рабочая программа по удмуртской литературе для 6 класса
календарно-тематическое планирование (6 класс) по теме

I ВАЛЭКТОН

Литературая урокъёс азьын бадзымесь ужпумъёс сыло. Валтисез соос полысь — произведениез дунъяны быгатись но солэсь чеберлыксэ валась лыдзисез будэтон. Со понна литературной произведениез кыл устолыклэн куронъёсызъя эскероно. Таин валче, текстын возьматэм учыръёслы сяна, лыдзись саклык мед висъялоз авторлэн сётэм дунъетэзлы но сое возьматон амалъёслы, кыллэн аспортэм кужымезлы.Та ужпумъёсты быдэстон понна, программае дэмламын выли зечлыкен произведениос, тросэз соос полысь та дырозь литературной улонлэн «вужераз» кылемын вал. Кыл устолыклэсь азинскемзэ возьматон вылысь пыртэмын финн-угор литератураысь произведениос, кудъёсыз огдыре ик пусъё портэм калыкъёслэсь дунне шоры огкадь но ас сяменызы учкемзэс. Программаын бадзым инты висъямын калык кылослы: выжыкылъёс, мадиськонъёс, кырзанъёс, пословицаос но поговоркаос, удмурт писательёслэн портэм темаен но жанрен гожтэм произведениоссы. Материалъёс программае люкамын идейно – тематической принципъя. Литературалэсь кыл искусство луэмзэ, произведенилэсь аспортэмлыко радъяськемзэ валэктон понна, пиналъёслы теория сярысь валан сётоно. Коть куд классын валтись валатонъёс (терминъёс) висъясько, соосты арысь аре азинтоно но муромытоно:

V        класс — родъёс;

VI        класс — родъёс но жанръёс;

VII        класс — характер — герой — образ;

VIII        класс — литература но традиция;

IX        класс — фольклор дунне но соин герзаськем валатонъёс;
X—XI клаесъёс — литературной процесс.

VI классын — литературая  лыдзиськон урокъёс.Тужгес но сюлмаськоно пиналъёсты выразительно лыдзиськыны дышетон сярысь(кылъёсты шонер вераны, логической ударениосты интыяз пуктыны, кулэ интыяз куараез воштыны, вис лэсьтыны).  Пиналъёслы умой валэктоно, кызьы лыдзоно лирической кылбурез но басняез, диалогез но монологез, повествовательной но описательной текстъёсты.Произведениез эскерон дыръя, трос инты висъяно солэсь идейной пуштроссэ валанлы, йылпумъянъёс лэсьтонлы.Темазыя но пуштроссыя ог – огзылы матын луись произведениосты чошатыса эскероно, соин чош ик портэм луэмзэс возьматоно, коня ке произведениосты огазеяса, выводъёс лэсьтыны дышетоно. Программаын бадзым инты висъямын пиналъёслэсь творческой луонлыкъёссэс волятонлы, малы ке шуоно, гожъяськыны быгатись адями писательлэсь произведенизэ валасагес дунъя. Кызьы пусъё туала тодосчиос, «пичи писатель» луон юрттэ «бадзым лыдзись» луыны.Озьыен, литература урокъёсын пиналъёс дышыны кулэ:

1. вольыт но чебер лыдзиськыны, авторлэсь мылкыдзэ шараяны;
2. произведенилэсь проблематиказэ висъяны;
3. текстлэсь жанр но род ласянь портэмлыксэ валаны;
4. кыллэсь чеберлыко кужымзэ шодыны;

автор — текст — лыдзись кусыпъёслэсь радъяськемзэс чакланы;

произведениез котыр ласянь сэрттыны-пертчыны, эстетической (чеберлык ласянь)             дунъет сётыны;

5. гожъяськыны быгатонлыкъёссэс азинтыны.

Программаын произведениез эскерыны часъёс пусъемын цвцл. Дышетьсь, учебной планэз лыдэ басьтыса, котькуд темалы дыр ачиз висъя ны быгатэ.VI классын дышетыны дэмлам произведениос тазьы люкылэмын:

-классын дышетоно произведениос;

      -ватсаса лыдзыны дэмлам произведениос;

      -учкытэк вераны дэмлам произведениос.

Удмурт литературая программаез дасязы Л.П. Фёдорова, С.Т. Арекеева, В.Л.Шибанов, Ф.К.Ермаков,филология наукаосъя кандидатъёс. Огъя редакциез Л. П. Фёдоровалэн. Чакламын но утвердить каремын Удмурт Элькунысь дышетонъя министерствоен 2002 –ти арын. Программа чакламын 54 часлы, мукет сямен вераса, арняяз 1,5 часлы.  

II Учебно – тематической план

III Дышетон курслэн содержаниез

VI класс (54 час)

Азькыл (2ч)

Эпос, лирика но драма сярысь тодэ ваён. Литератураын жанръёслэн интызы.

Флор Васильев. «Шудмы огъя»

Вордиськем шаерез данъян. Образъёслэн кузэн-кузэн кутиськемзы. Бадзым родина но пичи родина.

Фольклор но литературалэн кусыпъёссы (6ч+2ч)

Писательёслэн фольклор материал бордын ужамзы, калык кылослэсь чеберлыксэ дунъямзы.

Михаил Худяков. «Дорвыжы».

Вашкала эпосъя гожтэм люкет. Бурсин батырлэн он Сьолта батырлэн образъёссы. Удмурт баыръёс сярысь.

Быгатисьлэн сэрегез. Бурсин но Сьолта батыръёслэсь образъёссэс суред вылын кылдытон.

Элиас Лённрот. «Калевала».

Карело-финн эпосысь валтись геройёс. Вяйнямойнен – батыр но туно. Сюжетлэн аспортэмлыкез.

