КВН - урок о здороье человеке.
план-конспект урока по физкультуре по теме

Үткәрде:  2 квалификацион категорияле укытучы

          Гайнетдинвова Фәридә Тәлгать кызы

Email: farida6767@yandex.ru

“Сәламәт тәндә – сәламәт акыл”

КВН

Максат: 1. Укучыларда, әти-әниләрдә һәм авыл халкында физкультура һәм спортка,  белемгә кызыксыну уяту. Актив ял итүне оештырырга өйрәтү. 2. Сәламәт яшәү рәвешенә өндәү. 3. Дуслык, бердәмлек, ярдәмләшү хисе тәрбияләү.

Үткәрү урыны: Спорт зал.

(Һәр команда үзләре  ягындагы стенаны спортка кагылышлы плакатлар, шарлар  белән бизиләр. Команданың исеме язып куела.)

Уен барышы.

 Алып баручы: Хәерле кич, кадерле балалар, хөрмәтле әти-әниләр һәм бәйрәмгә килгән барлык кунаклар! Бүген без сезнең белән бәйрәмгә җыелдык.

      –Татарстан Республикасында Спорт һәм сәламәт яшәү рәвеше елы дип игълан ителде.  Аңа халыкның сәламәтлеген ныгыту, масса төсендәге спорт төрләрен популярлаштыру, сәламәт яшәү рәвешен һәм физик культураны пропагандалау, яшьләр арасында асоциаль күренешләрне кисәтү, халыкның төрле категорияләрен сорт белән даими шөгыльләнүгә җәлеп итү максаты куела.

      Без дә бүген шушы ел уңаеннан 1нче сыйныф укучыларын әти-әниләре белән берлектә “Сәламәт тәндә – сәламәт акыл” дип исемләнгән уенга чакырдык.  Тату гаиләләрдә генә уңган, тырыш, тәүфыйклы, акыллы балалар үсә. Менә шушы күркәм сыйфатлары булган гаиләләр бездә кунакта. Хәзер бәйрәмебез түренә аларны чакырабыз.

       Уеныбыз КВН формасында булачак. Уенда ике команда. Командаларның капитаннары: Чулякмина Гельшат һәм Низамутдинова Рәзилә. Хәзер сүзне аларга бирәбез. Аларга түбәндәге өй эшләре бирелгән иде:

1нче конкурс. “Сез кем?”

1. Исәнләшү.
2. Команданың исеме.
3. Девиз.
4. Команданың җыры.

2нче конкурс. “Кем күбрәк белә?”

(Сезгә кайсы тема күбрәк ошый шушы теманы һәм санны сайларга кирәк . Сан никадәр зуррак булса, сорау да шулкадәр авыррак һәм очко да күбрәк булачак. Уен ахырында жюри кайсы команданың күбрәк очко җыйганын билгели. )

                        (Шушы таблица алга элеп куела)

Шахмат

                                           Мәкальләр

“Баш”

Олимпиада

Хоккей

Логика

Әкиятләр

3нче конкурс. “Шахмат” уены.                                                   

Шахмат турында легенда укыла.

   Борынгы заманда Һиндстанда Раджа исемле эре җирбиләүче, үтә бай кеше яши. Ул вакытын үткәрә алмыйча интегә, аңа бик күңелсез була. Аны пешекче кояш чыгышы илендәге иң тәмле ризыклар белән сыйласа да Раджа риза булмый. Каршында яшь, чибәр биючеләр биесә дә күңеле күтәрелми. Раджа авырый дип вәзире табибны алып килә. Табиб аны карагач, аның янына Галимне алып килә. Ул Раджаны шахмат уйнарга өйрәтә. Раджа шахматны өйрәнә һәм шах куя. Менә беренче җиңү! Галим китәргә җыена . Раджа аңа ни теләсәң мин сиңа шулкадәр алтын, көмеш бирәм ,-ди. Ләкин Галим аннан шахмат тактасындагы беренче шакмагына- бер бодай, икенче шакмагына –ике бодай, өченче шакмагына- дүрт бодай, дүртенчесенә – сигез бодай бирерсез. Раджа вәзиргә Галимнең үтенечен үтәргә куша. Казначей санап, тиешлесен үлчәп һәм аңа тагын 1 капчык өстәп тә бирсен ди.

     Казначей саный-саный һәм кеше ошанмаслык сан килеп чыга. Шахмат тактасында 64 шакмак бар , шуңа  18 486 744 073 709 551 615  бөртек ашлык кирәк була. 1 бөртек ашлыкны 0,5 гр итеп алсак, түгәрәкләп санап 924 337 203 365 т ашлык кирәк булачак. Әлбәттә инде моны бер бай да түли алмаячак.  Россиянең авыл эшчәннәре елына 90-97 млн.  тонна   иген үстерсәләр, теге Галим сораган ашлыкны бирү өчен, Россия игенчеләренә 9833 ел эшләргә кирәк.

