2сыйныфта математикадан эш программасы
рабочая программа по математике (2 класс) по теме

Балтач муниципаль районы

Муниципаль бюджет гомумбелем бирү  учреждениесе

“Алан төп гомуми белем бирү мәктәбе”

Каралды:                                                       Килешенде:                                                                   Раслыйм:

 МБ җитәкчесе                                             укыту- тәрбия эшләре буенча                                Мәктәп   директоры ______ /  Бәдретдинов Р.Ф. /              

_____/Хабибуллина Т.М./                           директор урынбасары                                                        “ __” ________2013 ел                                  

   Беркетмә  №____                                      ________/Хайруллина Р.Р./                                                 Приказ № _________

“ __” ________2013 ел                                  “ __” ________2013 ел                                  

Математика фәне буенча 2 нче сыйныф өчен эшче программа

                                                                                                                                                          Төзеде:                                                                                                                                                                             башлангыч сыйныфлар укытучысы

                                                                                                                                                                          Хабибуллина Т.М.

                                                                                                                                                                Педагогик совет утырышында каралды

                                                                                                                                                                     Беркетмә №______

                                                                                                                                                                  “____”   ____________ 2013ел

2013-2014 нче уку елы

Аңлатма язуы

Программаның исеме: математика

Укыту планында бирелгәнчә, 2 нче  сыйныфта математика  дәресе өчен  атнага 4 сәгать вакыт каралган. Барлыгы  136 сәгать.

Дәреслек:   1. А.Л Чекин. Математика 1 кисәк, 2 кисәк Казан/”Хәтер”, 2011.  Дәреслек 2 кисәктән тора, аларның һәрберсе уку яртыеллыгына исәпләнгән. Беренче кисәктә беренче йөз саннарының язма һәм телдән нумерациясе, аларны  телдән кушу һәм алу алымнары, саннарның эзлеклелеге, тапкырлауның таблицалы очраклары, төп геометрик төшенчәләр. “озынлык” ,”масса” зурлыкларын өйрәнү белән бәйле сораулар кертелгән.  Зур игътибар сюжетлы арифметик мәсьәләләргә бирелә. Икенче кисәктә өчурынлы саннарның язма һәм телдән нумерациясе, аларны телдән, язмача кушу һәм алу алымнары, тапкырлау һәм бүлүнең таблицалы очраклары, төп геометрик төшенчәләр “озынлык”һәм “ вакыт” зурлыкларын өйрәнү белән бәйле сораулар кертелгән.

      2.  Математика курсыннан эш программасы,  2 сыйныф , төзүче автор С.И.Талгатовна ,Казан, 2012. ТР Мәгарифне үстерү институтының милли мәгариф лабораториясе фәнни хезмәткәре.   Казан, РИО ГБУ “РЦМКО”,2012 ел.

      3. Мөстәкыйль  эш дәфтәре  авторлар : О.А Захарова , Е.П Юдина “Математика в вопросах и  заданиях” тетрадь для самостоятельной работы. Под редакцией Р.Г.Чураковой , 2011.

         Программа башлангыч белем бирүнең Федераль дәүләт белем стандарты нигезендә предметлар арасындагы һәм предмет эчендәге бәйләнешләрне, уку процессы логикасын, кече яшьтәге мәктәп укучысында белем алу осталыгы формалаштыру мәсьәләләрен исәпкә ала. Программа түбәндәге дәүләт документларына нигезләнеп язылды:

• “РФдә мәгариф турында” федераль закон )гамәлдәге редакциядә);

• Башлангыч белем бирү Федераль дәүләт белем стандартына,  Приказ РФ (6 октябрь, 2009 №373)
• Татарстан Республикасы  Балтач муниципаль районының “Алан төп гомуми белем бирү мәктәбе”  муниципаль бюджет гомуми белем учреждениесенең  башлангыч белем бирү буенча төп укыту  программасы;

• Татарстан Республикасы Балтач муниципаль районының “Алан төп гомуми белем бирү мәктәбе” муниципаль бюджет гомуми белем учреждениесенең 2013-2014 нче уку елына 1-9  класслар өчен төзелгән укыту планы    
• 23.06.2012 елда  (Приказ №7699/  ТР Мәгариф министрлыгы тарафыннан расланган  “Об учебных планах для I - X I классов школ Республики Татарстан, реализующих основные образовательные программы начального общего образования и основного общего образования в соответствии с ФГОС общего образования” гомумбелем бирү учреждениеләре өчен региональ базис укыту планы        
•  2013-2014 нче уку елына еллык укыту-календарь графигы
• Белем бирү учреждениеләренда укыту процессында куллану өчен рөхсәт ителгән Федераль һәм региональ дәреслекләр исемлеге; (2013-2014 нче уку елына ТРның дәүләт аккредитациясе булган гомумбелем бирү учреждениесендә куллану өчен тәкъдим ителгән региональ дәреслекләр исемлеге.)      

