Тере барометрҙар. (Башҡорт теле 10-11 . Уҡытыу урыҫ телендә алып барылған мәктәптәр өсөн. Авторҙары: М.Ғ. Усманова, З.М. Ғәбитова)
методическая разработка (10 класс)

181 –се күнегеү.   Уҡығыҙ. (Башҡорт теле. Уҡытыу урыҫ телендә алып барылған мәктәптәр өсөн. Авторҙары: М.Ғ. Усманова, З.М. Ғәбитова)

                                                                     Тере барометрҙар.

     Бал ҡорттарын йыш ҡына тере барометрҙар тип атап йөрөтәләр. Һауа шарттарының үҙгәреүенә улар бик һиҙгер.

     Бал ҡорттары умарта...  бик иртә осоп сыҡһа, көн аяҙ була.

     Иртәнсәк бал ҡорттары  умарта... сыҡмайынса шаулашһа, төш ваҡытын... ямғыр булырын көт.

     Ямғыр алды... бал ҡорттары умарта тирәһендә генә оса.

     Һауа яҡшы торһа, улар алыҫҡа осоп кит... .

     Иртәнсәк йәки көндөҙ бал ҡорттары ҙур төркөм булып умартаға ашығып ҡайт... һәм унан бөтөнләй тиерлек осоп сыҡма... тиҙҙән ел күтәреләсәк һәм ямғыр яуасаҡ.

     Йәшен йәшнәп болот килгәндә бал ҡорттары умартаға инеп йәшеренмәһә, ямғыр булмай, ул ситләтеп үтә.  

     Кисен бал ҡорттары осоуҙан иртә туҡтаһа, алдағы көндәрҙә яҡшы һауа һаҡланыр.

     Бал ҡорттары умарта ярыҡтарын ҙур тырышлыҡ менән елемләһә, ғәҙәттә, ҡыш һалҡын килә, ҡаты һалҡындар була. Әгәр был эште һүлпән башҡарһалар, ҡыш йылы килә.

  (Рафиҡ Ноғоманов)

?   1) Тәржемә  итегеҙ.

     2) Һүҙҙәргә ялғауҙарҙы дөрөҫ ҡуйып күсереп яҙығыҙ.

     3) Киләсәк заман мәғәнәһенең бирелешенә иғтибар итегеҙ, уның бирелеү юлдарын ҡабатлағыҙ.

     4) Шарт һөйкәлеше булған һөйләмдәрҙе дөрөҫ тәржемә итегеҙ.

     5) Һуңғы ике абзацты иғтибар менән уҡығыҙ. Һуңынан уҡытыусы әйтеүендә яҙығыҙ.