вуиз кема витем тол. Ульчаын кезьыт. Шуръёс, чыпетъёс кынмизы. Возьёс но бусыос тбдьы ковёрен шобырскизы. Табере куасэн, конькиен, салазкиен нискыланы луэ.

    Тани гурезь йылэ пиналъёс люкаськемын. Ваньзылэн салазкиоссы вань. Гришалэн но Сашалэн салазкиоссы бадзымесь. Татчы Любаен Настя лыктйзы. Маин нискылалозы нылъёс? Пиос соосты асьсэлэн салазкиосазы отизы.

      Макем зол ширто гурезьысь салазкиос! (51 кыл.)

Валэктоно кыл: салазкиос.

Грамматической ужъёс:

1.Нырысетй предложениез членъёсызъя эскере.

2.Куинетй предложениез, второстепенной членъёсын вблскытыса, гожтэлэ.                                                 3.Кеськон куараен верам предложениез шедьтыса, пусъелэ.

II. Тол куно.

         Урамын тбдьы шобыр валемын кожалод. Кенер сьбрын будйсь кызьпуос, льбмпуос нырулыса кадь сыло.

       Тани сюрес вылэ шушы пуксиз. Горд гадьыз синмез ик бордаз кыске. Тылобурдо мырк нырыныз чыры-пырыосты коканы бдъяз. Кык-куинь пол зечырске но йырзэ жутэ. Кезьыт тол куазен солы грос гинэ сиён кулэ.

Шушы кема кокчаськыса оз улы. Ыбем пуля выллем, мукет интые кошкиз. (55 кыл.)

                            Г. Грязевъя.

4-тй контрольной уж

Диктантъёс.

I. Юськи.

Удмуртилэн уйпал ёросаз Юськи черкогурт интыяськемын. Куке но та интыын бадзым ты вылэм. Ву дуре портэм пбйшуръёс, тылобурдоос шутэтскыны вуозы вылэм. Соос пблын тужгес но висъяськиллям юсьёс. Юсьёслэсь ву выл тбдь-тбдь луылэм.

Ортчизы аръёс. Пумен ты куасьмем. Интыяз жильыртйсь ошмесэн паськыт луд  кылдэм. Адямиос та интылы синмаськиллям  но улыны лыктйллям. Гуртсылы Юсь ним понйллям. (54 кыл.)

                     (М. Атаманов).

Валэктоно кылъёс: куке, тддъ-тддь, шутэтскыны.

Грамматической ужъёс:

1Гожъялэ, текстысь таче схемалы тупась куинь существительнойёсты шедьтыса:^.(корень)

2.Пусъе, асним луись существительнойёсты шедьтыса.

3.Одйг предложениез членъёсызъя эскере.

            II. Байкал.

Байкал дуннеысь самой мурез но чылкытэз ты луэ. Со быдэсак нюлэсо гурезьёсын котыртэмын. Гурезьёсысь пичи но бадзым шуръёс васько но из чашаез дун вуэн тырмыто. Тылэн шораз ик Ольхон нимо шормуч сылэ. Татысь Ангара шур потэ.

Байкалысь дуно куо низьёсты, кужмо гондыръёсты, йбно койыкъёсты пумиталод. Жингыртйсь кедръёсты адзод. Вуысь форельёсты кутылод.

Та ваньбурез адямиослы утьыны кулэ. (56 кыл.)

5-тй контрольной уж

Диктантъёс.

I. Кышкасьтэм сяська.

Бакакуар — кышкасьтэм тулыс сяська. Шунды кадь чуж пиштйсь синъёссэ оштолэзе ик усьтэ. Котыр лымы кылле на. Нош лымы шунам интыосын отын но татын бакакуар ворекъясь тылъёссэ жуатэ ини. Со тылъёс пичи шундыос сямен пишто. Озьы соос доразы мушъёсты, бубылиосты кыско. Вукуар ваньмызлы жбк вылзэ волдоз. Кезьыт тол чоже жуммем нымы-кибыосты ческыт мбленыз утялтоз. (53 кыл.)

Валэктоно кылъёс: бакакуар, оштолэзъ, ждк выл, нымы- кибыос.

