Программат
рабочая программа (7 класс) на тему

                                                                                   Календарно – тематический план 10 КЛАСС

1.1. ПОЯСНИТЕЛЬНОЙ ЗАПИСКАСЬ

   «Сисемеце классонь мокшэрзянь литературань робочей программась» теезь «Эрзя-мокшонь литературань программат 5-11-це класстнэнень» пособиянть коряс, конань кемекстызе Мордовия Республикань Образованиянь министерствась 2010-це иестэ.    

Ламо лия предметнэнь ютксто неявикс тарка явови эрзя-мокшонь литературантень. Литературась сехте пек лезды тонавтницятненень чарькодемс эрямонть, перть пельксэнь явлениятнень, домкалгавты превест-мелест, сюпалгавты кель-валост, кепеди кортамонь ды сермадомань келень культураст, келейгавты эстетической вановтост.

Литературань произведениятнень вельде тонавтницятне седе парсте кармить содамо эсь народонть оймензэ-иланзо, тевензэ-валонзо, седикелень эрямонзо-аштеманзо, коензэ-кирданзо, тиринь кельсэнть пингеде пингес пурнавозь питнейчинть.

Сехте покш целесь, кона путови тиринь литературань уроктнень икелев, те – тонавтомс эйкакштнень тиринь келентень ды литературантень, сынст вельде чарькодемс эсь народонть историянзо.

Родной литература предметэнть улить эсензэ задачанзо. Сехте покш задачась, кона ашти икелензэ – теемс эйкакштнень содавиксэкс народонть валонь искусстванзо март оды сонзэ вельде чарькодемс народонть эрямонь зэмензэ.

Сисемеце классонь литературань программась строязь историко-литературной принципенть коряс. Лиякс меремс, пельксэнь-пелькс тонавтневить литературань историянь касомасо эскелькстнэ. Тень кисэ совавтозь кода обзорной, истя жо монографической темат. Обзорной тематнесэ ванновить писательтнень творческой изнявксост те или тона иестэнть, се шканть литературанть лувозо, художественной методонть кемекстамось.

Васенцекс максовить фольклоронь произведениятне. Неть произведениятне тонавтыть эйкакштнень кеме ялгаксчинтень ды прянь парсте ветямонтень, паронь ды берянень чарькодеме.

Седе тов ванновить икелень шкань эрямодонть произведеният.

Мейле программанть поладыть минек мастордо произведениятне.

Программасонть максовить теоретико-литературной чарькодемат ды эсь мельсэ ловноманть туртов произведеният.

1.2. КУРСОНТЬ СОДЕРЖАНИЯЗО

(68 ч.)

Эпической морот: «Моро Пугачёвдо», «Вирь чиресэ», «Шаткинань паксясь» (2 ч+1ч.к/к)

Эпической моротнень жанрань коряс явовомаст: исторической морот, балладной морот, мифологической морот.

Исторической моротне: «Моро Пугачёвдо», «Вирь чиресэ», «Шаткинань паксясь».

«Моро Пугачёвдо». Пугачёвонь эрямонзо коряс кортамось. Пу-гачёвонь коряс рузонь кельсэ сёрмадозь книгатне. Те моросонть

путозь кевкстематне. Народонть олячинть кисэ сюпавтнень каршо тюремась, видечинть вешнемась. Пугачёвонь войскатнесэ мокшэрзятнень ды лия народтнэнь уцяскав эрямонть кисэ тюремась. Моронть зэменть смустезэ ды художественной башка ёнксон-зо. Пугачёвонь образось.

«Вирь чиресэ» моросонть мокшотнень, эрзятнень ногаень полоне саемаст, полоне понгозь ломантнень эрямост-аштемаст, ёжо-марямост. Произведениясонть тиринь масторонть вечкемась. Паксинень обуцянь ёнксонзо. Моронть кель-валонь сюпавчизэ.

«Шаткинань паксясь» — крепостной праванть, мокшотнень ды эрзятнень лангсо нарьгицятнень каршо тюремадо моро. Минек раськенть олячинзэ ды уцяскав эрямонтень кемеманть невтемась. Облозов бояронть раужо оймедензэ ды тевдензэ ёвтнема. Моронть зэ-мень смустензэ панжомсто художественной средстватнень лезкеэст.