Программа дәрәҗәсе: база дәрәҗәсендә.

Нинди укучыларга төзелгән: уртача укый торган балаларны исәпкә алып төзелгән.

Программа нинди яшь үзенчәлекләрен күздә тотып төзелә: 2 нче класс укучылары өчен  7-8 яшьлек балаларга төзелгән.

Башка предметлар белән бәйләнеше: программа рус теле, табигать белеме, хезмәткә өйрәтү һәм туган як төбәге белән  бәйләнештә төзелгән. Мисаллар, мәсьәләләр, логик фикерләүгә күнегүләр шуңа нигезләнә.

Программаның характерлы яклары (аерым яклары):  “Перспективалы башлангыч мәктәп” концепциясенә нигезләнеп төзелгән. Әлеге курсның аермалы ягы булып геометрик материал һәм зурлыкларны өйрәнүгә күбрәк игътибар бирелүе тора. Барлык курсның үзәге булып калучы арифметик материалны өйрәнү исә, алга таба практикада куллану шарты белән, теоретик белемнәр нигезендә гамәлгә ашырыла, ә исәпләү планында аерым игътибар телдән исәпләү ысуллары һәм техникасына бирелә.

Региональ компонент сәгатьләре, база курсы эчендә һәм аның белән эш: юк.

Типовой, авторлык һәм башкалар: программа ТР мәктәпләре укытучыларыныкы үрнәгендә төзелде, типик

Математиканың тәкъдим ителгән курсы түбәндәге максатларны куя:

-Уку һәм гамәли мәсьәләләрне математик  чаралар белән чишү осталыгы формалаштыру: мәгълүмәт(тәртипкә салу һәм классификацияләү өчен фактлар, охшашлыклар, аермалыклар, закончалыклар, нигезләмәләр, вариантлар) туплау, зурлыкларның мәгънәсен һәм аларны үлчәү ысулларын аңлау,сюжетлы мәсьәләләр чишү өчен арифметик ысуллар куллану(иң гади математик модельләр төзү), арифметик гамәлләр башкару, мәсьәләләр чишү, иң гади төзелешләр үткәрү алгоритмнары белән эшләү. Белем алуны дәвам итү өчен математик әзерлекне күрсәтү;

-Кече яшьтәге мәктәп укучысының математик үсешен тәэмин итү; математик күзаллауны әйләнә-тирә чынбарлыкны микъдар һәм пространство нисбәтләрендә сурәтләү өчен кулану; дәвамлы акыл эшчәнлегенә сәләтле булу; логик фикер йөртү, пространстволы күзаллау, математик сөйләм нигезләре формалаштыру; дөрес һәм дөрес булмаган әйтелмәләрне аеру, аргументлар китерү, нигезле нәтиҗәләр ясау сәләтенә ия булу.

-Фикер йөртүдә критика булдыру, акыл хезмәте белән кызыксыну теләге тәрбияләү, математик белемне көндәлек тормышта куллану гамәлләре формалаштыру.

Курсның төп дидактик идеясе әлеге формула белән күрсәтелергә мөмкин: “аерым очракны карау аша гомумиләштерүгә илтү”. Балага предметның асылына математиканың әйләнә-тирә дөнья белән табигый бәйләнеше аша төшенергә тәкъдим ителә.

 Бурычлар:

- Укучыларның образлы, логик фикер йөртү сәләтләрен үстерү;

- Программада каралган белем, осталык һәм күнекмәләрне киләчәктә математика фәнен өйрәнү өчен ныклы нигез булдырырлык итеп формалаштыру;

- Математик белем нигезләрен үзләштерү, бу фән турында күзаллау булдыру;

        - Математика фәненә кызыксыну уяту, алган белемнәрне көндәлек тормышта куллануга омтылыш тәрбияләү.

Курс эчтәлеге.

Саннар һәм зурлыклар (20 сәгать)

Нумерация һәм саннарны чагыштыру.

