Нина Куратова "Куим вожа тополь" повесьт серти восьса урок кежло материал.
план-конспект урока (11 класс) по теме

Тема: Мыйын мортлöн  шудыс, пипилисты сöкöлыс…

                                                     Ме тэнад юкмöсысь

                                                              содзтырйöн гумовта васö, чöскыдсö…

                                                        Ме тэнад сьöлöмысь гумовта

                                                                  Шоныдсö сьöлöмö…

                                                         Мед сöмын сьöломад шоныдыс

                                                                     другöн оз помась(Н. Обрезкова)

Мог: Талунъя урок- Нина Куратова гижöдъяс кузя ёрта сёрни. Тані позьö сетны геройяслы да лоöмторъяслы асшöр донъялöм, вензьыштны ёртъяскöд , дорйыны ассьыныд видзöдлас.Медбур кывкöртöдыс лоö сійö, мед эськö ті верминныд петкöдны талунъя урокысь асшöр олöмо быдöн мыйкö ассьыс,но бурöс, сöстöмöс, югыдöс..

Велöдысь:Кутшöм сійö, морт олöмыс? Кыдзи ми сійöс аддзам? Талунъя том йöз…Öні ми тöдмасям асшöра мöвпа серпасъясöн.

Велöдчысьяслöн  микрогруппа висьтасьö асланыс презентация кузя.(приложениеын)

Кывкöртöд: Серпасыс быдöнлöн аслыспöлос…Но öтитор гöгöрвоана-  ті восьса синмöн видзöданныд олöм вылас, гöгöрвоанныд, мый морт оломын вермас паныдасьлыны  уна мытшöд. А донъявны быдöнöс кутасны сы серти, кыдзи ми кужим венны тайö сьöкыдлунъяссö..

А вермас-ö лоны югыдöн олöм, ставыс кö заводитчис тадзи..

Видеоролик.Левитан. Война заводитчом.(1 минут)

       Уроклöн мунöм:

Велöдысь:Эг прöста ми тіянкöд кывзöй тайö гижöдсö.Уна йöзлысь гудыртіс олöмсö тайö войнаыс. Тшоöтш и война кадö быдмöм челядьлысь. Буретш на лыдö и веськалö Н.Н.Куратова.

- Н.Куратова творчество кузя  челядьлöн доклад. «Н.Н.Куратова- война кадö быдмöм гижысь»

Велöдысьлöн кывкöртöд:  Уна сьöкыдлун пыр муніс гижысь. Но лыддьö –ö асьсö шудтöмöн? Öд ассьыс бöръя гижöд чукöрсö нимтіс «Менам сикöтш-ожерельеöй» Сідзкö,Нина Куратова шуда аслас гижöдъясöн.Эз кокни вöв сылöн олоöм-судьбаыс, но сы вылö видзöдтöг, ассьыс олöмсö ыдждöдлö сикöтш- ожерелиеöн. «Мои года- моё богатство» .А кутшöмöсь сылöн геройясыс?

   Учительлöн кыв:Война…Тайö страшнöй кывйыс поздысис ыджыд дойöн быд семьяö, тшоктіс выль ног видзöдлыны олöм вылас, выль ног донъявны олöмысь быд вöчöмтор. Ыджыд испытаниеöн лои сійö и Нина Куратова геройяслы.

-«Батьяс йылысь висьт» повесьт. Лöсялö-ö -ЯС суффикс БАТЬ кыв доро?

Мыйла Н.Куратова гижöд серти спектакльлы нимсö сетöма «Кык бать»? Кодлысь да мыйын позьö босьтны олöманыд пример?

Велöдчысьяслöн вочакывъяс серти дöска вылö петкöдам:

- Радейтны.

-Гöгöрвоны.

-Венны олöмын паныдасьлысь сьöкыдлунъяс.

Велöдысь: Символическöйöн лоö и Н.Куратовалöн  мöд гижöд ним- «Куим вожа тополь».

 -Мый символизируйтö  тополь? Кутшöм куим вож йылысь мунö серниыс? Восьтам гижöдын петкöдлöм шöр лоöмторъяс

Челядьлöн вочакывъяс..

1.- Видлам висьтавны салдатлöн война вылысь бергöдчöмсö Даниллöн синъясöн.

 Данил нимсянь повесьт юкöн висьталöм.

