Открытый урок по картине Сычкова "Стака ётама"
план-конспект урока (5 класс) на тему

Ф.В. Сычковонь «Стака ётама» («Трудный переход») картинастонза репродукциянц коряс

сочиненияти анокламась.

Аноклазе  МБОУ «Мордовско - Полянская СОШ» мокшень кялень и литературань тонафтысь Моисеева Л.М.

Темась: Ф.В. Сычковонь «Стака ётама» («Трудный переход») картинастонза репродукциять  коряс сочиненияти анокламась.    

  Цельсь: - содафтомс шабатнень Ф.В.Сычковонь творчестванц мархта;

        - тонадомс картина коряс сочинениянь сермадома;

        - лездомс тонафнихненди сяда кемоста шарьхкодемс, содамс, кельгомс мокшень  

         кяльть;

       - воспитандамс кельгомань потмоёжет перьфпяльти;

       Оборудованиясь: компьютер, видеопроектор, карточкат задания мархта.

Урокть молемац.

1. Орг. пялькссь.

- Шумбратада, шабат! Озада! Кенярдян сембонь няемс тячиень урокса.

-Кодама мяльса озаде урокс? Пара. Мон надиян, што тячи, мезе арьсеф, сембось етафтови тевс, а штоба тянь сембонь тиемс, эрявихть тинь содамошинте, кулхцондоманте и цебярьста покодеманте урокса.

А) Темать и цельхнень азомасна.

(1-2 слайттне)

2. Од темать коряс беседа.

       Шабат, тинь мзярдовок уледе картиннай галереяса? А кда аш, то аряда арьсесаськ, кода ба тя улель…

(3-6 слайттне .Виртуальнай  экскурсиясь)

        Минь саворня мольхтяма музейнь залга. Стенаста, повфнеф картинатнень эзда, лангозонк сетьмоста ваныхть пефтома ломанень сельме:  финцне - кошардозь, омбонцне – кизефнезь, колмонцне – кельмоста и бта вярьгак ванозь, а нилецетне – бта пеедихть эсонк. Синь эсост арьсема и сярятьф, тердема сетьме корхтамати. Пефтома лама шама, характер, судьба…

        Минь ваттама портретста ломаттнень лангс и тага кематама немецонь писательть Гео́рг Кри́стоф Лихтенбергонь валонзонды: «Тейнек сембода занимательнайсь масторть лангса – тя ломанень шамась».

А мон нинге тянди еран поладомс, што тяда башка тейнек пяк интересна содамс ломаттнень  етай пингонь эряфсна, синь тевсна, етка пингста ваймамасна, фкянь –еткса ладямасна и отношениясна.

(7 слайдсь. Федот Васильевич Сычков -мокшэрзянь содавикс художник)

Тячи урокса мон тинь содафттядязь Ф.В. Сычковонь творчестванц мархта. Ванцаськ сонь картинанзон, кулхцондсаськ эряма  и творчествань кинц. «Стака ётама» картинастонза репродукциять  коряс серматтама сочинения. Кие тяфтамсь Федот Васильевич Сычков?

 ( шабатне азсазь, што сон мордовиянь содаф художник)

(8слайд – Ковылкинскяй райононь картась)

Ф.В. Сычков – мокшэрзянь содавикс художник.  Сон шачсь 1 мартста 1870

( тежянь кафкса сятт сизьгемонце) кизоня Ковылкинскяй районца  Кацялай (Кочелаево) велеса.

       ( Слайд – Сычковонь портретоц)

        Сычкофнень семьясост 6 (кота)  ломаттельхть: аляц, тядяц, бабац и 3 итть ( 1 цераня и 2 стирнят) Кода лятфнесь сонц художниксь, синь семьясна ульсь инь ашусь велеса. Аф весть сашендовсь цераняти тядянц мархта якамс аньцема.

