Урок теми: Профессионализмсем(ятарлǎ сǎмахсем).
презентация к уроку (5 класс)

Урок теми: Профессионализмсем(ятарлǎ сǎмахсем).

Тӗллевсем: 1)ачасене пӗр-пӗр профессире ҫеҫ усǎ куракан сǎмахсемпе    паллаштарасси; 2) вӗсене ҫырура тӗрӗс ҫырасси; 3)ӳссен кам пулас ыйтǎва лартасси.

Кирлӗ хатӗрсем: урок юхǎмӗ тǎрǎх хатӗрленӗ презентаци, карточкǎсем.

Урок юхǎмӗ.

1.Класа йӗркелени.

2.Урок темипе тӗллевне палǎртни.

3.Темǎна ǎнлантарни.

    Ҫӗр чǎмǎрӗ ҫинче мӗн чухлӗ халǎх, мӗн чухлӗ ҫын! Ҫак кашни ҫыннǎн хǎйӗн шǎпи, телейӗ.Кашниех вǎл е ку ӗҫре вǎй хурать. «Сирӗн мӗнле професси?»- тесе ыйтсассǎн, хуравӗсем те тӗрлӗрен.Кам- хурҫǎ шǎратакан, кам- космосра карап тытса пыракан, кам ҫӗнӗрен те ҫӗнӗ япаласем шутласа кǎларакан, кам- тыр-пул туса илекен тата ытти те- кашниех хǎйӗн ӗҫне кирлӗ тесе шутлать.Юратнǎ ӗҫ ҫеҫ ҫынна чǎн-чǎн телей  кӳрет.Сирӗн аҫǎр-аннӗрсем те тӗрлӗ профессиллӗ ҫынсем.Акǎ Катьǎн амǎшӗ- вӗрентекен, Дианǎн амǎшӗ- бухгалтер тата ыттисене те каласа тухма пулать.

    Мӗн вǎл професси? (Ачасен хуравӗсем).Професси вǎл пӗр-пӗр ӗҫе пӗлни,ǎсталǎх, пӗр-пӗр конкретлǎ ӗҫ.Кашни профессирех,пӗр-пӗр ӗҫре ҫеҫ усǎ куракан сǎмахсем пур.Вӗсене тепӗр майлǎ профессионализмсем теҫҫӗ. Тӗрлӗ професси ҫыннисен хǎйсен ӗҫ хатӗрӗ, хǎйне майлǎ ӗҫ.Ҫавǎнпа та ҫав хатӗрсемпе  ӗҫ уйрǎмлǎхӗсене , туса кǎларакан япаласнене пӗлтермелли  сǎмахсем те  тӗрлӗрен  пулаҫҫӗ .Акǎ столярсен чӗлхинче анлǎ сарǎлнǎ сǎмахсене илер: ножовка,  стамеска, рубанок, ал пǎчки,ыра тата ыт.те.

Слайд.

    Халӗ эпӗ сире пӗр-пӗр профессипе ҫыхǎннǎ ӳкерчӗксем кǎтартатǎп, кам вǎл- сирӗн ǎна пӗлмелле(воспитатель, комбайнер, врач…)Камсем-ха вӗсем? Ҫак ӳкерчӗкре аҫǎр-аннӗр профессийӗ пур-и?

    -Ачасем хǎйсен ашшӗ-амǎшӗн профессийӗсене калани.(Пӗчӗк калав)

    Пурнǎҫ аталансах пырать.Ҫавна май ҫӗнӗрен те ҫӗнӗ профессисем вǎй илсе пыраҫҫӗ.Халӗ час-часах программист, технолог, менеджер тенисене илтме пулать.

    Кам-ха вǎл программист? Компьютерпа ӗҫлеме пӗлекен, ҫак ǎслǎ машина валли тӗрлӗ программǎсем хатӗрлеме пултаракан специалист.

    Технолог- заводсенче, фабрикǎсенче ӗҫлекен.Вǎл пӗр-пӗр продукцие тунǎ чух виҫесене, ӗҫ йӗркине сǎнаса тǎрать.

   Менеджер вара предприятисенче пӗтӗм ӗҫе йӗркелесе пырать.

  Дизайнер- ҫӗнӗрен те ҫӗнӗ тумсем шухǎшласа кǎларакан, пӳрт-ҫурт ǎш-чикне ҫӗнӗлӗхсем кӗртекен, илемлӗхе туйма пӗлекен ҫын.

