Урок калмыцкого языка "Зерлг ангуд" 6 класс
план-конспект урока (6 класс) на тему

Кичәлин  төр: Зерлг аңгуд.      

Кичәлин күсл: Зерлг-аңгудын тускар күүндвр тогтах, сурһульчнрт төрскнч седклтә, теегин  аң-аһурснд дурта болдгиг, әрүнәр хадһлдг уха зааҗ  сурһх.

Кичәлин  дөнцлмүд: компьютер, зургуд, кроссворд.

Кичәлин  йовуд:

I.Кичәлд белдлһн.

1. Мендллһн

-Мендвт, күүкд!

-Мендвт, багш!

-Кичәл эклв, арһул суутн.

Мини нерн Зоя Басановна.

-Чини нерн кемб?

-Ямаран бәәнәт?

(Гем уга, йир сән).

2. Теңгрин бәәдл.

-Эндр ямаран өдрин то?

-Эндр бар сарин  хөрн негн.

-Долан хонгин  өдр ямаран?

Долан хонгин Сарң өдр.

-Теңгрин бәәдл эндр ямаран?

Эндр салькта, цаста, киитн, нарта өдр.

-Йир сән күүкд.

II. Шин төр цәәлһлһн.

1. Багш: Эндр эн кичәлдән соньн  көдлмш кехм. Ухалтн, ямаран төр энд босхгдҗана.

Ода би  болхла тәәлвртә тууль келнәв, тадн  тәәлврин тәәлтн.

Йиртмҗд хамгин әәмтхә.  (туула-заяц)

Аратын бәәдлтә бичкн аң. (порсг-корсак)

Хаврин зәңгләч-ишкрәч. (зурмн-суслик)

Бор өңгтә, ик хоңшарта, шулун гүүдлтә. (гөрәсн-сайгак)

Туг-туг гүүдлтә,

Туһл хоңшарта.  (Ялмн-тушканчик)

Догшн, заарта аң

Эн аңгас хальмгуд цеерлнә. (Күрн-хорек)

Шарлҗн заагт

Шар алтн. (Арат- лиса)

Хамтхасна дор хатханчгта долда. (Зара-ежик)

Һал шил нүдтә һанцарн йовдг баатр. (Чон-волк)

Багш: Йир сән!

2. Багш: Күүкд  тадн дәкәд ямаран зерлг аңгуд меднәт?

Сурһульчнр: Аю (медведь), чон, арат, туула, кермн (белка), барс, зан, арслң, буһ (олень), ирвсг (тигр), мөчн.

Багш: Эдн зерлг-аһурсн. Эдниг аң гиҗ нерәднә. (аңгудын зургуд үзүлх).

3. - Мана теегт ямаран аңгуд бәәнә?

-Мана теегт туула, арат, чон, гөрәсн  бәәнә.

-Ямаран зерлг аң ө-шуһу моднд бәәнә?

- Ө-шуһуд (чон,кермн,зан,арслң бәәнә).

- Чон, арат юуһар теҗәл кенә?

- Чон, арат хойр махч аң.

- Кермн юуһар теҗәл кенә?

- Теңгрин ки, олн зүсн хатасн темс, яңһг иднә.

III. Үгллин  көдлмш.

Тадн зерлг-аһурсн туск  тәәлвртә туульс  меднәт. Зерлг-аңһудын тускар  күүндсн  цагт, иим үгмүд  харһна. Эн үгмүдин чинринь медүләд, девтртнь бичүлхмн. Ода эн үгмүдиг орчултн.

Догшн - свирепый, жестокий.

Әәмшгтә - страшный, опасный.

Мекч - хитрый.

Саг - осторожный.

Әәмтхә - трусливый.

Багш: 1. Эн үгмүд ямаран келлһнә хүвс?

- Эдн цуһар чинрлгч нерд.

2. Эн чинрлгч нердт ирлцҗәх бәәлһнә нерд немтн?

IV. Кроссворд хаһллһн.

-Ода күүкд эн кроссворд хаһлхмн (багмудар)

Багш: Кроссвордан умштн.

V. Кичәлин аш:

Багш: Күүкд, юуна тускар мадн кичәлдән күүндвидн?

Эндр кичәлдән тадн аңһудын тускар соньн юм медүт. Тадн төрскнч седклтә, йиртмҗд дурта, әмд тоот юмиг әрүнәр хадһлҗ, өсәд-босад йовцхатн.

VI. Темдг  тәвлһн

VII. Герин даалһвр 

Зерлг-аһурсн  туск ахр келвр тогтатн, девтртән бичәд иртн.

МКОО «Кануковск дундын школ»

Хальмг келнә кичәл

«Зерлг аңгуд»

(6-гч класс)

Багш: Нәдвидә З.Б.

2015 җ.