Икеурынлы саннарның телдән һәм язма нумерациясе: саннарны унарлап язуда разряд- лы принцип, “түгәрәк” дистәләрнең язылышы һәм аталышы, икеурынлы саннар өчен микъдар саннарын төзү принцибы. “Түгәрәк” дистәләр.

Өчурынлы саннарның телдән һәм язма нумерациясе: яңа разрядлы берәмлек – йөзне табу, унарлы язмада өченче разряд – йөзләр разряды, “түгәрәк” йөзләр язылышы һәм аталышы, өчурынлы саннар өчен микъдар саннарын төзү принцибы. “Түгәрәк” йөзләр. Өчурынлы саннарны разрядлы кушылучылар суммасы рәвешендә күрсәтү.

Саннарны унарлы нумерация нигезендә чагыштыру.

Саннарны саннар нурында сурәтләү. Саннарның натураль рәте турында төшенчә.

Рим язма нумерациясе белән танышу.

Санлы тигезлекләр һәм тигезсезлекләр.

Санлы эзлеклелекләр турында беренчел күзаллаулар.

Зурлыклар һәм аларның үлчәнеше.

Предметларны масса буенча үлчәмичә чагыштыру. Масса берәмлеге – килограмм. Мас-саны үлчәү. Масса берәмлеге – центнер. Центнер һәм килограмм арасында нисбәт:            1 ц = 100 кг.  

 Вакыт озынлыгы. Вакытны сәгать ярдәмендә билгеләү. Мизгел (момент) буларак вакыт. Вакыт  мизгелен әйтә белүне формалаштыру. Вакыйганың бетү мизгеле һәм башлану миз-геле аермасы буларак дәвамлылык. Вакыт берәмлекләре:сәгать, минут, тәүлек, атна һәм алар арасындагы нисбәтләр. Үзгәрүчән вакыт берәмлекләре (ай, ел) һәм аларның тәүлек белән нисбәт вариантлары. Әлеге нисбәтләрне истә калдыру ысуллары. Календарь. Вакыт берәмлеге – гасыр. Гасыр һәм ел арасында нисбәт: (1 гасыр = 100 ел.)

 Зурлык яки күплек санын бирелгән берәмлек ярдәмендә үлчәү буларак бүлү.

Арифметик гамәлләр (46 сәгать)   

Санлы аңлатма һәм аның кыйммәте. 100 эчендә разряд аша күчеп һәм разряд аша күч-мичә телдән кушу һәм алу. Суммадан сумманы алу кагыйдәсе. 100 эчендә разрядлап кушу һәм алу ысуллары. Саннарны аермалары буенча чагыштыру. Баганалап кушу һәм алу яз-масы, аның гамәлләрне юллап язудан өстенлеге. Баганалап кушу һәм алу ысулы. Кушу һәм алу гамәлләрен калькулятор ярдәмендә үтәү һәм тикшерү.

Компонентлар һәм гамәл нәтиҗәсе арасында бәйләнеш (кушу һәм алу өчен). Тигезлә- мә – билгесез компонент белән гамәл язмасы формасы. Билгесез кушылучыны, билгесез киметүчене, билгесез кимүчене табу кагыйдәләре.

 Тапкырлау – бертөрле кушылучыларны кушу. Тапкырлау тамгасы (·). Тапкырлаучылар, тапкырчыгыш һәм аның кыйммәте. Тапкырлауның таблицалы очраклары. 0 гә һәм 1 гә тапкырлау очраклары. Тапкырлауның урын алыштыру үзлеге.

 Санны берничә тапкыр арттыру.

  Гамәлләрне үтәү тәртибе: тапкырлау һәм кушу, тапкырлау һәм алу. Беренче һәм икенче баскыч гамәлләре.

   Бүлү белән предметлы гамәлләр дәрәҗәсендә танышу. Бүлү тамгасы (:). Эзлекле алу бу-ларак бүлү. Бүленүче, бүлүче, өлеш һәм аның кыйммәте. Өлеш (санның яртысы, өченче, дүртенче, бишенче һ.б. өлешләре). Санның бирелгән өлешен табу буларак бүлү. Санны берничә тапкыр киметү.

   Зурлыкны яисә күплек санын бирелгән берәмлек ярдәмендә үлчәү буларак бүлү.

   Арифметик гамәлләр үзлекләрен исәпләүләрне җиңеләйтү өчен куллану.

