«Урок – киякамо антонимтнень масторов».
методическая разработка (5 класс) на тему

«Урок – киякамо антонимтнень масторов».

        Уроконь целесь:

        1 домкалгавтомс ды келейгавтомс тонавтницятнень  содамочист

        ютазденть;

        2) теевемс содавиксэкс ды парсте чарькодемс одонть; маштомс  

        явомо лия масторстнэсэ эрямонть антонимтнень масторсо  эря-

        монть марто;

        3) кастомс вечкеманть тиринь келентень, тиринь ёнксонтень.  

        Тонавтомань методось: репродуктивной, исследовательской.

        Тонавтомань приёмтне: кортамо(кевкстнема, толковамо), анализэнь теема,

        башка кармавтоматнень лангсо важодема.

Оборудованиясь:   карточкат, артовкст «Теле» теманть коряс, сёрмадовкс марто      

плакат.

«Эрьва культурной ломанентень  васняяк эряви содамс эсензэ тиринь келенть, койтнень, кирдатнень»

Уроконь планось.

1.Оргмоментэсь(1-3м).

2.Тонавтыцянть ушотксонь валось.

3.Ютазенть мельс ледстямось.

1) графической схема лангсо важодемась;

4. Учебник марто важодемась

1) теоретической пельксэнь ловномась;

2) карточка марто доскасо важодемась;

3) топавтезенть ванкшномась.

5. Физкультминутась (оймсемань шка

6. Кортамонь-кастомань туртов максозь шкась

7. Уроконь коряс итогтне.

8. Кудов кармавтомась.

Уроконь молемась.

1. Оргмоментэсь (1-3м).

2. Тонавтыцянть валозо.

Течи минь сыргатано Киякамов АНТОНИМТНЕНЬ масторов. Тынь весе марсиде те мастордонть? Вадря. А течи тынь тынсь ультядо те масторсонть. Ансяк , штобу пачкодемс тенек шумбрынестэ те масторонтень, миненек эряви печтямс зярыя кить-янт.

Васняяк, озатано весе видьстэ, анокстатано внимательнойстэ кунсоломантень, арсемантень, важодемантень.

3.Ютазенть мельс ледстямось ды кемекстамось.

1). Киякамось ушодови, ды васняяк нейтяно икеленек зярыя кирдемат. Вансынек, стакат сынь эли жо аволь. Кие моли ды юты васенце кирдеманть трокс?

Мезентень мерить лексикология?        

Кодат эрсить валонть смустензэ?

Кодат валнэде мерить омонимть?

Кодат валтнэ лововить синонимекс?

Кодат валтнэнень мерить антонимть?

        Эйкакштнэ вейке омбоце мельга молить доскас ды отвечить максозь кевкстематнень лангс.

Примеркс:2-це кирдемась: карандаш, тетрадь, ломань,- вейке смустень валт;

кель,молемс, пелемс- ламо смустень валт.

3-це кирдемась: валаня кель- валаня ки; пси ведь- пси седей; пиже лопа-

пиже эйкакш ,пиже зоря.

Налксема: «Кие седе курок?» Арсемс , мезе можна каямс? Оршамопель, ям, вал, вановт.

Мезе можна коламс? Сулика, балакирь, оршамопель, седей.

Ёвтамс рузокс коламс валонть смустензэ:

коламс сулика                     разбить стекло

коламс балакирь                 разбить кринку

коламс седей                       разбить сердце

коламс оршамопеленть      испортить одежду

Налксема: « Ёвтамс видьстэ».

1. Кодамо крансто а чуди ведесь?
2. Кодамо ки ланга а молеват?

4-це кирдемась:-якамс-лытамс;

молемс-эскелямс-шаштомс;

пижнемс-сееремс-рангомс;

пезнавтомс-сялгомс.

Ней, эйкакшт, лиядсъ тенек пачкодемс масторонтень, конанень мерить «Анто-нимть». Мезе эряви тенек содамс те мастордонть? 1)Васняяк, мекс тензэ мерить истя? 2)Маштомс явомо сонзэ лия мастортнэнь эйстэ. Тенень лезды минек содамочись лия мастортнеде, конатнеде тынь содатадо а беряньстэ. 3)Ванновить доскасо сёрмадозь валтнэ. Мезе невтеви неть валтнэнь вельде?

Покш-вишине;   сэрей-алкине; лембе-кельме;    эчке-човине.

Кодамо кортамо пельксэнь кармить улеме неть валтнэ? -Вейке ды теке кортамо пельксэнь.

Учебник марто важодемась.

1. Ловнови теоретической пельксэсь 78-це стр.
2. Валмеревкстнень ловномась 77-це стр.

Карточка марто важодемась доскасо (2 тонавтницят)

Муевить антонимть валтнень: од-сыре, ташто; раужо-ашо; авардиця-пейдиця; верькс-алкс; пшти-ношка;

Муемс валтнэнень синонимть:

Ялга-оя; ташто-сыре-умонь; ки-яннэ; вадря-паро; тантей-ламбамо; молемс-эскелямс-шаштомс.

Эйкакштне тейть упражнениятнень. Вейке, кавто, колмо, ниле, Ялгат, весе минь сезинек. Аламошкас оймсинек, Одов ливтязь туинек.

Ливтинек минь, ливтинек, Лей чиринес озынек. Кельме ведте симинек Оде эсь тевс минь кундынек.

Кортамонь кастомань туртов максозь шкась 1. Эйкакшт ёвтынк, зяро иенть шканзо? Кодат?

 -Кизэ, Сексь, Теле, Тундо.

 Ней кодамо иень шкась моли?

-Теле.

Вечкеви тенк иень те шкась? Мекс? Кодат телень аштема чить содатадо? -Од ие, Рожтува, Крещения.

Кода ютавтневить неть аштема читне? Евтнемс эйстэдест. (ёвтнить).

2.        Артовкс лангсо важодемась.

Весе варштадо артовкстнэнь лангс, арсемс ды ёвтамс ёвтнема превстэ. Кода лемдяви артовксось?    -Телень чи.

Апак учо сась якшамо телесь. Ловось прась ды истяк кадовсь. Перть пельксэсь вельтявсь, мерят, ашо ватасо. Кандыловось пештинзе сэрей шушмосо ульцятнень, кудотнень удалов теевсь мик ловонь пан до. Эйкакштне кирякстнить сокссо ды нурдынесэ, тейть ловнясъкеть ды лия мезть. Весе кецнить.

Кецнить валонтень пурнамс синонимть: кенярдыть, радовить.

3.        Эйкакшт, содатадо эли а содатадо стихть теледе? (примерке)

Телесь сась, телесь сассь Ламо кеняркс тенек сассь...

Ловось прась, ловось прась Сонзэ марто телесь сассь. Ушосонть теевсь якшамо, Виев вармат кармасть само.

Уроконь коряс итогтне.

1. Мезе лангсо роботынек течинь урокстонть?
2. Мезенть эряви кирдемс мельсэ-превсэ?
3. Доскасо таблицанть коряс готазенть коряс кемекстамось ды итогтнень теемась.
   (тонавтницясь тей).

Кудов кармавтомась:

23-28-це параграфтнень лецтямс ды кемекстамс. Анокстамс сочиненияс «Телень чи» теманть коряс.