Конспект урока по удмуртскому языку "Безличные предложения"
план-конспект урока (9 класс) по теме
Конспект урока по теме "Безличные предложения" по учебнику «Удмурт кыл, 8-9 класс» ( авторы Ушаков Г.А., Ермокина Н.А.)
Скачать:
Вложение | Размер |
---|---|
![]() | 59.5 КБ |
Предварительный просмотр:
«Безличной веранъёс» ( предложениос) урок.
Та урок ортчытыны дэмламын укмысэти классын, анай кылзэс тодисьтэм дышетскисьёсын. Милям малпаммыя, уроклэсь люкетъёссэ луоз кутыны удмурт кылэз тодись нылпиосын но. Урок пыре «Простой веранъёслэн составзыя портэмлыкъёссы» главае.
Валтись ужпум: безличной веранъёслэн тодметъёсынызы (признакъёсынызы ) тодматон.
Мукет ужпумъёс: дышетскисьёсын текстысь безличной веранъёсты
(предложениосты ) висъяно, жутоно нылпиослэсь мылкыдзэс безличной веранъёс пормытъяны но кутыны вераськетазы, удмурт кылын вераськыны быгатэмзэс волятоно, веранъёсты составзыя вошъяно, дышетоно удмурт крезьгурлэсь чеберзэ шодыны, ог-огедлы юрттон мылкыд пычатоно, лулчеберет удысысь иворъёсын тодматоно.
Уроклэн типез: комбинированной. Уже кутэмын группаен ужан амал, урок пуктэмын тазалыкез утись технологиосты лыдэ басьтыса.
Дышетонлэн амалъёсыз (методъёсыз): тодон-валан сётонъя та урокын кутисько кылтирлык амалъёс ( словесной амалъёс) - валэктон, мадён
( объяснение, рассказ, беседа), дидактика ласянь - выль тодон-валан сётон урок.
Урокын кутэм дышетон средствоос: технической (магнитофон, магнитной доска), инкуазь суредъёс, туспуктэмъёс.
Возьмано результат: дышетскисьёс быгатозы тодманы безличной веранъёсты текстысь но кутозы вераськоназы.
Уроклэн мынэмез :
Орг. момент
Дышетись. Чырткемесь, пиналъёс! Учке, ай, кыче шундыё нунал туннэ! Мынам мылкыды туж умой! Нош ти кыче мылкыдын лыктиды уроке?
Дышетскись. ( Нылпиос верало мылкыдзэс).
Ортчемзэ тодэ ваён (Повторение)
Дышетись. Кылем урокын асьмеос ортчим определенно-личной но неопределённо-личной веранъёсты. Али эскером тодон-валандэс. Доска вылын сётэмын куинь веран, но кылъёсыз сураськыса вуттиллям . Ужаськом группаосъя (кокькуд группалы 1 веран), кык минут куспын чебер предложение кылдытиськом но зуч кылэ берыктиськом (кылъёс азьло ик дасямын луыны кулэ доска вылын кагаз вылэ гожтыса).
Дышетскись. (Котькуд группа доска дорын ужа, кылъёсты интыяз пуктылэ.)
1.ШУМПОТИСЬКО 2.ШУНДЫ 3.ЛЫМЫГЫРЛЫОСТЫ
ВУЭМЛЫ ЖАЛЯТЭК ВОРДИСЬКЕМ
НУНАЛЪЁС ЛЫМЫЕЗ КУЗЬМАЗЫ
ТУЛЫС ТЫЛСИОС НУНАЛАМ
ШУНТО ЯРАТОНО
СЯСЬКАОСМЕ -
Дышетись. Дыр ортчиз, ойдолэ учком, мар тиляд пормиз.
Дышетскись. (котькуд группась 1 адями веранзэ лыдзе но зуч кылэ берыктэ.)
1. Шумпотисько тулыс нуналъёс вуэмлы.
2. Шунды тылсиос лымыез жалятэк шунто.
3. Яратоно сяськаосме – лымыгырлыосты, вордиськем нуналам кузьмазы.
