Материалы ОГЭ по родному языку ( на тувинском языке)
консультация (9 класс)
Тыва дылга 9-ку класска ОГЭ материалдары
Скачать:
| Вложение | Размер |
|---|---|
 tyva_dylga_oge-ge_onaalga_sendi_a.ch_.doc | 58 КБ |
| tyva_dylga_oge-ge_onaalga_sendi_a.ch_.doc | 58 КБ |
Предварительный просмотр:
Чаа-Хөл кожууннуң Булуң-Терек ортумак школазы
Тыва дылга ОГЭ-ге онаалга
Булун-Терек ортумак школазының
1-ги категорияның тыва дыл башкызы,
Сенди Айслу Чапаевна.
Кызыл, 2019.
1-ги вариант
1-ги кезек
Сөзүглелди кичээнгейлиг дыңнааш, кыска эдертигни бижиңер. Баштай онаалганың дугаарын айыткаш, 2 дугаарлыг харыылар бланкызының саазынынга күүседиңер. Сактып алыңар! Эдертигни бижиирде, сөзүглелдиң иштики темаларының болгаш бүдүн бодунуң утказын дамчыдар. Эдертигниң хемчээли 70-ден эвээш эвес сөс болур. Эдертигни билдингир, чараш хол үжүү-биле бижиңер. |
Дыңнап бижиир эдертигниң сөзүглели
«Көк-Даштың чурумалы» ( Д.Сарыкай)
Суурнуң кыйыын хаажылай куду баткан хемчигеш кежилдир даңгаар-ла чиңгир-ногаан шивилерге бүзээлеткен оймак бар.Эрткен чазын ол оймакка үңгүрлээн кыс бөрү бөрзектери хүннээрекке дешкилежип, балдырларын ызыржып, ыймактажып ойнап турганнар. Ам ында долгандыр чыып каан ыяш оваалары, балды-хирээниң диңмиттиг дааш-шимээни кайы орандан кызыл чайт көстүр лозуңнар болгаш плакаттар, шириин арыннар, дыңзыккан шыңганнар, дер-бус. Одунган тайганың күчүлүг судалының белдири ам ында. Көк-Даштың кижилери база шупту ында.Ынчангаш суур хүндүс ыржым, ээнзиргей. Ооң амыдыралы кежээки имир-биле деңге дирлир.Улус ажылдан уурук-сууруктап кээп эгелээр.Соңгалардан сайгылгаан чырыы чайнаар. Хоолайлардан чалбыыш дылы кызаңнаар.
Сеңгин кышты халас эрттирбээн.Көк-Даш тайгазынга шынап-ла , хөй чаартылгалар болгулаан.Бажыңнарга сайгылгаан чырыы киирткен. Чунар-бажыңны септеткен. Почта салбыры ажыттынган.Ында телеграф аппарады тургузуп каан. Кызыл-булуңга кино үнүп эгелээн.
Күш-ажылдың сагылга-чуруму быжыккан. Бүдүрүлге коллективиниң өзээ тургустунган.
2-ги кезек
Сөзүглелди номчааш, онаалгаларны күүседиңер (2-14). |
Бойдустуң өңнүү
(1)Фомичиниң бүдүжүнде база бир онзагай, чараш өттүнүксенчиг чаң барын билип алдым.(2) Корум-чурумга ынак деп чүвези кайгамчык-ла кижи-дир.(3)Шак бо ээн тайга ишти аргалыг-ла болза чазак ордузунун аалчылар хүлээп аар залында хевис кыры ышкаш, арыг-силиг чытсын деп бодаар кижи-дир. (4)Эрткен оруувусту үргүлчү демдектеп , ушкан ыяштарны эмгелей каап, сынган будуктарны бөле чыып, кымыскаяк өөн шеверлеп, кат сыптарының дөзүн арыглап, канчап-даа чоруур-дур. (5)Бойдустуң ёзулуг өңнүү кижи-дир деп билдим.
(6)Бис хүннү база тускай график ёзугаар, кандыг-бир албан черинге ышкаш кылдыр эрттирип чоруурувусту эскерип кагдым. (7)Эртенги хүн херели-биле деңге тура-ла халчыр бис. (8)Чемненир шактарывыс доктаамал болу берген. (9)А кежээлерде одаг чырыынга олурупкаш бижиттинеривис мырыңай чурумчаан. (10)Мен демдеглелдерим уламчылап кириптеримге, Фомич база кылын кыдыраажын ушта соп эккээр мындыг.(11)Баштай ону ажыл отчёду белеткеп турар деп бодаан мен, а херек кырында Фомич сактыышкыннар бижип чоруур «аза» болуп-тур. (12)Дүүн кежээ ол менче кыдыраажын сунгаш:
-Шулуу, ма мээң бо шыйбактап каан чүвелеримни номчуп көрем -диди.
