внеклассное мероприятие " Бзэм имафэ фэгъэхьыгъэ мэфэзэхахь"
материал

Бзэм имафэ  фэгъэхьыгъэ мэфэзэхахь

Азида

Шъуимафэш1ух  ныбджэгъу   лъап1эхэр.  Бзэм имафэ  фэгъэхьыгъэ  мэфэзэхахьэр къызэ1утэхы.

Адам

Дунаим анахь ч1ып1э дахэу и1эм адыгэхэр  ижъык1э къыщегъэжьагъэу щэпсэух. Адыгэхэр непэ зымыш1эрэ ц1ыф дунаим тетэп п1оми ухэукъонэп. Зи1офхэр мамырэу зезыхьэрэу, зикъэбархэр чыжьэу зы1этын зылъэк1рэ ц1ыф лъэпкъмэ ащыщэу мэпсэух адыгэхэр. Зыгу къабзэм и1оф зэрэк1орэм фэдэу зыкъы1этыгъ тилъэпкъ икультурэ, ипромышленность, иэкономикэ.  

Орэд «Си Адыгей»

Азида

Бзэр – лъэпкъым ыпс. Бзэр щымы1эмэ, лъэпкъыри щы1эжьэп. Ныдэлъфыбзэр – сянэ ыбз,  ным ибыдзыщэ к1ыгъоу ар слъы къыхэхьагъ, слъынтфэмэ арэчъэ, арышъ, сырыгушхоу, сыгу щизэу къэсэ1о: сыбзэ – си Дунай

Адам

Бзэм изакъоп адыгэм ымакъэ чыжьэу зыгъэ1угъэр.

Нэмык1 лъэпкъхэр пштэхэмэ, ц1ыф гъэсагъэхэу адыгэмэ къахахьэщтыгъэхэм шэн-зэхэтык1эу, 1эдэбэу, шъхьэк1эфэныгъэу адыгэхэм ахэлъыгъэм ш1ук1э ягугъу аш1ыгъ.

Азида

Ц1ыф лъэпкъ пстэуми анахь аш1олъап1эу, агъаш1оу, псэм паш1эу я1эр – бзэр ары.

Тиныдэлъфыбзэу адыгабзэм къиныгъошхохэр зэпичымэ, хэхъоныгъэш1ухэр ыш1ызэ, ыпэк1э лъэк1уатэ.

Усэм  къеджэ  Хьаджэбыекъо Дианэ

Адам

Бзэм имафэ мэзаим и 21-рэм хагъэунэфык1ы. Тиеджап1э ащ фэгъэхьыгъэ зэнэкъокъухэр щырек1ок1ыгъэх.

Пэнэжьыкъое гурыт еджап1эу  Нэмыт1экъо  Юсыф ыц1э зыхьырэм  ипащэу Хьабэхъу Заремэ Аслъан ыпхъум   гущы1эр етэты.

Азид

К1элэеджак1охэу я 5-рэ классым  щегъэжьагъэу я 8- рэ классым нэс диктант атхыгъ . Нэбгырэ   22-рэмэ  анахь дэгъоу, къабзэу атхыгъ.

Адам

Анахь дэгъоу, 1упк1эу усэм къеджэрэхэмк1э зэнэкъокъу я1агъ я 5-рэ классым щегъэжьагъэу я 8- рэ нэс щеджэрэ к1элэеджак1охэм.

Апэрэ ч1ып1эр нэбгырит1умэ зэфагощыгъ: я 5-рэ Б классым ис еджак1охэу Хьабэхъу Саидэрэ, Яхъул1э Зауррэ.

Азида

Ят1онэрэ ч1ып1эр зэфагощыгъ: я 5-рэ В классым ис еджак1оу Хьаджэбыекъо Дианэрэ, я 8-рэ Б классым ис еджак1оу  Хьабэхъу Светланэрэ

Адам

Ящэнэрэ ч1ып1эр  зэфагощыгъ: я 8-рэ  классым ис еджак1охэу Хьабэхъу Маринэрэ,  Хьахъужъэкъо Руслъанэрэ

Усэм къеджэ  Хьабэхъу Саидэ

Усэм  къеджэ  Яхъул1э Заур

Азида

 Я 5-рэ классхэм зэнэкъокъу я1агъ анахь дэгъоу, бэу, 1упк1эу гущы1эжъхэр, хырыхыхьэхэр, 1уры1упчъэхэр зыш1эхэрэмк1э.

Апэрэ ч1ып1эр къыхьыгъ я 5- Б классым

Ят1онэрэ ч1ып1эр къыхьыгъ я 5-рэ А классым

Ящэнэрэ ч1ып1эр къыхьыгъ я 5- рэ В классым

 Адам

Я 9-рэ классхэр хэлэжьагъэх  зэнэкъокъоу «Убзэ ш1у лъэгъу, зэгъаш1э!» зыфи1орэм.

Апэрэ ч1ып1эр къыхьыгъ я 9 рэ Б классым

Ят1онэрэ ч1ып1эр къыхьыгъ я 9-рэ А классым

Азида

Я 6-рэ Б классым ис к1элэеджак1охэм  къагъэлъэгъуагъ баснэу «Атакъэмрэ Чэткъуртэмрэ» зыфи1орэр

Адам

 Тиеджап1э мы зэнэкъокъумэ анэмык1хэри щырек1ок1ыгъэх, ахэр: адыгэ джэгук1эхэр, тхылъ выставкэр.  Адыгэ орэдыжъхэм к1элэц1ык1ухэр ядэ1угъэх,  гъэзетхэр къаш1ыгъэх.  Анахь «Гъэзет дэгъу»  зыфи1орэмк1э афэдгъэшъошагъ

Апэрэ ч1ып1эр  я 8-рэ А классым

Ят1онэрэ ч1ып1эр я 6-рэ Б классым

Ящэнэрэ ч1ып1эр я 7-рэ А классым

Азида

Гъаш1эу  си1эм икъэгъагъэу,

Ныдэлъфыбзэм сыкъефапэ.

Изэфагъэ, ишъыпкъагъэ,

Игъэш1уабзэ сэрк1э лъап1эх.

Зэнэкъокъум хэлэжьагъэмэ апае мы орэдыр

Орэд «Адыгея моя»

Адам

     Бзэм имафэ   фэгъэхьыгъэ зэхахьэр   адыгэ джэгук1э лъытэгъэк1уатэ, шъукъетэгъэблагъэ!