Дышетись Али сак учкиськом та веранъёс шоры. Кудиз луэ мултэс? Малы?
Дышетскись. Мултэс луэ кыкетиез веран, малы ке шуоно та предложение двусоставной, нош нырысетиез но куинетиез - односоставной.
Дышетись. Туж умой! Вералэ, пожалуйста, нырысетиез веран составезъя кыче луэ?
Дышетскись. Односоставной определённо-личной.
Дышетись. Молодец! Куинети веранэз эскером.
Дышетскись. Та предложение односоставной неопределённо-личной.
Дышетись.( Дышетскись лыдзе 2-ти веранэз, нылпиос со сьоры верало, куинез-ньылез пиналъёс жогверанэз сямен верало.
Выль материал
Дышетись. Тетрадьёсмес усьтыса, гожтом число но темаез – Безличной веранъёс. Мон тодисько, таче темаез ти ортчиды ни зуч кылъя урокъёсын. Ойдолэ тодамы ваём, кыче веранъёсты безличной шуо. Малы та предложениосты озьы нималлям?
Дышетскись. ( Пиналъёс верало малпанъёссэс).
Дышетись. (Дышетись кылзэ, янгышъёссы вань ке, классэн чош тупато). Табере учком та предложениослэсь удмурт кылын кутиськемзэс. Кызьы ти шуиды ини , безличной шуо сыче односоставной предложениез, кудиз маке каремлэсь ас эрказ ортчемзэ возьматэ. Та веранъёсын кинлэсь ма каремзэ уг верало. Подлежащеез овол, сказуемоез гинэ вань . Чемгес безличной веранъёс кутиско огшоры вераськонын (дышетись мадёнзэ азьланьтэ схемая, кудиз вазен ик дасямын ини).
( схемаез учке вуоно бамысь).
Безличной веранъёс (предложениос)
Подлежащеез овол , сказуемоез гинэ вань. Лицоез овол.
Сказуемой верамын луэ:
1. Глаголлэн безличной формаеныз
Котькыче ужез дыраз быдэстоно.
2. Глаголлэн неопределённой формаеныз
Мыныны кулэ.
3. Наречиен.
Кырын кезьыт.
Валатонзыя (семантиказыя) безличной веранъёс возьматыны быгато:
1.Портэм физической, психологической состояниосты
Пельын жонгетэ.
Солы али туж секыт.
2. Кулэлыкез.
Чуказе собрание ортчытоно.
3. Инкуазь явлениосты.
Сюрес вадьсын юн гудыртиз.
Дышетись.( уроклэсь азьвыл ик суредъёсты интыяно доска вылэ) Учком та суредъёсты. ( 5 суред:
Лымыя
Зоре
Вожектэ
Тулкымъяське
Чашйиз)
Суредъя кылдытоно безличной веран. Нырысети суредысь мае адзыны луэ?
Дышетскись. Лымы усе.
Дышетись. Янгыш. Асьмелы кулэ кылдытыны односоставной безличной веран. Кыче безличной предложение малпаны луоз?
Дышетскись. Лымыя.
Дышетись. Туж умой! ( дышетись пиналъёсын котькуд суредъя ужало)
Ваньмыз кылдэм безличной веранъёс мае возьмато?
Дышетскись. Та безличной веранъёс возьмато инкуазь явлениосты.
Дышетись. Шонер.
Озьыен, лэсьтом огъян ( вывод). Безличной веран – со …
Дышетскись. ( нылпиос схемаез лыдэ басьтыса сёто валэктон. Дышетись сак кылзэ, янгышъёсыз вань ке, тупатэ.)
Тодон-валанэз эскерон (Закрепление)
Дышетись. Али быдэстом учебникъя 155-ти ужез ( 63-ти бам ). Лыдзом, мар лэсьтыны кулэ.
Дышетскись. Сётэмын личной предложениос, соосты безличной карыса гожъяно.
Дышетись. Ужаськом тетрадямы.
(борсьысь борсе нылпиос доска доры пото, кылдытэм безличной предложенизэс гожто.