Лирической морот: «Умарина», «Луга лангсо килейне»,   «Вай, иля пува, варма, вирь ланга», (3 ч)

     Лирической моротнеде чарькодема. Сынст идейно-тематической сюпавчись. Моротнень эйсэ лирикань ды эпикань эле-менттнэнь вейкень-вейкень марто кеме сюлмавомась. Лирической моротнень жанровой формаст: эрямонь-аштемань, важо-демань, пеедькшнеманьдыкиштемань, солдатксчиде, эйденьва-номань ды пертьпельксэнь мазычиде морот.

Лирической моротнесэ эрямонь койтнеде, пертьпельксэнть мазычиде, вечкемадо евтнемась. Нузякстнэнь, тевень а содыцятнень пеедькшнемась, важодицятнень шнамось. Соддатонь лирической моротнень башка ёнксост. Авань стака эрямодо моротне.

«Умарина» моронть идейно-тематической ёвтнема лувозо. Ума-ринась, кода образ-символ, конань вельде невтеви аванть кезэ-рень шкане стака эрямозо. Умаринанть, сыре чувтонть марто кор-тамонть вельде ломантнень майсемадо евтнемась. Кель-валонь мазычинь невтиця средстватне, конат сайневить умаринань обра-зонть невтемстэ ды моронтень седей лембень путоманть пингстэ.

«Луга лангсо килейне» моросонть раськень оймесь ды эрямонтень певтеме вечкеманть невтемась. Килеенть образось. Моронть кель-валонь сюпавчизэ. Эпитеттнэнь ды повторямотнень таркаст тейтеренть мазычинзэ ды виев вечкеманзо невтемстэ. Моросонть киштемань ритмикась, эйсэнзэ повтортнэнь эрявиксчист «Вай, иля пува, варма, вирь ланга» раськень моронть темазо. Седикелень инязоронь армиясо солдатонть стакадояк стака служамонть невтемась. Моросонть раськень нусманя ёжомаря-монзо ёвтамось, сонзэ лужанячись. Келень-валонь мазычинь невтиця средстватнень эрявиксчист моронть смустензэ панжо-масо.

«Дирювонь Федя» моросонть солдатонь моротнень темась. Моронть башка ёнксонзо. Аванть стака эрямонзо невтемась.

 «Масторава», эпос (пурныцятне Г.Я. Меркушкин, В.В. Горбунов, А.Д. Шуляев, A.M. Шаронов) (4 ч.)

«Масторава» эпосось — минек раськень алкуксонь произведения. Эйсэнзэ кезэрень пингень раськенть чачомазо-касомазо, коензэ-иланзо теевемась. «Масторава» эпосонть малавиксчизэ лия народонь классической эпостнэнь марто.

Эпосонть сюжетэзэ, композициязо. Эпосонь кото пелькстнэ: Мастор чачомась, Уцяскань вешнемась, Тюштянь азорксчись, Од азоронь кочкамось, Масторонть ризнэмась, Вейсэндявомась.

                                                                Яков Яковлевич Кулдуркаев        

«Эрьмезь», поэма (4ч)

Я.Я. Кулдуркаев — эрзянь содавикс поэт-сказитель. Сонзэ эрямонь ды шкинемань кизэ. Поэтэнть васенце произведениянзо, конат лиснесть эрзянь ды мокшонь газетатнесэ ды журналтнэсэ.

«Эрьмезь» поэмась — ногаецтнэнь каршо эрзятнень ды мокшотнень тюремадо произведения^/Цоэманть сюжетэзэ ды геро-ензэ. Эрьмезь богатыренть образось. Героенть тюремазо эсь раськенть уцясканзо кис.

Поэмасонть минек раськенть героической тевензэ-валонзо невтемась. Пургасонь ды Пурейшань образтнэ. Произведения-сонть видечинть шнамось ды манчеманть сялдомась. Видечинть кис весе мельсэ аштемась. Алкуксонь эрямосто событиятнень ды эрямо коитнень,арсезенть марто парсте вейс сюлмамось. По-эманть кель-валонь сюпавчизэ.

Максим Афанасьевич Бябин (Максим Бебан) «Ушмань Байкась», поэмась (4 ч)

М.А. Бебанонь произведениянзо сюлмавомаст" фольклоронть марто. Фольклоронть пельде сёрмадеенть свалшкань тонавтнемазо.

«Ушмань Байкась» поэманть ёвтнема лувозо. Поэманть идейно-тематической смустезэ. Сонзэ домка сюжетэзэ. Монголо-та-тартнэнь каршо тюремась.

Байка од цёранть полоне саемась ды тесэ сазоронзо марто вастовомась. Сазоронзо ногаецэнть экшсэ а шожда эрямонзо невтемась. Сонзэ образонзо вельде чачома ёнксонть вечкеманть панжомась.