Текстлы мәсьәләләр (36 сәгать)

  Математик биремнең аерым төре буларак арифметик текстлы (сюжетлы) мәсьәлә. Арифметик текстлы (сюжетлы) мәсьәләнең аермалы үзлекләре һәм аның мәҗбүри компо-нентлары: санлы (зурлыклы) бирелгәннәр белән шарт һәм табылырга тиешле санга (зур-лыкка) таләп (сорау). Арифметик сюжетлы мәсьәләне текст рәвешендә формалаштыру. Тексттан “артык” мәгълүматны аерып чыгару. Мәсьәләнең кыскача язылышы.

   Бирелгәннәр һәм табылырга тиешле саннар (зурлыклар) арасында бәйләнешләрне гра-фик модельләштерү.

   Гади мәсьәлә. Гади мәсьәләне чишкәндә дөрес гамәл сайлый белүне формалаштыру (арифметик гамәл мәгънәсе нигезендә һәм график модель ярдәмендә).

   Төзелмә мәсьәлә. Төзелмә мәсьәләне гади мәсьәләгә һәм таләпне яисә шартны үзгәртү исәбенә киресенчә үзгәртеп кору. Төзелмә мәсьәләне берничә гади мәсьәләгә таркату. Төзелмә мәсьәлә чишелешен “адымлап” (гамәлләп) һәм бер аңлатма рәвешендә язу.

   Кире мәсьәлә турында төшенчә. Бирелгән мәсьәләгә карата кире мәсьәләләр төзү. Кире мәсьәлә чишү – бирелгән мәсьәләнең чишелеше дөреслеген тикшерү ысулы.

   Тигезләмәләр ярдәмендә кушу һәм алуга карата гади арифметик сюжетлы мәсьәләләр модельләштерү һәм чишү.

   Вакытка карата мәсьәләләр (вакыйганың башы, ахыры, озындыгы).

   Текстлы мәсьәләләрне арифметик ысул белән чишү.

   “...га(гә) зуррак”, “...га(гә) азрак” нисбәтләре булган мәсьәләләр.

Пространство. Геометрик фигуралар (10 сәгать)

Турының чиксезлеге. Ярымтуры буларак нур. Почмак. Почмак төрләре: туры, кысынкы, җәенке. Күппочмакта почмаклар. Турыпочмаклык. Турыпочмаклыкның аерым очрагы буларак квадрат.

   Әйләнә һәм түгәрәк. Әйләнә (түгәрәкнең) үзәге, радиусы, диаметры. Әйләнәне (түгәрәкне) циркуль ярдәмендә төзү. Бирелгән кисемтәгә тигез кисемтә төзү өчен циркуль куллану.

Геометрик зурлыклар (12 сәгать)

   Озынлык берәмлеге – метр. Метр, дециметр һәм сантиметр арасындагы нисбәтләр

(1 м = 10 дм = 100 см).

   Сынык сызык озынлыгы. Күппочмак периметры. Квадрат һәм турыпочмаклык периметрын исәпләү.

Мәгълүмат белән эш (12 сәг)

   Берурынлы саннарны ( 0 дән башка ) тапкырлау таблицасы. Таблицаның юлларны, бага наларын уку һәм тутыру. Мәгълүматны таблицада бирү.       Таблицаны биремне формалаштыру өчен куллану.  

Шәхескә кагылышлы универсаль уку гамәлләре формалашу нәтиҗәләре:

Укучыларда формалашачак:

• яңа уку материалына һәм яңа мәсьәлә чишү ысулларына уку-танып белү кызыксынуы;
• математика фәнен гомумкешелек культурасы өлеше буларак аңлау;
• уку эшчәнлегендә уңыш сәбәпләрен, шул исәптән нәтиҗәгә үзанализ һәм үзконтрольне аңлауга, нәтиҗәләрнең конкрет мәсьәлә таләпләренә туры килүен анализлауга, укытучы һәм башкаларның бәяләрен аңлауга ориентлашу;
• уку эшчәнлегеңне бәяләү сәләте;

•        төп мораль нормаларны белү һәм аларны үтәүгә ориентлашу;
Укучыларда түбәндәгеләр формалашырга мөмкин:

• белем бирү учреждениесенә уңай караш, математика фәнен өйрәнүнең кирәклеген аңлау дәрәҗәсендә укучының эчке позициясе;
• белем алуда уку-танып белү тотрыклы мотивлары;
• мәсьәләләрне  чишүдә яңа гомуми ысулларга тотрыклы уку-танып белү кызыксынуы;
• уку эшчәнлегенең уңышлылыгы (уңышсызлыгы) сәбәпләрен аңлау;
• аралашканда партнерларыңның мотивларына һәм хисләренә ориентлашу, үз-үзеңне тотышыңда мораль нормаларга һәм этик таләпләргә тотрыклы иярү.

