Кичээл: «Тыва дылыӊ утпа,камнап чор!!!»
план-конспект урока (9 класс)

                                       Хондергей школа-интернат

Тема:

«Тыва дылыӊ утпа,камнап чор!!!»

Тыва дыл болгаш чогаал башкызы

 Тулуш Радка Монгеевнаныӊ

9-ку класска эрттирген

ажык кичээли

с.Хондергей

2017-2018  ѳѳредилге чылы

Тема: Тыва дылын-утпа,камнап чор!!!

Сорулгазы: 1.Тыва дылды үнелеп,ооӊ дугайында тѳѳгүнү,медээлерни

                          билип,тѳрээн  дылынга  арыг,чараш чугаага ѳѳредири.

                        2. Уругларныӊ дыл дугайында билиин,сактып алыр чоруун,аас

                          болгаш бижимел чугаазын,салаа сайгыдын янзы-бүрү оюннар

                           дузазы-биле сайзырадыры.

                         3. Тѳрээн дылынга ынакшылды,чоргааралды оттуруп,кижизиг,

                              эки мѳзу-бүдүштүг тывалар болурунга хевирлеп кижизидер.

Дерилгези: А.С.Пушкин,А.А.Даржай-портрет чуруктары,карточкалар,кажык,

схемалар,презентация

                              Кичээлдиӊ чорудуу.

I Кичээлге белеткел.

                         Экивеӊер ,башкылар!

                         Экивеӊер,эжим-ѳѳрум!

                          Эжим-ѳѳрум,башкыларга!

                          Эки хүннү күзээлиӊер!

1. Теманыӊ адын тывары

                   …    - утпа,камнап чор!!!

- Бистиӊ школада чүнүӊ неделязы болуп эртип турарыл? (тыва дыл,чогаал)

- Хѳй сектер орнунга чүү деп сѳс каттыжыышкынын киириптер болзувусса тааржырыл тып кѳруӊерем,кым чүү деп бодап олур? (уруглар бодалдарын чугаалаар)

2. Тема,сорулга-биле ажыл

-Эр-хейлер! Бѳгүн кичээливисте «Тыва дылыӊ-утпа,камнап чор!!!- деп , темага даянып алгаш,тыва дыл байырлалы кичээл эрттирер бис,кичээливисте тыва дылга хамаарышкан медээлерни дыӊнап,кѳрүп алыр силер,уруглар.

II Киирилде кезээ.

1. Айтырыг-харыы

- Долгандыр кѳрүп кѳрүӊерем,кижилерниӊ кылып бүдүрген чүвелериниӊ аттарын адаӊар?(уруглар адаар)

- Амгы үениӊ чаа дериг-херекселдери,эдилелдеринден адаӊар?

- Бойдустуӊ боду бүткен,чаяаттынган чүвелерин адаӊар?

- Кижилерни бот-боттарыныӊ аразында харылзажыр кылдыр чүнү чаяап кааныл? (дыл)

- Чүге дыл эӊ-не херек чаяалга деп  санаар бис,уруглар?

2. Илеткел

                            Дыл

   Дыл  кижилерге   эӊ-не чугула херек. Дылдыӊ ачы-дузазында кижилер аразында харылзажып,чугаалажып,кады ойнап-хѳглеп,ажылдап, чурттап чоруурлар. Чугаадан аӊгыда холдар болгаш арын- баш шимчээшкиннериниӊ дузазы-биле чугаалажып чоруурлар бар.

     Амгы үеде делегейде 6000 (алды муӊ) янзы-бүрү дылдар бар. Оларныӊ бирээзи тыва дыл. Чамдык дылдар чидип азы болза ѳлуг дылдар санынче кирип турар. Тываныӊ даргалары,эртемдээннери, чогаалчылары,артистери,тыва дыл башкылары тыва дылывысче улуг сагышты салып сайзырадып эгелээн.Тыва дылда шиилерни кѳргузуп,солуннарны,номнарны үндүрүп,чаа-чаа ырыларны чогаадып ырлажып,делегейге хѳѳмей-сыгыдывыс-биле тыва дылды алдаржыдып чоруурувус ѳѳрүнчүг.

         Улуг ѳгбелеривистиӊ арттырып каан тѳрээн тыва дылывысты утпайн,хириктирбейн,бокталдырбайн арыг,чараш чугаалажып чорууру тыва кижилер бистерниӊ – дорт хулээлгевис. Сайзыра-ла тыва дылым.

3. Тыва дыл –презентация ( Ѳ,Ү,ӊ- тураскаал,кѳжээлерде бижиктер…)

III Тыва дылдын оюн-тоглаазы.

