Урок чувашской литературы в 6 классе с использованием Сингапурских структур обучения (ФГОС)
план-конспект урока (6 класс) по теме

А.Воробьевăн «Çурхи хирте» е «Çăкăр» сăввинчи илемлĕх мелĕсем.

 (Урок чувашской литературы в 6 классе)

                                                          Захарова Марина Анатольевна,

                                           учитель родного языка и литературы

                                           первой квалификационной категории

                                  МБОУ «Новоильмовская СОШ»

                                                Черемшанского муниципального района

                                                           Республики Татарстан

Урок тĕсĕ. Хутăш урок.

Урок тĕллевĕсем: Алексей Воробьевăн пурнăçĕпе пултарулăхĕ çинчен вĕренесси, поэтăн «Çурхи хирте» тата «Çăкăр» сăввисенче илемлĕх мелĕсене палăртасси; ачасене пĕлÿ шырас ĕçе тĕллевлĕн план тăрăх туса пыма хăнăхтарасси, çак ыйтусене ытти ачасемпе сÿтсе явма, татса пама хавхалантарасси.

Вĕренекенсен результачĕсем:

Харкамлăх результачĕсем (личностные УДД):

1.Çăкăра тата çăкăр ÿстерекенсене хисеплеме вĕренни.

2.Вĕренÿре харпăр хăй тивĕçлĕхне туйма, хăй вăйне, пултарулăхне шанма вĕренни.

3. Çăкăра типтерлĕ тытмаллине ăнланни.

Предметăн пайрамлă результачĕсем (предметные): илемлĕх мелĕсене шыраса тупма пĕлни, вĕсене тĕслĕхсемпе çирĕплетме пултарни.

Предметсен пĕрлĕхлĕ результачĕсем (метапредметные):

Йĕркелÿ ВУД (регулятивные УУД): ума лартнă тĕллеве пурнăçлама тухăçлă мелсем суйласа илни; вулавăн тĕрлĕ мелĕсемпе усă курни, текстпа ĕçлеме, ăнлавсене хак пама, пĕтĕмлетÿсем тума пĕлни.

 Хутшăну ВУД (коммуникативные УУД): мăшăррăн, пĕчĕк ушкăнпа, пĕрле ĕçлеме – пĕрлĕхлĕ ĕçĕн харкам пайне пурнăçлама хăнăхни.

Информаци ВУД (познавательные УУД): тĕрлĕ информаци çăл куçĕпе усă курма пултарни (кĕнеке, хаçат-журнал, Интернет).

Курăмлăх хатĕрĕсем: Интерактивлă доска, проектор.

Урок юхăмĕ

1. Класа йĕркелесси, ачасене урок темипе кăсăклантарасси.

-Ачасем, куçăра хупăр-ха, эпĕ сире ытарлă(асамлă) япала парса тухатăп. Мĕн-ши вăл? (Тулă пĕрчи) Мĕншĕн çак пĕчĕк пĕрчĕ асамлă? (Çак пĕрчĕрен çăкăр пулать)

-Иртнĕ уроксенче эпир сирĕнпе мĕнле темăпа çыхăннă хайлавсем вуларăмăр? Хăш вăхăтра çырнă çав хайлавсене? Мĕншĕн çак тема çав вăхăтра çивĕч тăнă?  

2. Урок темипе тĕллевĕсене палăртасси.

-«Çăкăртан асли çук» уйрăма эпир сирĕнпе «Тепĕр май шкул» (Перевернутая школа) меслетпе вĕренме калаçса татăлнăччĕ. Килте мĕнле темăпа ĕслерĕр? Мĕнле тĕллевсем лартрăр? Хăвăр ĕçĕре мĕнле йĕркелерĕр?

Килте ĕçлемелли план:

1. Автор çинчен вуласси (кĕнекере, Интернетра)
2. Хайлава вуласси (сăвва палăртуллă вулама вĕренмелле)

3. Тишкерÿ:

         1.Автор

         2.Хайлав ячĕ

         3.Жанр

         4.Тема

         5.Хавха

         6.Тĕп шухăш

         7.Сăнарсем

         8.Сюжет(ĕçсен йĕрки)

         9.Илемлĕх мелĕсем

4. Тема тăрăх ĕçсем тăвасси (ваттисен сăмахĕсем, презентацисем тата ыт. те)

III.  Вĕреннине аса илесси.

-Килте ĕçри темăна уçса пама литературăри мĕнле теори ыйтăвĕсене аса илмелле пулчĕ?  Вĕсене тепĕр хут «КОНЕРС» структурăпа усă курса çирĕплетер-ха. 

КОНЕРС структура (кĕтессене «Танлаштару», «Сăпатлантару», «Метафора», «Эпитет» тесе çырнă хутсем çапнă. Ачасем хăсене лекнĕ хутсенчи терминсен пĕлтерешесене вулаççĕ те кирлĕ кĕтесе суйласа илеççĕ)

…  яланах пĕр япалана е пулăма лайах пĕлекен тепĕр япалапа е пулампа танлаштарса кăтартнине пула йеркеленет.

Пуплевре … пуррине пек тата евĕр самахсем катартаççĕ.

