Рабочая программа учебного курса: «Родной (эрзянский) язык» для 10 класса
рабочая программа (10 класс)

МБОУ  «Шугуровская средняя общеобразовательная школа

   Рассмотрена и одобрена на                                                              «Утверждено»

   заседании  ШМО учителей                                                            Директор школы

   русского языка и литературы,

   родного языка и родной литературы                            ____________/И.Ф.Ларькин/

   Руководитель ШМО

   __________________/И.В.Арапова/                                      « 30 » августа  2021г.

   « 30 »  августа 2021г                                                                        

Рабочая программа

учебного курса: «Родной (эрзянский) язык»

для 10 класса

Составитель:  Манина Н.К.

        Проверено:

                           зам. директора по УВР

      _________ Астайкина Л.Д.

Икельце вал

          10-це классонтень эрзянь келень коряс программась теезь Д.В. Цыганкинэнь, В.П. Цыпкайкинань «Эрзянь келень программат 5 – 11 класстнэнень» (2017) программанть  ды Н.А.Кипайкинань  «Эрзянь кель 10-11 кл.», С. 2014 иень  учебникенть коряс.

 Весемезэ иень перть тонавтнемантень максовить 34 част, сынст ютксто кортамонь ёрокчинь кастомантень – 4 част, содамочинь онкстамонтень – 4 част.  

    Программасонть панжовить тонавтомань ёнкстнэ, кода седе парсте максомс содамочитнень ды тевс нолдамо маштомачитнень ды ёрокчитнень.

Программанть вешематне:

•        Кепедемс тонавтницятнень бажамост тиринь келень коряс содамочитнень саеме.

•        Кастомс эйкакштнэнь мелеет седе парынестэ содамс эрзянь келень валонь сюпавчинть ды те сюпавчинть вельде тонавтомс сынст ёвтнеме эсест мелест-превест, арсемастды ёжомарямост.

      Эрзянь келень коряс важодемань программась целанек документ, козонь совить 5 пелькст: икельце вал, учебно-тематической план, календарно-тематической план, маштомачитне, конатне эрявить содамс тонавтницятненень иень прядомадо мейле, учебно-наглядной пособиятне.      

Эрзянь келесь – минек тиринь келенек, кона ютась касомань ды келейгадомань пек кувака ки. Сон вансты ды пачтясы сень, мезе ульнесь ломантнень эрямосо. Эрьва народонть эсензэ келезэ, историязо.

     Тиринь келенть вельде эйкакшось карми содамо перьканзо эрямонть, сонзэ эйсэ полавтоматнень. Тиринь келесь – арсемань ды содамочинь ёнкс, паро ломанень триця-кастыця.

     Сонзэ вельде эйкакшось тееви эсь народонть эйдекс, конань а визькс невтемс весеменень.

А эрявить сеземс сеть сюлмавкстнэнь, конатне теевсть те шкантень эйкакшонть келензэ ды потмооймензэ марто. А колыть неть 5-11 класстнэсэ тонавтнема лувонтькак. Тиринь келень парсте содамось лезды пертьпельксэнть весе содамочитнень келейгавтомо. Тиринь келенть парсте содазь эйкакштнэнень седешожда тонавтнемс рузонь ды омбо масторонь кельтнеяк.

     Неень шкань тонавтыцятненень икеле аштить истят путовкст: максомс содамочить фонетикань, лексикань, морфологиянь, синтаксисэнь, стилистикань коряс. Эряви тонавтомс эйкакштнэнь тиринь келенть валонь сюпавчинзэ, гайтевчинзэ ды мазычинзэ нееме, эсест арсемаст эрзякс ёвтамо ды сермадомо. Эряви невтемс эйкакштненень тиринь келенть питнензэ весе раськенть ды эрьва ломаненть эрямосо.

     Тонавтыцянтень эряви кепедемс эйкакштнэнь бажамост тиринь келень коряс содамочитнень саеме; кастомс эйкакштнэнь мелест седее парынестэ содамс эрзянь келень валонь сюпавчинть ды те сюпавчинть вельде тонавтомс сынст ёвтнеме эсест мелест-превест, арсемаст ды ёжомарямост.