Грамматической ужъёс:

1.Сяська, шунды, лымы кылъёслы однокоренной кылъёс быръе.

2.Бакакуар, тулыс, сяськаоссэ кылъёсты кыл люкетъёсъя эскере.

3.Нырысетй предложениез членъёсызъя но вераськон люкетъессъя эскере.

II. Кызьпу но сурсву.

     Асьмеос дышим ни кызьпуэз тбдьы сулэн адзыны. Нош дунне вылэ со пеймыт модосо вордйське. Аръёс ортчемъя модосэз тбдьыектэ. Музъем вылын кызьпу одйгназ тодьы суло писпу луэ.

      Кызьпу туж умой улысал, сурсвуэз ке бй луысал. Котькуд тулыс адзыны луэ корзем модосо кызьпуосты. Отысь дугдылытэк сурсвузы вия. Со кызьпулы тол бере кблэмысь сайканы, куаръёссэ лэзьыны кулэ. Кулэ-а одйг гучык ву понна писпуэз сбсыртыны? 61 кыл.)

(А. Плешаковъя.)

 4-тй класслы контрольной ужъёс

1-тй контрольной уж

Диктантъёс

I. Инкуазь уг кулы

Куазь сйзьыл ини. Чужектэм куаръёс бергаса музэ куашкало но пыд улын куаштыр вазё. Котырак гордэктэм бадяр куар усемын. Батыр тыпылэн но куаръёсыз куашканы кутскиллям. Бусыос бушазы. Портэм пужыё сяськаос шуязы. Сюрес дуртй вож лентаен кыстйськись турын-куар куасьмиз. Кынмем музъем чукнаосы тодьы пужмерен шобырскылэ. Нош али вуэм узьым но кикур быдзаесь палэзь зускиос тол вуэмез кобератэк витё. Озьы инкуазь толэз пумитаны дасяське. (61 кыл)

                                                                                              М. Коноваловъя

Валэктоно кылъёс: турын-куар, кикур быдзаесь.

Грамматической ужъёс:

1. Та кылъёсты куараосъя но букваосъя эскере: чужектэм, сйзьыл, куаръёс.
2. Та кылъёсты кыл люкетьёсъя эскере: куаръёс, тыпылэн, пужыё.
3. Та предложениез вераськон люкетьёсъя эскере: Портэм пужыё сяськаос шуязы.

II. Сактон

Пеймыт инбаме шунды жутйське. Со дугдылытэк будэ. Али гинэ шорем нянь кадь вал. Коня ке улыса, быдэс колды луиз.

Колды выллем ик шунды котырес. Лемлет тылсиоссэ пилем урдсытй пазя турын-куаръёс но тыметысь ву вогыриос вылэ. Музъем юлтошсэ тазьы сайкатэ. Солэсь бамзэ мусо льольма.

Шунды жужамлы адямиос котьку шумпото. Туж гажаса, сое сактон яке зардон но югдон шуо. Ваньместы та дыре шунды сайкатэ, сактйськытэ. Бадзымъёс уж дуразы пото, дышетскисьёс школае дырто. (70 кыл)

                                                               В. Ившинъя

Валэктоно кылъёс: тылсиоссэ, урдсытй, турын- куаръёс.

5. тй        контрольной уж

Диктантъёс

I. Ошмес

Кыче паймымон усто инкуазьлэн та кылдытэмез! Дугдылытэк уй но нунал со жильыртыса кошке векчи изъёс но кольыос вылтй. Чидалод шат та ошмес син доры ветлытэк?

Котырысьтыз возьёс, нюкъёс вож гуждорен, портэм сяськаосын гыало. Ошмес вадьсысь гурезь йылын паськытэсь кызъёс но ньылпуос сыло. Писпуосын тылобурдоос чирдо.

Жильыртэ ошмес. Ачиз пичи, нош возь вылъ- ёсты улзытэ, емышо садъёсты ческыт вуэн удэ. Сотэк Иж шур но пичигес луысал, Кама но сюбеггес адскысал. (69 кыл)

                                                                        В. Широбоковъя

Валэктоно кылъёс: ошмес син, вадьсысь, адскысал, сюбеггес.

