Мэлс Жамьянович Самбуев намтар
проект на тему

Арбан зургаан наһандаа, айдар залуугаар Аглаг Буряадайнгаа үргэниие гайхажа тагнан, Сүлөөдэ дуратай сүлөөтэ хонгео дуугаа

Сэдьхэлэй гүнһөө эхилээлби – сэгнэжэ шагна...

1940 оной Луу жэлэй Сагаан һара соогуур Захааминай аймагай Санага нютагай Хужарта Жамьян, Ринчин Самбуевтанай бүлэдэ дорюухан хүбүүн түрэжэ, тэрэ үедэ ехээр һанандаха Мэлс гэжэ нэрээр Санагын сомондо дансалуулаа. Теэд энэ харахан шарайтай хүбүүгээ Хара Хүбүүн гэжэ нэрлэдэг һэн. Энэ нэрээрээ тэрэ Хужарайнгаа эхин һургуули дүүргэтэрээ ябаһан юм. Һургуулида һуража эхилхэһээ хойшо номдоо хурса, бэрхэ хүбүүн гэжэ суутай болоһон.

Эхин һургуулияа эрхимээр дүүргээд, Хужарай Сталинай нэрэмжэтэ колхозһоо 7 модоной зайда оршодог Санагын Харуулдахи һургуулида һураа. Бүхы һурагшад гэртэһээ ябагаар ябажа һурадаг һэн. Энэһургуулида һуража ябахадаа, Мэлс шүлэг бэшэжэ эхилээ бэлэй. Буряад хэлэ бэшэгэй багша, Буряадай арадай уран зохеолшо болоһон Бадма Шойдоков Мэлсын шүлэгүүдые үндэрөөр сэгнэжэ, ерээдүйдэ бэлигтэй хүн болохыень тайлбарилжа, уран шүлэг, поэмэнүүдые бэшэхэ зорилгодонь үндэһэ үгэжэ, тэбэрихэдэ багтахагүй шанар һайтай заабари туһа үгэжэ, поэзиин далайда тамаруулһан байна.

1965 онһоо Эрхүүгэй университет дүүргэһэн Мэлс Самбуев Буряадайнгаа радиокомитедтэ хүдэлжэ, зорилго ехэтэйгээр ажаллажа, арбаадхан жэл соо буряадаар зургаан номуудые: «Тайгын саһан», «Таймыр», «Санага», «Мамайн добуунһаа дурдалга», «Υглөөнэй шүүдэр», «Ара хангай», ородоор: «Стихи», Москавада «Дед Доржи» болон «Таёжная роса» согсолборинуудые хэблүүлээ. Теэд поэдэй наһан даншье һаа богонихон байшоо. 1981 оной зун Мэлс Самбуев дүшэхэн наһандаа гэнтэ наһа баража, Буряадай олониитэ ехэ уйдхар гашуудалда абтаа бэлэй. Поэдэй наһа бараһанай удаа «Одото саг» (1983 он), «Зуун дуун» (1984), «Благодарю» (Москва, 1984) гэһэн номуудынь хэблэгдээ.

«Я – сын тайги»

Ища свою удачу,

Презрев тоску и страх,

Я путь с тропинки

Начал

В Закаменских горах...