     Тиринь келень тонавтыцянтень башка мель эряви явомс теориянь сеть кевкстематнень лангс, конат аштить видестэ сёрмадомань, пунктуациянь ды кортамонь ёрокчинь кастомань лувокс. Те лувось – гайтень ды буквань коряс валонь ванномась, пельксэнь-пелькс сынст явомась, валрисьмень ды валонь сюлмавксонь пелькстнэ.

     Теориянь коряс содамочитне максовить неень шкань келень наукань вешеманзо мельс саезь.

      10-це классо тонавтневи грамматикась, текстэсь, стилистикась. Иень ушодовомсто васенце урокось алтазь тиринь келенть лезэнзэ панжомантень эрзянь раськенть эрямосо. Неть уроктнесэ панжови тиринь келенть питнезэ башка ломаненть ды весе раськенть эрямосо, ёвтневи эрзянь раськенть эрямодонзо кезэрень шкане, косто саевсть эрзянь ды мокшонь кельтнень лемест, эрзянь келень коряс книгань васенце сермадыцятнеде (А.Ф.Юртовдо, М.Е.Евсевьевде, А.А.Шахматовдо, Д.В.Бубрихте, А.П.Рябовдо ды лиятнеде), истя жо неень шкань ученойтнеде.

     Уроктнесэ истя жо эряви ёвтнемс сеть эрзятнеде, кить эсест тевест коряс теевсть содавиксэкс аволь ансяк минек, но и омбо масторсояк (С.Д.Эрьзядо, Никон патриархтонть, Л.А.Русланова морыцядонть ды лиятне).

     Неть уроктне лездыть кастомс эйкакштнэнь потсо эрзянь келентень мелень путома, вечкема, кепедьсызь эйкакштнэнь каштанчист эсенек раськенть кувалма.

     Неень шкасто эрьва кодамо келень тонавтнемстэ кортамонь ёрокчинь кастомась аравтови малав васенце таркас.сонзэ смустезэ сеньсэ: тонавтомс эйкакштнэнь аволь ансяк грамматикань ёнкстнэнь мукшномо-нееме ды видестэ сермадомо, но и видестэ ёвтамо эсест арсемаст.

     Эрьва пельксэнть, эрьва теманть ванномась лезды тонавтницятненень кортамонь ерокчист кепедемантень. Тенень покш нежекс карми улеме фонетикань, лексикань, морфологиянь ды синтаксисэнь чарькодематнень тонавтнемаськак.

     10-це классо ютавтовить урокт-семинарт, урокт-конференцият, урокт-симпозиумт. Васняяк панжови неть валтнэнь смустест. Истят уроктнень анокстамсто ды сынст ютавтомсто эйкакштнэ седее ламо кармить содамо эсест раськест кезэрень эрямодонзо, тонадыть седее парсте эрзякс кортамо, кассы-кепети сынст каштанчист эсест келест ды раськест кувалма.

     Кортамонь ёрокчинь кастомасонть лезэвекс кармить улеме колазь текстэнь витематне ды рузонь кельстэ эрзякс ютавтоматне. Рузонь кельстэ эрзякс ютавтоматне лездыть кепедемс тонавтницятнень валонь таштавксост ды келень ежомарямочист.    

     Эрзянь келенть тонавтнемстэ покш мель эряви явомс лия предметнэнь марто сюлмавоматненень. Сех кеметь неть сюлмавоматне тиринь литературанть марто. Келень ёнкстнэ, васняяк, ванновить художественной литературасто саевкстнэнь коряс. Кортамонь ёрокчинь кастомаськак ютавтови эрьва кодамо художественной литературань сермадовкстнэнь коряс.

     Тиринь келенть тонавтнемась кеместэ сюлмавозь рузонь ды омбо масторонь кельтнень тонавтнемаст марто. Рузонь, англань, немецень, французонь ды лия кельтнень енксост седее парсте чарькодевить, бути нежедемс тиринь келень коряс содамочитнень лангс.келень коряс вейкеть чарькодемат (подлежащей, сказуемой ды лият) улить весе неть кельтнесэ. Вейкеть чарькодемат (антонимть, эпитет, олицетвореният) вастневить тиринь келень ды литературань коряскак.