        Кода мон азыне мархтост эрясь бабац, конань Федот пяк кельгозе. Кельгозе кода сон тейнза  азонкшнесь ефкст, азкст. Тага сидеста бабац сявондезе церанять церькаву, коса Сычковонь мяльс пяк тушендсть шкаень ликне и ангелхне, конат рисовандафтольхть стенатненди. Кати кода весть церанясь мусь сапонь пакшкя и рисовандазень куд стенатнень и кенкшть. Конешна, тянкса пяк сатоль тядянц эзда, но церанять ширенц кирнезе бабац.

         8 (кафкса) кизоса Сычковонь примазь школав. Сон тонафнесь пяк цебярьста. Но самай кельгома предметокс  ульсь рисованиянь уроксь. Церанять талантонц приметазе учителец – Петр Дюмаев.  Сон мялецоль първажамс Сычковонь Санкт- Петербургу художественнай школав,  но церанять тов ашезь сяв, ашувонь идти тоза кись селкфоль. Церанять пяк оцюволь мялец арамс художникокс. Сон тусь лездыкс художненкненди, конат рисовандасть шкаень ликт. Тяса сонь приметазе Арапов помещикс. Сон лездсь Сычковонди повомс художественнай школав.

          1892 ( тежянь кафкса сятт вейхксогемонь омбоце) кизоня Ф.В. Сычков сась Петербургу тонафнема художественнай школав, а меле – 3 кизонь етазь – Академияв.

          Ф.В. Сычков кулось 1958 ( тежянь вейхкса сятт ведьгемонь кафксоце) кизоня. Кацелай велеса художникть кудсонза тиф музей, а Саранск ошса панчф Сычковонь лемса картиннай галерея. Коса кочкафт сонь лама картинанза.

( 12-14 слайттне. Портрет.  Натюрморт. Пейзаж )

         Ф.В. Сычков лама картинада сермадсь эрь кодама жанраса тя: портрет /слайд – портрет/, натюрморт /слайд – натюрморт/, но инь оцю васта сонь картинасонза занци пейжазсь / слайд – пейзаж» Тяла»/

( 15 слайдсь. Сёксеть колга картинатне)

   - Шабат, азость кие эздонт кельгсы сёксеть? Мес? (Сёксесь - пяк мазы пингсь. Перьфпяльсь полафты. Шуфттне наряжафт разнай тюссонь щамса. Кенерихть сёксенда перень имошне. Моли мялень мольфти пиземня»)

         Мон арьсян, што сёксесь -  мяляфтови пинге. Художниксь аф аньцек пяк кельгозе няфнемс картинасонза  якшама тялоть, иттнень забаваснон, ломаттнень шамаликснон, панчфнень, но и сёксеть. Сяс ламоц картинанза лемтьфт тя пингти. Дайте ванцаськ ня картинанзон. (Картинатне:

3. (16 слайдсь) «Стака ётама» картинась (1937)

  - А тяни ваность тинь инголент Сычковонь «Стака ётама» картинастонза репродукциясь , кона ульсь сёрматф 1934 к. Шабат, азость, картинаса кизонь кодама пингсь няфневи? ( Картинаса няфтьф сёксесь). Азость, а кинь няйхтяда картинаса? ( Тя картинаса няфневихть ломатть, конат сайхть вирьста кеняртьф мяльхть, сяс мес кептернясна пяшксет панкта). Виде!

- Шабат, а тинь  тожа якатада вири пангонкса? Вов эсь лятфнеманте лездыхть тейнть сочинениянь сермадомаса. И нинге инголент лезксонди лопанят, коза карматада сувафнема сянь, мезе тейнть кондясти  сочинениянь сермадомста. (эрь тонафнить инголе тяфтама лопаня)

Тевонди лопанясь

Ингольдень планца___________________________________________________________

_____________________________________________________________________________

Фталце планца ______________________________________________________________

_____________________________________________________________________________

Кержи ширеса________________________________________________________________

_____________________________________________________________________________

Ломаттнень шамаликасна _____________________________________________________

_____________________________________________________________________________

Щапне-каряпне  _____________________________________________________________

____________________________________________________________________________

шуфттне______________________________________________________________________

КОЖФСЬ____________________________________________________________________

ляйнясь___________________________________________________________________

УШЕСЬ______________________________________________________________________

  Тяни, шабат, дайте сяда тов ванцаськ картинать. Тя картинаса няйсаськ, што перьфпяльсь полафтсь.

