2 нче сыйныф (рус төркеме) өчен дәрес эшкәртмәсе .Тема:рус халык әкияте "Күмәч"
план-конспект урока на тему

Тема: Рус халык әкияте «Күмәч»         2 нче сыйныф, рус төркеме

Максат: Әкиятнең татар теле варианты белән таныштыру;

              Өйрәнелгән лексик-грамматик конструкцияләрне ныгыту;

              Тулы һәм ким җөмләләр белән җавап бирергә күнектерүне дәвам итү;

              Ипигә карата хөрмәт тәрбияләү;

Планлаштырылган нәтиҗәләр

Предмет :  әкиятне сәнгатьле итеп аңлап уку, эчтәлегенә төшенү, лексик тема буенча сора-җавап репликаларын сөйләмдә кулану;

Шәхси нәтиҗәләр: ипигә карата сакчыл мөнәсәбәт тәрбияләү, татар телен өйрәнүгә омтылышны үстерү

Метапредмет нәтиҗәләр: сәнгатьле  уку күнекмәләре камилләштерү;

Сүз байлыгын арттыру; хатаны табу; үз эшеңне бәяли белү;

Универсал  уку гамәлләре формалаштыру

Шәхси : ипигә карата сакчыл карашта буллу

Регулятив : үз алдыңа максат куя белү

Танып-белү: әкиятне  сәнгатьле итеп уку, сорауларга кыскача җавап бирү; эчтәлеген кыскача сөйләү;

Коммуникатив: укытучының сорауларына җавап бирә белү;

                            парларда эшли белү.

Җиһазлау :дәреслек,презентация, сүзләр язылган таблица, карточкалар

   Дәрес барышы

1.Оештыру

а) укучылырда уңай халәт тудыру

б) һава торышын сорашу.

2.Актуальләштерү

а) ромашка таҗларына язылган сүзләрне 2 төркемгә бүлеп җыярга (кем? нәрсә?)

б)экранннан дөреслеген тикшерү.Нәтиҗәне балалардан әйттерү.Хайван һәм кош- кортларга нәрсә соравы куябыз.

3.Уку мәсьәләсен чишү һәм теманы балалардан әйттерү.

а) –нан, -нән

-дан, -дән

-тан, -тән кушымчаларын карточкалардагы сүзләргә һәр укучы куеп яза;

           -парлар белән алышынып( экраннан карап) дөреслеген тикшерәлә,

Иптәшләренең эшенә билге куялар.

б) «Тәрҗемә» уены. (туп ярдәмендә)

кушает        

поет

выходит

идет

катится

ставит, кладет

варит, печет

в)Ял итү («Күмәч» җыры ярдәмендә)

-Бу җыр нәрсә турында?

-Без бүген нинди әкият укырбыз? Ничек уйлыйсыз?

4) теманы балалардан әйттерү

-Ә күмәч башкача нәрсә соң ул?

а)сүзлек өстендә эш

әкият {ә к и й ә т}

китә[к и т ә]

тәгәри-тәгәри[т ә г ә р и – т ә г ә р и]

ташларга ярамый[т а ш л а р г а  й а р а м ы й ]

б)Әкиятне өлешләп уку(укытучының үрнәк укуы,эчтән,чылбыр буенча уку)

1 нче өлешне укыгач сорауларга җавап алу

-Әби нәрсә пешерә?

-Күмәч нишли?

-Урамнан нәрсә килә?

в)2 нче өлешне укыгач сорауларга җавап алу(рольләргә бүлеп уку)

-Куян күмәчне ашыймы?

-Күмәч нишли?

-Куян нишли?

г)Рәсемнәр ярдәмендә 1-2 укучы эчтәлекне кыска җөмләләр белән сөйлиләр.

д)Күмәчтән электрон почтага хат килә, укытучы укый, тәрҗемә итә(экранда чыга)

Кадерле, балалар!
Сез минем турында яңа гына әкият укыдыгыз . Миңа бик ошады. Молодцы! Ләкин минем бер сорауым калды :
 -Ә сез  үзегез ипинең кадерен беләсезме соң?
                                                                                 Күмәч.

-Сорауга балалардан җавап алу( рус телендә)

Татарча җөмлә төзү, кабатлату : Ипине ташларга ярамый!

5.Рефлексия.

-Бүген без нишләдек?

-Әкиятнең исеме ничек атала?

Әкияттә нинди геройлар бар?

-Ипи турында нәрсә белдек?

Өй эше: 1)текстны сәнгатьле итеп укырга;

               2)автор, күмәч,куян сүзләрен сайлап өйрәнергә;

               3) яраткан геройга рәсем ясарга;

Үзбәя кую, укытучы билгесе.