Дышетись. Туж быгатыса ужады, визьлюкъёсы! Нош али мон лыдзо предложение. Ти кулэ берыктыны зуч кылэ но характеристика сётыны веранлы. Кылзиськом!
Крезьгурез кылзыса, мыным капчи луиз.
Дышетскись.Та веран односоставной безличной.
Дышетись. Семантикаезъя мае возьматэ? Сказуемоез маин верамын? (схемаез учкиськом)
Дышетскись. Та безличной веран возьматэ физиологической состояниез.
Сказуемоез верамын наречиен.
Дышетись. Туж умой! Кызьы ти малпаськоды, крезьгур быгатэ-а адямилэсь мылкыдзэ воштыны?
Дышетскись. Пиналъёс мылкыдзэс верало.
Дышетись. Эскером. Али крезьгур кылзом. Уж таче - арлэн кыче вакытэз сярысь вераськон мынэ, нош кыкетиез юан - кин кырза та шулдыр кырзанэз ?
(Дышетись лэзе Г.Ганьковлэсь « Тулыс сяськаос жужаку» кырзанзэ.)
Дышетись. Кыче мылкыдды кырзан бере, кельшиз-а ? Пуктэм юанъёслы валэктон сётыны быгатиськоды-а? (пиналъёс валэктон сёто)
Дышетись. Шонер, кырзан тулыс сярысь , быдэстэ Геннадий Ганьков
(Д. возьматэ артистлэсь туспуктэмзэ.) Шумпотомы ваньмы чош Г.Ганьков понна, малы ке шуоно оштолэзе, 2007-ти арын яратоно кырзасьмылы сётэмын «Удмуртиысь калык артист» дано ним. (Удмурт дунне. 2007 ар. 11-ти оштолэзь).
Дышетись. Тулыс - арлэн самой чебер но шулдыр вакытэз, дыр. Ти монэн соглаш -а? (пиналъёс верало малпанзэс). Таиз ужмы герзаськемын луоз арлэн тужгес ненег вакытэныз - тулысэн. ( Урок азьын ик дасямын кылъёсын магнитной доска ). Магнитной доскаын возьматэмын кылъёс , асьмеос кулэ кельтыны сыче кылъёсты, кудъёсыз герзаськемын тулысэн. Али борсьысь борсе потиськом, басьтиськом мултэс кылэз, вераськом на зуч кылын.
Магнитной доска
ГУДЫРИ СЬОД КУАКА ВУ
ЛЫМЫ ПЫРЫ
УЗЫЯНЫ
ТОДЬЫ
ГОРДЭКТЫНЫ
ШУНДЫ ПУЧЫ
ШЫРЧИК КЕЗЬЫТ
ШУНТЫНЫ
ЗОР КЫНМЫНЫ
ВОЖ ТУРНАНЫ
Дышетись. Берпуметиез уж - магнитной доска вылысь кылъёсты кутыса, малпано пичи гинэ текст. Тырше пыртыны текстады безличной предложениос. Ужаськом группаосъя (3 рад- 3 группа). Кутсконэз сётэмын доска вылын - Кырын туннэ зол шунтэ. Ужаськом 5-7 минут. Собере тодматском ужъёсыныды. ( Нылпиос ужало. Дышетись вуэ котькуд группае, эскере гожтэмзэс.)
Дышетскисьёс лыдзо ужъёссэс (группаысь одиг адями). Класс пыриське эскеронэ. Дышетись котькуд ужлэсь зеч палзэ шедьтэ.
Доре уж (Домашнее задание )
Дышетись. Дорады кулэ луоз малпаны ньыль чуръем тулыс сярысь кылбур, безличной предложениосты кутыса. Малпасько, вуоно урокын монэ шумпоттоды чебер чуръёсыныды. Кинлы секытгес потоз та уж, быгатозы удмурт кылбурчиослэсь чуръёссэс дышетыны. Юанъёсты вань-а?