- Кие эздонт мялец азондомс стих сёксеть  колга?

( Стихонь азондомась)

«Летьке сёксесь инжикс сась.»

Сёксесь инжикс тага сась,

Васень лопась алу прась.

Менельсь комачавсь, и вов

Пиземсь валы сяда тов.

Эшеляма ни аф молят,

Эрька, варжамс, пади, ёрат?

Варжака, варжака,

Пильгцень меки таргака.

«Сёксе» И. Пятина.

Шерьфни коське тишеть вармась,

Модась стакаста куфкстась,

Менельсь равчкодома кармась,

Сетьме пиземня срхкась.

Тюжя лопатне ни пяярьсть,

Зрнянь тюсса ацазь кить,

Садса марьхне ёт ни кенерсть,

А туцятне кяшезь шить.

М.И.Безбородов «Сёксе».

Туцялгодсь менельсь, рдаскодсь кись,

Кувалгодсть ветне, нюрьхкалгодсь шись.

Галошкодсть шуфттне, лопасна прасть,

Сёксень шитне начкста састь.

Тяляйхть, видихть, тюжя лугась.

Якшама ширде кожфсь уфась.

Паксяста сёрось кунара ни урядаф,

Колхозть переса капас марафт.

Лямбе ширети нармоттне лиихть,

Сёксень якшамда толгафне пелихть.

Эняльди вайгяльсна маряви алу,

Лиихть ичкози морятнень фталу.

Ляйське шобдалгодсь, шуди – увнай,

Курок эй алу сонга сувай.

             А.У.Эськин «Сёксеть аськолксонза»  

 Хоть сёксесь нинге ашезь са,

Хоть аеронзон ашезь вяте,

А мон сонь аськольксонц кульса,

Тят лисе васьфтемонза кяпе.

Туцятне фкя-фкянь мельге сайхть

И модать кельме ведьса валсазь.

Сайхть вармат - казямста уфайхть

  И шуфттнень галошкаста кадсазь.

Унжатне хоть и кодайхть котфт,

Сиясна паксять келес тарксефт,

Но сёксесь тялоть пулос сотф.

И лямбе шири тусть ни каркне.

Мзярда кизось макси псинц,

Аф арьсетяма сёксеть квалма,

Аф няйсаськ нингн рдазу кинц,

Аф марятама оцю сталма.

Од тевонь тиема тон листь,

Тят нюрьксе тяфтак кизонь шиста.

Катк паксяв вятнетянза кись,

Работак эрь шиня тон псиста.

Хоть сёксесь кельмоста и сай,

Уфай хоть аераста вармась,

Ризнамась седиезт аф прай,

Тон кизоть лятфнема най кармат.                                                  

/Слайд/

   Картинаса кизонь кодама пингсь няфтеви? (Сёксесь).

Кодама признак коряс шарьхкодесть, што картинаса няфтьф сёксень пингсь? (Сембе перьфпяльсь полафтсь. Шуфттне тюжалгодсть. Тишесь комафтозе прянц алу. Ломаттне наряжафт лямбоста.)

/Слайд/

Кода художниксь няфтьсы перьфпяльть? (Перьфпяльсь пяк мазы.шуфттне зърнянь тюссонь щамса. Лопатне саворне пяярихть модать лангс. Ляйнясь шобда, кърхка и кельме.)

    /Слайд/

Коста сайхть ломаттне? (Ломаттне сайхть вирьста.) 

- Федот Сычковонь картинанзон эса пяк парста няфневихть велень  ломаттнень шамасна. Мезе азоледе синь шамаликаснон колга? (Ломаттне пеедихть, рахсихть фкя-фкянь лангса. Кеняртьф мяльса сайхть вирьста ,сяс мес кептернясна пяшксет панкта и пъчкафты тишеда.)