(14)Эжен-сүлде , Фомич чүгле геолог эвес, романтик база кижи-дир мооңар! (15)Көрүңер даан, чүнү бижип алган-дыр, даайывыс:
«Эх, бо бойдустуң чаражын! (16)Тускай эртемим аайы-биле бүгү назынымда чер кезип, улчуп чорааш, кандыг-кандыг эзим-аргаларны, хемнерни, дагларны, ховуларны болгаш шынааларны көрбээн кижи дээр мени! (17)Ол хирезинде бойдустуң катаптаттынмас каас чараш чурумалдарын магадап ханмас-тыр мен ийин...
(18) Бо тайгада аң-мең хөй, кат-чимис элбек,казар байлактар дээрге мырыңай эңдерик,ёзулуг-ла бустунмаан үүжениң шыгжамыры деп болур чер-дир бо.(19) Бир эвес бистерниң, геологтарның, мында эгелеп алган шинчилелдеривис чедиишкинниг доостур болза, бо ам-на узун уйгузундан оттуп, чуртка, ниитилелге болгаш кижилерге бодунуң ажык-дузазын көргүзүп, эртине байлаан хайырлаар үе келир-дир ийин».
(20)Даш-Балыктың мырыңай чер иштинден сыстып үнген бажынга чедеривиске, чүү-даа тывылбаан.(21)Оон турлагдан барып хүнезинненип алгаш, Даш-Балыктың бир адырын уннаштыр, Бустуг –Чарык деп өзенни чоктапкан бис. (22)Кончуг кадыр кашпал баары-биле баткан, шапкыны аажок, сай-дажы козурадыр чуглуп чыдар хемчигеш болду. (23)Эрии-биле таптыг кылаштаттынмас, үргүлчү-ле ол-бо талаларынче сүзүп кежер апаар, бужурганчыын канчаар силер! (24)Ооң кадында дажының тайгыры мырыңай чүдек дивес силер бе!
(25)Дүүн эртен Фомич бир даш тып алгаш, аңдара-дүңдере тудуп, улгаттырар шил өттүр көрүп, доңгураа-биле шыйбактап, дыка үр шинчээн соонда менден кезек айтырыглар салган:
-Шулуу, бо даштың өңү кандыг-дыр?
(26)-Ала даш-ла-дыр.
(27)-Хевири чүнүң-биле дөмей-дир?
(28)-Борбаксымаар, картошка ышкаш даш-ла-дыр.
(29)-Канчап ынчап барганы ол?
(30)-Сайга дүрбүшкеш, элээни ол-дур.
(31)Дүүнгү одаавыска четкиже база чүнү-даа тыппадывыс. (32)Фомич аңаа доктаавайн-даа эртип бадыпкан.(33) Оон канчангаш-ла будум адаанче көрүптеримге, сиген аразында борбак даш чыдыр.(34)Руда! (35)Бузулган арны күдүр, мырыңай-ла чап-чаа хевээр. (36)Ынчалза-даа бодумга бүзүревейн,демги дажымны дүвү-далаш-биле Фомичиге аппарып көргүстүм. (37)
-(38) Каяа чыдыр? (39)Ол черге дүрген бараал-дидир.
-(39)Ылап-ла маңаа чытты бе?
-(40) Ийе, орну бо илдең көр даан.
(41)Фомич ам хөлзеп эгелээн. (42)Ол-бо талаларынче көргүлээш:
-(43)Элдептиин аа, кайыын келген даш боор?-диди.
(44) Сүүр даштардан халбактанып чорааш, дужааштыр эрик кырынче үне бээривиске, чүвениң ужуру дораан билдине берген. (45)Одуругнуң оргулаажында –көшке хоруму.(46) Ында чаа бузулган руда даштары эмгежок.
( Д.Сарыкай).
