«Бүген нәрсә пешерәбез?» темасы өстендә эш .4 нче сыйныф (рус төркеме)
план-конспект урока (5 класс)

УМК “Сәлам!”

4 нче сыйныф

«Бүген нәрсә пешерәбез?» темасы өстендә эш .

Рус телле төркемнәрдә татар теле дәресе

Дәреснең тибы: яңа материалны өйрәнү дәресе

Максат: 1. Рәсемнәрне тасвирлый алу. Тема буенча лексик берәмлекләрне һәм структураларны сөйләмдә дөрес куллана белү;

               2. Фигыльләрне барлык һәм юклык формасында төрләндерә белү;

              3. Коммуникатив күнекмәләрне үстерү.

               4.Аралаша белү, бер-береңне ихтирам итәргә өндәү, активлык, бердәм эшли белү сәләтләрен тәрбияләү, дөрес туклану серләрен аңлауга ирешү

Планлаштырылган нәтиҗәләр:

Метапредмет – эш тәртибен аңлап, уку эшчәлеген оештыра белү, уку максатын мөстәкыйль билгеләү, сөйләм берәмлекләрен логик тәртипкә салу, әңгәмәдәшеңнең фикерен тыңлый белү

Предмет – рәсемнәрне тасвирлый алу, тема буенча лексик берәмлекләрне һәм структураларны сөйләмдә дөрес куллана белү;

Шәхескә кагылышлы  – үз вакытыңны дөрес һәм файдалы итеп планлаштыра белү, җаваплылык тою.

Җиһазлар: карточкалар, интерактив такта, «Сәлам» сайты

Дәрес барышы

1. Оештыру моменты. Дәрескә уңай халәт тудыру.

• Исәнмесез укучылар!
• Исәнмесез!
• Кәефләрегез ничек укучылар?
• -Яхшы.
• Әйдәгез алайса бер-беребезгә елмаеп карыйк, яхшы кәеф телик  һәм татар теле дәресен башлыйк!

-Урыннарга утырдык укучылар.

-Укучылар, ә хәзер экранга карап китик әле.  (Экранда дәрескә кагылышлы видео).

- Укучылар, әлеге видео язманы карагач, бүгенге дәресебезнең темасы ничек дип уйлысыз?

- Бүген нәрсә пешерәбез? - дип аталачак.

• - Дөрес укучылар. Бүгенге дәресебезнең темасы: “Бүген  нәрсә пешерәбез?”- дип  аталачак. Тема сегодняшнего урока будет называтся “Что мы сегодня будем готовить?".
• Димәк, укучылар бүген без сезнең белән дәрестә нәрсә турында сөйләшәбез?
• Значит, ребята, о чем мы с вами сегодня говорим на уроке? (Азык турында, төшке аш, иртәнге аш, кичке аш, нәрсә пешерү турында сөйләшәчәкбез). Яхшы укучылар.

- Ә хәзер укучылар дәреслегебезнең 78-79 нчы битләрен ачтык, аудио язманы тынлыйбыз, сүзләрне дәреслектән табабыз һәм әлеге сүзләрне истә калдырабыз. ( Аудиоязма тыңланыла). Сезнең алдыгызда билгеләү карталары, һәрбер дөрес эшләнгән бирем өчен үзегезгә берәр йолдыз куясыз.

- Ә хәзер укучылар ноутбуклардан флешкарталарны ачтык, анда бирелгән сүзләрне укыйбыз, рәсемнәргә карап тәрҗемә итәбез. Сезгә әлеге сүзләрне карап алу өчен 30 секунд вакыт бирәм, аннары һәрбер укучы берәр сүзне тәрҗемә итә.

- Вакыт бетте укучылар, тәрҗемәне башлыйбыз. Тәрҗемәне дөрес әйткән укучы билгеләү карталарына әлеге бирем өчен  йолдызчык куярга онытмыйбыз.