Регулятив универсаль уку гамәлләре формалашу нәтиҗәләре

Укучылар өйрәнәчәк:

• уку мәсьәләсен кабул итәргә һәм аны эш дәвамында сакларга;
• укытучы тарафыннан билгеләнгән эш-гамәл ориентирларын яңа уку материалында исәпкә алырга;
• үз эш-гамәлләреңне куелган бурычка һәм аны гамәлгә ашыру шартларына (шул исәптән эчке планда да) туры китереп планлаштырырга;
• укытучы һәм башкаларның (сыйныфташлар, ата-аналар, туганнар) бәяләрен һәм тәкъдимнәрен дөрес кабул итәргә;
• бәя һәм ясалган хаталар характерын исәпкә алып, эш-гамәлләргә кирәкле төзәтмәләр кертергә, тәкъдимнәрне һәм бәяләрне яңа, тагын да камилләштерелгән нәтиҗә алу өчен кулланырга.

Укучылар өйрәнергә мөмкинлек алачак:

• укытучы белән хезмәттәшлектә яңа уку мәсьәләләрен куярга;
• гамәли мәсьәләне танып белү мәсьәләсенә үзгәртеп корырга;
• уку хезмәттәшлегендә танып белү инициативасы күрсәтергә;
• укытучы тарафыннан билгеләнгән эш-гамәл ориентирларын мөстәкыйль рәвештә яңа уку материалында исәпкә алырга;
• эш-гамәлләрнең дөрес үтәлешен мөстәкыйль рәвештә бәяләргә һәм тиешле төзәтмәләр кертергә.

Танып белү универсаль уку гамәлләре формалашу нәтиҗәләре

Укучылар өйрәнәчәк:

• энциклопедия, белешмәлекләр (шул исәптән электрон, цифрлы) кулланып, кирәкле мәгълүмат эзләргә;
• мәсьәләне чишү өчен тамга-символик чаралар (шул исәптән модельләр һәм схемаларны да кертеп) кулланырга;
• уку мәсьәләләрен чишүдә ысулларның төрлелегенә ориентлашырга;
• тексттан төп мәгълүматны аерып алырга;
• беренчел һәм икенчел мәгълүматларны аерып чыгарып, объектларны анализларга;
• аерым кисәкләрдән бербөтен төзергә;
• бирелгән критерийлар буенча чагыштырырга, сериацияләргә һәм классификацияләргә;

•        мөһим бәйләнешләрне аерып чыгару нигезендә объектлар өчен гомуми охшашлыклар табарга;

•        мәсьәлә чишү алымнарын үзләштерергә.
Укучылар өйрәнергә мөмкинлек алачак:

• уку мәсьәләләрен чишү өчен модель һәм схемаларны үзгәртеп корырга;
• конкрет шартлардан чыгып, уку мәсьәләләрен нәтиҗәле чишү ысулларын сайлап алырга;
• җитмәгән  компонентларны тулыландырып һәм өстәп, аерым кисәкләрдән бербөтен төзеп синтезларга;
• күрсәтелгән логик операцияләр өчен мөстәкыйль рәвештә нигезләмә һәм критерийлар сайлап, чагыштыру, сериация һәм классификация башкарырга;

           ирекле һәм аңлы рәвештә мәсьәлә чишү алымнарын үзләштерергә.

Коммуникатив универсаль уку гамәлләре формалашу нәтиҗәләре

               Укучылар өйрәнәчәк:

• кешеләрдә  төрле фикерләр булу мөмкинлеген кабул итәргә (шул исәптән үз фикерең белән туры килмәсә дә), хезмәттәшлек һәм аралашу партнеры позициясенә ориентлашырга;
• үз фикереңне һәм позицияңне формалаштырырга;
• уртак эшчәнлектә килешергә һәм гомуми чишелешкә килергә;
• партнерның нәрсәне белүен һәм күрүен, ә нәрсәне белмәвен һәм күрмәвен исәпкә алып, аңлаешлы сөйләм төзергә;
• сораулар бирергә;
• партнерның эш-гамәлләрен контрольгә алырга;

•        сөйләмнең диалог формасын үзләштерергә.

