Конспект открытого урока по эрзянскому языку "Инжекс существительноентень", 6 класс
план-конспект урока (6 класс) на тему

Муниципальное бюджетное общеобразовательное учреждение

«Отрадненская основная общеобразовательная школа»

План-конспект открытого урока

по эрзянскому языку

6 класс

Урок-путешествия

«Инжекс существительноентень»

                                                                     Подготовила:

                                                                 учитель родного языка и литературы

                                                                     Тихонова Н.М.

Отрадное, 2017

Уроконь темась: «Инжекс существительноентень»

Классось: 6-це

Ютавтомань формась: киланга якамо (путешествия)

Уроконь бажамотне ды путовкстнэ:

- ледстямс, домкалгавтомс ды кемекстамс тонавтницятнень содамочист существительноенть коряс;

- маштомс сынст валрисьместэ, текстстэ мукшномо, эрьвейкедест явомо; лексикань ды грамматикань смустест невтеме;

- кастомс эйкакштнэнь ёрокчинь, кортамонь ды арсемань маштомачист;

- кирвазтемс тонавтницятнень седейс мелень путома, вечкема тиринь келентень; таштамс содамочить эсь раськень содавикс ломантнеде, сынст путовкстост весе раськенть ванстомга, коензэ-кирданзо вельмевтемга, культуранзо кастомга.

Уроконь молемась:

Тиринь велев кись келей

                                                                                       (валмеревкс)

1. Организационной моментэсь.

- Шумбрачи, вечкевикс ялгат! Эйкакшт, течи миненек састь инжеть, а минь тесэ азортано ды арсетяно невтемс , кода минь важодтяно эрзянь келень уроксто. Паро мельсэ, валдо превсэ ушодсынек уроконок

Ушодтано минь урок

Ды минек весе анок,

Ручкась ды тетрадесь тесэ,

Кортатоно эрзянь кельсэ.  

-Эйкакшт, аноктадо тынь важодеме ды превень пурнамо? Зярс тынь араселиде, тынк лемс школав сась сёрма. Содасынк кинь пельде? А содасынк! Кунсолынк мон ловноса сонзэ.

«Шумбратадо, вечкевикс 6-це классонь тонавтницят! Мон свал мельсэ кирдян тынк марто вастовоманть, ледстнян, кода тынь паро мельсэ важодиде монь марто. Паряк, эзимизь стувто? Секскак, садо, инеськеть, монень инжекс, ды минь тынк марто оштё весть ледстясынек се паро шканть. Учан эйсэнк. Существительной»

- Ну, мезе, эйкакшт, анокстадо сыргамс васоло килангов? Существительноесь эри васоло масторсо, конантень мерить, кода тынь уш содасынк, Морфология. Кись тов кувака ды стака, Ансяк пачкодемс миненек лездыть тынк ёрокчинк ды содамочинк.

2. Путешествиянть молемазо.

1-це лотксема тарка - «Кие? Мезе? Кевкстематне»

- Вана минь пачкодинек васенце  лотксема таркантень (станциянтень). Те минь пачкодинек станциянтень, косо эрить существительноенть малавиксэнзэ, кевкстеманзо. Мезень шалт тосо маряви?  Паряк, сынст мезеяк лиссь? Лездатано, эйкакшт. Тамашась сеньсэ, што весе сынь човорявсть. Минянек эряви сынст явномс, видестэ путнемс кевкстематнень.

1-це заданиясь: явомс кавто курова валтнэнь:

 васенце курось:валт, конат отвечить  кие? кевстеманть лангс

 омбоцесь курось:валт, конат отвечить мезе? кевкстеманть лангс

Кудо, чувто, тейтерь, скал, атя, киска, пенч, сазор, ломань, кал, варака, ялакс, инязор, эйкакш, карво, оска, варма, моро, морыця.

- Мезе лездась явомс валтнэнь? (ёвтави правилась). Превейкат, вадрясто те тевенть топавтынк. Мольтяно седе тов.

2-це лотксема таркась - «Собственной ды нарицательной существительнойть».  Тесэнь эрицятне пек вечксызь эсест эрямо таркаст, келест. Ды весе инжетненень максыть истямо тев: эряви содамс кие артовкстнэнь лангсо, ды мейсэ сынь содавикст.

1. Макар Евсевьевич Евсевьев, ученой.
2. Степан Эрьзя, скульптор.
3. Федот Васильевич Сычков, артыця.
4. Кузьма Абрамов, сермадыця.
5. Илларион Яушев, морыця

- Ёвтынк собственной ды нарицательной существительнойтнень, кода сынь сермадовить. Пек паро, неяви, тынь содасынк эсь масторонь содавикс ломантнень.

Ютавтови налксема «Кие седе курок» (Эйкакштнэ бойкасто ёвтыть леень, ошонь, масторонь, велень лемть)

- Мольтяно седе тов.