-Сельмоснон  колга мезе астада?

( Сельмосна толнякс палыхть, цифтордыхть цятконякс)

- Пейсна  панарснон коряс акшет.

- Сядонга цебярьста, мазыста няфневи щамсь.

- Шабат, азость, мезьса наряжафт картинаса ломаттне, конат сайхть вирьста? Кодаптольхть щамсна  ингольдень пингть?

 ( Ингольдень пингть ломаттне каннесть пиджакт, пильгсост ашуфне карьсекшнельхть карьхть, а сяда козятне щальхть ботинкат, кямот. Аватнень  лангса минь няйхтяма мокшень акша панархт,мяштьсост Прясост сотнефт панчфу руцят, конатнень эзда сельмотне аф аерфтовихть. )

- Шабат, азость, кодама тюст сявсь художниксь, штоба няфтемс тейнть шабатнень щамснон?

( сенем, якстерь, тюжя, сянгяря).

- Лиякс мярьгомс, ломаттнень щамснон няфтемста сон сявонди яркай, пяк мазы тюст. Аф ваномок лама тюсть лангс, Ф. Сычковонь картинанза аф сизефтьсазь сельмотнень. Художниксь мусь лама мотив, конатнень вельде няфтевихть ломаттнень характерсна, прявийсна.

  - А тяни тага весть ваность картинать и азость тусь ли сон мялезонт?

 ( Отвечайхть шабатне). А мес тусь? (Тяса лац няфтьф сёксесь, ломаттне, конат сайхть вирьста и стирнясь, кона пееткшни ётайхнень лангса.).

- Мезе няйхтяма аватнень ванфсост?

(Аватнень ванфсост минь няйхтяма оцю кенярдема, шумбраши и  паваз). - И коста сявондевсь съняра кенярдемась? Коста сняра надиямась павазу эряфонкса появакшнесь?!

(Монь койсон, панжадонь ваймот эрясть эста и фалу панжадольхть седисна.)

- А тяни макстама вал сятненди, конат мусть картинати ладяй стихотвореният

Светлана Вольская

Вот и осень расписная.
Для груздей пришла пора.
И кампания честна’я
В лес отправилась с утра.

Все наполнены лукошки,
Урожайный нынче год,
По тропинке, где дорожке,
К избам двинулся народ.

Путь обратно – через речку.
Холодна сейчас вода.
Положил бы кто дощечку,
Перешли бы без труда.

Переправа - две жердины.
Навык, смелость здесь нужны.
На траве уже дивчины,
Им преграды не страшны!      

Смех звучит на всю округу –
Третью, охватил задор.
Тянет руку к ней подруга…
На мосту теперь затор.

Не до смеха лишь бабуле:
Ноша жизни тяжела,
Годы вдвое ведь согнули.
В лес, однако же, пошла.

И полна её корзина –
Знает толк она в грибах.
Вот уже и середина…
Сноровиста,  хоть в летах!

И на всех один мужчина.
В жёлтой шляпе, в сапогах,
За старушкой следом чинно
Он ступает в двух шагах.

А последняя - девица,                        
Что ещё на берегу,
Замыкает вереницу.
И спешат все к очагу.

             Жизнерадостна картина.
             С оптимизмом наш народ.
             Догадайтесь в чём причина?
             Смех нас лечит от невзгод!

4. Валонь и стилень коряс работась.

Слайд

  - Тяни шабат, минь мархтонт етафттама валонь и стилень коряс тев. Тя лезды тейнть сочинениянь сермадомста. Етай урокть мон тейнть мярьгондень кудса вешемс « Якстерь тяштеня» журналста валмуворкст и содама ефкст и приметат сёксеть колга. Муде? Пара! Арьда проверясаьк, кода тинь анокладе урокс. Но васенда приметат  азан тейнт мон.