… тесе пĕр-пĕр япалана е пулăма илемлетсе, хитрелетсе санлакан, унăн хайне евĕрлĕ уйрамлăхне кăтартакан палăрту сăмахсене калатпăр.

… ытларах мĕнле? ыйтура тăраççĕ.

… тесе çут çанталăк пулăмĕсене, таврари япаласене, йывăç-курăка, выльăх-чĕрлĕхе этем пек чĕрĕ чунлă туса санани калаççĕ.

… тесе икĕ пĕр пек пулăма танлаштарса пĕрин паллине теприн çине куçарнипе йĕркеленĕ илемлĕх мелне калатпăр.

Тĕрĕссипе танлаштару, эпитет тата сăпатлантару илемлех мелĕсене пĕтĕмлетсе … тесе калама май пур. Çапах та вĕсен пĕр-пĕринчен уйрăлса таракан паллисем пур.

Пуплевре … мелĕпе уса курни япаласемпе пуламсене асра юлмалла чĕрĕ ÿкерчĕк тума, фантазие аталантарма та пулăшать.

6. Килти ĕçе тĕрĕслесси (çĕнĕ тема тăрăх)

1)ЭЙ АР ГАЙД структура(утвержденисем)(малтан)

2) План тăрăх ĕçлесси

-Çĕнĕ темăпа килте ĕçленĕ вăхăтра йăвăрлăхсем пулчĕç-и? Хăш ыйту тăрăх ĕçлеме килĕшрĕ?

-Хуравсене кам вуласа парас тет. Итлесе пĕтерсен ыттисем хăвăр шухăшăра калама пултаратăр.

«Çăкăр» сăвă тăрăх:

1. Автор çинчен (презентаци)
2. Илемлĕ вуласси (ТАЙМ ПЭА ШЭА структура)

Словарь ĕçĕ

3.Тишкерÿ

3.Жанр: мухтав юрри.

4.Тема: Çăкăра тата çăкăр ÿстерекенсене хисеплени çинчен.

5.Хавха: Çĕкленÿллĕ. 

6.Идея: Çăкăртан асли çук. Çăкăр ÿстерекенсен ĕçĕ сăваплă.

7.Сюжет йĕрĕ уççăн палăрмасть, çăкăрпа çыхăннă глаголсем çук.

8.Сăнарсем:автор, çăкăр

9. Илемлĕх мелĕсем (СОРТ КАРДС структура)

Танлаштарусем: çĕр чăмăрĕ евĕр çавра; ун пичĕ – тин тухнă хĕвел; çĕртес пек ислетрĕ йĕпе; хĕвел пайăрки пек хĕлхемлĕн;

Сăпатлантарусем: шăпланчĕ пÿрт ашĕ, килче хĕнпе, куçать ун ăшши ман ÿте; пуян кĕр тимлерĕ парне;

Метафорăсем: çуталчĕ тĕпел, пылланчĕ вĕри хир шарши, ĕç ăнчĕ, ун ячĕ çÿлте, ĕмет çитнишĕн;

Эпитетсем: çĕн çăкăр, вĕри хир шăрши, тертлĕ хура çĕр, сумлă пăчĕ, чăваш çăкăрĕ, пысăк шăпа, тăван ял-йыш, тарлă çăкăр, пуян кĕр;

Пысăклату: Çĕн çăкăр – мельюнлă ытарлăх;

Кăшкăруллă, ыйтуллă предложенисем, хутлам.

3) ЭЙ АР ГАЙД (кайранхи шухăшсем)

4)Тема тăрăх ĕçсем хатĕрлени:

- Маша çăкăр çинчен ваттисен сăмахĕсем хатĕрленĕ, вуласа тухăр, хăшĕ «Çăкăр» сăввăн тĕп шухăшне уçса парать?

-Тома çăкăр мĕнле ÿстерни çинчен презентаци хатĕрленĕ. Ĕç сăмахĕсене калăр.  

- Кирилл кукамăшĕнчен вăрçă вăхăтĕнче çăкăр мĕнле ÿстерни çинчен ыйтса пĕлнĕ(интервью илнĕ). Итлесе пăхар-ха?

V. «Çурхи хирте» тата «Çăкăр» сăвăсене танлаштарасси.

-«Çăкăр» сăвăпа пĕр хурăмă е уйрамлăхĕсем пур-и?

(Ĕçсен йĕрки палăрать: çĕн тулă калчара, ÿсет, шăркана(чечеке) ларать, пучахланать, ĕлкĕрет, тырра пухса кĕртеççĕ)

VI. Синквейн(сăвăран илнĕ самахсемпе йĕркелемелле)

1.Çăкăр.

2.Çавра, çĕн

3.

4.Нихçан çăкăртан ан пул аслă.

5.Мельюнлă ытарлăх.

-Мĕншĕн глаголсем çук? «Çурхи хирте» сăвăпа усă курăр.

1. Пĕтĕмлетÿ.

ТОКИН МЭТ структура (Илемлĕх мелĕсене çырса хуратпăр, улшăнатпăр, çыхăнтаратпăр.)

7. Ачасен хуравĕсене хаклани.
8. Киле ĕç.  «Çурхи хирте» е «Çăкăр» сăвва пăхмасăр вĕренмелле.