6 нчы класс. Хайдарова Р.З. дәреслеге буенча "Сорау алмашлыклары" темасы
план-конспект урока (6 класс) на тему

                   6 нчы класс

    «Сорау алмашлыклары”

      (Р.З.Хәйдәрова, З.Р.Назипова)

      Дәрес тибы: ЛКФ

     Дәрес максатлары:

1. Укытучы өчен:

Белем бирү максаты( дәреснең предмет нәтиҗәсе):

-Сорау алмашлыкларын җөмләдә урынлы куллана белү;

Тәрбия бирү максаты (дәреснең метапредмет нәтиҗәсе):

-Җөмлә төзелешен чагыштырып, нәтиҗә ясый белү.

Тәрбия бирү максаты (дәреснең шәхси нәтиҗәсе):

-Әхлакый проблеманы чагылдырган җөмләләр ярдәмендә үзара дөрес аралашу тәрбияләү.

2)Укучыларга җиткерелә торган дәреснең белем бирү максаты (дәреснең предмет нәтиҗәсе):

-Сорау алмашлыкларын дөрес кулланып, сорау җөмләләр төзү.

-Кирәкле лексик материалны кулланып, сорау җөмләләр төзү.

Җиһазлау: дәреслек (12-13 нче битләр), методик ярдәмлек (13 нче бит).

I.Оештыру.

1) Уңай психологик халәт тудыру;

2) Дежур укучы рапорты.

“Минем мәктәбем”, “Безнең сыйныф” темасы буенча җөмләләр кертеп.

II.Өй эшен тикшерү.

III.Актуалләштерү:

1.Прослушайте и укажите слова со звукам ә

-Нәрсә, кем, ничә, мәктәп, кибет, китапханә, билге, бәйрәм.

IV. Яңа сүзләр белән танышу:

Сүзләрне кабатлагыз:

Тактада яңа сүзләр:

Көндәлек, китапханә, хата, һәрвакыт.

1.Яңа сүзләрнең әйтелешен укытучы артыннан бергәләп кабатлыйлар.

2.Әлеге сүзләрне сүзтезмәгә кертү.

а)Оляның көндәлеге б)мәктәп китапханәсе в)ике хата г)һәрвакыт чиста.

3.Әлеге сүзтезмәләргә сораулар кую (сорау алмашлыклары тактага язылган)

Ничә? Нәрсә? Нинди? Кайда? Ничек? Кемнең?

4) Укучылар әлеге сорау алмашлыкларын кулланып, сорау җөмләләр төзиләр.

5)Яңа сүзләр һәм сорау алмашлыклары белән диалоглар төзү (парларда эш).

6) Яңа сүзләр һәм сорау алмашлыклары белән ситуатив күнегүләр эшләү.

7) Дәреслектән 3 нче күнегү,13 нче бит.

8) Узнайте у друга:

-Как зовут его маму?

-Сколько лет  его братишке?

-Какие оценки у него в дневнике?

V. Яңа сүзләрне җөмләдә куллану.

Төркемнәрдә эш:

-Һәр төркем янындагы төркемгә 4 сорау җөмлә бирә.

Мәсәлән:

-Мәктәп китапханәсе ничәнче катта урнашкан?

-Безнең сыйныфта ничә кыз һәм ничә малай бар?

-Бу кемнең китабы?

-Сашаның көндәлеге нинди?

VI.Өй эше:

12 нче бит, 1 нче күнегү (кушымчаларны язып бетерергә, һәр җөмләгә сорау җөмлә төзергә).

VII. Йомгаклау:

Балалар үзләренең эшчәнлегенә билгене үзләре куялар.