Внеклассное мероприятие "Вирь"
материал (9 класс) по теме

Презентация вирть колга

 «Кизонда»-Ершков А.

Тячи вири тага молень,

Кельксень лама шуфтоня,

Пара мялезост ульсь синьге,

Ванан-тейне сюконяйхть.

Сюконяйхть- мянь алу комайхть,

Шерьфнихть нармонь пизонят,

Тейне азондсть, кода васьфтезь

Тяддень лямбе кизонять.

Лес-Климкин.

Вот и лес .Прохлада и покой.

Тишина, как в монастырской келье.

Папоротник лапой вырезной

Мне кивает под корявой елью.

По холмама ворчит лениво гром.

Реет ястреб плавными кругами.

Ни души. И остро пахнет мхом,

Свежестью смолистой и грибами.

Так бы никогда и не ушёл

Из лесного ласкового плена,

До того легко ихорошо

Пред черникой преклонять колена.

 Сянгяря ялганьке.-Моисеева Т.

Вирьхнень сидеста лемнесазь сянгяря океанкс. И тя виде. Синьфтомост , кода ведьфтома-кожфтома аш кода эрямс ломанти. Вирсь сембе пинкнень ульсь и иляткшни миндейнек пара ялгакс и аралайкс: андсамазь и пъчкафтсамазь, щасамазь и карясамазь.А сонць веши эздонк фкя-эсь колганза азоркс забота.Эрь гектар вирсь кизоньберьф аропни 18 миллион кубаметра кожф.Вов и лувость, мъзяра аропты кожфта 17 тёжянь гектарсь. Тъняра вирь кемокстаф мокшэрзянь краень тонафнихнень мельгя. Синь пара мяльса якайхть мельганза, веляфнесазь эряф-ащеф шуфттнень, а валда васттненди озафнихть од вирнят.

Нина Вик.

«Вирьса»-

Сетьме.Аф кашторды пиже пря вирсь.

Лопать аф шерьфнесы вармась.

Нумолнясь ваймама лоткась и кирсь,

Мадянянц варчсема кармась.

Келуфнень ёткова ламбама кстысь

Якстере прянц эса няфни.

Лоткть эзда офтонясь саворня лиссь,

Нармоттнень, зверьхнень сон эвфни.

Трощева Л.

-Виде, вирсь ломанть эряфса занци оцю васта.Сон аропнесы кожфть, кирнесы вармать, кърхкалгофнесыне ляйхнень.Тя экологияти, природать ванфтоманцты шарфневи оцю мяль.Учёнайхне лувозь- сянгяря фкя гектарсь киза кувалмоста аропни 18 миллион кубометра кожф.Фкя частста сявондеви эсь эзонза сняра углекислай газ, мъзяра тя пингста ваймокожфснон мархта ноляйхть 200 ломаттне.Шуфтонь лопанятнень лангс кизоньберьф кочксеви пъцтай 32 тонна пуль.Сяс, ялгат,минь фалу карматама якама пара мяльса вири ,веляфнема эряф-ащеф шуфттнень и озафнема од шуфтонят.

Виде, ялгат,вирть пяк оцю значенияц ломанть эряфса.Сонь эряви ванфтомс.Эряви арьсемс аф аньцек тя шить колга, но и вандыень и сяда товонь  шитнень колга.Эряви мяляфтомс, што вирсь эряви аф аньцек тейнек, но и сяда меле сай ломаттненди.

Кизонь вирьса- Нестёркина А.

Кизонь вири кельгозь яксян

Кизонь вирьса кстыень якстерьф

Шуфттнень алга пангонь пуромкст.

Кочкавсть марняс-кептерьс уромфт.

Тясот панчфонь сембе тюсне

Шиньфснон-таньфснон срафнихть кусне.

Нармоннятне лацихть морот.

Шнасазь вирень пиже морять-

Эрьгянь и шумбрашинь макссить,

Сяс и ломатть вири яксихть.

Семыкина- ЛЕС.

Ельмеева М.