2-14. Онаалгаларны сөзүглелге даянып, харыылаңар. Онаалга бүрүзүнде харыыларның иштинден чүгле чаңгыс шын харыыны тыпкаш, 1 дугаарлыг харыылар бланкызынче төгериктеп демдеглеңер. |
2. Дакпырлап бижиир ажык эвес үннүг сөстү домактан ушта бижиңер
1) Фомичиниң бүдүжүнде база бир онзагай, чараш өттүнүксенчиг чаң барын билип алдым.
2) Корум-чурумга ынак деп чүвези кайгамчык-ла кижи-дир.
3) Эрткен оруувусту үргүлчү демдектеп ,ушкан ыяштарны эмгелей каап, сынган будуктарны бөле чыып, кымыскаяк өөн шеверлеп, кат сыптарының дөзүн арыглап, канчап-даа чоруур-дур.
4) Бойдустуң ёзулуг өңнүү кижи-дир деп билдим.
3. Дараазында домакта узун ажык үннүг сөстү тодарадыңар.
Ооң кадында дажының тайгыры мырыңай чүдек дивес силер бе!
1) Ооң
2) дажының
3) чүдек
4) тайгыры
Номчаан сөзүглелге даянып, 4-14 онаалгаларны күүседиңер. Харыыларны сөстер болгаш саннар-биле айтырыгның адаанда шугумчугашка демдеглеңер. |
4. 6-9 дугаарлыг домактардан орус дылдан үлегерлеп алган сөстү ушта бижиңер.
_______________________________________________________________________
5. Кежээ деп сөстүӊ антонимин тодарадыр.
(25) Дүүн кежээ ол менче кыдыраажын сунгаш:
-Шулуу, ма мээң бо шыйбактап каан чүвелеримни номчуп көрем -диди.
6. Сөстүӊ тургузуун сайгарар: аалчылар.
7.21-22 дугаарлыг домактарда хуу чүве аттарыныӊ шын бижилгезин тайылбырлап бижиир.
_______________________________________________________________________
8.26-28 дугаарлыг домактарда кошкадыр чадада демдек адын айтыңар
9. 9-11 домактарның иштинден чагырышкан нарын домакты тодарадыңар.
_______________________________________________________________________
10. Домактан хамааржылга холбаалыг сөс каттыжыышкынын ушта бижиңер.
(18) Бо тайгада аң-мең хөй, кат-чимис элбек, казар байлактар дээрге мырыңай эңдерик,ёзулуг-ла бустунмаан үүжениң шыгжамыры деп болур чер-дир бо.
_______________________________________________________________________
11. 7 дугаар бөдүүн домактың хевирин айтыңар.
_______________________________________________________________________
12. 32 дугаар домактың грамматиктиг ооргазын (кол сөс болгаш сөглекчи) тодарадыңар.
_______________________________________________________________________
13. 44-46-гы домактарда деепричастиелиг бөлүглелдер-биле нарынчыттынган домакты тодарадыңар.
_______________________________________________________________________
14.Нарын домактарның кезектери болур бөдүүн домактарны кандыг бижик демдээ-биле аңгылааныл?
Оон канчангаш-ла будум адаанче көрүптеримге, сиген аразында борбак даш чыдыр.
3-кү кезек
2-ги кезекте бердинген сөзүглелге даянып, онаалганың дугаарын айыткаш, 2 дугаарлыг харыылар бланкызының саазынынга күүседиңер: Чогаадыгны бижиирде, С2.1 деп айтып каар. |
С2.1. «Бойдустуң ёзулуг өңнүү деп кымыл?» деп угаап-бодаар кыска чогаадыгдан бижиңер. Бодуңарның бодалыңарны бадыткаары-биле сөзүглелден чижектерни киирип, 70-ден эвээш эвес сөстүг кыска чогаадыгны бижиңер. Ону билдингир болгаш арыг кылдыр күүседиңер.
Предварительный просмотр:
Чаа-Хөл кожууннуң Булуң-Терек ортумак школазы
Тыва дылга ОГЭ-ге онаалга
Булун-Терек ортумак школазының
1-ги категорияның тыва дыл башкызы,
Сенди Айслу Чапаевна.
Кызыл, 2019.
