Марий йылме. 5 класс. Ойлончын тун членже-влак.
план-конспект урока (5 класс)

Теме: Ойлончын тӱн членже - влак.

Урокын типше: ушештарымаш урок.

Регулятивный УУД: теме почеш шкегыч йодышым луктын   мошташ.

Познавательный УУД: 1) пуымо ойлончылаште тӱн член-влакым муаш;

2) нунын могай ойлымаш ужаш дене каласалтмыштым ончыктен мошташ.

Коммуникативный УУД: 1) ойлончым радамым лугыде  чоҥаш;

2) пален налме шинчымаш почеш моло-влак дене кутырен мошташ.

Ешартыш материал:

тӱҥалтыш класслаште  кучылтмо таблице-влак.

Урокын эртымыже:

I.Организационный ужаш.

  1. Саламлалтмаш.

  2. Йоча-влакын уроклан ямде улмыштым тергымаш.

  3. Тунемше-влакым пашаш кумылаҥдымаш.

II.Кодшо урокысо темым ушештарымаш.

1). Муткылдышым лончылаш.

Ший мундыра, корно дене ошкылаш, сылнын лудаш, писе мардеж, алфавитым тунемаш, шурно пасу.

        Йыгыре шинчыше-влак, икте-весыштыным терген, иктешлымашым ыштат, акым пуат.

III.Тетрадьым погымаш.

IV. Уроклан задачым шындымаш.

V. Темым тунемме корно.

1). Пуымо ойлончылаште негызыштым муаш.

Куэ – лышташан пушенге. Тудо уремыштат, чодыраштат, пасуштат кушкеш. Лышташыже тудын кудыр  да тутло пушан.

2). Подлежащий ден сказуемыйын  могай ойлымаш ужаш дене каласалтмышт нерген йоча-влак  шкеак правилым ойлат, а вара книгасе правил дене тергат.

3). Физкультминутко.

4). Правилым паша дене пенгыдемдымаш.

Тунемме книгасе 129 паша(устно) – Йоча-влак икте-весыштым шкеак тергат, йоҥылышыштым тунамак тӧрлат.

130 пашам ваш тергыктыман, кӱлеш годым тӧрлатат.

131 паша почеш Марий кундемын Йошкар Книгаж нерген мутым лукман. Тиде пашам  биологий урок дене кылдыман. Мутер пашамат эртарен колташ уто огыл. (Лышташшар, аршын, торфан мланде, пырте-парте).

         132 паша. Марий талешке нерген шарналташ, пуымо заданийым шукташ.

4). Писе тунемшылан 134 паша

VI.Тунемшын шке шинчымашыжым аклымыже.

1). Мо тыгай подлежащий?

2). Мо тыгай сказуемый?

3). Кажныже могай ойлымаш ужаш дене каласалтеш?

4). Тетрадьыште чылажымат кӱлеш семын ыштен мо?

Йоча шканже тетрадьысе поляште отметкым шында, а туныктышо ужын шуктышаш да молан тыге аклымым пален налшаш.

VII.Мӧнгысӧ пашам умылтарымаш.

135 паша. 1). Вуймутым пуаш. («Шкет пушенге»)

2). Кажне ойлончышто подлежащий ден сказуемыйым удыралаш.

VIII. Урок нерген йоча-влакын шонымашышт.