Кафе-Мидраш технология П.Блиновлэн «Улэм потэ» романэзъя удмурт литература урок
план-конспект урока

Олеся Васильевна ЯКОВЛЕВА (АРХИПОВА)

Татарстанысь Балтась ёросысь О.Н.Исаев нимо Шор Кушкет шор ёзо школаысь удмурт кылъя но литературая дышетüсь

Кафе-Мидраш технология П.Блиновлэн «Улэм потэ» романэзъя удмурт литература урок.

Тема: Улонэз адями ачиз лэсьтэ

Пуктэм ужпумъёс: 1) Демилэсь урод сямъёсыз пумысен малпаськемзэ но соослэсь куштüськыны турттэмзэ эскероно;

2) «улон – адямилэн самой вылü ваньбурез» - малпанэз нылпиослы пыӵатоно;

3) дышетскисьёслэсь текстэн ужаны быгатэмзэс азинтоно.

Тüрлык: ӝӧккышетэн вӧлдэм 2 ӝӧк, чебермам пуконъёс, «улон» темая туспуктэмъёс, визькылъёс, каньыл гур.

Ужемышъёс:

1) Асмуртъем: улон сярысь малпасько, вылü дунъетсэ валало;

2) Метапредметъем:

Регулятивной УУД:асьсэлэсь малпанзэс шара верало, мукетъёсызлэсь веранъёссэс дунъяло; 

Познавательной УУД: текстысь кулэ ивортодэт утчало, огъянъёс лэсьто.

Куммуникативной УУД: текстъя ужало, юанъёслы валэктонъёс утчало, малпанъёссэс вераса усьто, ог-огзылэсь но дышетüсьлэсь верамзэс кылзо.

3) Предметъя: текстын ӝутэм ужпумъёсты ӝуто.

Уроклэн мынэмез:

1. Ужез радъян. Ӝок сьӧры интыяськон. Правилоосын тодматскон.

-  Ӟечбуресь, гажано куноос! Туж шумпотыса пумитасько тüледыз кафеям. Кызьы тü валады, дыр, ини, мон солэн кузёез. Нимтулы – Олеся Васильевна Яковлева.

- Нош тü понна, ма со сыӵе кафе? Кыӵе инты? (вераськон, шутэтскон тодматскон, пумиськон, сиён-юон инты)

- Маин меда асьме кафемы висъяське мукетъёсызлэсь? (татын сиён сётиське духовной – со книгаос)

2. Ужаломы ӝокъёсын. Мон курисько тüледыз котькуддэс «улон» кыллы тупась кылъёс гожтыны. Кыӵе кылын воштыны луоз на та кылэз? (шуд, уж, семья, яратон, инкуазь…) Лыдӟе пӧрмем кылъёстэс. Быръе 2-сэ, тужгес но умойёссэ но ляке доскае.

3. Закуска сётон - визькылъёс бордын ужан. Котькуд пукисьлы сётüське визькыл.

- Лыдӟе ӵош пукисьёстылы визькылдэс. Малпаське но вералэ, кыӵе солэн пуштросэз, «улон» темаен герӟалэ. Валэктэ асьтэлэсь малпандэс.

Визькылъёс: Шудэз валес вылысь уг утчало. Шудтэм мурт вылэ кыллись кор но, пе, погля. Азьтэм муртлы мамык валес вылын но чурыт. Керттыны быгатüд, пертчыны но быгаты. Улон – колёса: азьлань питра. Уж киосты нярӟытэ, тэк улон сюлэмез сӧсыртэ. Дас уродъёсыз сярысь, одӥг умой ужез тодыны кулэ. Лушкем ужез уд ваты. Бур ки паллянэз понна уз лэсьты. Дасезлы эн синмаськы – ачид лэсьты.

- Малы дышето та визькылъёс? (улыны….)

4. Валтись сиён сетон.

- Тани асьмеос вуимы валтüсь сиёнмы доры. Со – П.Блиновлэн «Улэм потэ» романысьтыз люкетъёс. Текстъёс сётэмын тэркыяды. «Сиёндэс сиыны» юрттозы тüледлы «пуньыос-юанъёс». Соос вылэ пыкиськыса асьтэлэсь малпандэс вералоды.

 (пиналъёс группаосазы лыдӟо текстъёссэс, ӵошен кенешо, малпанзэс верало, дасяло юанъёслы валэктонъёс. Котькуд группа вераське)

«Пуньыос – юанъёс»:

1-тü граппалы:

1. Мар малпа Деми аслаз шудтэм улэм-вылэмез сярысь?
2. Улонэн люкиськон геройлэсь шуг-секытэ сюремзэ тупатоз-а?
3. Кыӵе адями син азе пуксе?
4. Кин янгыш Деми таӵе улон калэ вуиз шуыса?
5. Кыӵе мылкыд кылдытэ пияшлэн таӵе малпанэз?
6. Мукет сямен кызьы луысал таӵе учырысь потыны?