Укучылар өйрәнергә момкинлек алачак:

• хезмәттәшлеккә, үз фикереңнән аермалы буларак, башка кешеләрнең позицияләрен исәпкә  алырга;
• төрле фикерләрне исәпкә алырга һәм позицияңне нигезләргә;
• үз фикереңне аргументлар белән нигезләргә һәм аны уртак эшчәнлектә гомуми чишелеш чыгару өчен хезмәттәшлек партнеры позициясе белән килештерергә;
• хезмәттәшлеккә үзара контроль һәм ярдәмләшу оештырырга.

Практик юнәлеш: мисалларны, мәьәләләрне тормыш тәҗрибәсе, милли төбәк компонентлары белән бәйләп алып бару, укучы алган күнекмәләрне  куллана белү, әйтеп бирү осталыгына ирешү.

Төрле эшләрне бәяләү критериесе:

Агымдагы контроль эшне телдән һәм язма рәвештә үткәреп була. Агымдагы контроль эшне атнага 1 тапкыр мөстәкыйль эш рәвешендә яки математик диктант рәвешендә үткәрергә мөмкин. Анда бертөрлерәк биремнәр кулланылырга тиеш.

Тематик контроль эш язма рәвештә үткәрелә. Билге куела.

“5”ле – хаталарсыз эшләнгән эш

“4”ле – 1 хата һәм 1-2 недочет, 2 хата яки 4 недочет

“3”ле – 2-3 хата һәм 1-2 недочет, 3-5 хата яки 8 недочет

“2”ле – 5 һәм аннан күбрәк хата

 Тематик тикшерү эше вакытында төп урынны кушу, алу, тапкырлау, бүлү алып тора.   Аңа дәреснең 5-6 минуты каралган. Аңа билге куела:

“5”ле – хаталарсыз эшләнгән эш.

“4”ле – 1-2 хата

“3”ле – 3-4 хата

 Еллык контроль эш катнаш  була. Аерым биремнәрне эшләү тикшерелә, билге куела.

“5”ле – хаталарсыз

“4”ле – 1 хата яки 1-3 недочет, мәсьәләдә хата булырга тиеш түгел

“3”ле – 2-3 хата, яки 3-4 недочет, мәсьәләнең чишелеше дөрес булырга тиеш

“2”ле – 5 һәм аннан күп хата

Еллык тикшерү эше уртача балл буларак куела.

Технология, аның бурычлары, көтелгән нәтиҗә:    иҗади үсеш технологиясе буенча математиканы өйрәнүнең максаты - балаларның иҗади фикерләү сәләтен үстерү, интеллектуаль сәләтләрен ачу, иң гади төшенчәләр нигезендә математик гамәлләр кыла белүенә ирешү. Яңа педагогик- психологик технологияләр элементларын файдаланып, эзләнү, өйрәнү, кабатлау аша белем бирү. Өзлексез белем бирүгә нигезләнеп, төрле эшчәнлек алымнарын кулланып эш оештыру. Үз фикерен әйтә белергә, стандартлар буенча куелган таләпләр үтәлерлек дәрәҗәдә белем алуга ирешү. Компьютер технологиясен укытуда куллану дәрестә эш төрләрен, телдән һәм язмача күнегүләрне чиратлаштырырга ярдәм итә. Ә бу үз чиратында укучыларда белем алуга кызыксыну уята.

Дәрестә төп методлар: өлешчә эзләнүчән,  тормыш тәҗрибәсенә нигезләнеп аңлатмалы укыту методы, әңгәмә, аңлату,сорау, биремне чишү, дәреслек белән эшләү, интерактив укыту, коммуникатив, тикшерү методлары.

Укучыларның эшчәнлеген оештыру формасы: парлап, коллектив һәм шәхси якын килү алымнары.

Тематик планлаштыру

Календар – тематик план

2 сыйныф ахырына математика һәм универсаль уку гамәлләре формалаштыру программаларын үзләштерү буенча планлаштыра торган нәтиҗәләр.

