Марий йылме. 5 класс. Ешартык.
план-конспект урока (5 класс)

Теме: Ешартык(дополнений)

Урокын типше: у шинчымашым налме урок.

Регулятивный УУД: теме почеш шкегыч йодышым луктын   мошташ.

Познавательный УУД: 1) ешартык нерген умылымашым пуаш;

2) тудын каласалтмыже дене палдараш;

3) ойлончышто рольжо нерген ойлаш.

Коммуникативный УУД: 1) мут поянлыкым пойдараш;

2) пален налме шинчымаш почеш моло-влак дене кутырен мошташ;

3) мутер дене пайдаланыме навыкым вияҥдаш.

Тунемме книга: Кузнецов В.В.,Кузнецова Н.В. Марий йылме. 5 класслан учебный пособий. – Йошкар-Ола: Марий туныктыш институт, 2018. – 200 с.:ил.

Ешартыш материал:

А. Ермаков. Кушкыл, янлык, кайык…- Йошкар-Ола, 1991.

Урокын эртымыже:

I.Организационный ужаш.

  1. Саламлалтмаш.

  2. Йоча-влакын уроклан ямде улмыштым тергымаш.

  3. Тунемше-влакым пашаш кумылаҥдымаш.

II. Тетрадьым погымаш.

III. Кодшо урокысо темым ушештарымаш.

1). Йоча-влак икте-весыштлан йодыш-влакым пуэдат. (Чылажат правил негызеш).

IV. Уроклан задачым шындымаш.

V. Темым тунемме корно.

1). Пуымо ойлончым член шот дене лончылаш.

Марина акажым почеламутшо дене палдарыш.

2).  --Тиде могай ойлончо?

      --Шарыме (распространенный) улмыжым мо дене пеҥгыдемдаш лиеш?

      --Ешартыкым муаш, йодышым шындаш, каласалтмыжым палемдаш.

3). Тунемме книган 71 страницысе схемылан энертен, кажныже пырля шинчыше йолташыжлан правилым каласкала.

4). Физкультминутко.

5). Правилым паша дене пеҥгыдемдымаш.

Тунемме книгасе 136 паша(устно) 

137 пашам ваш тергыктыман, кӱлеш годым тӧрлатат.

138 паша (нелылык лекшаш огыл).

          139 паша. Мутер пашам эртарыман (сак, саклаш, шурманше, йос, кайыквусо).

6). Писе тунемшылан 140 паша.

VI.Тунемшын шке шинчымашыжым аклымыже.

1). Мо тыгай ешартык?

2). Тудо могай ойлымаш ужаш дене каласалтеш?

3). Тетрадьыште чылажымат кӱлеш семын ыштен мо?

Йоча шканже тетрадьысе поляште отметкым шында, а туныктышо ужын шуктышаш да молан тыге аклымым пален налшаш.

VII.Мӧнгысӧ пашам умылтарымаш.

142 паша. 1).Савырныммут нерген шарналташ (тудо ойлончын членже ок лий). Тыгай правиллан икымше ойлончо келша.

2). Возен налаш, негызым да ешартыкым муаш.