Разработка урока
методическая разработка

Хэшээлэй темэ: Талын бγргэд гэжэ хэн бэ?

Хэшээлэй зорилго:

• һургалгын: проблемнэ асуудалда харюу γгэхэдөө, зохеолой удха дээрэ γндэһэлжэ шадаха, темэеэ гарган элирγγлжэ шадаха дадалтай болгохо;
• хγгжөөлгын: һурагшадай бэеэ даажа хγдэлхэ шадабари, аман хэлэлгэ хγгжөөхэ ажал γргэдхэхэ, ухаан бодолоо гγйлгэхэ, һанамжаяа хэлэхэ шадабаринуудые хγгжөөхэ ;
• хγмγγжγγлгын: γхибγγдэй хоорондоо харилсаха, бэе бэедээ туһалха мэдэрэл хγгжөөхэ, оршон тойронхи байгаалиингаа һайханиие сэгнэжэ шадаха болгохо.

Хэшээлэй янза: дγн гаргалгын

Хэшээлэй тγхэл: шэнжэлэлгын

Хэшээлэй хэрэгсэлнγγд: зурагууд, даабаритай карточканууд

Хэшээлэй ябаса:

I.Эмхидхэлэй γе.

Багша: Жамса Тумуновай «Талын бγргэд» гэжэ рассказ уншаба гээшэт. Энэ зохеолой удхаар мγнөө ажал ябуулхабди. Талын бγргэд гэжэ хэн бэ, ямар хγн гээшэб гэһэн асуудалда таанар харюу γгэхэ аргатайт.

Энэ хэшээл γнгэргэхэдөө, «кластер» гэһэн арга хэрэглэхэбди.

«Кластер» гэһэн   арга виноградай баглаагай дγрсэтэй.  Тиихын хажуугаар баглаануудай хоорондо  тон нягта холбоон байха еһотой. «Кластерта» гол шухала точко байха юм, тэрээнһээ баглаануудынь тараха гээшэ. Манай гол шухала точко Талын бγргэд болоно. Баглаануудынь энэ геройн характеристикэдэ хабаатай юм. Иимэ арга хэрэглэхэдээ, таанад, һурагшад бγхы дээрэнь гол геройгоо хэдэн тээһээнь хаража шадаха аргатай болонот.

II.Текст дээрэ хγдэлмэри.

 Талын бγргэд хэн бэ, ямар хγн бэ, хэһэн хэрэгγγд, гаргаһан баатаршалганууд тухайнь шэнжэлгэ хэнэ. Талын бγргэд һайхан сэдьхэлтэй хγн гэжэ баталха еһотойт.

Бγлэг бγлэгөөр хγдэлэлгэ.  Һурагшад хоер-хоероороо хэһэгγγдые анализ хэнэ.

Амяараа хγдэлэлгэ. Таблица дγγргэлгэ.

III. Һурагшад тобшолол хэнэ.

Буряадай уужам талын хγбγγн Баярта талын бγргэд болоно. Тэрэнэй нγхэрынь врач Нина Петровна юм. Тэрэ өөр тухайгаа оройдоо бододоггγй һэн. Тэрэнэй бγхы һаналынь гансал Эхэ оронойнгоо тγлөө бэеэ γгэхөөр хододоо бэлэн ябагша һэн. 

Талын бγргэд - һайхан сэдьхэлтэй хγн. Сухалаа хγрэхэдөө, арсалан шэнги шэрγγн.  Хγниие хайрлахадаа, γхибγγн шэнги дотортой хγн.

IV. Хэшээлэй дγн.

 Сэгнэлтэ табилга.

Гэрэй даабари: рассказай удхаар зураг зураха.

Жэшээ хэрэглэн, таблица дγγргэгты.

Жэшээ хэрэглэн, таблица дγγргэгты.

Жэшээ хэрэглэн, таблица дγγргэгты.

Жамса Тумунов /Ага, Табтаанай/
(1916-1955)

“Талын бүргэд” – рассказ (1942)