1-ги вариант
1-ги кезек
Сөзүглелди кичээнгейлиг дыңнааш, кыска эдертигни бижиңер. Баштай онаалганың дугаарын айыткаш, 2 дугаарлыг харыылар бланкызының саазынынга күүседиңер. Сактып алыңар! Эдертигни бижиирде, сөзүглелдиң иштики темаларының болгаш бүдүн бодунуң утказын дамчыдар. Эдертигниң хемчээли 70-ден эвээш эвес сөс болур. Эдертигни билдингир, чараш хол үжүү-биле бижиңер. |
Дыңнап бижиир эдертигниң сөзүглели
«Көк-Даштың чурумалы» ( Д.Сарыкай)
Суурнуң кыйыын хаажылай куду баткан хемчигеш кежилдир даңгаар-ла чиңгир-ногаан шивилерге бүзээлеткен оймак бар.Эрткен чазын ол оймакка үңгүрлээн кыс бөрү бөрзектери хүннээрекке дешкилежип, балдырларын ызыржып, ыймактажып ойнап турганнар. Ам ында долгандыр чыып каан ыяш оваалары, балды-хирээниң диңмиттиг дааш-шимээни кайы орандан кызыл чайт көстүр лозуңнар болгаш плакаттар, шириин арыннар, дыңзыккан шыңганнар, дер-бус. Одунган тайганың күчүлүг судалының белдири ам ында. Көк-Даштың кижилери база шупту ында.Ынчангаш суур хүндүс ыржым, ээнзиргей. Ооң амыдыралы кежээки имир-биле деңге дирлир.Улус ажылдан уурук-сууруктап кээп эгелээр.Соңгалардан сайгылгаан чырыы чайнаар. Хоолайлардан чалбыыш дылы кызаңнаар.
Сеңгин кышты халас эрттирбээн.Көк-Даш тайгазынга шынап-ла , хөй чаартылгалар болгулаан.Бажыңнарга сайгылгаан чырыы киирткен. Чунар-бажыңны септеткен. Почта салбыры ажыттынган.Ында телеграф аппарады тургузуп каан. Кызыл-булуңга кино үнүп эгелээн.
Күш-ажылдың сагылга-чуруму быжыккан. Бүдүрүлге коллективиниң өзээ тургустунган.
2-ги кезек
Сөзүглелди номчааш, онаалгаларны күүседиңер (2-14). |
Бойдустуң өңнүү
(1)Фомичиниң бүдүжүнде база бир онзагай, чараш өттүнүксенчиг чаң барын билип алдым.(2) Корум-чурумга ынак деп чүвези кайгамчык-ла кижи-дир.(3)Шак бо ээн тайга ишти аргалыг-ла болза чазак ордузунун аалчылар хүлээп аар залында хевис кыры ышкаш, арыг-силиг чытсын деп бодаар кижи-дир. (4)Эрткен оруувусту үргүлчү демдектеп , ушкан ыяштарны эмгелей каап, сынган будуктарны бөле чыып, кымыскаяк өөн шеверлеп, кат сыптарының дөзүн арыглап, канчап-даа чоруур-дур. (5)Бойдустуң ёзулуг өңнүү кижи-дир деп билдим.
(6)Бис хүннү база тускай график ёзугаар, кандыг-бир албан черинге ышкаш кылдыр эрттирип чоруурувусту эскерип кагдым. (7)Эртенги хүн херели-биле деңге тура-ла халчыр бис. (8)Чемненир шактарывыс доктаамал болу берген. (9)А кежээлерде одаг чырыынга олурупкаш бижиттинеривис мырыңай чурумчаан. (10)Мен демдеглелдерим уламчылап кириптеримге, Фомич база кылын кыдыраажын ушта соп эккээр мындыг.(11)Баштай ону ажыл отчёду белеткеп турар деп бодаан мен, а херек кырында Фомич сактыышкыннар бижип чоруур «аза» болуп-тур. (12)Дүүн кежээ ол менче кыдыраажын сунгаш:
-Шулуу, ма мээң бо шыйбактап каан чүвелеримни номчуп көрем -диди.
(14)Эжен-сүлде , Фомич чүгле геолог эвес, романтик база кижи-дир мооңар! (15)Көрүңер даан, чүнү бижип алган-дыр, даайывыс:
«Эх, бо бойдустуң чаражын! (16)Тускай эртемим аайы-биле бүгү назынымда чер кезип, улчуп чорааш, кандыг-кандыг эзим-аргаларны, хемнерни, дагларны, ховуларны болгаш шынааларны көрбээн кижи дээр мени! (17)Ол хирезинде бойдустуң катаптаттынмас каас чараш чурумалдарын магадап ханмас-тыр мен ийин...
