"...Ажы-толдун чурээн чылдыр, Ава дээрге хун дег чангыс".
план-конспект урока (9 класс) на тему

«Ажы-толдун чурээн чылдыр, Ава дээрге хун дег чангыс…». (А.Даржайнын  «Он рубль» деп чечен чугаазынга хамаарыштыр).

Сорулгалары:

1.А.Даржайнын «Он рубль» деп чечен чугаада кол проблеманы  илередир. 2.Синквейннин дузазы-биле чогаадыкчы бодалдыг уругларны хевирлеп, торээн иезинге ынакшылды оттуруп кижизидер.

3.Уругларнын боданыр чоруун, аас болгаш бижимел чугаазын сайзырадыр; ада-ие биле ажы-төлүнүң аразында найыралдың болгаш билчилгениң «көвүрүүн» сайзырадыр, ханыладыр

Дерилгези: чогаалчынын чуруу, номнары,  проектор, таблица, созуглелдер.

Методтар: анализ, дилеп-тывар, синквейн тургузар, башкынын созу.

Кичээлдин чорудуу:

1. Организастыг кезек.

Мотивация.

- Карактарынарны шийип алынар. Чуртталганарда кажан-бир шагда болган бир-ле солун, каттырынчыг, хоглуг  чуулду сактып келинер. Сактып келген солун чуулунер силерни оортуп, хогледипкен. Хулумзуруг арнынарны долуп келген. Ол хулумзуругну чанынарда олурар эжинерге соннеп, шаннанар. Эжинерге база хоглуг, солун апарган. Ам карактарынарны ажыдынар. Ам чаа-ла силерге солун, хоглуг апарган болгай. Ынчангаш кичээливисти ол-ла солун, хоглуг байдалывыс-биле эгелээлиинер.

2. Чаа тема тайылбыры:

1.Улуг орус чогаалчы М.Горькийнин мындыг состери бар: «Ие чокта, алдар- аттыг шүлүкчү- даа, эрес- дидим маадыр-даа чок». Бис кымнын дугайында ооренир –дир бис, уруглар?

- Шын-дыр, Авай! Ава! Авайым!

  Бо сөстерни катаптап, дыңнап, оон утказынче сиңнигип  көруңер даан. Шак-ла бо үеде аваңарның хоюг үнү кулактарыңарга дыңналып келири магатчок . Ээп өскен эргим аваңның  сени чассыткан тааланчыг үнү сээң чурээңде, сээң сагыш-сеткилиңде, сээң дамырыңда ханы тудуш. Кандыг-даа кижиге авазы дег эргим кижи турбас!

Ынчангаш бөгүнгу кичээливистиң  темазы  «Ажы-толдун чурээн чылдыр, Ава дээрге хун дег чангыс…». (А.Даржайнын  «Он рубль» деп чечен чугаазынга хамаарыштыр кол кодурген проблеманы сайгарып коор бис.).

2.- А.Даржай-биле таныш силер бе, уруглар?  Ол кымыл?

- Оон дугайында чуну билир силер? (Чогаалчы дугайында каксы айтырар).

     - Оон кандыг чогаалдарын номчаан силер?

          3. Чогаалчы  «Он рубль»  чечен чугаазында кандыг проблеманы кодуруп турар-дыр?

-Бо айтырыгга харыыдан  чогаалдын темазы чуу деп билип алыр-дыр бис?

- А идеязы?

- Чогаалдын иштинден «Торээн чери, торээн иези, оскен оо деп чуве бар ыйнаан…» деп одуругларны ап болур бис бе?

- Бистин тыва чонда торелдерин, ылангыя авазын, торээн иезин кааптар деп таварылгалар бар бе?

- Чогаалчы чуге ынчаар бижип коргускени ол ынчаш?

     III. Быжыглаашкын:

1.Айтырыгларга харыыладыр:

-Чечен чугаа каш дугаар арындан чоруп турар-дыр?

