Түнхэнэй еохорой дуунууд
проект на тему

Түнхэнэй еохорой дуунууд.

1. Ерэн зургаан бахана

Ербылгэжэ һайхан даа.

Ерэһэн түрэһэн дайдамни

Зурылгажа һайхан даа.

2. Зуунай найман бахана

Зурылдажа һайхан юм.

Зуһалан гэжэ нютагнай

Яларжа, толоржо һайхан юм.

3. Байгал далайн баруун тээ

Баян сагаан Түнхэн лэ.

Баян сагаан Түнхэндэ

Басагад хүбүүд жаргалтай.

4. Уһан байгаад болохо юм

Оломоо татаад гараарай.

Үетэн байгаад болохо юм

Үгэеэ хэлсээд гараарай.

5. Горхон байжа болохо юм

Гуталаа тайлаад гараарай

Ханилан уулзажа болохо юм

Хүүрээ хэлсээд гараарай.

6. Тэнгэри ѳɵдэ харахадам

Түбэд һара яларна.

Түмэн зон соо харахадам

Таниһан нүхэдни яларна.

7. Огторгой ɵɵдэ харахадам

Одо мүшэд харагдана.

Олон зон соо харахадам

Оюун нүхэдни яларна.

8. Ногоонойнгоо хүхэдэ

Ногтоо гээгээ моримни.

Нүхэрэйнгээ холохондо

Нойроо сэлмээ бэемни.

9. Хагданайнгаа хурсада

Хазаараа гээгээ моримни.

Ханилайнгаа холохондо

Һанаагаа зобоо бэемни.

10. Нарһан соогуур ябахадам

Нажарай дайда һануулна.

Наһан залуу ябахадам

Нүхэд минии һануулна.

11. Эндиин эреэн шулууе

Эрьен шэлэжэ наадая.

Иимэ һайхан нааданда

Эбтэй ябан хатарая.

12. Шара сэсэг ургажа

Шаралдайн дайдые гоеобо.

Шадамар ахай ерэжэ

Манай наада гоеобо.

13. Хамар үгэй хулгана

Хаяаа тээшээ бүмбэлзɵɵ

Хадам үгэй дүүхэймнай

Хатар тээшээ бүмбэлзɵɵ.

14. Хүбɵɵ угэй тогоое

Бариха дуран багтайлэ

Хүбүүд үгэй наадан соо

Хатарха дуран багтайлэ.

15. Барюул үгэй тогоое

Бариха дуран багтайлэ

Басагад үгэй наадан соо

Хатарха дуран багтайлэ.

16. Бүрэнхы болохын урда тээ

Бензин хэжэ абаарай

Бэри болохын урда тээ

Бэеэ заһажа абаарай.

17. Харанхы болохын урда тээ

Херосин хэжэ абаарай

Хадамда гарахын урда тээ

Һалтирхажа абаарай.

18. Хүхы, хүхы шубуунһаа

Хүүхылдэг шубуун үгы юм.

Хүбүүн басаган хоерһоо

Инаг юумэ үгы юм.

19. Элеэ, элеэ шубуунһаа

Элидэг шубуун үгы юм

Иибии баабай хоерһоо

Инаг юумэ үгы юм.

20. Тасяа, тасяа шубуунһаа

Таатай шубуун үгы юм.

Теэбэй таабай хоерһоо

Инаг юумэ үгы юм.

21. Жороо мориной жороолходо

Жороонь жараад мүнгэнэй.

Еһоор ахайн зугаалхада

Зугаань зуугаад мүнгэнэй.

22. Хатарша мориной хатархада

Хатарынь хореод мүнгэнэй.

Холшор ахайн зугаалхада

Хүүрынь зуугаад мүнгэнэй.

23. Арбан сагаан хургаяа

Адхан байжа хатарая.

Аман соохи зугаагаа

Андалдан байжа хатарая.

24. Хорин сагаан хургаяа

Холбон байжа хатарая

Хоолой соохи зугаагаа

Хэлсэн байжа хатарая.

25. Хормой утаар яахамнайб

Һэлбэлзүүлхэнь хэрэгтэй

Хоолой һайхаар яахамнайб

Хантинуулхань хэрэгтэй.

26. Гэгээ гарахань шангал яа

Гэртээ харихаа шангал яа

Наран гарахань шангал яа

Наадан тарахань шангал яа.

27. Хүлэг мореороо ерээрэй

Хагдан байха магадгүй

Харанхы болгоод ерээрэй

Ханилхаб шамтайгаа магадгүй.

28. Үндэр бороороо ерээрэй

Үбһэн байжа магадгүй.

Үдэшэ болгоод ерээрэй

Үелхэб шамтайгаа магадгүй.

29. Тэнгэри ɵɵдэ харахадам

Түхэреэн һара яларна.

Түмэн зон соо харахадам

Таниһан нүхэд яларна.

30. Мориншни үрээ байна

Модоной талаар ябаарай.

Наһаншни залуу байна

Хүнэй хүүрээр ябаарай.

31. Улаан пулаад байбашье

Уялаа үгы муухай юм.

Урихан ахай байбашье

Зугаа үгы муухай юм.

32. Сагаан пулаад байбашье

Сасаг үгы муухай юм.

Сарюун ахай байбашье

Зугаа үгы муухай юм.

33. θɵрын морин бэшэ байгаад,

Оодороод ерэхэнь юуниим даа.

θɵрым нүхэр бэшэ байгаад

Үгэеэ хэлэхэнь юуниим даа.

34. Минии морин бэшэ байгаад

Минараад ерэхэнь юуниим даа.

Минии нүхэр бэшэ байгаад

Мэндэ хэлэхэнь юуниим даа.

35. Сэсэг үргэн дэлхэйе

Сэсэг ногоон гоеобо.

Сэбэр ябаһан ахайе

Сэнтэй костюм гоеобо.

36. Сэлэнгынгээ оеорһоо

Сэгээн шулуу бэдэрэе.

Сэбэр сээжын оеорһоо

Сонин зугаа бэдэрэе.

37. Ангарынгаа оеорһоо

Алтан шулуу бэдэрэе.

Алаг сээжын оеорһоо

Аман зугаа бэдэрэе.

38. Далай гэжэ тамаруулха

Дааган танай ямар бэ?

Дахин саашань зугаалха

Зугаа танай ямар бэ?

39. Түнхэнэйнгɵɵ түлеэндэ

Тэргэтэеэ хоюулаа.

Тэрэ һүниин нааданда

Тэрээнтэеэ хоюулаа.

40. Мундаргынгаа модондо

Моритоео хоюулаа

Мүнɵɵ һүниин нааданда

Мүнɵɵситэеэ хоюулаа.

41. Шэрээтэй мүнгэн седлоогоо

Шүдыт саашань мориндоо.

Шүлэг бэеын залууда

Ерыт наашаа наадандаа.

42. Шагай сосимол саһан дээрэ

Шарга морин шэлүүлээ.

Шамай намай наадан дээрэ

Шаастайн һайхан шэлээлэ.  (Венера Доржиевна Ангархаева бэшэжэ, дуулажа угэбэ).