(18) Бо тайгада аң-мең хөй, кат-чимис элбек,казар байлактар дээрге мырыңай эңдерик,ёзулуг-ла бустунмаан үүжениң шыгжамыры деп болур чер-дир бо.(19) Бир эвес бистерниң, геологтарның, мында эгелеп алган шинчилелдеривис чедиишкинниг доостур болза, бо ам-на узун уйгузундан оттуп, чуртка, ниитилелге болгаш кижилерге бодунуң ажык-дузазын көргүзүп, эртине байлаан хайырлаар үе келир-дир ийин».
(20)Даш-Балыктың мырыңай чер иштинден сыстып үнген бажынга чедеривиске, чүү-даа тывылбаан.(21)Оон турлагдан барып хүнезинненип алгаш, Даш-Балыктың бир адырын уннаштыр, Бустуг –Чарык деп өзенни чоктапкан бис. (22)Кончуг кадыр кашпал баары-биле баткан, шапкыны аажок, сай-дажы козурадыр чуглуп чыдар хемчигеш болду. (23)Эрии-биле таптыг кылаштаттынмас, үргүлчү-ле ол-бо талаларынче сүзүп кежер апаар, бужурганчыын канчаар силер! (24)Ооң кадында дажының тайгыры мырыңай чүдек дивес силер бе!
(25)Дүүн эртен Фомич бир даш тып алгаш, аңдара-дүңдере тудуп, улгаттырар шил өттүр көрүп, доңгураа-биле шыйбактап, дыка үр шинчээн соонда менден кезек айтырыглар салган:
-Шулуу, бо даштың өңү кандыг-дыр?
(26)-Ала даш-ла-дыр.
(27)-Хевири чүнүң-биле дөмей-дир?
(28)-Борбаксымаар, картошка ышкаш даш-ла-дыр.
(29)-Канчап ынчап барганы ол?
(30)-Сайга дүрбүшкеш, элээни ол-дур.
(31)Дүүнгү одаавыска четкиже база чүнү-даа тыппадывыс. (32)Фомич аңаа доктаавайн-даа эртип бадыпкан.(33) Оон канчангаш-ла будум адаанче көрүптеримге, сиген аразында борбак даш чыдыр.(34)Руда! (35)Бузулган арны күдүр, мырыңай-ла чап-чаа хевээр. (36)Ынчалза-даа бодумга бүзүревейн,демги дажымны дүвү-далаш-биле Фомичиге аппарып көргүстүм. (37)
-(38) Каяа чыдыр? (39)Ол черге дүрген бараал-дидир.
-(39)Ылап-ла маңаа чытты бе?
-(40) Ийе, орну бо илдең көр даан.
(41)Фомич ам хөлзеп эгелээн. (42)Ол-бо талаларынче көргүлээш:
-(43)Элдептиин аа, кайыын келген даш боор?-диди.
(44) Сүүр даштардан халбактанып чорааш, дужааштыр эрик кырынче үне бээривиске, чүвениң ужуру дораан билдине берген. (45)Одуругнуң оргулаажында –көшке хоруму.(46) Ында чаа бузулган руда даштары эмгежок.
( Д.Сарыкай).
2-14. Онаалгаларны сөзүглелге даянып, харыылаңар. Онаалга бүрүзүнде харыыларның иштинден чүгле чаңгыс шын харыыны тыпкаш, 1 дугаарлыг харыылар бланкызынче төгериктеп демдеглеңер. |
2. Дакпырлап бижиир ажык эвес үннүг сөстү домактан ушта бижиңер
1) Фомичиниң бүдүжүнде база бир онзагай, чараш өттүнүксенчиг чаң барын билип алдым.
2) Корум-чурумга ынак деп чүвези кайгамчык-ла кижи-дир.
3) Эрткен оруувусту үргүлчү демдектеп ,ушкан ыяштарны эмгелей каап, сынган будуктарны бөле чыып, кымыскаяк өөн шеверлеп, кат сыптарының дөзүн арыглап, канчап-даа чоруур-дур.
4) Бойдустуң ёзулуг өңнүү кижи-дир деп билдим.
3. Дараазында домакта узун ажык үннүг сөстү тодарадыңар.
Ооң кадында дажының тайгыры мырыңай чүдек дивес силер бе!