- 1-ги кезекте монологтун кандыг хевирин ажыглаан-дыр: иштики азы даштыкы?

- Кайыын иштики монолог деп билип ап турар силер?

- Чурттап келген уезинде оглун манап, сагыш-сеткили «ыглап», мунчулган, ынчалза-даа оглунга ынак ие деп кайыын билип алыр бис? (кайы одуруглардан).

- Улус авазын оглу каапкан деп чугаалажып турар деп билип турза-даа, Серин кадай оглунга хорадап турар-дыр бе?

- Серин кадайнын иштики монологун дамчыштыр оон сагыш-сеткилинде бодап чоруур бодалдарын чуу деп билип алыр бис?

2.Синквейнден  Серин кадайга хамаарыштыр чогаадыптаалынар (проектордан коргузер).

Ава.

Унелиг, чоок.

Манап, холзеп, мунчулбушаан.

Ынак хевээр.

Эргим. (2-3 оореникчинин чижээн алгаш, номчудар).

  Силер аваларынарга ынак силер бе? А ол силерге ынак бе, чуге ынчаар бодап турар силер?

3. Чогаалда албан-херек бижиктеринден чуну киирген-дир?

- Оон чечен чугаага ужур-дузазы чудел?

-Телеграммадан чуну билип алган бис? Бир эвес телеграмма чок турган болза, Монгун-оолдун кайда чоруурун билип алыр бис бе?

- Орус литературадан телеграмма чорудуп турар,  утказы бо чечен чугаада ышкаш  чогаал номчаан силер бе? (К.Паустовский «Зарубки на сердце» - «Телеграмма»). Ол чогаалда Настя телеграмманы кымче чорудуп турарыл?

4. Физминутка.

- Ам туруп келинер. Бот-боттарынарже корнуп келгеш, хулумзурунер.  Чурээнернин чылыын  бот-боттарынарга берип, дамчыдынар. Холдарынарны туттунчуп алгаш, бодалдарынар-биле бажынар иштинге  бот-боттарынарга чедиишкиннерни, аас-кежикти кузенер.

5.Уран-чечени.

-деннелгелер:

А) кижинин аажы-чанын коргузерде ажыглаан деннелгелер:

- Ортун-кыс – ытка сывыртаткан чуве дег (ол кижинин дурген чаны).

- Серин кадай – шоодай дег шалаже шолурт дээн (билинмес кижинин аары ол хире болган); куу довурак кырынга чыткан чуве дег, холбегер кара юбказын кактагылаан ( арыг-силиг), оон эктинде оске кижинин холун эптеп-даа каан ышкаш (холу билинмес).

- Монгун-оол – ону ашактар мурнунга кончуп туруп бээр ышкаш болган  (авазынын мурнунга буруулууун, оске улустан ыятканы).

Б) уурмек чуулдерге домейлээн:

- буру дег тоглап душкен саазыннар;

- бажын ырлаар-хааржактын тырыкы дээрбээ  дег;

- сымыраныын дамчыткан чуве дег.

- метафора:

Сонгадан бакылап келген хун;

Хуннун херелинин алдынналчак доозуну согунналдыр шойлу берген чайынналдыр ойнап турган.

Чевег оларны суртенчиг ыржымы-биле уткуп алган.

-перифраза:

Авазынын соолгу турумчуп алган чери.

6.Таблица-биле ажыл.

7. Улегер домактар тывар (ава дугайында).

IV. Туннел. (проекторда рефлексияны ажыглаар).

-Уруглар, силер бо кичээлден чуну билип алдынар?

- кичээл эгезинде салган проблемавысты чедип алган-дыр бис бе?

VI. Демдектер салыры.

VII. Онаалга бээри.

Чогаадыг «Авамга могейиг».

Башкы: Ынчангаш кичээливисти туннеп тура,  А.Даржайнын одуруглары-биле тондурер-дир мен, уруглар.

«Иеңер бар кежииңерни, өңнүктерим,

Идегелдиг эртине дег, карактаңар!»