Разработка урока на осетинском языке: "Архаизмы"
план-конспект урока (6 класс) на тему

                                 Цёлычы астёуккаг скъола

                      Конкурсон гом урочы конспект

                         ирон ёвзагёй 6 къласы

Урочы темё:   Архаизмтё   (Лексикё ёмё  фразеологи)

                                                                Ирон ёвзаг ёмё литературёйы

                                                                ахуыргёнёг  Боциты  А.В.        

                                            1999 аз

Урочы нысан: бацамонын скъоладзаутён архаизмты нысаниуёг,

                         цёмё базёронд вёййынц, кём сё пайда кёнём;

                         сывёллётты удыхъёды рёзын кёнын мадёлон

                         ёвзагмё уарзондзинад, нё ивгъуыдмё- аргъкёнынад;

                         фёсурокты кёсыныл сё цалх кёнын.

Урочы ёрмёг: таблицё ( зёронд дзырдтё), журнал «Ногдзау»,

                           нывтё.

                               Урочы цыд

1. Организацион хай.

(Базонгё уёвын скъоладзаутимё)

2. Рацыд ёрмёг фёлхат кёнын.

- Цы хонём лексикё?

- Цы ахуыр кёны? Ныртёккё сараздзыстём грамматикон хъазт.

  Ёз уын дзурдзынён лексикёйы термин, сымах та мын

   хёсдзыстут йё ныхмёвёрд хъуыды:

  Синоним -   (антоним)

  Бынёттон - (ёрбайсгё)

  Антоним -    (синоним)

  Иунысанон - (бирёнысанон).

    - Тынг хорз, зонут рацыд ёрмёг, уёдё ма цавёр терминты кой не

   скодтам?

   -  Цы амонынц диалектизмтё? Профессионалон дзырдтё?

3. Фёйнёгыл  Чеджемты  Ёхсары  ёмдзёвгёйё  скъуыддзаг, бакёсём - ма йё.

Ирон дзырдтё –

Нё фыдёлты рагон хъёлёстё.

Ирон дзырдтё –

Нё хёххон рыст зёххы бёлёстё.

Ирон дзырд у хурдзёсгом, мады ёнгёс.

Ирон дзырд –

Нё къона, нё мёгуыры къёс.

  - Цы равдыста фыссёг йе мдзёвгёйы, цы у йё хъуыды?

  - Цёимё бары ирон дзырды? Цы йё хоны?

- Сё нысаниуёгмё гёсгё цавёр дзырдтёй спайда кодта поэт?

  (бынёттон, ёппётадёмон)

Кёцы дзырдты нысаниуёг уын у ёнёзонгё?

Дзырдуатон куыст:

Къона – хёдзары артдзёсты бынат, хёдзар.

Къёс  -- хёдзар, фыдыуёзёг.

Абон ацы дзырдтё  ис фехъусён ныхасы? Сымахмё гёсгё цёуыннё?(Хёдзары арты бынат абон бацахста пец, кёмё та – батарейтё дёр, къёс та ссис аивдёр, цёрёгдёр хёдзар)

- Ахём дзырдтё хонём архаизмтё, архи у латинаг дзырд, амоны рагон, зёронд.

4. Афтёмёй, къона ёмё къёс сты зёронд дзырдтё, сё бёсты абон пайда кёнём ёндёр дзырдёй –хёдзар. Фёлё сыл фёмбёлём уацмыстё кёсгёйё, иуёй-иу зёронд адёмёй. Цард цёуы размё, техникон, культурон ёгъдауёй дёр рёзы, ёмё иуёй-иу дзырдтё базёронд вёййынц бынтон - ома, сё пайда нал фёкёнём, иннёты бёсты та фёзыны ног дзырдтё, фёлё сё пайда фёкёнём уёддёр.

5. Таблицёмё гёсгё куыст.

      Така –       згъёрхуд

     Ёлутон –  диссаджы нуёзт

     Къогъодзи – хъусджын къахыдарёс

     Зёнгой –   ёнёбын цъында

     Ёлдар –    хъёздыг, мулкджын лёг

     Хъоды –   нё уыныны, нё нымайыны тёрхон

     Лечъыр –  дохтыр

     Рын –       гуыбынниз

     Арм –       къух

     Ирёд –    усгуры фидинаг

     Цирхъ –  дёргъёццон хъама

- Зёгъут-ма, кёцы дзырдтёй пайда кёнём  абон дёр?  Кём ис фехъусён иннёты та?

6. Тынг раст,уый ныртёккё сбёрёг кёндзыстём. Ёз уын кёсдзынён ёмдзёвгётёй съуыддзёгтё, сымах та дзы ссарут архаизмтё:

Кёсгё та уын сё кёнын журнал «Ногдзауёй»:

 Ххомыладон куыст  ирон журнал, газетты тыххёй.

..Арвыл митгёлёбу хъазы,

Дымгёимё симды бацыд.

Ёз кёсын йё фёзындмё ёнхъёлмё,

Уёлё и, фёзынд мё сёрмё,

Къухёй йём  фёсидтён ёз:

«Мё арм дын уёд хуыссёнуат, къёс».

Митгёлёбу сидтмё ртахти,

М армыл абадт ёмё ртади…      Митгёлёбу. Цомайты Р.

-Цавёр архаизмыл сёмбёлыдыстут скъуыддзаджы?-  Къёс, арм.

Афыссут сё уё тетрёдты.

Арв ёрбахгёдта ёваст.

Тарккъёвда ныууарыди.

Къёртатёй цыма калд раст-

Ацёуёнтё нал уыди..                  Лёгдзинад. Куыдзёгты В.

- Чи айхъуыста фыццагдёр ам та архаизм?  Цавёр у?-  къёрта.

Цёмён у архаизм?

Мыртгёйы гагатё

Калынц цёхёр.

Тыртына абадти

Бёласы сёр…                        Бёркадджын фёззёг. Пухаты  Ал.

_ Цавёр архаизм фехъуыстат ам та? – тыртына (ёхсёрсёттёг)

Бакёсём-ма сё ныр.

Ёрхъуыды – ма кёнут сё иуимё хъуыдыйад.

(Фыссынц ёй тетрёдты, иу скъоладзау та – фёйнёгыл.)

- Хъуыдыйады уёнгтём гёсгё йё ёвзарём.

7. Ныр та куыд бахъуыды кодтат архаизмтё, уый  базондзыстём иу цымыдисаг хъазтмё гёсгё.

Фёйнёгыл уынут дзырдты цёджындз, сё ныхмё та – нывтё. Хъуамё сымах баиу кёнат, ныв ёмё дзырды нысаниуёг иу кём у, уыдон.

Тыртына –

Куыси –

Кёфой –

Тыр(тырын) –

Цирхъ –

Къёпи –

Къуыстил –

8. Рацыд ёрмёг бафидар кёнын. Чиныгимё куыст.

    82-ём фёлтёрён аразынц хибарёй.

9.Кёронбёттён. Бёрёггёнёнтё ёвёрын.

- Цы базыдтат абон урочы?

  Кём фёпайда кёнём архаизмтёй?

10. Хёдзармё куыст. Фёлтёрён 86-ём.