• Укучылар эш дәфтәрләренең 68 нче битен ачтык, 1 нче күнегүне карыйбыз. Мисаллар китерәбез. (Приведите примеры)
• Ашамлыклар кибетеннән нәрсәләр сатып алабыз? Язабыз укучылар. - Что мы покупаем в продуктовом магазине?
• Икенче бирем. Нәрсә пешерәбез, әзерлибез? Мисаллар китерәбез, сезгә бу эшне эшләү өчен бер минут вакыт бирелә укучылар. Что мы готовим? Приводите примеры. – Ә хәзер дәфтәрләрне алыштык, бер –беребезнең эшен тикшерәбез, ике бирем дә дөрес булса, 2 йолдызчык куябыз, бер бирем дөрес булса, 1 йолдызчык куябыз.
• Ә хәзер укучылар ял итеп алабыз. Һәрбер өстәлдә ноутбуклар, уеннар бүлеген ачабыз, парлап әлеге уенны уйныбыз. Беренче өстәл- карусель уенын, икенче өстәл –космос уенын, өченче өстәл –капчык уенын, дүртенче өстәл –фонарь уенын һәм бишенче өстәл – тир уенын уйный башлый. Сезгә әлеге уенны уйнау өчен 30 секунд вакыт бирелә. Башладык. Барысыда дөрес булса, билгеләү картасына бер йолдызчык куябыз.

- Мин иртәнге ашка солы боткасы ашыйм һәм сөтле кофе эчәм. Төшке ашка кәбестә ашы һәм пешкән ит ашыйм, чәй эчәм. Кичке ашка  салат ашыйм һәм кефир эчәм. 

- Ә  хәзер әйтегез, сез иртәнге ашка нәрсә ашыйсыз?

(Мин иртәнге ашка май белән ипи ашыйм, чәй эчәм)

-Төшке ашка нәрсә ашыйсыз?

(Мин төшке ашка балык белән бәрәнге, токмачлы аш ашыйм, кофе эчәм)

-Кичке ашка нәрсә ашыйсыз?

(Мин кичке ашка кыздырылган тавык ите белән карабодай боткасы ашыйм, чәй эчәм). Һәрбер дөрес җавап өчен үзегезнең билгеләү карталарына йолдызчык куярга онытмыйбыз.

- Алдагы бирем карточкаларда була укучылар. Рәсемнәргә карыйбыз һәм җөмләләрне тулыландырабыз. Посмотрите на рисунки и дополни педложении.

-Мин туңдырма яратам.

- Син балык яратмыйсың.

- Ул чәй яратмый.

- Без шоколад яратабыз.

- Сез кишер яратмыйсыз.

- Алар сок яраталар.

- Тактадан эшләребезне тикшереп алабыз, әлеге биремдә бер хата да булмаса билгеләү картасына бер йолдыз куябыз.

2. Өй эшен өч төрле итеп бирәм. Үзегез сайлап берсен эшлисез.                                                                

1. 69 нчы бит 1 нче күнегү. Сәгатьнең укларын яса, вакытын яз. Нокталар урынына тиешле сүзләрне язырга. ( Нарисуй стрелки на часах и напиши время. Вставь пропущенные слова).
2. 68 нче бит 2 нче күнегү. Аш бүлмәсендә нәрсәләр бар? Рәсем яса һәм яз.

( Нарисуй, и подпиши, что есть в кухне?)

3. 69 нчы бит 3 нче күнегү. Син гадәттә нәрсә ашыйсың? Рәсем яса һәм яз.

( Нарисуй, что ты обычно ешь на завтрак, на обед и на ужин. Подпиши).

        8.  Рефлексия

-Бүген без дәрестә нәрсә турында сөйләштек? (Бүген нәрсә пешерәбез,  Иртәнге ашка, төшке ашка,  кичке ашка нәрсә ашыйбыз җөмләләрен әйтергә өйрәнәбез. Бик яхшы укучылар.

-Билгеләр кую.

- Бүген дәрестә сез бик актив булдыгыз,молодецлар. Билгеләү картагызда 5 һәм аннан да күбрәк йолдызчык икән, сезгә бүгенге дәрес өчен “5” ле билгесе куям, өч яки дүрт йолдызчык икән, “4” билгесе аласыз.

- Сезгә бүгенге дәрес ошадымы укучылар? Бар да аңлашылдымы?

- Сезнең алдыгызда смайликлар ята.

Яшель смайлик- Дәрес ошады, барысы да аңлашылды, иптәшемә дә ярдәм итә алам –дигәнне аңлата.

Сары смайлик- Барысыда аңлашылды, дәрес ошады - дигәнне аңлата.

Зәңгәр смайлик - Барысыда аңлашылып бетмәде, сораулар калды – дигәнне аңлата.

Кызыл смайлик- Бернәрсә дә аңлашылмады, дәрес ошамады – дигәнне аңлата.