Къда ушеттама корхтама тумоть колга, то минь инголенк стяй мезе-бди мазы, вии, кеме.Сон полафни богатырень образ, цёрань образ.Пяк кунара римляттне мярьгсть тейнза «кверкус» и красавец, лиякс мярьгомс мазы и кеме.Тумось аф аньцек мазы и кеме.Тумось аф аньцек кельгови, сон пяк кондясти ломаттненди. Эряй лама киза  церянзон эзда тиихть кофе.Мъзярда ёмланя, сон пяк лафча и капризнай.Пели якшамда, кельмода, а тялонда- псида.Сяс сон виензай аньцек лия шуфттнень ёткса, а меле сон сонць ванфтсыне вакссонза кассы шуфттнень вии вармада, вишке кельмода.

Баллада тумонять колга

Шачсь сон розь волнать кучкаса,

Пильге лангс аф пелезь стясь.

Шаманц шташендозе расась

Ронгонц эжнезе шинясь.

Кода якань куд мъргаса,

Вармат ваннезь тумонять.

Паксянь нармоннятне тяса,

Тиендсть морамань илятть.

Касондсь,арась оцю тумокс,

Шнакшидонза аф кържаль.

А сон, бъта паннесь шумонц,

Мазопнесы най перьфпяльть.

Трощева (Тумоть колга)

Косова Ю.- « Пичесь и кузнясь».Тя ульсь 300 лама кизода инголе.Корабльсь уйсь Канадав.Морякне фкя-фкянь мельгя сярятькшнесть цингаса. Ламоц эздост кулсесть.Ванфтовсть аньцек сят, конат кармасть симома пичень почкань сокта.Лама киза ётась и кузнянь , и пиченянь секретть содазь.Синь эздост лама витаминда, конат пяк эрявихть ломанти.Нинге сяда меле содазь, што пичесь кеме и прочнай. Пичесь и кузнясь аф пелихть якшамда.Фкада пиченясь пели- тя шобдада.Тейнза эряви лама валдта. Кожфсь пичетнень и кузнятнень ёткса пяк ару. Синь маласост санаторият, ваймамань лагерьхть.Пичесь и кузсь , мярьгат, и фкя лацрт и аф фкя.Кузнясь сяда лафча, салмоксонза сиденят, ёмланят, а шишканза оцюфт и мазыхть. И сембе сяка синь малацект.Синь фалу пиженят, фалу салмокскя мархтот.Тейст мярьгихть  хвойнай шуфтт.Эздост таргайхть смола, а шуфтсь кондясти стройканди.Салмоксонзон эзда тиихть почф, кона лемдеви витаминонь, сонь кайсесазь тялонда жувататненди.

Лопань прамась. –Амбаева К.

Кие няендезе , кода прай васенце лопанясь?

Келу и пою лопанятне прайхть кода-бди эряскодозь, мярьгат , ёрайхть мадомс шуфта юрть мала синь цебярь вастоняс, коса аф ули уфайсна. Тума лопась и каль лопась прайхть эсь перьфкаст шарондозь, валомне, коса сяда ламос можна кирдемс и коста аф салавихть кодамовок варманди.Сяс синь васенце лопасновок прашендыхть сембе шуфттнень коряс сяда меколи, мъзярда туйхть ни пизепт, ърдаскоды модась, и тоза вадезь вадевихть. Уштор лопась и пизелкс лопась прайхть кафта пяли люказне, кажелдозне. Эрь лопась прай сонць, и эрь лопать сонцень вастоц.

Листопад- Удалкина.

Лес, точно терем расписной,

Лиловый золотой,багряный,

Весёлой ,пёстрою стеной

Стоит над светлою поляной.

Берёзы жёлтою резьбой

Блестят в лазури голубой,

Как вышки,ёлочки темнеют,

А между клёнами синеют

То там, то здесь в листве сквозной

Просветы в небо, что оконца.

Лес пахнет дубом и сосной

За лето высох он от солнца

И осень тихою вдовой

Вступает в пёстрый терем свой

Польдяева Т. –«Келунясь» Келунясь- сембода мазы шуфтонясь. Сонь колганза латцефт морот, сон васьфневи ёфксса. Келунясь  мазопнесы перьфпяльть. Кассы сон видеста, мазыста, кода стройнай стирь .Моли келусь стройканди, а почканзон эзда тиихть лекарства.

Паргу Келу(Русскина С)

Паргу келусь вальмять ала

Учсесь, мъзярда сай апрельсь .

Эрь ,а тялось, шаржу тялось

Содась сяконь –даволхт пяльдсь.

