Шушма буйларында үткән балачак
материал

*********************************************************

Шушма елгасы турында күңелемнән чыккан шигр юллар

Сызылып кына алсу таңнар ата,

Шушма буйларында ак томан.

Кайтыр  гына идем яннарына,

Юлларыма инде кар яуган.

Шушма  елгасының буйларында,

Балачагым  калды   адашып.

Эзләп кайттым, табармын дип, бәлки,

Тал- тирәкләреннән сорашып.

Төшләремә керә  балачагым,

                 Шушма буе, балык  тотулар.

                 Җиләк җыеп  йөргән  болыннарым,

Көтү көтеп, кунып ятулар.

Искән җилдәй бик тиз үтте гомер,

Унсигездә калса да күңел.

Ярсып аккан Шушма шул булса да,

Балык тоткан малай мин түгел.

****************************************************************

Шушма буйларында әрәмәдә

Сандугачлар сайрый таң аткач.

Әйләнәм дә кайтам авылыма,

Сагынума түзә алмагач.

Шушмаларда йөздем колач салып,

Дулкыннары калды сөзелеп.

Су буенда калган балачакны,

Сагынасызмы сез дә  өзелеп.

Шушма  елгасының яры текә,

Яр буенда үсә карлыган.

Бер гөнаһсыз бала чакларын,

Мин генәме шулай  сагынган.

Шушма буйларында камышлыклар,

Камышлары шаулый җилләрдә.

Сагынсак та өзелеп туган якны,

Яшибез шул ерак җирләрдә.

*****************************************

Сандугачлар сайрый өздереп лә,

Су эчәләр таллар иелеп.

Су буенда калган бала чагым,

Бик сагынам сине өзелеп.