Грамматической ужъёс:

1. Та кылъёсты кыл люкетьёсъя эскере: сяськаосын, веськытэсь, сыло.
2. Та предложениез вераськон люкетьёсъя но членъёсъя эскере: Гурезь йылын веськытэсь кызъёс но ньылпуос сыло.

III. Бурдоослы жок

Бакчаямы бадзым улмопумы вал. Сое песянае пичи дыръяз мерттэм вылэм. Миым толалтэ со кынмиз. Вож куарез тулыс оз пот ни. Петя агай улмопуэз вандйз. Бервылаз лйялэз гинэ кылиз на.

Вадик выны амал шедьтйз. Со лйял вылэ пул шуккиз. Озьы тылобурдо сюдон жок лэсьтйз. Табере Вадик нуналлы быдэ жок вылэ кеньыр кисьтэ, кой понэ. Сиськонние пислэгъёс, зольгыриос, шушыос люкасько. Тылобурдоос вожмаськыса кокчасько, зильыр зильырто. Озьы соос Вадиклы тау каро. (73 кыл)

                                                                  Г. Ходыревъя

Валэктоно кылъёс: миым, шедьтйз.

3-тй контрольной уж

Диктантъёс

I. Толсур толэзь

Вуиз толсур толэзь. Музъем вылын мамык шобрет валиськемын. Котькытй тол вамышъя — кезьыт толэн шокчылэ, лымыен зикыртэ.

Нош шундыё нунал ас сяменыз туж усто. Омыр чылк-чылк. Вогыриё тодьы ковёр вылын тылсиос ворекъяло, чиляло.

Таче дыръя кызьы чидалод коркан пукыны. Куас вылэ султы но лудэ пот. Чошалъёстй, вырйылъёстй ширтйськод. Тани тэле вуиськод. Вож кызъёс, пужымъёс чильтэръёсын возъяськемын. Кызьпуослэн баблес йыръёссы гортэмын. Соос Выль арез пумитаны дасяськиллям.

Ас поннад шуиськод: «Кыче чебер асьмелэн толмы!» (72 кыл)

                                                                    В. Широбоковъя

Валэктоно кылъёс: чылк-чылк.

Грамматической ужъёс:

1.Та предложениез вераськон люкетъёсъя эскере: Музъем вылын мамык шобрет валиськемын.

2.Та предложениез членъёсъя эскере: Вогыриё тддьы ковёр вылын тылсиос ворекъяло, чиляло.

3.Та кылъёсты кыл люкетъёсъя эскере: шундыё, чильтэръёсын, кызьпуослэн.

II. Чупчи

Макем бадзым асьмелэн Чупчи шурмы! Кутске огшоры ошмесысь, Пермаулосысь Игнатьево гурт дорысь. Бызе, бызе но Удмуртие вуэ. Улостймы кузь сюресэз ортче. Киров кар дортй Вятка шуре усе. Уно пичиесь шуръёсты бордаз кутыса бадзыма, кужмоя. Со борды кыстйсько Лоза, Сепыч, Убыть, Лып, Лекма. Пумен Чупчи бадзыма но шортчи луэ.

Чупчи усто котькыче дыре. Тулкымъёсыз вылын шунды сиос зечырало. Меч ярдуръёсаз веськрес пужымъёс но кызъёс вайёсынызы уллань мыкырскыса сыло. Озьы соос шурлы сэзь бызьы- ны мылкыд каро. (75 кыл)

                                                             В. Широбоковъя

Валэктоно кылъёс: Пермаулос, шортчи.

4-тй контрольной уж

Диктантъёс

I. Вашкала Кузьыли гурт

Кузьыли — удмурт гурт. Гурт котыр чашето бадзымесь нюлэсъёс. Уйпалыз солэн нюко-выро. Со интызэ яг шуо. Ягын пужымъёс будо. Кытын но отын кызъёс но, ньылпуос но вань. Кызъёс векчиесь, лапегесь. Пужымъёс жужытэсь, зокесь.

