Габдулла Тукай "Илдә калдың җыр булып"
презентация по теме

Слайд 1

Слайд 2

Тукайның кечкенә вакыттагы фотосурәтләре сакланмаган , дөресрәге, балачакта ул фотога төшмәгән, чөнки ул чорда авылларда фотограф булмаган . Шагыйрь 1903 елда унҗиде яшендә беренче тапкыр объектив каршына басарга җөрьәт итә . Тукай озын буйлы шәкерт янында басып тора.

Слайд 3

Габдулла Тукай Мотыйгулла Төхфәтуллинның улы Камил белән 1905-1907 елларда Уральск шәһәрендә бик тыгыз хезмәттәшлектә була . Бу фото ( сулда – Камил , уңда – Габдулла ) – шул еллардагы мөнәсәбәтләрнең шаһиты .

Слайд 4

Г.Тукайның Уральскидагы матбагада эшләгән вакытында төшкән фоторәсеме. 1905 ел.

Слайд 5

Г.Тукай Уральскидагы иптәшләре арасында . 1907 елгы фоторәсем . Сулдан : Нәҗип Нигъмәтуллин ( буфетчы ), Курушкин (бухгалтер), Рәхмәтулла Хәйруллин (приказчик), Габдулла Тукай, Сираҗетдин Белюков (шәкерт, Тукай белән бергә мәдрәсәне ташлап чыга ).

Слайд 6

Габдулла Тукай Казанга килгән чорда . 1908 ел

Слайд 7

Г.Тукай һәм Ф. Әмирхан 1908 ел.

Слайд 8

Өч дус , өч шагыйрь . Тукай, уртада Сәгыйть Рәмиев, җирдә – Фәхрелислам Агиев .

Слайд 9

Әстерханда 1911 елның җәендә төшкән фоторәсемдә Габдулла Тукай, Сәгыйть Рәмиев, Шаһит Гайфи . Тукай Әстерханга баргач , Шаһит Гайфи анда аның яшәешен кайгыртучы була . Тукайны күп тапкырлар кымыз эчәргә алып баралар . Әстерханда Тукай шифаханә шартларында яши .

Слайд 10

Әстерханга Г.Тукай килү уңае белән 1911 елның җәендә төшерелгән фоторәсем . Урта рәттә сулдан : артист Зәйни Солтанов , Габдулла Тукай, шагыйрь Сәгыйть Рәмиев.

Слайд 11

Г.Тукай. 1912 елгы фоторәсем . Тукайның бераз гына елмаеп төшкән бу бердәнбер фотосы .

Слайд 12

Г.Тукайның дусты Ф. Әмирхан , Г. Коләхмәтов , К. Коләхмәтов белән төшкән 1912 елгы фоторәсеме .

Слайд 13

1913 ел. Казанның Клячкин хастаханәсе . Бер тәүлектән Тукайның йөрәге тибүдән туктаячак . Дуслары шагыйрьнең көннәре санаулы булуын аңлап, аның рөхсәте белән 1 апрельдә хастаханәгә фотограф чакыралар . Фотога төшүчеләр өчәү була . Әмма рәхимсез цензура монда да үз эшен эшли , үлем түшәгенә калган Тукайны караучылар сурәттән " сөртелә ". Тукай үзе генә кала.

Слайд 14

Татар халкының бөек шагыйре 1913 елның 15 (2) апрелендә кичке 8 сәгать 15 минутта күзләрен мәңгегә йома ... Шагыйрьнең вафатыннан соң йөзеннән төшереп алынган гипс битлек бүгенге көндә Казандагы Г.Тукай Әдәби музеенда саклана .

Слайд 15

Татар халкы үзенең сөекле шагыйре Габдулла Тукай белән 1913 елның 17 (4) апрелендә хушлаша . Шагыйрьне соңгы юлга озатырга Казан урамнарына бик күп халык чыга . Алар арасында – шагыйрьнең якын дуслары , дин әһелләре , газета–журнал, нәшрият хезмәткәрләре, "Сәйяр" артистлары , шәкертләр, студентлар һәм, гомумән, бик күп төрле катлау халкы . Шагыйрьнең җеназасы Печән базары мәчете каршында .

Слайд 16

Габдулла Тукай кабере өстендә һәйкәл