1) Ооң
2) дажының
3) чүдек
4) тайгыры
Номчаан сөзүглелге даянып, 4-14 онаалгаларны күүседиңер. Харыыларны сөстер болгаш саннар-биле айтырыгның адаанда шугумчугашка демдеглеңер. |
4. 6-9 дугаарлыг домактардан орус дылдан үлегерлеп алган сөстү ушта бижиңер.
_______________________________________________________________________
5. Кежээ деп сөстүӊ антонимин тодарадыр.
(25) Дүүн кежээ ол менче кыдыраажын сунгаш:
-Шулуу, ма мээң бо шыйбактап каан чүвелеримни номчуп көрем -диди.
6. Сөстүӊ тургузуун сайгарар: аалчылар.
7.21-22 дугаарлыг домактарда хуу чүве аттарыныӊ шын бижилгезин тайылбырлап бижиир.
_______________________________________________________________________
8.26-28 дугаарлыг домактарда кошкадыр чадада демдек адын айтыңар
9. 9-11 домактарның иштинден чагырышкан нарын домакты тодарадыңар.
_______________________________________________________________________
10. Домактан хамааржылга холбаалыг сөс каттыжыышкынын ушта бижиңер.
(18) Бо тайгада аң-мең хөй, кат-чимис элбек, казар байлактар дээрге мырыңай эңдерик,ёзулуг-ла бустунмаан үүжениң шыгжамыры деп болур чер-дир бо.
_______________________________________________________________________
11. 7 дугаар бөдүүн домактың хевирин айтыңар.
_______________________________________________________________________
12. 32 дугаар домактың грамматиктиг ооргазын (кол сөс болгаш сөглекчи) тодарадыңар.
_______________________________________________________________________
13. 44-46-гы домактарда деепричастиелиг бөлүглелдер-биле нарынчыттынган домакты тодарадыңар.
_______________________________________________________________________
14.Нарын домактарның кезектери болур бөдүүн домактарны кандыг бижик демдээ-биле аңгылааныл?
Оон канчангаш-ла будум адаанче көрүптеримге, сиген аразында борбак даш чыдыр.
3-кү кезек
2-ги кезекте бердинген сөзүглелге даянып, онаалганың дугаарын айыткаш, 2 дугаарлыг харыылар бланкызының саазынынга күүседиңер: Чогаадыгны бижиирде, С2.1 деп айтып каар. |
С2.1. «Бойдустуң ёзулуг өңнүү деп кымыл?» деп угаап-бодаар кыска чогаадыгдан бижиңер. Бодуңарның бодалыңарны бадыткаары-биле сөзүглелден чижектерни киирип, 70-ден эвээш эвес сөстүг кыска чогаадыгны бижиңер. Ону билдингир болгаш арыг кылдыр күүседиңер.
По теме: методические разработки, презентации и конспекты
Урок в 5 классе по теме "Язык и человек. Язык и речь. Язык и его единицы"
Ассоциативные приёмы для запоминания учебного материала по теме урока....
Открытый урок по изо: "Тыва угулза хээлернин тускай хевирлери" /на родном "тувинском" языке/
Кандыг- даа чоннар эдилеп чоруур эт-севин, аяк-савазын кандыг-ла бир угулза хээлер-биле каастап ап чорааннар.Тыва угулза ,хээлер -тыва чоннун национал уран-чуулунун, ылангыя чурулга, каасталга уран-чу...
ФГОС рабочая программа по родному (тувинскому) языку в 5 классе
Рабочая прграмма (ФГОС) по родному языку в 5 классе (по новому учебнику)...
Презентация к уроку развития речи по теме "Зима" для учащихся с родным (тувинским) языком обучения.
Этот материал предназначен для учащихся с родным (тувинским) языком обучения...
Презентация к уроку по развитию речи в период обучения грамоте. 1 класс "Дети в лесу". Для учащихся с родным (тувинским) языком обучения
Презентация к уроку в 1 классе в период обучения грамоте. Показан приём составления "Карты осмысления и запоминания событий" . Для учащихся с родным (тувинским) языком обучения....
Положение Проекта кожуунной олимпиады по родному (тувинскому) языку среди 5-8 классов
С 2007 года кожуунное методическое объединение учителей родного (тувинского) языка и литературы в Августовском совещении приняло решение провести ежегодно предметную олимпиаду по родному языку с...
Буклет "Как развивать любовь к родному языку (тувинскому языку)"
Как развивать любовь к родному языку (тувинскому языку)...