Якшама атясь шуфттнень лешась:

« На тейть, келу, пухонь шаль».

Келусь кельмоть эзда кяшендсь,

Вайсесь карксэземга фальс.

Но сон кемась: сайхть ся шитне,

Таргай вайме эрь лисьфкясь,

Васень путьконц сон, инь питнить,

Срафтсы шабань мъзолфкять.

«Берёзка»- Горячкин

Эта модница лесная

Часто свой наряд меняет:

В шубке белой- зимой,

Вся в серёжках –весной,

Сарафан зелёный- летом,

В день осенний- в плащ одета.

Если ветер налетит,

Золотистый плащ  шуршит.

Морайхть пролопне столбатнень прява,

Тяшттне пеедихть ,явси върьгазсь.

Тялонь якшамти паксять кучкаса

Келусь ськамонза моронят казсь.

Ковнясь лажадозь эсонза келькси

Панивельхсстонза шаржу туцять.

Тялось ямбарнять кельмода пельсы

Макссь сондейнза пухонь руця.

Сёксень вирьса. Польдяева Т.

Мазыхть минь виреньке кизонда, тунда и тялонда.

Тялонь вирьса-Моисеева Т.

Саворня аськолян тялонь вирть эзга

Мярьгат, сувань-шятянь ёфкс потмос афкукс.

Седизти пара аф эряви мезьге!

Варманясь ёжелды пичетнень лафтус.

Шарженят сеенди пичесь ужяльдезь,

Кемоста арьсезевсь эряфонц колга;

Арьсемань сюрец фкя кесакс аф тяльги…

Вельфканза лийсь аф фкя локстиень полга,

Сязьганц кулят тейне чакорды тястонь,

Нумолть мянь эвфтезе кузть алда куломс,

Келаськясь инжиенц аноклай васьфтемс,

Няк, сюдеряй шнамга паргана пулонц.

Отькорь урнятне- вирь ёмла иднятне-

Тёждяста комотнихть тараттнень ланга:

Пяле ши эсон вирть потмова вятнесь-

Недялянь сизефонц ваймозень янгась.

Мазы пичетне нежедезь менельть,

Тяшттнень ёткса салмоксснон штайхть,

Крайста крайс сетьме паксятне венемсть,

Тялонь варматне лангсост уфайхть.

Юрта лаца лов фальхне стясть келес,

Топольсь прязонза путсь порфонь вазь.

Тише усфне сайхть полгонякс вели-

Нурттне моразне кизоть усксазь.

Даволсь тушенды ардозь перьфпяльге-

Акша гриванза аньцек жульняйхть .

Лишмокс цяфай, ульцязонк аф тяльги,

Менельть сереса комболдозь стяй.

Эрьхни коволхнень мяштьс ёндол лаца

Вярде мастору меки празь прай,

Тарвафтф локстикс сон келепни пацят,

Куфксты-тии и тага лийкстай.

 Морави мор «Акша лов»-Воробьёва И.

Моисеева-Лаймарькссь.

Сась тундась.Кой-кона шуфттнень лопанясна аньцек келемкшнихть, а лаймарькстьпряц, мярьгат, акша шовса вельхтявсь. Мазы лаймарькссь панжемста,сельмот салай.Кенеремстонга аф юмафты мазышинц эса.Сон аф аньцек мазы, но и пардонзовок лама.Сяс лаймарькссь ноляви лама тевс.Сон пяк ладяй пякурмада, пидихть эздонза  варения ,лаймарь почфсь моли цюкорнянь панемс. А вов панчфонзон, лопанзон, судонц асуснон сембе аф содасазь. Панчфонзон эзда тиендихть марь ведь, сон ладяй сельмонь урмада. Судстонза аноклайхть настой. Симондихть эздонза кельмоста и маштыксса сярядемста.Нинге ладяй шулкфты урмада. Лакафтф лопань ведьса пъчкафнесазь тевлавонь урматнень. Тяда башка сон аропнесы микробатнень эзда кожфть .Аньцек мяляфтома: лама симондемс ведьтонза аф мярьгондихть, сяс мес сон эсонза улихть ядовитай веществат.

Польдяева Т…..А сядонга пяк мазыхть –сёксенда.Золотань тюсса валфт келуфне, тумотне.Якстерь ,тюжя тюсса архтфста нюрьгихть пизел кярьмасне .