«Ушмань Байкась» поэмасонть кель-валонь мазычинь невте-мань средстватне. Сюпав кель-валось, кона лезды седе парсте панжомс пшти конфликтэнть, невти сонзэ трагической пензэ.

«Ушмань Байкась» поэманть идейно-художественной ды ис-торико-познавательной питнезэ неень шкане.

Тимофей Алексеевич Раптанов «Татю», повесть (4ч+1ч.к/к)

Т.А. Раптанов — эрзянь содавикс писатель-прозаик. Сонзэ эрямозо, шкинемазо ды минек литературантень покш путов-ксозо. «Татю» повестенть тарказо сёрмадеенть шкинемасо. Эрзятнень ды мокшотнень икелень шкань эрямост максозь событиятнень вельде невтемась.

Иван атянь образось. Сонзэ стака эрямонзо ды эрьвачинь тевензэ-валонзо эрьва ёндо невтемась.

Татюнь образось. Эрямонть лангс вановтонзо аламонь-ала-монь полавтомась ютыця событиятнень коряс.

«Татю» повестенть художественной ёнксонзо: геройтнень потмоёжост домкасто невтемась, эрзятнень ды мокшотнень эрямонь-аштемань коитнень ёнксост панжомась.

Пётр Иванович Левчаев  - «Кавонст кудат», повесть (4 ч.)

Тонавтыцянть валозо П.И. Левчаевде.

«Кавонст кудат» повестьсэнть эрзятнень ды мокшотнень XIX пингестэнть инязоронь Россиясо эрямост невтемась. Минек раськенть эрямонзо'невтемстэ велень эрямонь коитнень панжомась. Велень те шкань эрямосонть ломантнень ютксо авейкетькс-чинть каршо бороцямось.

«Кавонст кудат» повестенть виев ёнксонзо: велень эрямонь коитнень, келень сюпавчинть, важодиця ломантнень тевест-в'а-лост ды ёжомарямост видестэ невтемась.

Илья Прокофьевич Кишняков «Самолётось понгсь пель поте», евтнемась (2 ч+1ч.к/к)                                                                          

Сёрмадеенть эрямонь ды шкинемань кизэ. Сонзэ Ине Отечественной войнасо авиациясо служамось. Невтезь событиятнень парсте содамось.

«Самолётось понгсь пель поте» ёвтнеманть драматической сюжетэзэ ды героензэ. Народонть ютксо кеме ялгаксчинть не-втемась. Ёвтнеманть превс путомань покш лезэвчизэ. Ёвтнеманть смустень зэмезэ — вейке вейкень седеймарямось, эрямонь стакачитнень изнямось.

Максомс вейкетстязь характеристика самолётсо тайгас празь ломантненень.

Ёвтнеманть башка ёнксонзо: аламо валсо домка мельтнень ды
эрямонь лувонь саевкстнэнь невтеме маштомась, пертьпель-
ксэнть смустезэ событиятнень невтемстэ.        

Александр Константинович Мартынов «Монь лемем — Россия»,           стихотворениясь (1ч+1ч.к/к)

Ине Отечественной войнань темась А.К. Мартыновонь шки-немасо. Минек масторонь ломантнень героизмаст шнамось. Патриотизмань лувтне сонзэ шкинемасо.

«Монь лемем — Россия» стихотворениянть патриотической ёвтнема лувозо, Россиянь народтнэнь ютксо ялгаксчинть, фрон-тонть ды тылэнть вейкеть мелеет невтемась. Ёжомарямонь не-втемась стихотворениясонть. Лирической героенть Родинанть кис мелявтомазо. Олицетворениянть тарказо Россиянь обра-зонть панжомсто.

Стихотворениянть художественной ёнксонзо, сонзэ компози-циязо ды кель-валонь мазычизэ.

Василий Никанорович Радин «Весе минь ломантяно», повесть  (5ч+1ч.к/к)                        

В.Н. Радинэнь эрямонь ды шкинемань кизэ. Ине Отечественной войнасо улемазо. Войнань темась сёрмадеенть шкинемасо: «Раужо кши», «Присяга», «Азоронть мелявксонзо» ды лия ёвтне-матне, «Весе минь ломантяно» повестесь.

«Весе минь ломантяно» повестьсэнть прянь ветямонть вешне -мась. Стака шкасто оймень ваньксчинть ванстомась. Лиянь кисэ седеень сэредстемань темась. Ярцевень ды Лидань. образост.