4.Ҫирӗплетӳ.

   406-мӗш хǎнǎхтару (ҫырса)

Слайд.

5.Словарь ӗҫӗ.

  Амбулатори- лечебница для приходящих больных и оказания помощи на дому

Шыҫǎ- опухоль,отек

Ҫǎпан- фурункул, нарыв,чирей

Сив чир- лихорадка

Процедура- отдельный сеанс физиотерапии(ванна, душ, массаж),закаливание, ухода за телом

6.Кану саманчӗ  «Вǎчǎра» професси ячӗсем. Мӗн вǎл вǎчǎра?(цепочка) Учитель-летчик-космонавт- тракторист…

7.Ваттисен сǎмахӗсемпе ӗҫлени.слайд.

    Кашни ӗҫех пурнǎҫлас тесен пирӗн чун-кǎмǎлтан туса пымалла.Пире ваттисен канашӗ пулǎшса тǎрать.Ахальтен каламан ӗнтӗ: «Ватǎ ҫын тǎватǎ ҫын тесе».Тǎватǎ ҫын сӗнӗвне калǎпласан пӗр шухǎш пулать.Ҫак шухǎшсене эпир яланах асра тытмалла.Ваттисен сǎмахӗсене чǎвашла куҫарǎр, пӗлтерӗшне ǎнлантарǎр.

1)Человек без друзей, что дерево без корней.- Юлташсǎр ҫын тымарсǎр йывǎҫ пек.

2) Семеро одного не ждут.- Ҫиччӗн пӗр ҫынна кӗтмеҫҫӗ.

3) Глаза боятся, а руки делают.- Куҫ хǎрать те, ал тǎвать.

4) Не бойся работы, пусть она сама боится.- Ӗҫрен ан хǎра, вǎл хǎй санран хǎратǎр.

5)Век живи, век учись.-Ӗмӗр пурǎн, ӗмӗр вӗрен.

Хǎш ваттисен сǎмахӗ паянхи темǎна ҫывǎх?

8.Физминутка.

9.Карточкǎсемпе ӗҫлени.

10.Слайд тǎрǎх ӗҫлени.Шǎп та лǎп 1 минут хушши  пǎхнǎ хыҫҫǎн хǎвǎр астуса юлнǎ сǎмахсене тетрадьсем ҫине ҫине ҫырни.

1.агроном            6.строитель            11.тимӗрҫӗ    

2.механик            7.кочегар                12.врач

3.зоотехник         8.плотник               13.слесарь-сантехник

4.водитель           9.инженер              14.учитель

5.газовик             10.электрик            15.механизатор

11.Пӗтӗмлетӳ.

    1)Паян эпир сирӗнпе ҫыртǎмǎр, вуларǎмǎр. Эпӗ сирӗн шухǎшǎра пӗлес тетӗп. Ӳссен эсӗ кам пулан?(Кластер туни)

Манǎн пулас професси.

2)Синквэйн туни.

Эпӗ

Ǎслǎ, ӗҫчен

Вӗренетӗп, тǎрǎшатǎп, ӳркенместӗп

Эпӗ аслисене итлетӗп, тǎрǎшса ӗҫлетӗп.

Ǎнǎҫлǎ ӗҫлекен

3) Вǎйǎ: Чи пылак професси – кондитер;

                Чи ҫӳҫлӗ прфесси – парикмахер;

                Чи кулǎшла професси - клоун;

                Чи укҫаллǎ професси – банкир, кассир.

12.Киле ӗҫ: «Манǎн ӗмӗт» сочинени ҫырма

13.Ачасен пӗлӗвне хаклани.

Муниципальное общеобразовательное бюджетное учреждение  средняя общеобразовательная школа им.К.Иванова с.Базлык муниципального района Бижбулякский район Республики Башкортостан

Методическая разработка урока по чувашскому языку в 5 классе на тему: «Профессионализмы»

Выполнила:

учитель чувашского языка и литературы

Тимофеева Зинаида Федоровна

2012

Пушкǎртстан республикин вӗрентӳ министерстви Пишпӳлек районӗн ҫӳтӗҫ уйрǎмӗ муниципаллǎ учрежденийӗ Пǎслǎкри К.Иванов ячӗпе хисепленекен тулли пӗлӳ паракан вǎтам шкул