Пизелкскя-Лукашенко Д.

Юрназь юрнай од пизелкссь толса-

Аф макси якшапненди прянц,

Октябрьсь кярьмазонзон нолси

Вень лешне акшепнихть кудрянц

Лядсь ськамонза сон лата фталу,

Тусть , кадозь кизоц и тундац.

Синь мельгаст каштордозь пильгалу

Пра лопац лопаняс кундаф.

Польдяева

Вирьса кизоть коряс сяда кржа нармонень вайгяльда. Но и сёксень вирьса нармоттне аф лотксихть эрямда. Вов ичкози кулеви калтыема, бта кати-кие молатканяса варчсесыне шуфттнень кемошиснон.Тя шякшатась вешенди сукскат. Вирьге шуфтста шуфтс комотни ёжу сельме урнясь.Сон эряскоткшни анокламс тялонди корма: канни ундонцты панкт, лядыкс пяшттнень.

ВИРЬСА НАРМОТТНЕНЬ и ЗВЕРЬХНЕНЬ ВАЙГЯЛЬСНА(компьют)

 Колташкин

Шумели листья ,облетая,

Лес заводил осенний вой…

Каких-то серых птичек стая

Кружилась по ветру с листвой.

А я был мал, - беспечной шуткой

Смятенье их казалось мне:

Под гул и шорох пляски жуткой

Мне было весело вдвойне.

Хотелось вместе с вихрем шумным

Кружиться по лесу , кричать-

И каждый медный лист встречать

Восторгом радостно- безумным!

Сёксеть тюсонза-Нестёркина Н.

Сёксесь вирьса краскат шорясь,

Шуфттнень ланга эсост ёрясь.

А тюжадонза пяк ламоль

Ися тюсонц валозь валондсь.

Кизоть фатанц нельгозь нельги,

Сяс месс пижеть пяк аф кельги,

Пиже аньцек коста няи ,

Начка тяльмоса сон тяи.

Вадемс пиченалтьке ёрась,

Тона мяленц сёксеть колась:

Ашезь макса пря сон архтомс,

Оржа салмоксонзон валхтомс.

Виде, ялгат «Вирсь –минь козяшиньке».Авторхне вов кода мазыста тянь колга корхтайхть.А шуфтонятнень синцень вайгяльнясна аш.А къда улель, кода арьсетяда:Мезе синь азольхьть?

Воробьёва

Къда шуфттнен улель кяльсна,

Пади тяфта азольхть мяльснон:

Ванфты эрь живойсь эсь прянц,

Ёрай аф повомс зиянц.

Нармонць палоть эзда лии,

Нумолсь пильгонь ширда вии.

Варяняти кеши шеерсь

Ванфтсазь салмоксонза сеельть.

Косова

Улихть шабанятка ствмот

Хоть и эздост афи лама:

Аньцек пачкодихть синь вири,-

Синдихть байдек,синдихть или.

Налхксезь штафнесазь судняньконь

Синнесазь тарад –сурняньконь,

Шуфттьке шуди сельмоведец,

Къда ваткаф судоц –кедец…

Пади тяфта азольхть мяльснон,

Къда шуфттнень улель кяльсна.

Косова Ю

Ну а минь…А минь шуфттама,

Вастстонк ковга аф туфтама

Унксне андсамазь-симдьсамазь

И фкя вастса няк, кирдьсамазь.

Општадсь тол, и вирель коса

Аньцек равжа толдокшт тоса

Кит кърьвяснихне? Конешна,

Аф унжатне и аф мешне,

Аф върьгасне, аф учатне

И аф кельме цярахматтне,

И аф тувось ,и аф сярдсь

Ломанть пяльде сась пожарсь!

Сась и толоц пяльдезь –пяльди

Сембе ворьгодихть ся пяльде

Кие кода содай-машты-

Лии, арды, уии, шашты.

Ну, а минь…А минь шуфттама,

Ковга вастстонк аф тутама

И наругай кода повсь

Лангсонк якстерь шяйтан толсь.

И ся вастса лама кизот

Нармоттне аф тиихть пизот

И аф кассы ксты и панга:

Тиевсь вирень калмаланга!

Презентация пожарть колга.

Учительть валоц.