Александр Сергеевич Щеглов   «Алкуксонь вечкема», повесть (4 ч+1ч.к/к)

А.С. Щеглов — содавикс эрзянь поэт, прозаик ды драматург, кона ламо вий путсь минек литературасонть военно-патриотической темас сёрмадозь повестень жанранть касомантень. «Алкуксонь вечкема» повестьсэнть минек масторонь разведчиктнень тевест невтемась ды оймеёжонь мельтнень-превтнень видестэ невтемась, проблематнень панжомась.

Николаев лейтенантонть, Вагинэнь, Шишовонь, Лида мед-сестранть ды Данилка цёрыненть образтнэ. Сынст вельде минек масторонь ломантнень мазычист. Ррдинань вечкеманть невтемась. Повестень геройтнень невтемстэ кель-валонь мазы-чинь невтемань средстватне (валсо портретэнть теемась, корта-

мотне, пейзажось).

Произведениясонть фронтовой эрямонь алкуксонь событият-не, гуманистической пафосось, романтической героикась ды исторической оптимизмась.

Александр Степанович Малькин «Каргтне тердить кудов»,          стихотворениясь (2 ч)

А.С. Малькин — содавикс мокшонь поэт-лирик. Чачома ёнксонь ды тиринь масторонь вечкемадо «Каргтне тердить кудов» стихотворениясонть. Поэтэнть эсензэ мелензэ-арсеманзо ёвта-мось лирической героенть мелявтоманзо вельде.

Произведениянть выразительнойстэ ловномась, художественной башка ёнксонзо чарькодемась. Стихень сёрмадома башка ёнкстнэ.. Кель-валонь мазычинь невтиця средстватне, конатнень вельде поэтэсь невти тиринь масторонть мазычинзэ ды ломант-нень сюпав потмоёжост.

Юрий Фёдорович Кузнецов «Гайгиця баягинеть» (Эйкакшпорань картинат),

повесть (5 ч+1ч.к/к)

Ю.Ф. Кузнецовонь эрямонь ды шкинемань кизэ. Сонзэ путов-ксозо минек литературасо лирической повестенть касомантень.

«Гайгиця баягинеть» повестенть тарказо сонзэ сюпав шкине-масонть. Повестьсэнть лирической героенть талновтыця лед-стнеманзо эйкакшпорадо, чачома-касома крайденть, содавикс ломантнеде, роднядонзо-раськедензэ.

Произведениясонть эрямонь-аштемань тевтне, перть-пельксэнь мазычинть вельде прянь ветямонь ды оймеёжонь мельтнень маштозь кепедемась. Авторонть мелявтоманзо ломантнень ютксо сюлмавкстнэде: прянь ветямодост, важоде-мадост, пертьпельксэнть вечкемадо ды сонзэ ванстомадо.

Произведениянть жанрань ды композициянь башка ёнксонзо, кель-валонь художественной сюпавчизэ. Повестьсэнть лирической ушодкстнэ, сонзэ эйс ёвтнематнень совавтомась.

Афанасий Матвеевич Осипов (Артур Моро) «Русь», стихотворения (1ч)

А.М. Моро — содавикс поэт-лирик, конань башка стихотворе-ниянзо кармасть улеме мороке. Ёжомарямонь невтемась, эрямос кемемась ды эрямонть вечкемась — сонзэ поэзиянть смустезэ.

«Русь» стихотворениянть лувонзо ванномась. Эйсэнзэ Росси-янть мазычинзэ ды сонзэ сюпав ойме ломантнень гайгевтемась. Полавтоматне, конат теевсть Россиясо стихотворениянть сёрмадома шкадонть мейле.

Кель-валонь мазычинь невтиця средстватне, конатнень вельде поэтэсь арты пертьпельксэнть ды ломантнень потмоёжост.

Анатолий Прохорович Тяпаев «Шабрат», повесть (4ч+1ч.к/к)

А.П. Тяпаев — эйкакшонь содавикс сёрмадей, сон сёрмады эсь произведениянзо мокшонь кельсэ.

«Шабрат» повестенть идейно-тематической лувозо. Сонзэ эйсэ кепедезь проблематне. Авторонть мелявтомазо ёмиця-кала-дыця велетнень коряс. Произведениянть героензэ. Сашоконь ды Машань образтнэ.

Повестенть художественной юрозо. Авторонть сёрмадомань ёроковчизэ. Юморось ды пеедькшнемась произведениясонть. Повестенть превс путомань смустезэ.

