6-шо классыште марий йылме урок
план-конспект урока (6 класс)

6 классыште Марий йылме урок

Урокын темыже: Чот мутым иктешлымаш.

Цельже-влак: 1. Йоча-влакын «Чот мут» темым  палымыштым тергаш; теме почеш опорный схемым ышташ туныктымаш.

2. Чот мут-влакым текстыште  муын моштымаш.

3. Газетым йораташ да лудаш кумыландымаш, проектный паша деке йоча-влакым шумандымаш.

Урокым эртарыме йон: практический паша, мутланымаш.

Кучылтшаш материал-влак: проектор, «Ямде лий» газет, карточке-влак.

Урокын эртымыже.

1. Организационный ужаш.

-Кид копам ваш йыгалтена, шокшын чучеш. Тугеже урокнат тыгаяк шокшо кумыл дене эртыже.

 II.  У теме. Иктешлымаш урок. Ме тендан дене могай ойлымаш ужашым тунем пытаренна? Тугеже таче урокын темыже могай лийшаш, кузе шонеда? Чын. Таче ме тендан дене «Чот мут кугыжанышыште»  шке шинчымашнам тергаш туналына.

III. 1.        Йонылыш-влакым торлыза

/Ик тунемшым доска деке ужам. Пуымо шомаклаште йонылыш-влак улыт. Нине йонылышым муын, торлаш кулеш./

Йужгунам, вийаш, йужо, ийандаш, чийалташ, йатыр, йуалге, вашлийеш, йэр, йандар,    йал, йаклака, пуйалаш, Памашъйал.

-        Могай йонылыш-влак улыт? (Кок йукан буква-влакым возен моштымаш).

2.        - А ынде ушештарена, йодышлан вашмутым пуэна.

Йодыш ден паша.

• Мо тугай чот мут?
•  Ышталтме шот дене чот мут-влак  могай лийыт?
• А сложный чот мут-влак могай йон дене ышталтыт?
• Значений тушка дене  могай чот мут-влакым паледа?
• Шотлымо чот мут нерген мом каласен кертыда?
•  Радам чот мут-влак кузе ышталтыт?
•  А мо тугай дробан чот мут? Нуно кузе ышталтыт?

3. Чын мо утверждений?

/Кажне тунемшылан йодыш пуалтеш. Вашмут да але уке гыч шогышаш./

• Чот мут предметын мыняр улмыжым, радамжым да числажым ончыктышо ойлымаш ужаш. (Да)
• Чот мут предложенийыште подлежащий гына лиеш. (Уке)
• Составной чот мут-влак пырля возалтыт. ( Уке)
• Кум-ныл - тиде простой чот мут. ( Уке)
• Чот мут значений шот дене 3 турло лиеш. ( Да )
• Чот мут предложенийыште чыла членат лиеш. (Да)

4. Пуымо мут сочетанийыште йонылышым муаш да торлатен возен налаш:

Кум ныл книга, ныле карандаш, вич шудо тенге, колоик тунемше, латвич тетрадь, тужем индеш шудо визымше ий.

5. Книга дене паша-влак.

62 паша /дид.материал/- Текст гыч чот мут-влакым кум тушкашке возен лукса.

64-ше паша /дид.материал/

 6. Карточка дене паша. - Пуымо текстыште чот мут –влакым член шот дене лончылаш.

Кумыт да кокыт — визыт. Латкокытым нылытлан пайлыза. Кудымшо классыште тунемына. Нылытыш визытым ушена гын, индеше лиеш. Тылзе эрта, кокыт эрта, кумытат эртен кая. Темше имнъын йолжо кандаше. Имне ныл йолан гына, шуртня. Шудо тенгет ынже лий, шудо танет лийже.    

8. Физкультминутка. /Мый предложений-влакым лудам. Шотлымо чот мут лиеш гын, совым пералтена. Радам чот мут лиеш гын, вашла кидым совена. Дробан чот мут -киднам ордыжко шуэна./
9. Пуымо чот мут-влакым шотлымо чот мутым ыштен  возаш: 2, 4, 6, 7;

радам чот мутым ыштен возаш;

дробан чот мутым чын возаш: 1 /2, 5 /7; 1, 5; 2,8.

9. «Ямде лий» газет дене паша. Пуымо газетыште чот мутан предложенийым кычалына да тетрадьыш возен луктына.

 10. Сурет почеш паша: чот мутан предложений-влакым шонен возаш.

11. Ынде урокысо пашанам иктешлаш тест пашам ышташ темлем.

12. Шке шинчымашнам тергашлан пуымо изи картычке-влакым пуымо  кагазыш  чын погаш./опорный схемым ышташ/

IV. Шинчымашым пенгыдемдымаш.    

  - Опорный схеме почеш каласкалымаш.

V. Рефлексий. Ме таче тиде занятийыште могай цельым шынден улына ыле? Мом ме ышташ тунемна? Могай проектный продукт лекте? Ме тиде цельнам шуктышна але уке? Могай нелылыкым шижда? Могай этапыште паша утларак келшыш?

VI. Монгысо паша: 5-ше паша /с.82/.