Вахит Хаковның фәнни мирасын тирәнтен өйрәнү өчен авторлык программасы
материал

МГББУ ”ТР Буа районы

Килдураз урта гомуми белем бирү мәктәбе”

Вахит Хаковның фәнни мирасын

тирәнтен өйрәнү өчен

авторлык программасы

Башкаручы:

Килдураз урта гомуми белем бирү

мәктәбенең татар теле һәм әдәбияты

 укытучысы

Яруллина Зөһрә Зәет кызы

    Җитәкче:

филология фәннәре кандидаты,

доцент Кузьмина Халисә Хатиповна

Буа - 2018

Аңлатма язуы

Яшь буынны халкыбызның рухи һәм мәдәни хәзинәләре нигезендә тәрбияләүнең зарурлыгы һич бәхәссез. Милли үзаңы, милли горурлыгы булган, үзенең тарихи тамырларын яхшы белүче кеше генә үз халкын ярата, сөя, үз милләте, үз якташлары өчен янып-көеп йөрүче һәм шуңа сәләтле булып үсә. Шушы җитди һәм гаять җаваплы бурычны уңышлы хәл итүдә төп чыганак – иге-чиге булмаган әдәбият дәрьясы,  камил булган туган телебез. Һәр төбәкнең үзенең  күренекле шәхесләре була. Алар турында горурланып сөйләнелә, кылган гамәлләре хөрмәтләнә,   яшь буынны да шулар үрнәгендә тәрбияләү  максаты куела. Укучыларга якын җирле материал зур кызыксыну уята.

Бүгенге көндә татар телен һәм әдәбиятын өйрәнгәндә  күренекле тел галиме, тәҗрибәле педагог, филолог- тюрколог, филология фәннәре докторы, Казан дәүләт университеты, Татарстан Республикасының атказанган фән эшлеклесе  Вахит Хөҗҗәт улы Хаковның  иҗатын тирәнтен  өйрәнүне   максат  итеп куям.

Безнең алда түбәндәге бурычларны хәл итү тора:

- күренекле тел  галименең  тормышы белән  тулысынча танышу;

- галимнең хезмәтләреннән  рухи ризык алу;

- галимнең  тәрҗемәи хәле, хезмәтләре үрнәгендә  тормышка әзер  шәхес тәрбияләү;

- укучыларга Вахит Хаковның хезмәтләре аша милли рух иңдерү, милли тәрбия бирү .

Эшнең актуальлелеге:

Күренекле тел галиме Вахит Хөҗҗәт улы Хаков үзенең бөтен гомерен татар телен саклап калуга, аның тарихи серләрен өйрәнүгә һәм дөньяга таратуга багышлаган. Галимнең исеме төрки дөньяга  гына түгел, ә чит илләрнең телче-галимнәренә дә таныш. Якташ галимнең хезмәтләрен  тирәнтен өйрәнү, аңлау,  анализлау зарур. Укучылар Вахит ага Хаков турында  мөмкин кадәр күбрәк белемнәрен арттырсыннар өчен шушы  авторлык программасы  төзелә.

     Бу программа буенча   9 сәгать  вакыт бирелә.

Программаның эчтәлеге

1. Тема:  Тормыш юлы белән танышу. -1 сәгать.
2. Тема: “Тел – тарих көзгесе”
3. Тема : “Вахит Хаков Һәм стилистика”
4. Тема:  ”Тел күрке – сүз”                                                                                                            
5. Йомгаклау.  1 сәгать .  

Көтелгән нәтиҗәләр:

1. Укучылардан галимнең тормыш юлы һәм иҗатына багышланган эшләрен яклату.  
2. Презентацияләр ясау.
3. Якташыбыз, татар теленең олы галиме Вахит ага Хаковка  багышланган кичә.

Материалны тематик планлаштыру

Кулланылган әдәбият

1. Буа ягым – тау ягым.  – Казан: Тат.китап нәшрияты, 2000.  –  ... б.

2.  Хаков В.Х. Туган як һәм туган тел хисе.  – Казан: КДУ нәшрияты,

2007. – 220 б.

3. Хаков В.Х. Тел – тарих көзгесе. – Казан:Татарстан китап нәшрияты, 2003. – 295  б.

4. Хаков В.Х. Стилистика һәм сүз сәнгате. – Казан: Татарстан китап нәшрияты, 1979. – 158 б.

5. Хаков В.Х. Мәктәптә стилистиканы өйрәнү. – Казан: Татарстан китап нәшрияты, 1970. – 127 б.