      Хөрмәтле тамашачылар! Менә сез хәзер уйламыйча, исәпләмичә генә вәгъдә бирергә, гомумән сөйләргә ярамаганны аңладыгызмы?  Мин сезгә исәпләүләр китерми генә бу кадәр икмәкне  Җир шарының барлык  коры җир мәйданына  чәчсәң дә алып булмаганын искәртеп китәм. Ә Раджаның математигы ни өчен шулай исәпләде соң? Әйе, ул вакытларда геометрик прогрессия төшенчәсе дә, аның n-нчы буынын һәм буыннар суммасын табу формуласы да булмаган. Менә, сезгә: “Беләге юан берне егар, белеме булган меңне егар!” мәкаленең мәгънәсе. Димәк, белемнән зур байлык юк.

     Хәзер ике командадан да берәр катнашучы шахмат уены уйный. Җиңүче команда билгеләнә.

Алар уйнаган вакытта без киләсе уенны уйный торабыз.

4нче конкурс. “Кем ачкычны тизрәк таба?”

( Әниләргә йозаклар һәм ачкыч бәйләме бирелә. Кайсы әни йозакка тиешле ачкычны тизрәк таба, шул җиңүче була.)

5 нче конкурс. “Зарядка”

(Ике команданың да барлык катнашучылары чыгып баса.  “Үрдәкләр зарядкасы” музыкасына матур итеп бииләр. Кайсы команда җиңүче булганын жюри бәяли).

6 нчы конкурс. “Балык тоту”

(Чиләкне ,кармакны тотып һәр уенчы балыкка бара. Бер балыкны тота да кире кайтып икенче уенчыга тапшыра.уен шулай дәвам итә. Кармак һәм магнитлы балыклар ярдәмендә кайсы команда күбрәк балык тотар).

7 нче конкурс. “Кул көрәше”

( Әтиләр, әниләр һәм соңыннан балалар каршы командадагы уенчылар белән кул көрәштерәләр.Һәр җиңүчегә 1 очко бирелә.)

8 нче конкурс.”Кем тизрәк?”

(Ике урындык арты белән куелган.Урындыклар астыннан бау сузылган. Бию көенә 2 әни бии, музыка туктауга урындыкка утырып  бауны беренче булып тартып алырга кирәк.)

9 нчы конкурс. “Бәхетле очрак”

1 гейм – “Узышу”

(1 минут эчендә 1 нче командага тәкъдим ителгән сораулар. Һәр дөрес җавап өчен 1 очко).

1. Әле елның кайсы фасылы ?(яз)?
2. Елда ничә ай? (12)
3. Балыкның тән өслеге нәрсә белән капланган? (тәңкә).
4.   Су кайный – кайный нәрсәгә әйләнә? (парга)
5.  Колобок нәрсәдән ясалган? (камырдан).
6.  Сыерчык күчмә кошмы, әллә кышлаучы кошмы? (күчмә кош)
7.  Кайсы кош үзенең күкәен башка кошның оясына сала,ә үзе бала чыгармый? (күке)
8.  Рус алфавитында сузык авазләр күбрәкме, әллә тартык авазлармы? ( тартык авазлар)
9.  Кояш, йолдызлар, ай, су- болар терек табигатьме, әллә терек булмаган табигатьме? (терек булмаган табигать).
10.  Кибеттә 44 тартма конфет бар иде. Шуның яртысын  саттылар. Ничә тартма кофет калды? (22 тартма)
11.   50 нең яртысы? (25)
12. “Урман сарыгы” дип кемгә әйтәләр? (шүрәлегә)
13.  Җир өсте һәм аның табигатен, халкын, табигый байлыкларын, ресурсларын өйрәнә торган фән. (география)
14.  Бөек Ватан сугышы ничәнче елда башланган? (1941)
15. Нинди кош кышын бала чыгара? (чукыр).
16.  Аю бигрәк тә нәрсә ашарга ярата? (бал)
17. Һава температурасын үлчи торган прибор. (термометр)
18.  Медицинада төрле авыруларны дәвалау өчен кулланыла торган кыргый һәм культуралы үсемлекләр. (дару үләннәре)
19.  Кошларга күкәй салу һәм бала чыгару өчен кирәк булган урын. (оя)
20. 4 шәм янып тора. Өчесен сүндерделәр. Ничә шәм кала? (4)

2нче командага тәкъдим ителә торган сораулар.