            Предметны өйрәнү буенча белем, күнекмә, осталык нәтиҗәләре

Укучылар өйрәнәчәк:

•дистәләп һәм йөзәрләп санарга;

• “сан” һәм “цифр” терминнарын аеырырга;

   • рим цифрлары белән язылган саннарны (1 дән 1 гә кадәр) танырга;

   • барлык берурынлы, икеурынлы һәм өчурынлы саннарны укырга һәм язарга;

   • санны разрядлы кушылучылар рәвешендә язарга, “түгәрәк” саннарны разрядлы кушы- лучылар ролендә кулланырга;

   • өйрәнелгән саннарны аларның унарлы язмасы нигезендә чагыштырырга һәм чагышты-ру нәтиҗәсен тамгалар (>, <яисә =) ярдәмендә язарга;

• саннарны санлы нурда сурәтләргә;

• “натураль рәт” һәм “натураль сан” терминнарын кулланырга;

• бирелгән кагыйдә буенча төзелгән санлы эзлеклелекләрнең беренче берничә санын табарга;

• берурынлы саннарның кушу таблицасын белергә һәм кулланырга;

• санны суммага һәм сумманы санга кушу кагыйдәләрен кулланырга;

• кушу һәм тапкырлауның урын алыштыру үзлеген кулланырга;

• суммадан сумманы алу кагыйдәсен кулланырга;

•нуль белән кушу һәм алу, нуль һәм бер белән тапкырлау кагыйдәләрен кулланырга;

• өч разряд кысаларында язмача кушу һәм алуны башкарырга;

• кушу һәм алу гамәлләренең билгесез компонентларын табарга;

• тапкырлау һәм бүлү белән бәйле тамгаларны ( * һәм : ) кулланып, тапкырлау һәм бүлү гамәлләрен язарга;

   • берурынлы саннарның тапкырлау таблицасын;

   • тапкырлау һәм бүлү белән бәйле тамга һәм терминнарны ( (*) һәм (:) тамгалары, тап-кырчыгыш, тапкырчыгыш кыйммәте, тапкырлаучылар, өлеш, өлеш кыйммәте, бүленүче, бүлүче) кулланырга;

   • берурынлы саннарның тапкырлау таблицасын белергә һәм кулланырга;

   • бүлүне предметлы гамәлләр һәм алу нигезендә башкарырга;

   • гамәлләрне үтәү тәртибе кагыйдәсен бер яки төрле баскыч гамәлләрен үз эченә алган җәяле һәм җәясез аңлатмаларда кулланырга;

   • линейка ярдәмендә туры сызыклар, кисемтәләр, сынык сызыклар, күппочмаклар сы-зарга;

   • предметлар һәм ара озынлыгын (метр, дециметр һәм сантиметрларда) үлчәү прибор- лары ярдәмендә билгеләргә;

   • бирелгән озынлыктагы кисемтәләрнең сумма һәм аерма кыйммәтләрен үлчәү линей-касы һәм исәпләүләр ярдәмендә табарга;

   • кисемтә озынлыгын, төрле озынлык берәмлекләрен кулланып, күрсәтә белергә (мәсә-лән, 1 м 6 дм яки 16 дм яки 160 см);

   • өйрәнелгән озынлык берәмлекләре (сантиметр, дециметр, метр) арасындагы нисбәт-ләрне озынлыкны төрле берәмлекләрдә белдерү өчен кулланырга;

   • өйрәнелгән геометрик терминнарны (туры, нур, почмак (туры, кысынкы, җәенке), турыпочмаклык, квадрат, әйләнә, түгәрәк, әйләнә (түгәрәк) элементлары (үзәк, радиус, диаметр)) танырга һәм сызымда кулланырга;

   • массаны үлчәргә һәм аны, өйрәнелгән масса берәмлекләрен (килограмм, центнер) кулланып, белдерергә;

   • вакыт озынлгын үлчәргә һәм аны өйрәнелгән вакыт берәмлекләрен (минут, сәгать, тәү- лек, атна, ай, ел, гасыр) кулланып, белдерергә; бер вакыт берәмлегеннән икенчеләренә күчәргә;

   • вакыйганың башы һәм ахыры һәм аның озынлыгы арасындагы бәйләнешне урнашты-рырга; вакытны сәгать буенча ачыкларга;

   • гади һәм төзелмә мәсьәләләрне танырга әм формалаштырырга; “мәсьәлә” төшенчәсе белән бәйле терминнарны (шарт, таләп, чишелеш, җавап, бирелгәннәр, табылырга тиеш-ле сан (зурлык)) кулланырга;

   • арифметик сюжетлы мәсьәләнең график моделен төзергә; төзелгән модель нигезендә мәсьәлә чишәргә;

   • “... га (гә) зуррак”, “... га (гә) азрак” нисбәтләре булган гади һәм төзелмә мәсьәләләр чишәргә;

   • төзелмә мәсьәләне гадиләргә таркатырга һәм чишелешне язуның ике формасын кул-ланырга (гамәлләп һәм бер аңлатма рәвешендә);

   • кире мәсьәлә формалаштырырга һәм аны бирелгән чишелешнең дөреслеген тикшерү өчен кулланырга;  таблицаның юлларын һәм баганаларын укырга , тутырырга.