Ягын уло портэм тылобурдоос но пойшуръёс. Соос полын чем пумиське дукъя, сяла, тур, лудкеч, зичы. Соин Кузьылиын нюлэскасез но трос. Бусы ужъёс бырем быре нюлэскасьёс ялан сикын калго. Кудъёсыз сикын ик юри лэсьтэм коркаязы, тылысазы колало. (71 кыл)

                                                           Г.Е. Верещагинъя

Валэктоно кылъёс: нюко-выро, тылыс.

Грамматической ужъёс:

1.Нырысетй предложениысь существительнойёссэ шедьтэ но соослы морфологической разбор лэсьтэ.

2.Кыкетй предложениез членъёсызъя эскере.

3.Та кылъёсты кыл люкетъёсъя эскере: Кузьылиын, пужымъёсмы, векчиесь.

II. Суоми шаер

Финнляндия — паймымон чебер, чылкыт, шыпыт шаер. Мукет сямен сое Суоми шуо. Шоркарез Хельсинки луэ.

Татын асьмелэн чыжы-выжыосмы финнъёс уло. Сямзыя соос шыпытэсь, ужасесь. Туж дунъяло ас шаерзэс. Котькуд нимаз сылйсь коркалэн флаг пононэз вань. Кунзылэн дано нуналъёсаз отын финн флаг толаське.

Инкуазь татын аспортэм. Уно иськеме кыстйсько лысо писпуосын шобыртэм нюлэсъёс. Нюр интыоссы уно, нош тыоссы лыдъяса быдтонтэм. Котькуд ты возын чужалэс, нап-гордалэс буям коркаос сыло. Трос адзод пыжен уясьёсты, чорыгасьёсты.

Адями но инкуазь та шаерын огкылысь, эшъяськыса уло. (72 кыл)

                                                                         Л. Бадретдинова

Валэктоно кылъёс: Финнляндия, Хельсинки, чыжы-выжы, финн, нап-гордалэс, огкылысь.

5-тй контрольной уж

Диктантъёс

I. Тылобурдо каръёс

Тюрагайёс, бодёноос, учыос асьсэлы кар лэсьто музъем вылэ. Соослэн тылыоссы яркытэсь овол. Тыбырзы пурысялэс яке курень. Чапак тупало котырысьтызы музъемлы но бусыослы. Соин ик соосты адзыны шуг.

Та тылобурдоослэн пузъёссы но чужалэс, пурысьяке курень пужыё. Каръёссы кыр интыын ке но, пузъёссэс шуак уд адзы.

Адямиос гужем возь вылэ, нюлэскы пуныосын ветлыны ярато. Пуныос жог шедьто музъем вылысь тылобурдо каръёсты. Соосты пазяло, бурдъясь- кымтэ тылобурдоосты сиё. Озьы соос инкуазь- мылы бадзым изъян лэсьто. (71 кыл)  

                                                                                     «Арлэн нылпиосыз» книгаысь

Грамматической ужъёс:

1.Та предложениез членъёсызъя эскере: Тюрагайёс, бодёноос, учыос асьсэлы кар лэсьто музъем вылэ.

2.Та предложениысь глаголлы морфологической разбор лэсьтэ: Пуныос жог шедьто музъем вылысь тылобурдо каръёсты.

3.Та кылъёсты кыл люкетъёсъя эскере: пуныосын, пужыё, пазялозы.

II. Тулыс

Тулыс туэ шулдыр, шуныт кутскиз. Нюлэсъёсын но нюкъёсын лымы вань на, нош бусыосын со пуксемын, гуштйсь луэмын ини. Со улысь интыен-интыен сьод музъем адскылэ.

Бадьпу сяськаяськыны одъяз. Солэн пучыосыз чужектйзы но пуштырскизы. Умортоысьтызы нырысьсэ чечы дуре лобизы мушъёс. Нюлэс кушъёсын керпотыса кадь мычиськизы кечсин сяськаос. Шунды яркыт но яркыт пиштэ. Жоген музъем куасьмыны одъя. Кызьпуослэн но ческыт зыно бычыоссы сэрало. Бусыосты, бакчаосты гырыны кутско. Коня тылобурдоос вуо асьме шаере! Коня нымы-кибыос пото дунне вылэ! (75 кыл)                                                                                                       И. Купринъя

Валэктоно кылъёс: сэраны — распускаться; интыен-интыен, адскылэ, нымы-кибыос.