Уроклы йылпумъян (Итог урока)
Дышетись. Вералэ, пожалуйста, мар выльзэ та урокын ти тодиды? (пиналъёс верало). Кыче предложениосты шуо безличной? Кызьы тодманы луоз та веранъёсты? (дышетскисьёс валэкто)
Дышетись. Ваньдылы ик бадзым тау шуэме потэ пайдаё ужамды понна. Зеч луэ ! ( Дышетись нылпиослэсь ужамзэс дунъя)
Ямщикова Елена Николаевна
удмурт кылъя но литературая дышетись.
Ижкар, 60-ти школа.
Валэктон.
Укмысэти классын удмурт кылэз дышетонлы висъямын кык час арняяз, дышетскон ар куспын 68 час. Сизьымети классось дышетскисьёс удмурт кылын тодматскизы «Анай кыл» учебникъёсъя, нош тямысэти классысен валтись учебник луэ «Удмурт кыл, 8-9 класс», авторъёсыз Ушаков Г.А., Ермокина Н.А. но мукетъёсыз. Ужан прграмма гожтэмын та учебник вылэ пыкиськыса но таче методической пособиос кутыса: Никольская Г. Н. «Удмурт кыллы но литературалы дышетон программаос. 2002.» ; Журавлёва А.Н. «Анай кылзэс тодисьтэм пиналъёсты удмурт кыллы дышетон программа. 1993.»
Кар условиосын улыса, валамон ини, удмурт кылэз дышетиськом кыкети кыл чотын ( удмуртский язык как второй ). Таин валче курслэн валтись ужпумез – пиналъёсты удмурт кылын вераськыны дышетон. Мукет ужпумъёс – элькунмылы, калыклы, удмурт кыллы гажан мылкыд пычатоно, матысь кусып возёно печатной изданиосын – « Зечбурен», «Удмурт дуннеен», пиналъёсты удмурт кылэн тунсыкъяськытон понна уже кутоно «выль орез» - мультимедийной дискъёсты, ИКТ-ез, пыриськоно карын ортчись ужрадъёсы.
Удмурт кыл пиналъёслэн йырвизьмазы кемалы мед кылёз шуыса, урокъёсын чем кутиськом трос пол веранэз (многократное проговаривание), аудирование, творческой ужъёсты быдэстонэз, кытын котькуд нылпи дышетске класс азьын вераськыны, ассэ возьыны. Озьы ик ум вунэтиське дифференциальной амал сярысь, малы ке шуоно вань нылпиос, кудъёсыз бергес кутскизы дышетыны удмурт кылэз, тодон-валанзыя но нылпиос портэмесь. Одно ик кутиськом ужамы тазалыкез утись технологиосты.
По теме: методические разработки, презентации и конспекты
![](/sites/default/files/pictures/2013/01/24/picture-23410-1359040033.jpg)
План-конспект урока по теме "Безличное предложение"
Конспект вторго урока по теме "Безличное предложение" и рабочие материалы....
![](/sites/default/files/pictures/2012/11/30/picture-155227-1354288428.jpg)
конспект урока "Двусоставные и односоставные предложения"
В разработке представлены все части урока: объяснение, закрепление, контроль. Учащиеся на примере художественных текстов учатся видеть двусоставные и односоставные предложения, указывать тип предложен...
![](/sites/default/files/pictures/2013/02/22/picture-209574-1361529620.jpg)
Конспект урока по теме "Осложнённое предложение. Пунктуация при обособленных определениях, обстоятельствах, при вводных словах, уточняющих членах предложения"
Урок русского языка в 11 классе в рамках подготовки к ЕГЭ...
ПЛАН-КОНСПЕКТ УРОКА по теме : "Односоставные предложения. Предложения определённо-личные".
Урок изучения нового матеоиала в 8 классе с использованием ЭОР....
Конспект урока "Понятие о сложном предложении. Виды сложных предложений" 11 класс
Урок в 11 классе с использованием Сингапурских структур с презентацией....
Конспект урока русского языка "Простое предложение. Грамматическая основа простого двусоставного предложения. Способы выражения подлежащего".
Материалы данного урока предназначены учителям русского языка и литературы. ...