1. Шүлүкчүгеш (Шупту кыйгырыывыс чугаалаптаалыӊар)

Тыва дылым чоргаар дылым,

Угаап-бодаар тѳрээн дылым,

Тыва дылым чараш дылым,

Угаан-билиг далайы сен

2. Оюн: «Тыва дылыӊ тѳрелдерин тыпчып берем»

(уруглар ийи бѳлүктен тывар)

Славян дылдар                               Турк дылдар

Орус                                                    Кыргыс

Белорусс                                            Алтай

Поляк                                                  Казах

Болгар                                                 Башкир

Чеш                                                      Якут

Македон                                            Хакас

                  Тайылбыр:       - ук тѳѳгүзү

                            -ѳзек сѳс курлавыры

                           - үн тургузуу

                            -чугаа кезектери

                           - домак тургузуу

- Славян дылдар аразындан  кайы дылды билир, силер?

3. Оюн: «Орустаарым кандыг эвес…»

(карточкада сѳстерни кѳргүзерге,уруглар орус дылче очулдурар)

Экии- здравствуйте,   байырлыг-до свидания,   четтирдим-спасибо,  ажырбас-пожалуйста,       чем читтингир болзун-приятного аппетита,  мен сенээ ынак мен-я люблю тебя,  ийе-да ,     чок-нет,    билбес мен-не знаю.

4. Оюн: «Чажыт бижик»

06.06.2019.                            01.11.2019.

- Саннарны кѳргеш,чүү кѳргүскен саннар деп бодаар –дыр силер?

- 01.11.2019 – ол чүнү кѳргүскен саннарыл?(тыва дыл хүнү)

- А   06.06.2019 – бо чүнү кѳргүскенил?( орус дыл хүнү)

06.06.2019.                            01.11.2019.

- Кымнарныӊ чуруктарын астым? (А.С.Пушкин,А.А.Даржай)

-Кымнарыл ол?    (Чогаалчылар)

- Бо саннар-биле кандыг холбаалыг деп бодаар силер?

Тайылбыр: 06.06 – орус дылдыӊ ,01.11- тыва дылдыӊ  хүннери,А.С.Пушкин 06.06.1799чылда,А.А.Даржай 03.11.1944 чылда тѳрүттүнген. Тыва дылдыӊ хүнүн А.А.Даржайныӊ сүмези-биле доктаалды чазак даргазы үндүргенин эки билир бис,уруглар.

5 Оюн: «Тѳрелдерим кымнар ийик?»

       Кажыкты холга чайып-чайып октаар,кайы үжүкке дүжерил,оон эгелээн тѳрел  сѳстер адаар , чижээ: У- угбам,уруу,уйнуу …, А-ачам,авам,акым …, Д-даайым,дуӊмам…,К-катым,кат-ием,кырган-авам…,Ѳ-ѳпей ..,С-сарыым

5. Оюн: « Алдыы,ортаа,үстүү аалдарныӊ уруглары кымнарыл?»

                  Үстүү   ( О)                        Ортаа   (ү)                Алдыы  (ӊ)

                ,,,нермаа                           К…зел                       Балда,,,

               … пеймаа                           Б……дей                    Арапта…

               … ргежик                             С..р..н                      Арзыла…

                … лчей                                 С…….р-оол              Бааза….

                ...скус-оол                           С…гдер                    Куштаара…

             Туӊнел: Ѳ,Ү,ӊ  - тыва дылды онза кылдыр ѳске дылдардан ылгалыр үжүктеривис.

6. Сула шимчээшкин: «Танцылаалам»

(Херел Мекпер-оолдун «Танцылаалам»-деп ырызынга сула шимчээшкиннер)

7. Оюн: Ребустар

(8тир,8ерлик,7р,100кук,6н,6н-ай,Д3,10за,10загай2с,10дар,9-карак)

8. Оюн: «Үлегер домактарны чедир бижи».

(I-II бѳлүк уруглары бижээш номчуп бээрге,III-IV ку боѳлүк уруглары тайылбырлаар))

… сѳзүн ижип болбас,

… сѳзүн ажырып болбас

… чугаалажып таныжар,

… киштежип таныжар.

IV Түӊнел кезээ.

1. Кичээлге хамаарышкан айтырыглар.

2. Рефлексия. (уруглар кичээлди үнелээр)

-Кичээл меӊээ дыка солун,ажыктыг болду,хѳй билиг билип алдым – дээр болзуӊарза хун чуруун кѳдүрер силер,а  кичээлде билиг билип албаадым,солун эвес болду дээр улус булут чуруун кѳдүрер)

3. Онаалга Тыва дыл дугайында чаа медээлер тып бижип келир.