Татар теле дәресләрендә LearningApps.org
статья

Татар теле дәресләрендә LearningApps.org сервисын кулланып, заманча дәресләр үткәрү.

Бүгенгесе көндә заманча дәресне компьютер технологияләре кулланмыйча үткәрү мөмкин түгел. Мин, Файзрахманова Ландыш Фаилевна,  Галимҗан Баруди исемендәге Биектау 4 нче номерлы урта гомуми белем бирү мәктәбенең башлангыч сыйныф укытучысы булып эшлим. Үз сыйныфымда татар теле дәресләрен алып барам.

Узган уку елында мин яңа LearningApps.org сервисы белән таныштым. Бу сервис  төрле  дидактик биремнәр (уеннар) тәшкил итә. Биремнәрне әзер килеш алып кулланырга да мөмкин, укытучы үзе теркәлеп, узенчәлекле  викториналар, пазллар җыю, парын табу, кроссворд чишү кебек уеннарны да төзи ала.

 LearningApps.org миңа дәресләрне күңелле, нәтиҗәле итеп үткәрергә ярдәм итә. Укучыларда фәнни фикерләү тибын формалаштыра. Бу сервис дәрес һәм дәрестән тыш эшчәнлек өчен бик уңайлы инернет ресурс булып тора.

  LearningApps.org кече яшьтәге мәктәп укучыларының белем бирү өлешен киңәйтү мөмкинлеге бирә. Балалар һәм аларның ата-аналары белән үткәрелгән күзәтүләр, әңгәмәләр нәтиҗәсендә, балаларга өйдә һәм тәкъдим ителгән ресурслы мәктәптә эшләү бик ошый, аларга бу кызыклы. Димәк, уку эшчәнлеген мотивацияләү арта һәм, нәтиҗә буларак, сыйныф укучыларының белем дәрәҗәсе арта.

Минемчә, татар теле дәресләрендә балаларның белемнәрен актуальләштергәндә, яңа тема өйрәнгәндә һәм ныгытканда, LearningApps.org сервисын куллану бик нәтиҗәле кушымта булып тора.

Файзрахманова Ландыш Фаилевна.