Халкыбызның тугры улы
проект на тему

 Эзләнү эшенең темасы: “Халкыбызның тугры улы”

Максаты: Язучы-журналист, шагыйрь, тарихчы, Россиянең гуманитар фәннәр академиясенең шәрәфле академигы Дамир Хәйрулла улы Гарифуллинның тормыш юлын, әдәби иҗатын һәм күпкырлы эшчәнлеген өйрәнү.

Аның үрнәгендә үзеңдә тырышлык, илеңә һәм халкыңа тугрылык кебек сыйфатлар тәрбияләү.

Максатка ирешү юллары: Китапларын уку, аның турында газета- журналларда басылган материалларны   өйрәнү, аны белгән кешеләр белән аралашу, Дамир Гарифуллинның үзе белән очрашу.

Эзләнү эшенең проблемасы: “Сарман көен” тыңлаганнан соң, аның авторы белән очрашасы килү теләге туу.

Эзләнү эшенең барышы: Дамир Гарифуллинның “Сандугачлар кайда сайрый...”, “Язганнарны укып, уйлар тукып...”, “Шәҗәрәләр”, “Робагыйлар” исемле китапларын уку, “Мәйдан” журналының   аңа багышланган   саны белән һәм башка вакытлы матбугат материаллары белән танышу, апасы Кәлимуллина Мөнәвәрә апа белән сөйләшү, аны яхшы белгән Сабирова Әлфия Мирсәлим кызы белән әңгәмә, Дамир Гарифуллинның үзе белән аралашу барышында Әлмәт районы авылларының тарихы, шәҗәрәләре белән танышу. Бөтен материалларны бергә туплап, “Халкымның игелекле улы” дигән презентация төзү.

Нәтиҗә: Эшнең максаты итеп Д.Гарифуллинның тормыш һәм иҗат юлы, күпкырлы эшчәнлеге белән танышуны, аның үрнәгендә  тырышлык, илемә һәм халкыма тугрылык кебек сыйфатлар тәрбияләүне кую иде. Күп кенә эшләр башкару нәтиҗәсендә максатыма ирешелде. Бу шәхес турында бик күп кызыклы  мәгълүмат табылды.