/Слайд – содама ефкст/

1. Унжань котфне лиихть – кармай кувака сёксесь.
2. Тумоса лама церяда – кармай козя сёронь урожайсь.
3. Вирьса шачсь лама пизелда – сёксесь кармай пизему.
4. Къда сентябрьста каркне лямбе шири тусть – тялось ушеды рана.

 Пара, шабат! Ну тяни ванцаськ, кодама валмуворкст муде.

/Слайд – валмуворкст/

1. Сексеь кочкай, види, а тялось ярхцай, пиди.

2. Тунда удат – сёксенда аф сайхть кудат.

3. Тунда сура аф видят, сёксенда ямня аф пидят.

4. Тундась мазы панчфса, сёксесь сёронь таньфса.

5. Сёксесь кочкай, види, а тялось ярхцай, пиди.

6. Тундань морось сёксенда аделави.

1) - А тяни налхксетяма мархтонт « Кие сяда курок» налхксемаса

/Слайд – « Кие сяда курок»/

Кочкасть омбоце колонкаста васенце колонкань валхнень синонимснон. Сермадость синь тетрадезонт.

Рахамс              сери

Кърхка           пеедемс, мъзолдомс

Молемс            цебярь

Пара                шаштомс

2) - Шабат, монь ули тага фкя налхксемазе. Мон сонь лемдине « Кяшф вал».

/Слайд « Кяшф вал»/

- Кержи ширде клеткатненди сермадода антонипт. Васенце букваснон эзда вярде алу лувсасть картинаса рисовандаф пингть. ( Сетьмоста, ёмла, кельме, стака, еле-еле.) (сёксе). 

- Тя валть мархта арьседа валрисьме.

 Слайд «Налхкома «Фкя валса»

- Тяни тихтяма тяфтама задания. Тейнть эряви вешемс

кевонзаф валзюлмотнень понятияснон.

Прамс пильге лангста –  сиземс 

Сельгонь прамс – курок

таргамс вайме – ваймамс

шапама вайгяльса – кайгиста.

Нолдамс вайгяль – ювадемс, пешкодомс

- Кевонзаф валзюлмотнень нолдасть тевс сочинениянь сермадомста

4) - Штоба няфтемс картинать афкуксонь мазышинц тейнть сочиненияса сави нолнемс тевс эпитеттнень.

/Слайд « Эпитетт»

- Эрьда кочкада максф валхненди эпитетт: Шуфттне ( тюжат, мазыхть), КОЖФСЬ ( кельме, ару), СТИРНЯСЬ ( мазы, весяла), УШЕСЬ ( мани, валда).

                        5.Урокть кемокстамац:

1. Картинать коряс планонь тиемась.

- Пара, шабат сембе заданиятнень  тиесть лац. Тяни ванцаськ тага картинать. Серматтама корязонза план.

/Слайд

                       Планць.

1. Ф.В. Сычков – мокшэрзянь содаф художник.
2. «Стака ётама» картинастонза репродукциять  ваномац.

2.1.Кодама пинге няфтьф картинаса?

2.2.Кода художниксь няфтьсы перьфпяльть?

2.3.Коста сайхть ломаттне?

2.4.Кодапт ломаттнень щамсна – карямсна?

2.5.Мес синь ётнихть байдек вельде?

3. Мяльхне, конат шачендыхть картинать ваномста.

2. Планть коряс сочинениять азондомац.

6. Итогсь

 - Вов знакомондаде Ф.В. Сычковонь творчестванц мархта, ваноськ сонь лама картинанзон. «Стака ётама» картинастонза репродукциять  коряс тиеме заданият, конат лездыхть тейнт сочинениянь сермадомаста.

   - Тусь ли мялезонт картинась?

   - Кодама потмоёжет эвондасть сонь      ваномстонза?

   -Поладость валрисьмотнень:

   Мондейне няевсь мялень салайкс…. 

   Монь дивандафтомань….

  Мон ёралень ба ….

- Мон арьсян, што тинь машттада азондома эсь мялентень сочинениять коряс

7. Кудонь тевсь

Сай урокти сермадомс тя картинать коряс сочинения.  

8. Отметкань путомась.