Пётр Уварович Гайни (Поздяев) «Таня», поэма (2 ч+1ч.к/к)

Тонавтыцянть валозо Таня Бибина крановщицадонть. «Таня» поэманть ёвтнема лувозо ды сюжетэзэ. Событиятнень ды герои-нянть образонзо видестэ невтемась. Апак пеле прянь ветямось: Таня ванстась зярыя ломанень эрямот. Тейтеренть обуцянзо пан-жомсто кель-валонь мазычинь невтиця средстватне ды приём-тне. Потмо мелензэ панжомась, ванькс нравственной виесь геро-инянть эрямо койсэ ды бажамосо.

«Таня» поэманть художественной виев ёнксонзо ды келень мазычизэ.

Сонзэ ритмиказо ды строфиказо.

Серафим Емельянович Вечканов «Концерт», стихотворения (2 ч)

СЕ. Вечканов — эрзянь содавикс поэт, ламо паро стихень сборникень автор. Сонзэ стихензэ темань келейчись. Ламот стихтнень велень эрямонть невтемантень алтамост. Велесь —

ветиця тема поэтэнть шкинемасонзо. «Концерт» стихотворе-ниясонть эсь чачома ёнксонть вечкеманть, сонзэ важодицят-нень ды ёроковчинть гайгевтемась. Стихсэнть художественной приёмтне, конатнень вельде невтеви эрзянь ёроков ло-мантнень путовксост минек масторонть изнявкстнэнень. Сти-хотворениясонть патриотизмань домка ёжомарямотне. Сти-хотворениянть композициязо, кель-валонь мазылгавтомань средстванзо. Сынст кеме сюлмавомаст стихенть ёвтнема лу-вонзо марто. Лементь смустезэ стихотворениянь зэменть пан-жомасо.

Валентина Ивановна Мишанина «Пингенъ ортат», повесть (3ч+1ч.к/к)

В.И Мишанина — мокшонь кельсэ ёвтнемань ды повестень сёрмадыця. Эрзя-мокшонь веленть войнадо мейлень стака эря-монть невтемась «Пингень ортат» повестьсэнть. Прявт герои-нянть Татю тейтеренть образось. Сонзэ эрямонтень аламонь-аламонь совамозо ды обуцянзо кемекстамось. Сёрмадеенть покш ёроковчизэ эйкакштнэнь потмоёжост панжомасо. Повестенть лирической юрозо.

сонзэ ломантнеде, сынст подвигдест. Тиринь келесь. Синонимтне, антонимтне, омоним-тне, од ды ташто валтнэ. Ловномс текст мокшонь кельсэ.

Тонавтнезенть мель ледстямось (1 ч)

1.3. УЧЕБНО-ТЕМАТИЧЕСКОЙ ПЛАНОСЬ

1.4. КАЛЕНДАРНО-ТЕМАТИЧЕСКОЙ ПЛАНИРОВАНИИЯСЬ

1.5. ВЕШЕМАТНЕ СИСЕМЕЦЕ ؚқА谡ЩОНЬ ПРЯДО된СТО

Сисемеце классонь прядомсто тонавтницятненень эряви

Содамс:

- тонавтозь произведениятнень содержанияст;

- писательтнень эрямонь ды творчествань кист;

- теоретико-литературной чарькодематнень;

Маштомс:

- тееме анализ произведениятнень туртов;

- тееме план;

- максомо литературной геройтненень характеристика;

- тонавтнезь произведениятнень ловномо ежомарязь;

- цитатань кочкамо.

1.6. УЧЕБНО-МЕТОДИЧЕСКОЙ ЛИТЕРАТУРАСЬ

1. Тиринь литература 7 кл. Учебник-хрестоматия эрзянь школань

7-це класснэнь.В.П.Видманова, Е.И.Чернов. – Саранск: Морд.изд., 2004

2. Мокшэрзянь эйкакшонь литература. 5-9 классо тонавтницятненень     Аволь классо ловномань книга. М.И.Ломшин. - Саранск: Морд.изд., 2008

3. Мордовская литература. А.И. Брыжинский. Е.И.Чернов.

4. Родной литературань методика. А.Г.Борисов. А.Г.Самошкин.

5. Мордовской советской литература. В.В.Горбунов ды лият.

6. Мордовские пословицы и поговорки. К.Т.Самородов.

7. Родной литературань тонавтомань методика. М.И.Ломшин.

8. «Чилисема», «Сятко» журналтнэ, «Эрзянь правда», «Эрзянь мастор»

газетатне.