2.- Вежсяс-ö, мыйкö,та йылысь кö висьталас Галина.

Галина нимсянь тайö жö юкöнсö восьтöм.

Велöдысь: Данил.Война сьöкыдлунъясысь повтöм морт. Герой…Но быдлунъя олöмас сійö вошö…

-  Мыйла мам немтор оз висьтав Галиналы…Öд ставсö тодіс!

Видзöдам «Куим вожа тополь»спектакльысь фрагмент.

0.16. Галина тодмалö збыльторсö.

Велöдысь:Дой…радлун…сьöкыдлун…Ми на вылö видзöдлім разнöй герой синъясöн...Тадзи жö лоö и миян водзö олöмын. Но тіян быдöнлöн эм аслас донъялöм- и тайö медся коланаыс…

- Лыддям Галина да Даниллöн бöръя аддзысьлöм йылысь.

Текстысь юкöн выразительнöя лыддьöм.

- Урок кузя кывкöртöд : Ми талун сувтöдім ас водзö уна мыйла юалöм… Став вылас-ö вочавидзим?

Велöдчысьяслöн вочакывъяс.

- Кутшöм юалöм коли восьсаöн? Бергöдчывлам Нина Куратовалöн повесьт ним дорö.Мый вылö чужö му вылас морт. И кони мортыслöн шудыс?

Вочакывъяс кывзöм.

Шуд…Овлö, корсьöны сійöс нэм чöж…Со кыдзи мöвпалö та йылысь американскöй психолог Дейл Карнеги… А кывкöртöдсö быдöн асьныд вöчанныд…Чужöм мöвпъястö пасъянныд торъя листъяс вылö…

Н.Н.Куратова «Куим вожа тополь» повесьт. Данил нимсянь  война вылысь локтöм йылысь висьт.

Ура! Война помасис.Гортö! Гортö! Кузь лои менам туйöй Типö грездысянь да госпитальöдз. Быдса квайт во эг вöв гортын. Война медводдза лунъяс.Сэсся отступление. Кымын кар а сикт лои эновтома ворогысь борыньтчигон.Кымын кар да сикт бор мездöма., кымын «языкос » кыскома ас пельпомъяс вылын. Ранитчывли кыкысь, но кыкнанысьсо кокньыда.Первой война первой вонас фриц ранитис, мед ёнджыка скормодны мено. Миянос, Парма ошъясос, ворзьодлы! Морос тыр награда зэ жо простаысь сетны! Модысьсо Берлин босьтигон ворог кырымпассо пуктис. Ыджыд аттьо батьлы , мый велодис гусьон ворти ветлыны, ув трачнитом серти тодмавны быд поткаос, веськавны урлы веськыда синмас. Ачыс тай, коть и порысь, снайпералома, ворог пуля уло веськалома. И кык вок усьомаось. Кыдзи кута буродны мамос да моньясос?! Бурджык ещо отчыд фрицкод паныдасьны…

              Да, готрасьны- семьитчыны войнаодз эг удит. Оз позь шуны, мый нывъяс эз радейтны.Сандрушка весиг ас кион вышивайтом носовик козьнавлис. Сылы эсько и косйысьли армиясянь письмояс ыставны. Но вот тай…Белоруссияса ныв,Лилякод аддзысим… Кузь война чожыс сьолом пытшкын олис сылон нимыс..А Сандра сэсся Данька ыджыд вок саяс петома.

                Чайти, ставыс бур. Эк, оз на тай косйом серти артмы! Локти, позьо шуны бордъяс вылын лэби.. А Лиля кага нин виччысьо, мод сайо мододчома.Эк…! Не ко ЛилялонГалина чойыс, код тодас, мый юрад посьвывсьыд воас… Быдмома, рочакань кодь лома…Сёрнито рама да шаня, и пыр нюмдыштома. А вот мися босьта тайо том нывсо да горто готыр пыдди нуа! А сийо, йоюкыд, косйысис…

И со ми поездынось. А колесаяс юасьоны быттьо: МЫЙ- ТЭ ВО-ЧИН, мый-тэ во-чин?!

Марпа нимсянь серникыв.

- Со од, бобояс, со од! Локтис муса пиой менам… Нёль мужикос колльоди, да оти локтис… И ичмоньос вайома…