                             Укучылар өйрәнергә мөмкинлек алачак:

   • унарлы санау системасында саннар язылышының позицион принцибын аңларга;

   • рим цифрларын беренче һәм икенче дистә саннарын язу өчен кулланырга;

   • “натураль рәт” һәм “натураль сан” терминнарын аңларга һәм кулланырга;

   • “санлы эзлеклелек” терминын аңларга һәм улланырга;

   • сумманы суммадан алу кагыдәсен белергә һәм кулланырга;

   • бөтен тискәре булмаган саннар буенча тапкырлау һәм бүлү гамәлләренең (операцияләренең) микъдарлы мәгънәсен аңларга;

   • компонентлар һәм гамәл нәтиҗәсе (кушу һәм алу өчен) арасында бәйләнешне аң-ларга;

   • билгесез компоненты булган гамәлләрне тигезләмә рәвешендә язарга;

   • турының һәм нурның чиксезлеген аңларга;

   • әйләнә һәм түгәрәк нокталарының үзлеген аңларга;

   • рим цифрларын гасыр һәм төрле даталарны язу өчен кулланырга;

   • үзгәрүчән вакыт берәмлекләрен (ай, ел) аларның тәүлек белән нисбәтләре нигезендә карарга; “кәбисә ел” терминын кулланырга;

   • вакыт-дата һәм вакыт-дәвамлылык арасында бәйләнешне аңларга;

   • арифметик текстлы (сюжетлы) мәсьәләне математик биремнең аерым төре буларак карарга; арифметик сюжетлы мәсьәләләрне танырга һәм формалаштырырга, аларны башка мәсьәләләрдән (логик, геометрик, комбинатор) аерырга;

   • төрле график модельләр һәм тигезләмәләр кулланып, арифметик сюжетлы мәсьәләләрне модельләштерергә;

   • бирелешнең таблицалы формасын кулланырга.

2 нче сыйныф өчен математикадан  якынча еллык йомгаклау тикшерү эше

1. нче вариант.

1. Исәплә:

6х9+120:60

2. Чагыштыр һәм чагыштыру нәтиҗәләрен   >,  <  яисә  =  тамгалары ярдәмендә  яз:

560 кг һәм 5 ц               808 см һәм 8 м 80 см           1 сәг. 25 мин  һәм 125 мин.

3. Диаметры 8 см га тигез булган әйләнәнең радиусын исәплә. Бу әйләнәне төзе.
4. Тигезләмә астына сыз.

18+790 < 800               68 – 34                     X+45                       367-12 = 355                                     X + 45 = 190

Бу тигезләмәнең тамырын тап һәм яз.

5. Мәсьәләне чиш. Җавабын исәплә һәм яз.

Тимер чыбык төргәгеннән һәрберсе 7 шәр м лы 5 кисәк өзеп алдылар. Төргәктә 145 м чыбык калды. Төргәктә ничә метр чыбык булган?

 Тикшерү эше өчен материал түбәндәге чыганактан алынды: “Математика курсы буенча эш программасы” 2 нче сыйныф, төзүче – автор Сәгъдиева И.Т., Казан-2012.

Кулланылган әдәбият

1 Математика 1, 2 кисәк А.Л Чекин Москва /Академкнига/учебник/2011  Казан /”Хәтер”2011 ел

2.Поурочные разработки по математике А.В.Афонина  к УМК А.Л Чекина Москва “ВАКО” 2011

3.Математика курсыннан эш программасы 2 сыйныф , төзүче автор С.И.Талгатовна Казан 2012 ТР Мәгарифне үстерү институтының милли мәгариф лабораториясе фәнни хезмәткәре.   Казан РИО ГБУ “РЦМКО”,2012 ел

 4. Мөстәкыйль  эш дәфтәре авторлар О.А Захарова Е.П Юдина “Математика в вопросах и  заданиях” тетрадь для самостоятельной работы. Под редакцией Р.Г.Чураковой 2011.