1. Ландыш чәчәгенең икенче төрле исеме.. (энҗе чәчәк)

2. Урман докторы дип кайсы кошка әйтәләр? (тукран)

3. Нинди геометрик фигураны ашап була? (өчпочмак)

4.  Каты хәлдәге су нәрсә дип атала? (боз)

5.  Елның ничә фасылы бар?(4)

6. Кошларның тән өслеге нәрсә белән капланган? (Каурый)

7.  Беренче космонавт. (Ю. Гагарин)

8. Кәрзиндә 22 алма бар иде, аңа тагын шулкадәр үк алма салдылар. Кәрзиндә ничә алма булды? (44)

9. “Алтын тарак” кемнеке? (Су анасыныкы)

10. Г.Тукай кайсы районда туган? (Арча районы)

11.Татар алфавитында 4нче  хәреф нинди? (в)

12. Җир шарының формасын бик күп тапкыр кечерәйтеп ясалган модель. (глобус)

13. М.Җәлилнең кызының исеме? (Чулпан).

14. Күзгә күренми торган иң вак детальләрне зурайтып карау приборы. (микроскоп)

15. Табигатьнең тирән йокыга талган, елның салкын фасылы . (кыш)

16. “Ә” нинди сузык аваз? (нечкә сузык аваз)

17. “Баз” да берәү, “казан” да  икәү. Нәрсә бу? (“А” хәрефе)

18. Бүлмәдә балыклар һәм суүсемлекләрен асрау өчен пыяладан ясалган савыт. (аквариум)

19. Кышлыгын хайваннарга бирер өчен чауып киптерелгән үлән. (печән)

20. Кошларга, җәнлекләргә җим салу өчен кирәк булган җайланма. (җимлек)

2 нче гейм – “ Истә калдыр! ”

(Рәсемнәр куела. Рәсемнәрне күзәтергә вакыт бирелә. Рәсемнәрне күз алдыннан алгач сораулар бирелә.)

1 нче командага сораулар.

1. 1нче рәсемдә нәрсә сурәтләнгән иде? (Футбол капкасы)
2. 3нче рәсемдәге хоккеистның киеме нинди төстә иде? (кызыл)
3. 2 нче рәсемдә нинди уен сурәтләнгән? ( волейбол)

2 нче командага сораулар.

1. 5 нче рәсемдәге кызның кулында нәрсә иде? (ракетка)
2. 6 нчы рәсемдәге тенисчының баш киеме  нинди төстә? (сары)
3. 4 нче рәсемдә нәрсә сурәләнгән иде? (боскетбол тубы).

3 нче гейм- “ Музыкаль тәнәфес” (карап утыручылар)

4 нче гейм – “Син- миңа ,мин-сиңа”

(Ике команда чиратлашып,  алдан әзерләп килгән спортка кагылышлы сорауларны бирешәләр).

10 нчы конкурс.”Отжимание”

(Һәр командадан да 1әр уенчы чыга .Кайсы уенчы күбрәк эшли, шул командага очко бирелә. Барлык әтиләр һәм малайлар ясый).

11 нче конкурс. “Кыршау әйләндерү”

(Командадагы барлык  әниләр һәм кызлар катнаша).

12 нче конкурс . “Оста пешекчеләр”

( Өстәлдә пешкән яшелчәләр. Шушы яшелчәләрдән тиз һәм тәмле итеп командадагы әтиләр салат әзерлиләр.)

13 нче конкурс “Иң шәп биюче балельщиклар”

14 нче конкурс. “Әти- әниеңне эзләп тап”

(Ике команданың да әти-әниләре тезелеп баса. Командадан берәр бала күзләрен бәйләгән килеш үзенең әти-әнисен тизрәк табарга тиеш).

15 нче конкурс. “Кибеткә сәяхәт”

( Әтиләр аяк араларына туп кыстырып алда куелган уенчыкларның берсен сумкага салыпалып кайта һәм баласына бирә, сумканы икенче уенчыга  тапшыра. Уен шулай дәвам итә ).

16 нчы конкурс. “Тартышу”

(Беренче әтиләр, икенче булып әниләр, өченче этапта балалар, дүртенче этапта карап утыручылар  тартыша. Җиңүче уенчы командасына очко куела).

17 нче конкурс. “Музыкаль номер”

(Һәр команда алдан әзерләп килгән номерларын күрсәтә).

18 нче конкурс. “Реклама”

(Сәламәтлеккә кагылышлы уенчылар фантазиясе белән эшләнгән реклама күрсәтелә).

19 нчы конкурс. “Сыер саву”

(Шешәгә соска киертелә. Балалар тотыптора ,ә әтиләр савалар. Кайсы команда җитезрәк булыр!)

20 нче конкурс  “ Су ташу “

( Командадагы һәр уенчы чиратлашып бирелгән вакыт эчендә кашык белән су ташый. Вакыт беткәч стакандагы су чагыштырыла, җиңүче команда билгеләнә)

21 нче конкурс. “Туп ату”

(Һәр командадагы балалар кәрзингә туп ата. Кайсы команда күбрәк очко җыяр).

22 нче конкурс. “Акча эшләү”

( Әтиләр идәнгә сибелгән акчаны җыялар, әниләр саныйлар һәм тиз генә жюрига сумманы әйтеп тапшыралар).

Соңыннан сүз жюрига бирелә.