открытый урок по творчеству Дергачевай Л.Ф.
план-конспект урока (8 класс)

Аволь классо ловномань урок « Л.Ф.Дергачева. Тиринь енксов виде ким.».

Уроконть ютавтомазо

#1054;рганизационной моментэсь.

Шумбратадо!

Мазый , паро минек келесь

Теке тундонь сэтьме валскесь.

Пургондыця од килеесь ,

Цветэнь панжиця умарьсксэсь.

Озадо. Кода эйкакшт тевенк? Арасть ли течи сэредицят?

Паро, весе паро ежо марто састь школав.Ушодсынек уроконть.

II. Ушодксонь вал. Уроконь эпиграфокс саинь неть валтнэнь.

«Эрьва культурной ломанентень васняяк эряви содамс эсензэ тиринь енксонть , келенть, койтнень, кирдатнень»

-Эйкакш, кунсолынк, инеськеть, те валморонть.(Л.Ф.Дергачева ловны валморонзо)

- Ялгат, кинь те мазый вайгелесь? ( Л.Ф.Дергачевань)

Нама,тынь чарькодинк , кодамо течи минек уроконок?( эйкакштнэ максыть ответ)

- Виде. Минь поладсынек аволь классо ловномань коряс уроконь рисьменть ды ванносынек Л.Ф.Дергачевань эрямонь ды шкнемань кинзэ.

Течинь уроконтень путынь истят вешемат: мон карман евтамо васенце валтнэнь, а тынь тынсь поладсынк , истя, мон арсян, пратано вейке лувс.

Вешематне: 1.Содавтомс тонавтницятнень Л.Ф.Дергачевань эрямонь ды творческой кинзэ марто;

2. Содамс стихотворениятнень содержанияст ды идейной ёнксост; #1052;аштомс видестэ муееме ды панжомо художественно-изобразительной ёнкстнэнь, выразительнойстэ ловномс валморотнень; (предметнойть)

#1053;евтемс эсь велень, Республикань ды Россиянь сюпавчинть, мазычинть , эсь масторонь вечкеманть, сонзэ ванстоманть ды ероков ломанензэ;

#1050;ирвастемс мель седе ламо содамс Дубенкань буень поэттнэде ды писательтнеде; (личностнойть)

#1052;аштомс важодеме валкс марто, кастомс кель-валонть;

7. Тонавтомс важодеме куросо вейкень-вейкень чарькодезь.(метапредметнойть)

Виде, эйкакшт, сыргатано седе тов.

III. Чарькодевтемань(Мотивационной) пелькс.

Варштадо лазонть лангс. Тынек икеле кирьксэс саезь вал- валморот. Ваксканзо сермадозь лия валт. Тынек эряви чарькодемс, мезде карми молеме кортамось седе тов уроксонть ды евтамс . Ушодсынек. Дима, ловныть.

Мон вечкинь… Радай пандо, ламад лей …

Россиям, вечкевиксэм…

Авань уцяска…

Пазнэнь озксом...

Эйкакшпингень артовкскеть…

( Тонавтницятне евтасызь, што Л.Ф.Дергачевань вал моронзо парт, домкат, сон сермады эрьва кодамо тема лангс: и вечкемадо, и пертьпелькстэ, и авань уцяскадо, и эйкашпингеде и эйкакштнэненьгак.

VI. Валморо лангсо важодемась.

- Эйкакшт, мон тынек максан таблица ««Содан- ули мелем содамс-карминь содамо». Эрьванть икеле сон. Уроконь перть эряви сонзэ пештемс.

-Ней эряви миненек явовомс ковто курова. Эрьва куросонть кармить улеме 3ломанть. Мон макстнинь тенк тев: Тонавтомс мельстуиця валморот ды ежомарязь, мельстуезь евтнемс тичинь уроксо.

-Вал максан 1 куронтень: ловномс валморонть ды теемс нурькине анализ.(Истя)

-Кунсолосынек 2 куронть.

Тесэ эряви муемс художественно- изобразительной средстватнень.

-Колмоце куронть кунсолосынек.( паро, эйкакшт)

Васенце курось:

Валдо менель, лембе мизолкс,

Од церань чевте вайгель,

Гайев моро, рашков пизелкс,

Тиринь мастор, эрзянь кель.

Радай пандо, Нешке латко,

Чольдердиця Ламад лей.

Орта чире, ашо катка,

А стувтови янось тей.

Велень куро, тетянь лавтов,

Авань чевте кедень пси…

А явови пингесь кавтов

Тиринь енксов виде ким.

- Эйкакшт, евтадо , мезе ланга тесэ моли кортамось? Тееде нурька анализ. ( )

Омбоце курось:

Леесь сэтьме… Гайги чевте шольтесь.

Кальбулотне сырнесэ викшнезь.

Аксун вармась лопань венчкеть ернесь

Ды сутямсь прок, а . паряк, сизесь?

Паряк, сутямсь.Паряк сизесь, кольнезь,

Секс а мари тунь салавань зыйть?

Ожо лопат сексень венчкекс ертнесь-

Шождынеть… прок арсемат, мазыйть.

- Мунк те валморостонть художественно- изобразительной средстватнень.()

Колмоце курось:

Авась мурни тейтерьканзо,

Тона алов нолды прянзо,

Нать, мари седеесь- чумо,

Вановтозояк мик румозь.

Мурнесь-мурнесь тякинензэ,

Севнось-севнось гулькинензэ…

Авань седей- чевте тодов,

А кельмевтьсак, эжи одов.

Авань седей- мелявкст солыть,

Ризкстнэ ды орматне олыть.

Виев вармат вий емавтыть…

Авань валось-Пазонь лавтов.

- Евтынк, кодамо стиховорной размерсэ сермадозь те валморось?()-

- Ялгат, вастневсть ли тенк валт, конань смустест а содасынк? Эли сермадовксось марявсь аволь истямо? ( тонавтницятне кортыть)

Тынк икеле аштить валкст, панжинк ды муинк неть а чарькодевикс валтнэнь.

VII. Уроконь итогтне( арсемань, чарькодемань шкась)

- А ней, ялгат, тыненк эряви поладомс арсемам. Мон максан кевкстема , а тынь евтатадо 3 тувталт мезень кисэ тынь вечксынк тиринь веленк, келенк ды ломаненк?( тонавтницятне кортыть)

VII. Кудонь тевесь. Сась шка максомс кудонь тевть.

1 куронтень сермадомс эссе « Тринь енкс- авань лавтов»:

2 куронтень – арсемс нурька валморот те теманть лангс;

3 куронтень- нурька сочинения- рассуждения сермадомс «Те кодамо тиринь валось, кона кармавты морамо, артомо ды валморонь сермадомо?»

VIII. Рефлексиясь.

- Эйкакшт, мезе тусь мелезэнк течинь уроксстонть?

Варштадо таблицать лангс , конань лемезэ «Содан- ули мелем содамс-карминь содамо».( Ловныть сень, мезе сермадсть уроконь преть).

-Паро, важодиде течи парсте , весенеь, Димадо башка, путан 5. А Диманень, эряви седее ламо ловномс поэтической произведеният, кунсоломс эрзянь морот ды путомс седе покш мель тиринь келенть содамонтень. 4 оценкаськак пек паро.

Урокось прядовсь, вастовомазонок, уледе шумбрат, ванстодо малавиксенк ды эсь прянк.