Кузебай Герд. «Инъёс»

Вашкала мифъёсъя авторлэн кылдытэм текстэз. «Зарни дауръёслэсь» быремзэс возьматон.

Кузебай Герд. «Эльбай». Генрих Гейне «Лорелея».

Удмурт но немец мифъёс вылын кылдытэм кылбуръёс. Вунылъёслэн но адямиослэн яратэмзылэн кышкыт палыз.

Быгатисьлэн сэрегез.Сётэм сюжетъя кылбур гожтыны дышетскон.

Литература (36ч+7ч)

Эпос (21ч+5ч)

Эпической текстъёслэн радъяськемзы но аспортэмлыксы.

Анатолий Леонтьев. «Сюрес усьтиське мынисьлы».

Вашкала удмуртъёслэн лымшор пал калыкъёсын портэм кусыпъёссы. Аръёс сярысь урод кыл волдон. Вашкала улонлэн тодметъёсыз. Пиналъёслэн бадзымъёслы юрттэмзы.

Повесть сярысь валан.

Быгатисьлэн сэрегез. Сюжет но солэн ёзнэтъёсыз.

Трофим Архипов. «Лариса».

Быдзым Отечественной войнаез возьматон. Ларисалэн усто разведчик луэмез.

Верослэн аспортэмлыкъёсыз сярысь валан.

Пётр Блинов. «Улэм потэ».

Граждан ож бере пиналъёслэн шуг-секытъёсы шедемзы. Олёшка но Деми – огдыре ик тушмонъёс но эшъёс. Авторлэн пеймыт городэз но гуртэз ваче пумит пуктэмез.

Романын юморлэн но сатиралэн интызы. Омельлэн образэз, со шоры портэм сямен учкон.

Роман сярысь валан.

Быгатисьлэн сэрегез. Романын возьматэм учырез мукет геройлэн синмыныз адзон.

Пётр Чернов. «Бектыш нюлэс буйга».

Повестьын зэмос эшъяськонэз возьматон. Произведенилэн сюжет ласянь радъяськемез.

Лирика (9ч)

Лирикаысь жанръёс но соослэн портэмлыксы.

Филипп Кедров «Оскы, Родина!»

Быдзым Отечественной война вакытэ боецъёслэсь патриотической мылкыдзэс данъян. Гражданской пуштросъем лирика. 

Михаил Ильин. «Пилемъёс».

Кылбурын образъёслэн радъяськемзы. Пилемез портэм лулосъёсын чошатон.

Чошатон сярысь валан.

Владимир Романов. «Вало».

Вало шур нимез мифъёсын вал образэн герзан. Шурез арлэн портэм дыръёсаз возьматон.

Чошатон но метафора сярысь валанэз муромытон.

Быгатисьлэн сэрегез. Чошатонъёс но метафораос бордын ужан.

Афанасий Лужанин. «Бусъёсын шобырскизы».

Бер сизьыллэсь чеберзэ возьматон. Кылбурын сизьыллэн но тулыслэн тодметъёссы, соосты артэ пуктон но чошатон. Кылбур но соя гожтэм кырзан.

Михаил Петров. «Байгурезь йылысен».

Кылбурлэн инты ласянь радъяськемез. Кылбурысь геройлэн образэз. Текстлэн гражэданской пуштросэз.

Василий Ванюшев. «Дунъёс».

Кылбурын «дун» кыллэсь кык портэм пуштроссэ висъян, соосты «дунне» кылэн аспортэмлыко герзан. Инкуазез утён тема.

Лирической герой сярысь валан.

Драма (7ч+2ч)

Драматической текстъёслэн трагедилы, драмалы но комедилы люкиськемзы..

Игнатий Гаврилов. «Кезьыт ошмес» .

Геройёслэн кык ваче пумит луись кужымъёслы висъяськемзы. Узыръёсты но куанеръёсты суредан амалъёс. Драмалэн комической но трагической тодметъёсыз.

Ремарка сярысь валан.

Быгатисьлэн сэрегез. Эпической текстэз драма пуштросъем текстлы пормытон.

Огъясь творческой уж(1ч)

Портэм жанрен гожтэм произведениосты чебер но вольыт лыдзонъя конкурс.

«Мынам яратоно писателе» темая кенешон.

IV Ватсаса лыдзыны дэмлам произведениос

«Атас но зичы», «Лудкеч, зичы но атас», «Мурт но обыда», «Бака эмеспи», «Эштэрек» мадён.

«Мурза Тептярёв, воевода но Сенька».

Николай Васильев. «Бадзым кызлэн вужерез».

Трофим Архипов. «Ортчеменыз пумиськон»

Кузебай Герд. «Мед луоз вал».

Владимир Владыкин. «Вашкала книга».

Пётр Поздеев. «Туш шуд».

Владимир Романов. «Подмась Камаш».

Даниил Яшин. «Тулыс»

V  классын дышетскисьёс быгатыны кулэ:

-произведенилэсь сюжетсэ, геройёслэсь возьматэм событиосын герзаськемзэс валэктыны;

- лыдзем тексысь люкетъёссэ висъяны;

- портэм текстъёсты жог, вольыт лыдзыны;

- пичигес текстъёсты, бадзым произведениысь ог люкетсэ тупен-тупен вераны но гожтыны;

- сётэм юанъёсъя сочинение-рассуждение гожтыны;

- ас понназы лыдзем книгаез, веросэзх шонер дунъяса вераны но гожтыны;

- текстысь кыл чеберман амалъёсты, инкуазь суредъёсты шедьтыны.

VI Литература

Удмурт  литература : 6-ти класслы  учебник – хрестоматия /Дасязы  Г.А.Ушаков, В. Л.Шибанов. - Ижевск: Удмуртия, 2003 ар

VII Календарно – тематической план.