     Тиринь келень уроксто истя жо эрявить кирдемс сюлмавомат географиянть, зоологиянть, биологиянть, астрономиянть мартояк. Истя, собственной лемтнень ютамссто эряви максомс чарькодема топонимиядо, содамс эсь райононь эрзянь велетнень лемест, эсест велень перька виртнень, латкотнень, эрькетнень, лейтнень лемест. Собственной лемтнень  ютамсто истя жо мельс ледстявить эрзянь ды мокшонь художниктнень ды композитортнэнь лемест, сынст произведенияст лемест. Нарицательной лемтнень ютамсто мельс ледстявить нармунтнень, ракшатнень, унжатнень, калтнэнь ды лия мезтнень лемест. Валкстнэнь коряс эрявить муемс сеть валтнэньгак, конат меельце шкатнестэ полавтовкшность рузонсесэ ды ней таго совавтовсть кортамо рисьментень. Зоологиянь коряс тонавтнема книгастонть эряви макснемс рузонь кельстэ эрзякс ютавтнемат кодаткак ракшатнень эли нармунтнень эрямо таркадост ды обуцядост. Весе те лезды эйкакштнэнь валонь таштавксост кастомантень.

Недлязонзо 10-це классо тиринь келень тонавтнемс максови 1 час.

Иезэнзэ –34.

10-це классонь прядозь тонавтницятненень эряви:

маштомс:

   - тевс нодамо видестэ сермадомань лувтнень ды лотксема тешксэнь путоматнень;

   - ванномо келень единицатнень фонетика, валонь теевема, лексика,синтаксис, орфография ды стилень ёндо;

   - чарькодеме неень шкань эрзянь келень лексикань ды синтаксисэнь единицатнень стилень питнест ды сайнеме сынст эсь кортамосо;

   - ёжомарямо эсь ды лия ломанень кортамосо лувонь арсеманть;

  -  теме эсь кортамонть прок описания, повествования, рассуждения, кемекстамо;

   - эсь кортамос лексикань ды грамматикань синонимтнень саеме;

   - теме кортамо тиринь веледе, эсь раськеденть, эрямодо-аштемадо, уроксо ютазь теманть коряс;

  -  ёвтамо эсь мелеть-преветь уроксо, промкссо;

   - ёвтнеме неезь кинонть, спектаклянть;

   - аравтнеме эсь прянть авторонть таркас, произведениянь лия ушодксонь или пень арсеме, лия героень совавтомо, ёвксонь, очеркень, ёвтнемань ды лия произведениянь арсеме;

содамс:

   - эрзянь келень коряс валкстнэнь ды маштомс сынст тевс нолдтнеме;

   - кодамо эрзянь келенть тарказо модамасторонь весе лия кельтнень ютксо, кода нолдави тевс тиринь келесь ломаненть эрямосо, кода тонавтневи сон наука ёндо ды кить сонзэ тонавтницянзо.

Тематической планированиясь

Учебной курсонть содержаниязо

Эрзянь ды мокшонь кельтнень эрямокист (1 час)

Грамматикась. Текстэсь. Кортамонь стильтне. (9 част)

    Кортамонь стильтне ды сынст явномась: наукань, публицистикань, кортамонь, художественной. Сынст башка енксост. Публицистикань кортамонь стиленть жанранзо: килангонь, портретэнь ды проблемань очерктне, докладось, пелькстамось.

     Текстэсь ды сонзэ теемась. Текстэнть лувонь кирдиця енксонзо. Абзацось. Текстсэ сюлмавомань енкстнэ: лексикань, морфологиянь ды синтаксисэнь.

     Кортамонь типтне:описаниясь, повествованиясь, рассуждениясь. Сынст башка енксост.

     Текстэнь киртямонь китне-янтнэ: планось, тезистнэ, конспектэсь, рефератось. Аннотациясь ды рецензиясь.