2-тü группалы:

1.  Кин синъёссэ усьтüз Демилэсь?
2. Малы  пересь юрттоно кариськиз пияшлы?
3. Кыӵе кылъёсыз чорыгасьлэн валтüсь луо?
4. Ма карыны косэ пересь Демиез?
5. Кызьы тü малпаськоды, воштоз-а Деми аслэсьтыз улонзэ?
6. Кыӵе улон сюрес быръёз герой?

Огъян лэсьтон:

- Кыӵе вывод лэсьтыны луоз? (адями улонзэ ачиз лэсьтэ, тынад улонэз аслад кияд, улон – самой вылü ваньбур).

Мон верало Н.Островскийлэн «Как закалялась сталь» Павел Корчагинлэн кылъёсыныз: «Самой дуноез адямилэн – улон. Улон сётиське солы одüг пол гинэ, соин ик улыны кулэ озьы: сюлэмыд чигымон куректоно медад луы юнме ортчытэм аръёс понна, возьдаськон медаз ӵушка умойтэм но чыры-пыры ужъёсыд понна…»

(«Самое дорогое у человека —это жизнь. Она дается один раз и прожить ее нужно так, чтобы не было мучительно больно за бесцельно прожитые годы, чтобы не жег позор за подлое, мелочное прошлое…)

5. Ческыт сиён (десерт): туспуктэмъёс бордын ужан.

1. Ӵашаяды вань лыдпусъёс, та лыдпусъя быръе асьтэлы доска вылысь туспуктэмез но валэктэ, кызьы со герӟаськемын туннэ урокен, «улон» кылын?
2. Кыӵе туспуктэм, тü малпамдыя, тужгес но матын возьматэ Демилэсь улонзэ?

6. Асиф. Рефлексия: «улон» кыллы ваньмы ӵош синквейн лэсьтоме:

шуд    уж

умой   яркыт  тунсыко

пӧзе  бызе  кошке

Улонэз адями ачиз лэсьтэ.

колёса   шунды

7. Доре уж: пересь чорыгасьлэсь кылъёссэ учкытэк вольыт вераны дасяськоно.

1-тü ватсэт

Визькылъёс:

1-тü ӝӧклы

Шудэз валес вылысь уг утчало. Шудтэм мурт вылэ кыллись кор но, пе, погля. Азьтэм муртлы мамык валес вылын но чурыт. Керттыны быгатüд, пертчыны но быгаты. Улон – колёса: азьлань питра.

2-тü ӝӧклы

Уж киосты нярӟытэ, тэк улон сюлэмез сӧсыртэ. Дас уродъёсыз сярысь, одӥг умой ужез тодыны кулэ. Лушкем ужез уд ваты. Бур ки паллянэз понна уз лэсьты. Дасезлы эн синмаськы – ачид лэсьты.

2-тü ватсэт

Текстъёс:

1-тü ӝӧклы

  «Ма, ма пайдаез таӵе улэмлэн? Оло нош, зэм ик-а быдэс даурзэ тазьы ортчытыны вордскемын со та югыт дунне вылэ?...Уз луы-а умойгес, Вятка шуре тэтчыса. Ведь всё равно куке но кулоно. Всё равно табере улон ми ки улысь ишкалтэмын. Трудкоммунае табере соосты матэ но уз лэзе ини. Дас арлы яке ыбыны присудить карозы. Коммунаысь пегӟыку, соосты кутыны турттüсь адямиез Олёшка ӵогъяз, со понна высшой мератэк Демиез но простить уз каре ни, дыр, кадь потэ солы. Ӧвӧл, лучше ачим, чыртыям из думыса, Вятка  пыдсы васько. Солэсь капчи номыр но уз луы ни». Демилэн йырвизьмыз копак сураськон калэ вуиз. Пӧртэм малпаськонъёсты вормытэк, жадем синъёсыныз эшшо одüг пол котыр учкиз на но, зэмзэ ик огназ луэмезлы ӝоже усьыса, кошкиз со Вятка шур пала. Оло, зэм ик Олёшка шонер  вераз, сüзьыл вордскем немычпи дуннеын улыны уг вордскы                                                                   шуыса.

2-тü ӝӧклы

  - Ме тыныд куамын манет, берты, сыӵе  урод малпанъёстэ гинэ кушты. Мон ачим но   пичи дыръям туж курадӟыса будэмын, нош табере сизьымдонлэсь ятыр луиз ни, а кулэме уг поты на. Эшшо ог тамында мед улысал. Улонэз адями ачиз лэсьтэ,  эке. Уг ке яра тыныд улон, котькыӵе секытъёс мед султозы  тынад азяд, вошты со улонэз. Лэсьты сое озьы, кызьы умой тыныд. Кулыны ноку но бер уз луы, нош кулüд ке, улонэ ноку но уд берытскы ни. Ул, пие, ул! Тон пинал на, мылыд потüз ке, адзод шулдыр улонэз, калык сямен ужа, соку ачид ик  мон верай шуод ай…

3-тü ватсэт

Туспуктэмъёс: