Җөмлә кисәкләре буенча тест (4сыйныф, татар төркеме)
тест по теме

Җөмлә, җөмлә кисәкләре буенча тест (4кл. Тат т.)

I дәрәҗә

    1. Тәмамланган уйны белдерә торган сүз яки сүзләр тезмәсе

            а) җөмлә;

            ә) сүзтезмә;

            б) хәбәр дип атала.

    2. Бу нинди җөмлә?

          Син дәресләреңне әзерләдеңме?

             а) хикәя җөмлә;

             ә) боерык җөмлә;

             б) сорау җөмлә.

     3. Җөмләнең баш кисәкләре булып

             а) хәл, хәбәр;

             ә) ия һәм хәбәр;

             б) аергыч һәм ия килә.

     4. Баш кисәкләре дөрес билгеләнгән җөмләне күрсәтегез.

            а) Авылыбыз көннән-көн   матурлана.

            ә) Без ашыкмыйча гына атлыйбыз.

            б) Яңа мәктәбебез зур.  

     5. Ия

             а) Кем? Нәрсә?

             ә) Нишли?

             б) Ничә? соравына җавап бирә.

     6. Бу нинди җөмлә?

             Эт өрә.

             а)җәенке җөмлә;

             ә) җыйнак җөмлә;

             б) дөрес җавап бирелмәгән.

II дәрәҗә

     1. Баш кисәкләрдән генә торган җөмлә

             а) җәенке җөмлә;

             ә) җыйнак җөмлә;

             б) сүз җөмлә дип атала.

       2. Аергыч җөмләнең

             а) баш кисәге;

             ә) эндәш сүз;

             б) иярчен кисәге була

      3. Җөмләнең ия турында хәбәр итә торган баш кисәге

             а) тәмамлык;

             ә) хәбәр;

             б) аергыч дип атала.

      4. Җыйнак җөмләне җәенкеләндереп языгыз.

             Утлар кабынды.

      5. Тиңдәш кисәкләр дип

            а) бер үк сорауга җавап бирүче һәм бер үк сүзне ачыклап килүче сүзләр;

            ә)  ия белән хәбәр;

            б) иярчен кисәкләр атала.

      6. Сүзләрне тиешле урыннарга куеп, җөмләләр төзеп языгыз.

            а)  бер, һәйкәл, бар, матур, авылда, безнең;

            ә)  саклыйбыз, без, кадерләп, һәйкәлне, бу.

III дәрәҗә

      1. Баш кисәкләрдән тыш иярчен кисәкләре дә булган җөмлә

             а) җыйнак җөмлә;

             ә) җәенке җөмлә;

             б) сүз җөмлә дип атала.

      2. Ия белән хәбәр җөмләнең

             а) баш кисәкләре дип;

             ә) иярчен кисәкләр дип;

             б) тиңдәш кисәкләр дип аталалар.

      3. Схемага туры килә торган җөмләне билгеләгез.

               Аергыч + ия + хәбәр.

             а) Зәңгәр күктә кояш елмая.

             ә) Мин – укучы.

             б) Ямьле яз җитте.

       4. Татар телендә ия

              а) хәбәрдән артта;

              ә) хәбәрдән алда;

              б) җөмләнең теләсә кайсы урынында килә.

        5. Бирелгән сүзләр белән сүзтезмәләр төзеп языгыз.

               а) тәрбияле  ...;

               ә) тиз  ...;

               б) урмандагы ... .

         6. Җөмләләрдән ия белән хәбәрне генә язып алыгыз.

               а) Бу кайтуымда мин чишмә янына бардым.

               ә) Кешеләр чишмәгә яңа юл ачканнар.