5 класста татар әдәбиятеннән дәрес планы "Фатих Хөсни "Чыбырткы".
план-конспект урока

    Дәрес темасы: Ф.Хөсни “Чыбыркы” хикәясе.

Планлаштырылган нәтиҗәләр:

Метапредмет — укылганнардан нәтиҗә ясап, тормышта куллану.

Предмет — Фатих Хөснинең «Чыбыркы» әсәрен уку, укылган эчтәлекне үзләштерү, әсәрнең сюжет элементларын өйрәнү.

Шәхескә кагылышлы — хикәядә тасвирланган вакыйгалар аша укучы балаларда җаваплылык хисләре, ата- аналарга карата сөю тәрбияләү.

Материал: дәреслек, язучы портреты, Интернет челтәреннән алынган мәгълүматләр.

Җиһазлау: мультимедиа проекторы, экран, ноутбук, презентация.

Дәрес барышы.

I. Мотивлаштыру-ориентлаштыру

1. Дәресне оештыру моменты:

- исәнләшү;

- укучыларны барлау, дәрескә әзерлекне тикшерү;

- уңай психологик халәт булдыру.

2. Белемнәрне актуальләштерү.

1. Өй эшен тикшерү.

2. Ти зәйткечләрне кабатлау.

3. Актуальләштерү.

Әңгәмә оештыру.

• Үткән дәрестә кайсы язучының иҗатын өйрәндек?
• Кем турында укыдык?  
• Аның нинди әсәрләрен исегездә калдырдыгыз?
•  Бу язучы күбрәк нинди темаларга язган?

4. Уку мәсьәләсен кую.

- Бүгенге дәресебездә үткән теманы өйрәнүне дәвам итәрбез.

- Димәк, бүгенге темабыз ничек аталыр? /Укучылар Ф.Хөснинең “Чыбыркы” хикәясен өйрәнүне дәвам итәчәкбез, дип фаразлыйлар/

- Нәрсә соң ул чыбырткы? Кемнең күргәне бар?

 - Әйе, бәген  дәрестә язучы Ф.Хөснинең «Чыбыркы» әсәрен өйрәнүне дәвам итәчәкбез.

II. Уку мәсьәләсен өлешләп чишү этабы.

1. Сүзлек өстендә эш: сүзләрне дөрес уку, әйтү, тәрҗемәсе белән танышу, сүзлек дәфтәренә язып кую.

Даһи – великий

рәт чыкмас         не будет толку

Ботинка туздырмаган – не износил ботинки

чыбыркы – кнут

Сабы (сап)  - ручка, рукоятка

дегетле  -с дёгтем

Эндәшми - молчит

2. Фатих Хөснинең «Чыбыркы» әсәренең икенче өлешен уку, уку төрләре./ Укытучы әсәрне укый башлый. Укучылар чылбыр буенча укыйлар.

- яңа лексиканы кулланып, текстны тәрҗемә итү

- Эчтәлек буенча әңгәмә оештыру.

• Малайны җәйгә кая кайтаралар?
•  Ул аннан нәрсә алып килә?
• Җәйге ялда малай нәрсә белән шөгыльләнгән?
• Бу турыда кайдан белдек?

3. Дәреслектәге биремнәр һәм сораулар өстендә эшләү(3 нче сорауга җавап).

4 нче бирем. Малай авылда нишләгән? Әтисе аны кем булыр дип уйлый? Малай үзенең киләчәге турында уйлыймы? Ул нишләргә генә ярата?

5. Эш дәфтәрендәге 2 нче биремне эшләү. Сорауларга җавап язу.
6. Төркемнәрдә эш.( Әтисенә, әнисенә, әбисенә һәм малайга характеристика бирү)

III. Рефлексия

1. Рефлексив кабатлау.

Укытучы, укылган өлешнең эчтәлеген кабатлау өчен, укучыларга сораулар бирә.

• Сез җәй көне авылга кайтканыгыз бармы?
• Анда күңеллеме?
• Авылдагы ял белән шәһәрдәге ял аерыламы? Сезгә кайда ял итү күбрәк ошый?
• Рәшит авылда нишли?
• Ә сез авылда ялда вакытта нишлисез?
• Рәшит кебек ял итүчеләр арагызда бармы? һ.б.

2. Укучыларның җавапларын бәяләү, билгеләр кую.
3. Өй эшен аңлату: 1) «Чыбыркы» әсәренең икенче бүлеген укырга һәм бүлеккә исем бирергә;

2) – укылган өзеккә кыскача план язарга;

3) - өзеккә иллюстрация ясарга (ирекле бирем).