 Фонетикась. Графикась. Орфоэпиясь. Орфографиясь. Парсте кортамось (7 част)

     Фонетикась. Гласной гайтне, сынст теевемаст.Ударениясь. Слогось.  Гласноень гармониясь.

     Согласной гайтне, сынст теевемаст. Ёвтамост ды сермадомаст.

     Фонематической транскрипциясь.

     Кортамонть мазыйстэ гайгемазо. Поэзиянь келенть мазычись. Аллитерациясь ды ассонансось. Интонациясь. Вайгеленть артовксозо. Кортамонь мелодикась.

     Гайтне дыбукватне. Алфавитэсь.

Лексикась. Фразеологиясь. Парсте кортамось (6 част)

     Лексикадо чарькодема. Стилень ендо артозь лексикась. Книгань ды кортамонь лексикась.

     Валонть смустезэ. Валонть виде ды кандовозь смустесь. Метафорадо, метонимиядо, ирониядо чарькодема. Сынст эрявиксчист эрьва кодамо стилень текстнэсэ.

     Синонимтне. Эрьва кодамо стилень текстнэсэ синонимтнень лезэст. Эрзянь писательтнень синонимтнень сайнемасо ерокчист. Синонимтнень текстэнь теиця лезэст

     Антонимтне. Сынст текстэнь теиця лезэст.

     Омонимтне. Лексикань, морфологиянь ды фонетикань омонимтне. Омонимтнень стилень ендо ванномаст.  Таштомозь валтнэ. Сынст вельде лексикань сюпалгавтомась. Неень шкань сермадовкстнэсэ сынст сайнемаст. Эрьва кодамо стилень текстс сынст совавтомань эрявиксчист.

     Валонь од теевкстнэ: суффикс вельде, валонь путозь ды валонь васодезь, виде ютавтома вельде.

     Лия кельстэ саезь валтнэ, сынст лезэст ды кажост келенть эрямосо.

     Эрзянь литературань келесь ды диалектнэ. Лексикань диалектизматнень тевс нолдамост кода лексикань сюпалгавтомань ки.

     Фразеологизматне. Эрьва кодамо стилень текстнэсэ сынст сайнемаст.

     Эрзянь келень валкстнэ. Эрьва кодамо валкстнэсэ эрзянь келень лексиканть сюпавчинзэ невтемась.

 Валонть смустень кандыця пельксэнзэ ды морфемикась (2 част)

    Морфемадо чарькодема. Смустень коряс морфематнень явомась: прявтонь ды лездыцят.

     Тевдеемань коряс суффикстнэнь явомаст: валонь теицят ды валонь полавтыцят.

     Валлувось, сонзэ типензэ: апак тее, теезь ды теиця.

Валонь теевемась (2 част)

 Эрзянь кельсэ валонь теевемань китне-янтнэ: суффикс вельде, валонь путома вельде, валонь васодема вельде, вейке куронь кортамо пелькстнэнь лия курос ютамо вельде.

   Вишкалгавтыця, кольневтемань ды качествань кортамонь суффикс марто валтнэнь эрьва кодамо стилень текстнэсэ сайнемаст.

 Кортамо пелькстнэ. Сынст стилень ендо ванномаст. (8 част)

 Существительноесь. Сонзэ текстэнь теиця лезэзэ. Числань ды падежень форматнень ды валмельгакс марто теевкстнэнь ютксо синонимиясь.

   Аволь невтемачинь, невтемачинь ды азорксчинь полавтнематнесэ существительнойтнень вастневемась.

     Невтемачинь ды азорксчинь существительнойтнень аволь эсест смустьсэ сайнемась.

     Прилагательноесь. Сонзэ текстэнь теиця лезэзэ ды стилень питнезэ. Прилагательнойтнень сеедьстэ эпитетэкс сайнемась. Относительной прилагательнойтнень качественной прилагательноень смустьсэ сайнемась.

     Прилагательнойтнень существительноень смустьсэ сайнемась – келень лексикань сюпалгавтомань к иды текстэнь теиця покш енкс.

    Качествань киртямонь суффикс марто прилагательнойтнень сайнемась.