3-це лотксема таркась – «Существительноень цетось»

- Эйкакшт, кода тынь арсетядо, мекс те лотксема тарканть истя лемдизь?

- Секс, што тесэ эрить существительноень цетонзо.

- Виде, а кодат существительноенть цетонзо? ( вейкень ды ламонь кирдань).

Топавтови задания «Муемс ялга»

Вальма – вальмат, вальматне.

Лопа – лопат – лопатне

Пиземе – пиземеть – пиземетне.

Вирь – вирть – виртне.

Ваз – вазт – вазтнэ.

- Мезе тынянк лездась «ялгань» муемс? (-т, -ть,-тне (тнэ) суффикстнэ)

Задания: содамс содамоёвстнэнь ды ёвтамс, кодамо числасо шатить содамотне.

Улить чувтонь кавто ялган, молян эйсэст ловонть ланга. ( сокстнэ)

Чинек-венек якить, таркасост аштить. (частнэ)

Ожо чарось вальмас ваны (чись)

Орта велькска сивой айгор ваны (ков)

Оймсема шка.

- Эйкакшт, сизиде? Аламос лоткатано ды оймсетяно. Весе минь вечксынек эрзянь келенек, Секскак ули мелем морамс моро эрзянь кельде.

(морави моро «Эрзянь кель»)

Эрзянь кель

Монь чачтымим эрзянь ава,
Эрзянь масторсо касынь,
Эрзякс кортамо баславазь
Весе пингем, весе чим.

Мороюткось:
Тиринь кель, эрзянь кель,
Ашо килей, чуди лей,
Чольдердиця горнипов,
Гайсэ морыця цёков.

Эрьва келесь эсь койсэнзэ.
Мазый, эрявикс, питней.
Илядо стувто эйсэнзэ,
Путодо тензэ седей.

Мороюткось:

Тиринь мастор, вечкень веле,
Седеем кецни тонь кис.
Мон пек вечкса эсень келем,
А стувтса меельце чис!

Мороюткось

4-це лоткамо таркась «Существительноень полавтнемат»

- Эйкакшт, кода парсте моравсь морось. Оймсиде, ней мольтяно седе тов. Вана минь пачкодинек остатка лотксема таркас, косо эрить колмо сазорт:

- аволь невтемачинь полавтнема;

- невтемачинь полавтнема;

- азорксчинь полавтнема.

Эйкакштнэнень явовить карточкат задания марто:

1. полавтнемс кудо валонть падежга аволь невтемачинь полавтнемава;
2. полавтнемс кудо валонть  падежга невтемачинь полавтнемава;
3. полавтнемс кудо валонть азорксчинь  полавтнемава (лицява).

- Эйкакшт, кода полавтнематне явовить вейке вейкест эйстэ? (суффикс вельде)

Пек парсте тынь теинк кармавтоманк.  Мольтяно седе тов.

 Закрепления

- Окойники, эйкакшт, минь пачкодинек ошонтень косо эри Существительноесь. Кинь тесэ ансяк а вастат! Секскак, штобу содамс, конась кие, Существительноенть улить эсензэ вешеманзо. Эряви отвечамс кевкстеманзо лангс, содамс, киде моли кортамось. Сынь истят:

- Кодат существительноенть кевкстеманзо?

- Кодат существительнойтне кандовить собственнойтненень, кодат нарицательнотненень ды мейсэ сынь явовить?

- Кодат существительноенть числанзо?

- Кодат полавтнемат улить существительноень?

Пек паро, эйкакшт, тесэяк тынь невтинк эсенк содамочинк. Арсян, Существительноесь  ашти тень кувалма мельспаросо ды а мурни эсь прянзо секс, мекс тердидезь инжекс.

       Уроконь итогось

- Эйкакшт, вана прядовсь минк путешествиянок . Мон аштян тынк кувалма мельспаросо секс, мекс тынь весе кармавтоматнень топавтынк пек парсте. Те корты седе, што содамочитне, конатнень тынь саинк уроксто, эзть юта стяко. Арсян икелепевгак карматадо вадрясто важодеме.  Келень наукань масторонзо пек ламо, ды весе сынь авейкеть. Секскак ,штобу а човорявомс сынст юткс, эряви ламо содамс. Мезе, эйкакшт, сыргатано кудов, тиринь ёнксов, косо минек улить лия тевть. Кода корты рузонь валмеревксэсь «В гостях хорошо, а дома лучше». Миньгак ней содасынек, што тиринь велев кись келей.

Рефлексия.

- Эйкакшт, ней монь ули истямо кармавтома: кинь мельс урокось тусь, верев кепеди мизолдыця чамине, кинень ульнесь стака ды мольсь мелезэ, се кепеди нусманя чамине.

Кудонь важодема.

- Кинь ули мелезэ получамс ниле - аноксты а покш евтнема путешествиянок коряс; кинь мелезэ получамс вете - ётнемадо башка теи артовкс.

     - Весенень ёвтан сюкпря! Вастомазоно!