6-тй контрольной уж

Диктантъёс

I. Тютюпиос

Одйг чебер нуналэ азбарамы потй. Вылын яркыт шунды пиштэ. Льомпу вай вылын шырчик чирдэ. Азбарамы вож-вож турын бычыра.

Со вож турын вьштй толон жыт гинэ потэм дас вить зазегпиосмы бызьыло. Кыче соос мусоесь, вешамонэсь! Одйгзэ киям кутыса мусоясько, кыкетйзэ, куинетйзэ, ньылетйзэ вешай. Зазегпиос возысьтым уг кошко, эшшо киям кутэмме возьмало кадь.

Шодтэк шорысь мон доры лобыса ик айы зазег вуиз. Шиетэмзэ кылй но туж куалектй. «Вождэ эн вай, тютюостэ вешай гинэ», — шуи мон зазеглы. (75 кыл)

                                                                                                           О. Корневъя

Грамматической ужъёс:

1.Та кылъёсты кыл люкетъёсъя эскере: зазегпиосмы, мусоесь, мусоясько.

2.Та предложениысь кылъёслы морфологической разбор лэсьтэ: Яркыт шунды пиштэ.

3.Та предложениез членъёсызъя эскере: Льомпу вай вылын шырчик чирдэ.

II. Тыпы

Тыпы — паймымон писпу. Кисыриё пеймыт- курень мугорыз батырлэн кадь. Паськыт вайёсыз таза, кужмо пельпумъёслы кельшо. Соин сое батыр тыпы шуо.

Тулыс та писпу вань писпуослэсь бер куаръяське. Нюлэс вож куарен шобырске ини, нош бусы шорысь тыпы одйгназ сьод-сьод сылэ на.

Сйзьыл но тыпы уг кобера. Кызьпу, бадяр, пипу куаръёс зарни дйсьсэс кушто ини, нош тыпы, куаръёсынызлюкиськытэк, шыпытак сылэ. Тыпы улын кырпарсьёс мульыенызы кбтсэс тыро, шутэтско. Гырказ пелёкучыранъёс уло, урткычъёс толъё. (70 кыл)

Валэктоно кылъёс: пеймыт-курень, кырпарсь, пелёкучыран.

Грамматической ужъёс:

1.Та кылъёсты кыл люкетъёсъя эскере: кыр- парсъёслы, мульыеныз, кисыриё, сылйськомы.

2.Та предложениез членъёсызъя эскере: Льомпу вай вылын шырчик чирдэ.

III. Гужем

Нош ик гужем вуэ. Та вакыт адямиослы трос шумпотонъёс вае. Зег чужектэ, эмезь чыжектэ, льом сьодэктэ, сутэр, ягмульы, кудымульы но мукет емышъёс вуо.

Асьме шаерысь нюлэсъёс котьмаин узыресь. Кыче гинэ емышъёс, турын-куаръёс уг будо отын! Мынэ но октэ! Нюлэслэн пытсэтэз но, жужыт кенерез но овол. Отчы котькинлэн пыремез луэ.

Нош нюлэс зеч сюлэмо адямиез гинэ яратэ. Инкуазьлэсь будэтэм емышъёссэ бичаку, тау каронэз валано. Одйг писпуэз но, модосэз но тйяны угяра. Соос азьланяз но сяськаяськозы, емышсэс сётозы. (77 кыл) В. Широбоковъя

Валэктоно кылъёс: турын-куар, пытсэт.

Литература:

1. Ю.Т.Байтерякова, Н.П.Векшина  «3-ти классын удмурт кылъя урокъес, Ижевск: «Удмуртия»,2006
2.  «Вордскем кыл»  журнал №7/2010.
3. Р.Ф.Березин «Удмурт кылъя диктантъес но творческой ужъес», Ижевск:ИУУ,2001.
4. Р.Ф.Березин «Удмурт кылъя диктантъес», Ижевск: «Удмуртия», 2005.