     Числительноесь. Сонзэ стилистической сталмозо. Тевень ды наукань стильтнесэ числительнойтнень лезэст. Ламочинь ды лувонь числительнойтнень существительноень марто сюлмавомась. Числительнойтнень валонь сюлмавксонь таркасо молемась.

    Местоимениясь. Сонзэ текстэнь теиця лезэзэ. Местоимениятнень лия кортамо пельксэнь таркас саемась. Лицянь невтиця, возвратной ды виевгавтыця лицянь местоимениятнень стилень ёнксост. Местоимениятнень (монень – тень, тонеть – теть, сонензэ – тензэ ды лия) ютксо синонимиясь.

     Эсь возвратной местоимениянть притяжательноень смустьсэ сайнемазо.

     Лицянь невтиця местоимениятнень ды лицянь суффикстнэнь вельде вейке смустень невтемась. Лицянь невтиця местоимениятнень 1-це ды 2-це лицянь глаголонть пингстэ нолдамось.

Календарно - тематической планированиясь

Тонавтнемапельтне: Эрзянь кель 10-11 кл. С.2014 ие

Авторось: Н.А. Кипайкина

1.Эрзянь келень коряс методикань лезкстнэ:

Кипайкина Н.А. Интерграциясь тиринь келень уроктнесэ. - Саранск, 1992.

Кипайкина Н.А. Тект марто важодемась тиринь келень уроксто. - Саранск, 1993.

Липатов С.И , Адушкина Н.С. Методика преподавания мордовских языков. -  Саранск, 1995.

Тихонова Т.М. Эрзянь келень коряс уроконь шкадонть мейле роботась. - Саранск, 1992.

Цыганкин Д.В., Тихонова Т.М. Эрзянь кель (5-9), Эрзянь келень грамматикань ды стилистикань коряс учебной пособия. - Саранск, 1988.

2. Валкстнэ:

1.Борисов А.Г. Эрзянь келень эпитетэнь нурькине словарь.- Саранск, 1982.

2.Бузакова Р.Н. Словарь синонимов эрзянского языка.- Саранск, 1982.3/

3. Бузакова Р.Н. Тикшень валкс.-Саранск. 1996.

4. Цыганкин Д.В., Мосин М.В. Этимологиянь валкс.- Саранск, 1998.

5.Ширманкина Р.С. Фразеологиянь валкс.- Саранск, 1998.

6.Щемерова В.С. Эрзянско-русский, русско-эрзянский словарь.- Саранск, 1993.

7.Четвергов Е.В. Сырнень човалят: Стувтозь ды чуросто вастневиця валт.- Саранск, 1995.

8.Эрзянь келень орфографической словарь.- Саранск, 1978.

9.Эрзянь-рузонь валкс. Эрзянско- русский словарь.- Москва, 1993.

Башка сермадовкстнэ (статьятне):

1.Алешкина Р.А. Эрзянь келень синтаксисэнь уроксто творческой енксонь кандыця упражнениятне.- Сятко, 1992.

2.Водясова Л.П. Урок КВН: Числительноенть ды местоимениянть коряс.- Сятко, 1995, №3.

3. Водясова Л.П. Мезекс правилатне?- Сятко, 1997, №10

4. Кипайкина Н.А. Тиринь келень уроксо.- Сятко, 1993, №10.

5. Цыпкайкина В.П. Тонавтнемась улезэ кенярксов: Валмеревкстнэнь, фразеологизматнень ды содамоевкстнэнь коряс праздник.- Сятко, 1995, №1.

6.Тиринь келень коряс олимпиадатне.- Сятко, 1997, №12.

7. Цыпкайкина В.П. Глаголось минек кель-валсо.- Сятко, 1997, №9.

INTERNET   марто важодемась

Тонавтнемапельтнеде башка, келенть коряс  информация муеви Internet-энь истямо сайт лангсо:

Литературась:

1. Д.В. Цыганкинэнь, В.П. Цыпкайкинань «Эрзянь келень программат 5 – 11 класстнэнень» (2001) программась.

2. Тиринь кель 10-11 кл. С.2002 ие.  Авторось: Н.А.Беззубова-Кипайкина.

3. Internet-энь  сайтнэ.